Er þá ekkert heilagt?

Er þá ekkert heilagt?
Hvað er heilagt eða er allt á floti og engin algildi til? Í hádeginu á miðvikudögum, 19. febrúar til 25. mars, verða samverustundir í Norðursal Hallgrímskirkju kl. 12- 12,45. Veitingar eru í boði kirkjunnar og fyrirlesarar tala um það sem þeim er mikilvægt.
Irma Sjöfn Óskarsdóttir og Sigurður Árni Þórðarson, prestar Hallgrímskirkju, stýra fundum.

Febrúar
19 Líkaminn heilagur – líkamsvirðing og sjálfsmynd
Erna Kristín Stefánsdóttir er guðfræðingur og talskona fyrir jákvæða líkamsímynd. Hún er höfundur bókarinnar Fullkomlega ófullkomin og stýrir facebooksíðunni Ernuland.

26 Guð á inniskónum eða hið heilaga
Sigurjón Árni Eyjólfsson er héraðsprestur og hjáskólakennari. Hann er doktor í guðfræði og hefur skrifað fjölda bóka og greina um guðfræði og heimspeki. Sigurjón Árni ræðir um hvernig heilagleiki litar lífið, líka hið hversdagslega.

Mars
4 Er þá ekkert heilagt?
Andri Snær Magnason skrifaði bókina Um tímann og vatnið. Andri Snær skýrir grundvallarbreytingar sem eru að verða í náttúrunni, bráðnun jökla, ris yfirborðs hafs og að sýrustig þess breytast meira en orðið hefur í 50 milljón ár. Andri Snær tímatengir og opnar til slagæða lífsins.

11 Guð og lífsdansinn
Haffi Haff er fjöllistamaður. Hann hefur starfað sem tónlistarmaður og vakti athygli í sjónvarpsþáttunum Allir gesta dansað. Haffi talar um hið heilaga í lífinu og hvernig trú hríslast í allar æðar lífs hans.

18 Guð vors lands – söngur þjóðar
Steinunn Arnþrúður Björnsdóttir og Sigurður Árni Þórðarson ræða um þjóðsöng Íslendinga og eru alls ekki sammála. Hvað um forsendur, merkingu og heilagleikan sem tjáður er í þjóðsöngnum? Steinunn Arnþrúður og Sigurður Árni eru bæði starfandi prestar í Reykjavík.

25 Að miðla hinu heilaga
Ævar Kjartansson, útvarpsmaður og guðfræðingur, talar um tilraunir fjölmiðla til að höndla hið heilaga, miðla og ræða.

hallgrimskirkja.is