Umhverfismessa og barnastarf sunnudaginn 13. október kl. 11

Umhverfismessa og barnastarf
17. sunnudagur eftir þrenningarhátíð

 

Frú Agnes M. Sigurðardóttir, biskup Íslands, séra Irma Sjöfn Óskarsdóttir og séra Sigurður Árni Þórðarson þjóna fyrir altari.

Dr. Mark MacDonald, biskup frumbyggja í Kanada innan Anglikönsku kirkjunnar prédikar (sjá neðar umfjöllun um kanadíska biskupinn) Messuþjónar aðstoða.

Organisti Björn Steinar Sólbergsson. Félagar úr Schola cantorum syngja. Rósa Árnadóttir og Ragnheiður Bjarnadóttir stýra barnastarfinu.

Kaffisopi eftir messu.

Allir hjartanlega velkomnir!

Messuskrána er að finna hér fyrir neðan í tölvutæku formi:

191013.Sautjándi.sd.e.þrenningarhátíð – Umhverfismessa

Nánar um Dr. Mark MacDonald:

Kanadíski biskupinn hefur frá árinu 2007 hefur haft yfirumsjón með kirkjulegri sálgæslu allra frumbyggja sem eru innan Anglikönsku kirkjunnar í Kanada. Hann hefur einnig verið forseti Alkirkjuráðsins í Norður-Ameríku frá árinu 2013. Sjálfur er hann af frumbyggjaættum bæði í móður- og föðurætt.

Mark MacDonald hefur hlotið margskonar viðurkenningar fyrir þjónustu sína við frumbyggja og fyrir framlag sitt til þess að styrkja vitund Kanadabúa um gildi umhverfismála.

Mark MacDonald er einn af aðalræðumönnum á Hringborði norðurslóða í Hörpu sem fram fer í vikunni og tekur þátt í Skálholtsráðstefnu um „Umhverfissiðbót í þágu jarðar“ sem hefst nk. þriðjudagskvöld. Hann er einnig meðal mælenda á málstofu Hringborðs norðurslóða um „Siðbót í þágu sjálfbærnimarkmiða Sameinuðu þjóðanna“ sem haldin er í Safnahúsinu, Hverfisgötu 15, kl. 17:00 nk. föstudag, 11. okt.

Hann er hér á landi í boði þjóðkirkjunnar og Ólafs Ragnars Grímssonar, fyrrum forseta Íslands og forvígismanns Hringborðs norðurslóða.