Æskulýðsdagur Þjóðkirkjunnar 7. mars

Æskulýðsdagur Þjóðkirkjunnar er á sunnudagin kemur og hann er haldinn hátíðlegur á hverju ári fyrsta sunnudaginn í mars. Það er haldið upp á daginn í mörgum kirkjum landsins og á sunnudaginn verður fjölskylduguðsþjónusta í Hallgrímskirkju. Æskulýðsdagurinn minnir okkur á allt barna- og unglingastarf í kirkjunum.

Fiðlunemendur Lilju Hjaltadóttur úr Allegro Suzuki tónlistarskólanum koma fram. Fermingarbörn lesa ritningarlestur og bænir.

Sr. Irma Sjöfn Óskarsdóttir þjónar fyrir altari ásamt Rósu Hrönn Árnadóttur.

Björn Steinar Sólbergsson organisti spilar á orgelið.

Félagar úr Mótettukórnum syngja.

Það eru allir hjartanlega velkomnir.