Organistar

Organistar Hallgrímskirkju eru Hörður Áskelsson og Björn Steinar Sólbergsson.

Hörður Áskelsson

Hörður Áskelsson
Hörður Áskelsson, organisti Hallgrímskirkju

Hörður hefur verið organisti og kantor Hallgrímskirkju frá 1982. Hann hefur gegnt lykilhlutverki í uppbyggingu listalífs kirkjunnar og stóð m.a. að stofnun Listvinafélags Hallgrímskirkju, Kirkjulistahátíðar og Alþjóðlegs orgelsumars. Hörður stofnaði árið 1982 Mótettukór Hallgrímskirkju og kammerkórinn Schola cantorum árið 1996. Með kórum sínum hefur Hörður komið fram á tónlistarhátíðum víða um heim og haldið tónleika í mörgum stærstu kirkjum Evrópu. Hlaut í slensku tónlistarverðlaunin árið 2001, Riddarakross hinnar íslensku fálkaorðu árið 2004 og Íslensku bjartsýnisverðlaunin árið 2006. Þá var hann borgarlistamaður Reykjavíkur 2002. Nánar um feril að baki þessari smellu.

Til að hafa samband við Hörð Áskelsson, hask@hallgrimskirkja.is og s. 663 6690.

Björn Steinar Sólbergsson

Björn Steinar Sólbergsson, organisti Hallgrímskirkju
Björn Steinar Sólbergsson, organisti Hallgrímskirkju

Björn Steinar er organisti við Hallgrímskirkju. Hann er skólastjóri við Tónskóla Þjóðkirkjunnar og gegnir að auki 50% stöðu organista við Hallgrímskirkju. Eftir nám á Ítalíu og í Frakklandi starfaði Björn Steinar sem organisti við Akureyrarkirkju í 20 ár þar sem hann vann að uppbyggingu tónlistarstarfs við kirkjuna. Björn Steinar hefur haldið fjölda einleikstónleika hér heima og erlendis og leikið einleik með Sinfóníuhljómsveit Íslands, Kammerhljómsveit Akureyrar, Sinfóníuhljómsveit Norðurlands og The Cleveland Institute of Music Orchestra. Hann hefur hljóðritað fyrir útvarp og sjónvarp og á geislaplötur, m.a. öll orgelverk Páls Ísólfssonar. Björn Steinar hlaut Menningarverðlaun DV 1999, Íslensku bjartsýnisverðlaunin 2001 og var valinn bæjarlistamaður Akureyrar 2002. Sjá nánar að baki þessari smellu.

Til að hafa samband Björn Steinar Sólbergsson: bjornsteinar@tonskoli.is og s. 856 3837.