Sunnudagar og börnin
Alla sunnudaga kl. 11.00 er eitthvað í boði fyrir börnin. Á veturna er sunnudagaskóli en á sumrin er ávallt í boði leikföng, bangsar og bækur inn í kirkju. Á veturnar þegar barnastarfið er hefst starfið í sameiginlegri guðsþjónustu í kirkjunni en síðan fara börnin með leiðtogum sínum í Norðursal til að eiga skemmtilega stund saman.
Við lok barnastundarinnar er alltaf boðið upp á barnaveitingar í messukaffinu og litlir fingur geta litað og föndrað á meðan pabbi, mamma, afi eða amma fá sér kaffi. Börn á öllum aldri eru hjartanlega velkomin í barnastarf Hallgrímskirkju!
Kirkjukrakkar
Kirkjukrakkar er starf fyrir krakka í 1.-2. bekk. Starfið verður alla mánudaga í febrúar kl. 13:40-14:40 í kórkjallara kirkjunnar. Þar verður ýmislegt brallað, t.d. leikir, bakað og föndrað.
Í lok stundar verður bæn og biblíusaga. Börnin verða sótt í frístundarheimilið Draumaland og fylgt aftur þangað þegar starfinu lýkur. Starfið er ókeypis og allir velkomnir. Nauðsynlegt að skrá barnið í starfið: kristny@hallgrimskirkja.is.
Kirkjuprakkarar
Kirkjuprakkarar er starf fyrir krakka í 3.-4. bekk. Starfið verður alla þriðjudaga í mars kl. 13:40 – 14:40
í kórkjallara kirkjunnar. Þar verður ýmislegt brallað, t.d. leikir, bakað og föndrað.
Í lok stundar verður bæn og biblíusaga. Börnin verða sótt í frístundarheimilið Draumaland og fylgt aftur þangað þegar starfinu lýkur. Starfið er ókeypis og allir velkomnir. Nauðsynlegt að skrá barnið í starfið: kristny@hallgrimskirkja.is.
Foreldramorgnar
Alla miðvikudagsmorgna ársins, líka yfir sumartímann, eru foreldramorgnar í kórkjallara Hallgrímskirkju kl. 10-12. Þessar samverur eru fyrir foreldra og börn þeirra og henta þeim sem eru í fæðingarorlofi eða eru heimavinnandi. Tilgangurinn er að efla félagsleg tengsl foreldra og barna þeirra í Hallgrímssókn. Boðið er upp á hressingu. Umsjón með foreldramorgnum hefur Inga Harðardóttir guðfræðingur og æskulýðsfulltrúi Hallgrímskirkju.
Æskulýðsfélagið Örkin
Alla þriðjudaga yfir veturinn kl. 19.30 – 21.30 hittast unglingar úr 8. – 10. bekk í kórkjallara kirkjunnar. Á dagskránni eru leikir, sprell og ýmislegt skemmtilegt í samvinnu við unglingana. Auk þess er sögð saga úr Biblíunni. Í október á hverju ári svo farið yfir helgi á unglingalandsmót ÆSKÞ (Æskulýðssamband Þjóðkirkjunnar) ásamt öðrum unglingastörfum kirkjunnar. Allir unglingar velkomnir!