Fermingarfræðsla og ferming

IMG_8206

Ferming í Hallgrímskirkju 2018-2019! Skráning og val á fermingardögum

Spennandi tími er framundan í lífi fermingarungmenna. Á mikilvægum mótunartíma býður kirkjan til samtals um trú, lífsskoðanir, siðferði og hamingju.

Fermingarfræðsla Hallgrímskirkju hefst með fundi eftir messu sunnudaginn 26. ágúst 2018. Fermingarungmenni, foreldrar og forráðafólk eru boðin velkomin til kynningarfundar þar sem farið verður yfir helstu atriði vetrarins. Fermingarfræðslan verður svo á miðvikudögum kl. 15-16 og er fyrsti tíminn 29. ágúst.

Kennt verður í litlum hópum, innan og utan kirkju og farið verður í vettvangsferðir. Á námskeiðinu verður lögð áhersla á samtal, fræðslu, leik og upplifun.

Farin verður ævintýraleg sólarhringsferð í Vatnaskóg í október.

Fermingardagur vorið 2019 er sunnudagurinn eftir páska 28. apríl.

Aðrir fermingardagar eru mögulegir! Ræðið við prestana.

Skráning hefst í maí 2018. Hægt er að koma á skrifstofu kirkjunnar eða hringja í Margréti Bragadóttur s. 510 1000 sem skráir í námskeiðið. Netfang hennar er margret@hallgrimskirkja. Einnig er hægt að skrá í fermingarfræðslu og fermingardag á netinu HÉR.

Nánari upplýsingar veita:

 

Nokkur þekkingaratriði: Kanntu þetta? Nokkrar stiklur sem fermingarungmenni kunna og skilja.

Fermingarungmenni velja sér minnisvers fyrir fermingarathöfn. Þau mega velja sér það biblíuvers sem er þeim hugstæðast. Til að auðvelda þeim valið er hægt að nota lista minnisversa og að baki þessari smellu er einn slíkur listi.

cropped-17161649805_20e3ebccf6_o-3.jpg