Sr. Inga Harðardóttir kveður Hallgrímssókn

Það eru spennandi tímar framundan hjá sr. Ingu Harðardóttur fráfarandi æskulýðsfulltrúa Hallgrímskirkju en hún heldur til Noregs nú um mánaðamótin til að þjóna sem sóknarprestur íslenska safnaðarins í Osló.

Kveðjukaffi var haldið henni til heiðurs í Suðursal Hallgrímskirkju í gær þar sem hún var leyst út með gjöfum og hlýjum kveðjum. Inga hefur starfað í Hallgrímskirkju í tæp sjö ár sem æskulýðsfulltrúi og farið fyrir miklu og góðu starfi fyrir börn og unglinga á þeim tíma.

Um leið og við þökkum Ingu ómetanlegt starf í þágu Hallgrímssafnaðar á undanförnum árum þá óskum henni og fjölskyldunni gæfu og Guðs blessunar á öllum þeirra vegum um ókomna tíð.