Fyrsta skóflustungan 1945

5. desember 1948, vígsla Hallgrímskapellu, fyrsta hluta kirkjunnar. Fremst á mynd er Vörðuskóli. Í baksýn eru braggar og Hnitbjörg. Skólavörðuholt.

Í dag, 14. desember, eru 73 ár frá því fyrsta skóflustungan var tekin að Hallgrímskirkju. Sá merki viðburður vakti enga athygli og enginn fjölmiðill sendi fulltrúa sinn og því var hvergi greint frá tiltækinu og engin mynd var tekin. En kvenfélag Hallgrímskirkju lét sig það litlu varða og bakaði með gleði upp kapellu og turn stórkirkjunnar. Þökk sé þeim einbeittu konum. Þær eru meirihluti ofurhugaliðsins. Þegar byrjað var á byggingu kapellunnar, neðri hluta kirkjukórsins, var á holtinu braggabyggð stríðsáranna. Það var erfitt að afla heimilda fyrir lóð fyrir kirkjuna. Svo hafði hernámsliðið ekki mikla þolinmæði fyrir eitthvert kirkjurask í miðri heimsstyrjöld. Miðað við fátækt fólks var fáránlegt að láta sig dreyma svona stóra byggingu, hvað þá að fara af stað. En kapellan var svo vígð tæplega þremur árum eftir að mold og möl var fyrst hreyfð og grunnur tekinn. Vígslan var 5. desember 1948.

Um undirbúning byggingar Hallgrímskirkju er vænlegast að lesa hina nákvæmu og læsilegu Hallgrímskirkjubók dr. Sigurðar Pálssonar um sögu og starf Hallgrímskirkju, Mínum Drottni til þakklætis.

Stutta útgáfan um upphaf kirkjunnar er í prédikun þegar minnst var 70 ára afmælis vígslu Hallgrímskirkjukapellunnar. Sjá þessa smellu: