Myndlistarsýning Erlu S. Haraldsdóttur – Genesis

Genesis – Erla S. Haraldsdóttir

Laugardaginn 29. október kl. 14

Genesis

Myndlistarsýning í forkirkju Hallgrímskirkju Genesis er heiti sýningar Erlu S. Haraldsdóttur. Sköpunarsagan liggur til grundvallar sýningunni. Erla sýnir sjö ný málverk. Sköpunarsagan er þekkt stef í kirkjulistasögunni og gengur Erla inn í þá hefð á eigin forsendum með því djarfa litaspili, þykku málningu og ríkulegu tilvísunum sem einkenna verk hennar. Erla vísar meðal annars í safn íslenskra miðaldateikninga, „Sköpun jarðkringlunnar“ úr Íslensku teiknibókinni. Laugardaginn 29. október kl. 14 mun Erla ræða um verk sín í forkirkju Hallgrímskirkju og svara spurningum.