Fermingarfræðsla og ferming 2021 – 2022

IMG_8206

Fermingarfræðsla í Hallgrímskirkju 2021 – 2022

Skráning og val á fermingardögum

Spennandi tími er framundan í lífi unglinganna og fjölskyldna þeirra. Á mikilvægum mótunartíma býður kirkjan til samtals um trú, lífsskoðanir og hamingju. Fermingarfræðsla Hallgrímskirkju er opin öllum ungmennum í áttunda bekk grunnskóla.

Skráning er rafræn og hægt að nálgast skráningarsíðu að baki þessari smellu.

Í fræðslunni er lögð áhersla á fjölbreytilega og skemmtilega kristnifræðslu með samtölum, leik, og upplifun. Lögð er áhersla á vináttu, virðingu og víðsýni í fræðslunni. Ungmenninn taka þátt í nokkrum fjölskylduguðsþjónustum. Svo verður farið í ævintýraferð í Vatnaskóg. Fræðslan verður á miðvikudögum eftir skóla og stendur í 45 mín. Kennt verður um grundvallaratriði kristinnar trúar og íslenskan menningararf. Ræddar verða tilvistarspurningar, t.d.

  • Hver er ég?
  • Hefur lífið einhvern sérstakan tilgang?
  • Hvað er Guð?

Stefnt er að því að ferming vorið 2022 verði sunnudaginn 24. apríl kl. 11:00

Hægt er að óska eftir öðrum fermingardegi og reynt verður að koma til móts við séróskir.

Fermingarfræðslan verður á miðvikudögum kl. 14,30. Fyrsta samveran verður eftir guðsþjónustu sunnudaginn 12. september kl. 12,15. Þá koma fermingarungmennin, foreldrar þeirra og/eða forráðafólk líka. Það verður upplýsingafundur. Svo hefst hin eiginlega fræðsla miðvikudaginn 15. september kl. 14,30. Fermingarfræðslan verður í kórsalnum, gengið inn Vörðuskólamegin.

Nánari upplýsingar veita djákni og prestar Hallgrímskirkju.

Kristný Rós Gústafsdóttir          865-3557 kristny@hallgrimskirkja.is

Sigurður Árni Þórðarson           862-2312 s@hallgrimskirkja.is

Eiríkur Jóhannson                     864 0802 eirikur.jo@kirkjan.is.

Nokkur þekkingaratriði: Kanntu þetta? Nokkrar stiklur sem fermingarungmenni kunna og skilja. Smellið hér.

Fermingarungmenni velja sér minnisvers fyrir fermingarathöfn. Þau mega velja sér það biblíuvers sem er þeim hugstæðast. Til að auðvelda þeim valið er hægt að nota lista minnisversa og að baki þessari smellu er einn slíkur listi.

cropped-17161649805_20e3ebccf6_o-3.jpg