hallgrimskirkja

In memoriam: Jón Nordal

Sat, 18 Apr 2026 08:39:48 GMT

Nemendatónleikar tónlistardeildar LHÍ í Hallgrímskirkju dag, laugardag kl. 14:00

In memoriam: Jón Nordal

Tónleikar í dag, laugardagurinn 18. apríl 2026 kl. 14:00

Ókeypis aðgangur og öll hjartanlega velkomin

Hallgrímskirkja í samstarfi við Tónlistardeild Listaháskóli Íslands býður upp á tónleika tileinkaða 100 ára fæðingarafmæli Jóns Nordal.

Jón var án efa eitt ástsælasta tónskáld Íslands og átti stóran þátt í uppbyggingu tónlistarlífs á Íslandi á síðastliðinni öld. Á tónleikunum In memoriam: Jón Nordal munu tónlistarnemendur LHÍ flytja valin verk úr fjölbreyttri og áhrifamikilli verkaskrá hans en eftir hann liggja fjölmargar perlur, sönglög, kórverk, orgelverk, einleiksverk, kammertónlist svo fátt eitt sé nefnt.

Samstarf Listaháskóla Íslands og Hallgrímskirkju gefur tónlistarnemum skólans frábært tækifæri til að kynnast töfrum rýmisins og glæsilegum hljóðfærum kirkjunnar, stóra Klais orgelinu og nýlega stækkuðu Frobenius kórorgeli. Áheyrendur fá að kynnast hæfileikaríku tónlistarfólki framtíðarinnar.

Tónleikarnir hafa verið glæsilegir aðsókn á tónleikana frábær undanfarin ár.

Öll hjartanlega velkomin á meðan úsrúm leyfir

HALLGRÍMSKIRKJA – ÞINN TÓNLEIKASTAÐUR

--ENGLISH--

In memoriam; Jón Nordal

Iceland University of the Arts at Hallgrimskirkju

Student concert of the music department at the Iceland University of the Arts, today; Saturday April 18th at 14:00

Hallgrímskirkja, in collaboration with the Music Department of the Iceland University of the Arts, will host a concert on April 18 in celebration of the 100th anniversary of the birth of Icelandic composer Jón Nordal.

Jón Nordal was undoubtedly one of Iceland’s most beloved composers and played a major role in the development of Icelandic musical life in the last century. At the concert In memoriam: Jón Nordal, students from the Iceland University of the Arts will perform selected works from his diverse and influential oeuvre. His legacy includes numerous gems; songs, choral works, organ pieces, solo works, and chamber music, to name but a few.

Free entry and everyone welcome while space allows.

HALLGRÍMSKIRKJA – YOUR PLACE IN REYKJAVÍK

Íslensk orgeltónlist í brennidepli – Nýr geisladiskur Björns Steinars Sólbergssonar organista Hallgrímskirkju er kominn í hús

Tue, 14 Apr 2026 13:38:33 GMT

Diskurinn ber nafnið Íslensk orgeltónlist og spannar hann bæði eldri og nýrri verk sem endurspeglar ríka orgeltónlistarhefð landsins.

Nýr geisladiskur með Birni Steinari Sólbergssyni, organista og tónlistarstjóra okkar í Hallgrímskirkju, er kominn í hús.

Á disknum flytur Björn Steinar bæði orgelumritanir á verkum lykiltónskálda á borð við Sveinbjörn Sveinbjörnsson, Pál Ísólfsson og Jón Leifs, sem og nýrri verk eftir glæsileg samtímatónskáld.

Hljóðritunin fór fram í Hallgrímskirkju þar sem hið glæsilega Klais-orgel kirkjunnar nýtur sín til fulls.

Björn Steinar hefur um áratugaskeið verið í fremstu röð íslenskra organista og hefur haldið tónleika víða um heim auk þess að sinna umfangsmiklu upptökustarfi.

Á meðfylgjandi mynd afhendir Ásmundur Jónsson hjá Smekkleysu Birni Steinari fyrsta eintak disksins.

Innilega til hamingju Björn Steinar.

Gul og appelsínugul viðvörun á morgun 6. apríl / Weather warning tomorrow Easter Monday April 6th 2026

Sun, 05 Apr 2026 20:18:17 GMT

Viðvörun / Weather warning

Viðvörun

Austan hvassviðri / stormur og snjókoma gengur yfir landið á morgun, mánudaginn 6. apríl 2026 og biðjum við gesti vinsamlegast um að fara varlega á svæðinu. Miklar vindhviður geta myndast í kringum kirkjuna.

Nánari upplýsingar um viðvaranir má finna á heimasíðu Veðurstofu Íslands: https://www.vedur.is/

--ENGLISH--

Weather Warning

Due to severe weather conditions expected tomorrow, Monday 6th of April, we ask visitors to be careful in the area. Strong winds can be expected especially around the church.

More information on the weather can be fuond on the website of the Icelandic Met Office https://en.vedur.is/

Verið velkomin i Hallgrimskirkju á morgun miðvikudag 1. apríl

Tue, 31 Mar 2026 10:54:46 GMT

�� Velkomin í Hallgrímskirkju á morgun ��

Miðvikudaginn 1. apríl kl. 10:00 verður morgunmessa í kirkjunni.
Öll hjartanlega velkomin til að hefja daginn í kyrrð og bæn.

Foreldramorgnar verða einnig í kórkjallaranum frá kl. 10:00–12:00. Notaleg stund fyrir foreldra og börn. Gott spjall, kaffi og samvera. Hlökkum til að sjá ykkur

HALLGRÍMSKIRKJA – ÞINN STAÐUR

Viðvörun vegna veðurs á morgun fimmtudag / Weather Warning tommorrow, Thursday 26th of March 2026

Wed, 25 Mar 2026 12:08:01 GMT

Gul og appelsinugul viðvörun vegna suðaustan storms og stórhríðar á stórum hluta landsins í fyrramálið (uppfært).

Viðvörun

Vegna suðaustan- og austanillviðris sem gengur yfir landið á morgun, fimmtudaginn 26. mars, biðjum við gesti vinsamlegast um að fara varlega á svæðinu. Miklar vindhviður geta myndast í kringum kirkjuna.

Kyrrðarstund kl. 12 fellur niður.

Kirkjuskip Hallgrímskirkju og turni verður lokað frá kl. 13:00 vegna útfarar.

Nánari upplýsingar um viðvaranir má finna á heimasíðu Veðurstofu Íslands: https://www.vedur.is/

--ENGLISH--

Weather Warning (Updated)

Due to severe southeast and easterly weather conditions expected tomorrow, Thursday 26th of March, we ask visitors to be careful in the area. Strong winds can be expected especially around the church.

The organ and meditation service at 12 hrs is cancelled due to the srorm.

Pleae note that the nave of Hallgrímskirkja and the tower will close at 13:00 due to a funeral.

More information on the weather can be fuond on the website of the Icelandic Met Office https://en.vedur.is/

Aftansöngur – Vesper í Hallgrímskirkju föstudaginn 27. mars 2026 kl. 17:00

Tue, 24 Mar 2026 16:53:32 GMT

AFTANSÖNGUR - VESPER í Hallgrímskirkju (english below)
Föstudagur 27. mars 2026 kl. 17:00 / Friday 27th of Mars 2026 at 17 hrs.

Tíðagjörð á sér fornar rætur í trúariðkun Gyðingdóms og kristni. Það er reglubundin bænagjörð sem byggir á Davíðssálmum og öðrum biblíulegum lofsöngvum og lestrum úr ritningunni.
Hér á landi hefur tíðagjörðin verið þekkt alla tíð. Í klaustrum, dómkirkjum og höfuðkirkjum. Eftir siðbót var tíðasöngur sunginn á biskupsstólum og latínuskólunum. Smám saman komu þó rímaðir sálmar við alþýðleg lög í stað lofsöngva biblíunnar.

Í tíðasöng heyrum við eins og nið aldannna, enduróm af bænum og söngvum kynslóðanna. Aftansöngur á aðfangadag og á gamlárskvöld er hluti af þessari arfleifð.

Prestur: Sr. Irma Sjöfn Óskarsdóttir
Sönghópurinn Cantores Islandiae syngur
Stjórnandi: Ágúst Ingi Ágústsson
Organisti: Björn Steinar Sólbergsson

Ókeypis aðgangur og öll hjartanlega velkomin

--ENGLISH--

VESPER
Hallgrímskirkja
Friday 27th of Mars 2026 at 17 hrs.

Vespers have deep roots in the religious practices of both Judaism and Christianity. It is a structured form of prayer built on the Psalms of David, along with other biblical hymns and readings from Scripture.

Priest: Sr. Irma Sjöfn Óskarsdóttir
Cantores Islandiae sings
Conductor: Ágúst Ingi Ágústsson
Organist: Björn Steinar Sólbergsson

Free entrance and everyone is welcome

Kyrravika og páskar í Hallgrímskirju 2026

Tue, 24 Mar 2026 12:21:32 GMT

Kyrravika og páskar í Hallgrímskirkju

KYRRAVIKA OG PÁSKAR Í HALLGRÍMSKIRKJU 2026

(English below)

KYRRAVIKA OG PÁSKAR Í HALLGRÍMSKIRKJU

Í Hallgrímskirkja er kyrruvikan tími íhugunar, tónlistar og helgihalds þar sem gengið er með Jesú í gegnum píslarsöguna til ljóss upprisunnar á páskadag. Fjölbreytt dagskrá stendur yfir alla vikuna: Helgistundir, tónleikar og lestur Passíusálmanna skapa rými fyrir kyrrð og andlega dýpt í undirbúningi páskanna og á páskadag er fagnað með hátíðlegu helgihaldi og ríkulegri tónlist, þar sem gleði upprisunnar fær að hljóma í orði og tónum. Öll eru hjartanlega velkomin til kirkjunnar að taka þátt í þessari helgu vegferð.

PÁLMASUNNUDAGUR 29. MARS

Messa kl. 11
Prestur: Eiríkur Jóhannsson
Messuþjónar aðstoða
Félagar úr Kór Hallgrímskirkju syngja
Organisti: Björn Steinar Sólbergsson

Tónleikar kl. 17:00
Joseph Haydn – Sjö orð Krists á krossinum
Strokkvartettinn Siggi
Aðgangseyrir: 4.900 kr.

SKÍRDAGUR 2. APRÍL

Kvöldmessa og Getsemanestund kl. 20:00
Prestur: Eiríkur Jóhannsson
Messuþjónar aðstoða
Félagar úr Kór Hallgrímskirkju syngja
Organisti: Björn Steinar Sólbergsson
Að messu lokinni verður Getsemanestund og altarið afskrýtt.

FÖSTUDAGURINN LANGI 3. APRÍL

Guðsþjónusta kl. 11:00
Prestur: Irma Sjöfn Óskarsdóttir
Messuþjónar aðstoða
Litanía eftir Bjarna Þorsteinsson flutt
Kór Hallgrímskirkju syngur
Kórstjóri: Steinar Logi Helgason
Einsöngvari: Harpa Ósk Björnsdóttir, sópran
Emelía Rós Sigfúsdóttir, flauta
Organisti: Björn Steinar Sólbergsson

Passíusálmalestur kl. 13:00–18:30

Lesarar: Bergsveinn Birgisson, Brynhildur Björnsdóttir, Guðrún Hlíðdal Gunnarsdóttir, Roberto Luigi Pagani, Sigurður Skúlason, Svanhildur Óskarsdóttir, Þorsteinn Davíðsson og/and Steinunn Jóhannesdóttir sem jafnframt hefur umsjón með lestrinum.
Flytjendur tónlistar: Björn Steinar Sólbergsson,
Jóna G. Kolbrúnardóttir og Steinar Logi Helgason

LAUGARDAGUR 4. APRÍL

Hádegistónleikar kl. 12:00
Matthías Harðarson, orgel
Aðgangseyrir: 3.200 kr.

PÁSKADAGUR 5. APRÍL

Páskaguðsþjónusta kl. 8:00
Prestur: Eiríkur Jóhannsson
Kór Hallgrímskirkju syngur undir stjórn Steinars Loga Helgasonar
Forsöngvarar og kór flytja páskahelgileik
Organisti: Björn Steinar Sólbergsson
Páskamorgunverður í Suðursal að lokinni guðsþjónustu

Hátíðarmessa kl. 11:00
Prestur: Irma Sjöfn Óskarsdóttir
Messuþjónar aðstoða
Flytjendur tónlistar:
Kór Hallgrímskirkju
Steinar Logi Helgason, kórstjóri
Hildigunnur Einarsdóttir, mezzósópran
Matthías Nardeau, oboe d’amore
Organistar: Björn Steinar Sólbergsson og Ágúst Ingi Ágústsson
Sunnudagaskóli í Suðursal og páskaeggjaleit í kirkjunni

ANNAR Í PÁSKUM 6. APRÍL

Guðsþjónusta kl. 11:00
Prestur: Irma Sjöfn Óskarsdóttir
Kvintett syngur
Organisti: Björn Steinar Sólbergsson

Miðasala á tónleika fer fram í Hallgrímskirkju og á tix.is

HALLGRÍMSKIRKJA – ÞINN STAÐUR

--ENGLISH--

HOLY WEEK AND EASTER AT HALLGRÍMSKIRKJA 2026

At Hallgrímskirkja, Holy Week is a time of reflection, music, and worship, following the story of Christ’s passion toward the joy of the Resurrection on Easter Sunday. Throughout the week, a rich program of services, concerts, and the reading of the Hymns of the Passion by rev. Hallgrimur Pétursson. On Easter Sunday, we celebrate with festive services, beautiful music, and shared community, as the message of the Resurrection is proclaimed in word and sound.

All are warmly welcome to join us on this sacred journey.

PALM SUNDAY - March 29th

Service at 11:00
Priest: Eiríkur Jóhannsson
Members of The Choir of Hallgrímskirkja
Organist: Björn Steinar Sólbergsson

Concert at 17:00
Joseph Haydn – The Seven Last Words of Our Saviour on the Cross
Siggi String Quartet
Admission: ISK 4,900

MAUNDY THURSDAY - APRIL 2nd

Evening Service and Gethsemane Vigil at 20:00
Priest: Eiríkur Jóhannsson
Members of The Choir of Hallgrímskirkja
Organist: Björn Steinar Sólbergsson
The service concludes with a Gethsemane vigil and the stripping of the altar.

GOOD FRIDAY - APRIL 3rd

Service at 11:00
Priest: Irma Sjöfn Óskarsdóttir
Litany by Bjarni Þorsteinsson
The Choir of Hallgrímskirkja
Choir Director: Steinar Logi Helgason
Soloist: Harpa Ósk Björnsdóttir, soprano
Emelía Rós Sigfúsdóttir, flute
Organist: Björn Steinar Sólbergsson

Reading of the Hymns of Passion by rev. Hallgrímur Pétursson 13:00–18:30

Readers: Bergsveinn Birgisson, Brynhildur Björnsdóttir, Guðrún Hlíðdal Gunnarsdóttir, Roberto Luigi Pagani, Sigurður Skúlason, Svanhildur Óskarsdóttir, Þorsteinn Davíðsson and Steinunn Jóhannesdóttir.
Musical participants: Björn Steinar Sólbergsson,
Jóna G. Kolbrúnardóttir and Steinar Logi Helgason

SATURDAY - APRIL 4th

Matinée at 12:00
Matthías Harðarson, organ
Admission: ISK 3,200

EASTER SUNDAY - APRIL 5th

Easter Service at 8:00
Priest: Eiríkur Jóhannsson
The Choir of Hallgrímskirkja conducted by Steinar Logi Helgason
Organist: Björn Steinar Sólbergsson
Easter breakfast in the South Hall after the service

Festive Service at 11:00
Priest: Irma Sjöfn Óskarsdóttir
Music:
The Choir of Hallgrímskirkja
Steinar Logi Helgason, choir director
Hildigunnur Einarsdóttir, mezzo-soprano
Matthías Nardeau, oboe d’amore
Organists: Björn Steinar Sólbergsson and Ágúst Ingi Ágústsson
Sunday School in the South Hall and Easter egg hunt in the church

EASTER MONADAY - APRIL 6th

Service at 11:00

Priest: Irma Sjöfn Óskarsdóttir
Quintet
Organist: Björn Steinar Sólbergsson

Tickets for concerts are available at Hallgrimskirkja and on tix.is

HALLGRÍMSKIRKJA – YOUR PLACE IN REYKJAVÍK

Kirkjubygging í mótun – Kirkjubyggingar Guðjóns Samúelssonar

Mon, 23 Mar 2026 10:50:09 GMT

Síðasti fyrirlesturinn í röð fræðsluerindanna „Kirkjubygging í mótun“ í Hallgrímskirkju verður á morgun, þriðjudaginn 24. mars á milli kl 12-13.

Pétur Ármannsson arkitekt fjallar um „Kirkjubyggingar Guðjóns Samúelssonar“

Í erindinu verður rakin þróun kirkjubygginga Guðjóns, allt frá fyrstu tillögu að kirkju á Skólavörðuholti árið 1916 til hugmynda hans um form og byggingarstíl núverandi Hallgrímskirkju.

Léttar hádegisveitingar eru í boði.

Ókeypis aðgangur og öll hjartanlega velkomin.

HALLGRÍMSKIRKJA – ÞINN STAÐUR

Boðunardagur Maríu í Hallgrímskirkju / Sunnudaginn 22. mars 2026

Fri, 20 Mar 2026 13:36:26 GMT

Messa, sunnudagaskóli og kvöldsöngur með Kór Hallgrímskirkju.

Boðunardagur Maríu í Hallgrímskirkju

Sunnudagur 22. mars 2026

Boðunardagur Maríu, sunnudaginn 22. mars, verður haldinn hátíðlegur í Hallgrímskirkju með fjölbreyttri og hátíðlegri dagskrá fyrir alla aldurshópa, messu, sunnudagaskóla og kvöldsöng með Kór Hallgrímskirkju.

Dagurinn minnir okkur á þegar erkiengillinn Gabríel færði Maríu boðskapinn um fæðingu Jesú, níu mánuðum fyrir jól.

Messa kl. 11

Sr. Irma sjöfn Óskarsdóttir prédikar og þjónar fyrir altari.

Messuþjónar aðstoða.

Aurora Kammerkór leiðir söng undir stjórn Sigríðar Soffíu Hafliðadóttur.

Organisti er Björn Steinar Sólbergsson.

Hvað er Pálmasunnudagur?

Sunnudagaskólinn er á sínum stað.

Fjallað verður um viðburði Pálmasunnudags á lifandi og fræðandi hátt.

Umsjón: Lilja Rut Halldórsdóttir, Erlendur snær Erlendsson og Lára Ruth Clausen

Boðunardagur Maríu / The Annunciation of Mary

Kvöldsöngur kl. 17:00

Hallgrímskirkja býður upp á kvöldsöng (evensong) með Kór Hallgrímskirkju þar sem m.a. verða frumflutt tvö ný kórverk: Magnificat eftir Tryggva M. Baldvinsson fyrir kór, orgel og einsöng og Salve Regina eftir Þóru Marteinsdóttur fyrir a capella kór.

Prestur er sr. Irma Sjöfn Óskarsdóttir

Flytjendur tónlistar: Kór Hallgrímskirkju, Steinar Logi Helgason, stjórnandi, Björn Steinar Sólbergsson, orgel Matthías Harðarson, orgel og Jóna G. Kolbrúnardóttir, sópran.

Aðgangur er ókeypis og öll hjartanlega velkomin

HALLGRÍMSKIRKJA – ÞINN STAÐUR

---ENGLISH--

The Annunciation of Mary at Hallgrímskirkja
Sunday, March 22, 2026

The Annunciation of Mary will be celebrated at Hallgrímskirkja on Sunday, March 22, with a varied and festive program for all ages, including a service, Sunday school, and an evening evensong with the Hallgrímskirkja Choir.

The day commemorates when the Archangel Gabriel brought Mary the message of the birth of Jesus, nine months before Christmas.

Service at 11:00
Rev. Irma Sjöfn Óskarsdóttir will preach and preside at the altar.

Aurora Chamber Choir will lead the singing under the direction of Sigríður Soffía Hafliðadóttir.
Organist: Björn Steinar Sólbergsson.

Sunday school will take place at the same time as usual.

What is Palm Sunday?
The events of Palm Sunday will be presented in a lively and educational way.

Leaders: Lilja Rut Halldórsdóttir, Erlendur Snær Erlendsson, and Lára Ruth Clausen

The Annunciation of Mary / Evensong at 17:00
Hallgrímskirkja invites you to an evening evensong with The Choir of Hallgrimskirkja, featuring, among other works, the premieres of two new choral compositions: Magnificat by Tryggvi M. Baldvinsson for choir, organ, and soloist, and Salve Regina by Þóra Marteinsdóttir for a cappella choir.

Priest: Rev. Irma Sjöfn Óskarsdóttir

Music: The Chori of Hallgrímskirkja, conductor Steinar Logi Helgason, Björn Steinar Sólbergsson, organ, Matthías Harðarson, organ and Jóna G. Kolbrúnardóttir, soprano.

Admission is free and all everyone is welcome while space allows.

HALLGRÍMSKIRKJA – YOUR PLACE

Kirkjubygging í mótun – Tónheimur Hallgrímskirkju / Fyrirlestur í dag kl. 12-13

Tue, 17 Mar 2026 08:52:57 GMT

Kirkjubygging í mótun

Hádegisfyrirlestur í dag, þriðjudaginn 17. mars kl. 12-13.

Tónlistin hefur verið órofa og mikilvægur þáttur í starfi Hallgrímskirkju frá upphafi. Björn Steinar Sólbergsson tónlistarstjóri og organisti Hallgrímskirkju og Steinar Logi Helgason kórstjóri og organisti fjalla um tónlistarhefð kirkjunnar og þann hljóðheim sem mótað hefur ímynd hennar.

Boðið verður upp á léttar veitingar.

HALLGRÍMSKIRKJA – ÞINN STAÐUR

Föstudagur 13.03.2026 – Útför Davíðs Oddssonar / Friday March 13th 2026 – Funeral of Davíð Oddsson

Wed, 11 Mar 2026 10:24:35 GMT

Vegna útfarar Davíðs Oddssonar, fyrrverandi forsætisráðherra og borgarstjóra
/ Due to the funeral of Davíð Oddsson, former prime minister and mayor of Reykjavík (English below)

Föstudagur 13.03.2026

Vegna útfarar Davíðs Oddssonar, fyrrverandi forsætisráðherra og borgarstjóra, verður Hallgrímskirkja lokuð frá kl. 10:00 til 15:30 (u.þ.b.). Kirkjuskipið verður lokað allan daginn, en gera má ráð fyrir að turn kirkjunnar opni um kl. 15:30.

Athöfnin er opin almenningi á meðan húsrúm leyfir.

ATH: Ekki er hægt að leggja bílum á torginu fyrir framan kirkjuna.

Sjónvarpað verður frá athöfninni.

--ENGLISH--
Friday 13 March 2026

Due to the funeral of Davíð Oddsson,

former Prime Minister of Iceland and Mayor of Reykjavík,

Hallgrímskirkja will be closed from 10:00 to approximately 15:30.

The church nave will be closed all day.

The tower is expected to open around 15:30.

Please note that access restrictions to the church square will be in place from 12:00 to approximately 15:30.

Sunnudagur 15. mars / Kynning á nýju messuformi – Opin sálmaæfing – Messa og sunnudagaskóli

Wed, 11 Mar 2026 09:18:34 GMT

Hallgrímskirkja – Sunnudagur 15. mars 2026

Kynning á nýju messuformi kl. 10:00
Ný handbók íslensku kirkjunnar er í undirbúningi og á síðasta ári voru sendar tillögur að breytingum á messformi þjóðkirkjunnar til safnaða Þjóðkirkjunnar.
Sunnudaginn 15. mars nk. ætlum við að breyta til og nota nokkrar af tillögum handbókarnefndar kirkjunnar í messunni kl. 11.00. Sr. Irma Sjöfn Óskarsdóttir kynnir messuformið.

Opin sálmaæfing við Frobenius kórorgelið kl. 10:30
Í beinu framhaldi verður opin sálmaæfing við Frobenius kórorgel kirkjunnar með Steinari Loga Helgasyni kórstjóra og organista og félögum úr Kór Hallgrímskirkju.

Brauð lífsins
Messa kl. 11
Sr. Irma Sjöfn Óskarsdottir þjónar fyrir altari.
Egill Reynisson, guðfræðingur prédikar.
Messuþjónar aðstoða.
Félagar úr Kór Hallgrímskirkju leiða söng.
Organisti er Steinar Logi Helgason.

Hvernig er Guð?
Sunnudagaskólinn er á sínum stað.
Umsjón: Lilja Rut Halldórsdóttir, Ragnheiður Bjarnadóttir og Kristbjörg Katla Hinriksdóttir

HALLGRÍMSKIRKJA – ÞINN STAÐUR

Kirkjubygging í mótun - Hádegisfyrirlestur í dag 10. mars

Tue, 10 Mar 2026 09:59:07 GMT

Hádegisfyrirlestrar í Hallgrímskirkju á þriðjudögum

Á þriðjudögum kl. 12.00–13.00 er boðið upp á fræðandi fyrirlestra í Hallgrímskirkju.

Kirkjubygging í mótun

Að þessu sinni tengjast fyrirlestrarnir 40 ára vígsluafmæli Hallgrímskirkju. Fjallað verður um byggingarsögu kirkjunnar og sérstæði hennar. Einnig verður fjallað um guðfræðilegan merkingarheim kirkjubygginga almennt.
Einnig verður fjallað um hljóðheim Hallgrímskirkju, tónlistina sem tengist kirkjunni og Hallgrímssöfnuði.

Í dag þriðjudaginn 10. mars fjallar dr. Sigurjón Árni Eyjólfsson, prestur um kirkjubygginguna: Augljóst en hulið, þar sem hann fjallar um kirkjubygginguna sem táknheim.

Aðgangur er ókeypis og boðið upp á létta hádegishressingu.

Öll hjartanlega velkomin.

Hér eru upplýsingar um viðburðinn: Kirkjubygging í mótun – Augljóst en hulið

Fyrir áhugasama er hér að neðan einnig viðtal við Dr. Sigurjón Árna á vefsíðunni Lifðu núna um bókina sem hann gaf út og fleira: https://lifdununa.is/grein/kirkjur-auka-lifsgledina/

HALLGRÍMSKIRKJA – ÞINN STAÐUR

Þriðjudagsfyrirlestur fellur niður í dag

Tue, 03 Mar 2026 10:47:24 GMT

The body content of your post goes here. To edit this text, click on it and delete this default text and start typing your own or paste your own from a different source.

Í dag er Alþjóðlegur geðheilbrigðisdagur unglinga (World Teen Mental Wellness Day)

Mon, 02 Mar 2026 11:58:55 GMT

Andleg líðan ungmenna skiptir máli

Alþjóðlegur geðheilbrigðisdagur unglinga er í dag, mánudaginn 2. mars 2026 (Teen Mental Wellness Day).

Á degi sem er helgaður andlegri heilsu ungmenna minnumst við þess að hver unglingur er dýrmætur, elskaður og skapaður af Guði. Lífið á unglingsárunum getur verið krefjandi og fullt af spurningum, þrýstingi og tilfinningum sem erfitt er að setja orð á.

Kirkjan er öruggt rými þar sem ungt fólk má vera það sjálft, tala opinskátt, efast, vona og finna huggun. Hér er pláss fyrir gleði og sorg, styrk og veikleika. Enginn þarf að ganga einn.

Við trúum því að trú, samfélag, hlustun og kærleikur geti verið uppspretta vonar og styrks. Við skorum á okkur sjálf að hlusta betur, styðja meira og minna ungmenni á að þau skipti máli. Nákvæmlega eins og þau eru.

Hjá prestum kirkjunnar er hægt að sækja sálgæslu fólki að kostnaðarlausu. Prestar starfa samkvæmt faglegum sjónarmiðum og siðareglum presta en eru ekki meðferðaraðilar.

Viðtöl við presta eru fyrir öll. Unga sem aldna og geta tengst sorgarferli eða áföllum, hjónaerfiðleikum, trúarglímu eða tilvistarspurningum. Þegar þörf þykir getur prestur gert tillögu um úrvinnslu mála eða meðferð.

Hægt er að panta samtal í gegn um tölvupóst eða síma:

Sr. Irma Sjöfn Óskarsdóttir, prestur

irma@hallgrimskirkja.is

Sími 771 8200

Sr.Eiríkur Jóhannsson, prestur

eirikur@hallgrimskirkja.is

Sími 864 0802

HALLGRímSKIRKJA – ÞINN STAÐUR

Kvöldkirkja á morgun, fimmtudaginn 26. febrúar kl. 20-22

Wed, 25 Feb 2026 17:00:03 GMT

This is a subtitle for your new post

Kvöldkirkja fimmtudaginn 26. febrúar 2026 milli 20-22.
Kyrrð, ró og örhugvekjur.
Um stundina sjá: sr. Eiríkur Jóhannsson, Ari Hallgrímsson og Egill Reynisson
Tónlist: Kira Kira

Kvöldkirkjan er óhefðbundin stund að formi og innihaldi. Andrúmsloftið er óformlegt og afslappað. Lýsing, tónlist og stuttar íhuganir blandast við alltumliggjandi kyrrð og ró rýmisins. Við bjóðum þér að hugleiða, biðja, kveikja á kertum, fara á milli mismunandi stöðva í kirkjunni, skrifa niður hugsanir þínar eða bænir eða bara sitja í bekkjunum eða hvílast á dýnum í kirkjunni.
Kvöldkirkjan er samstarfsverkefni Hallgrímskirkju og Dómkirkjunnar í Reykjavík. Verkefnið hófst haustið 2019. Í boði eru tvær stundir í mánuði, ein í hvorri kirkju, frá lokum september til loka apríl.

HALLGRÍMSKIRKJA - ÞINN ÍHUGUNARSTAÐUR!

--ENGLISH--

Evening church on Thursday, February 26th 2026 from 20:00-22:00
Peace, tranquility, and contemplation accompanied by unconventional church music.

Readings and meditation: rev. Eiríkur Jóhannsson, Ari Hallgrímsson og Egill Reynisson
Music: Kira kira

During the evening service, phones are turned off and conversations are reserved for outside the church. A short reading is offered every half hour, and musical performances create space for reflection and relaxation.

Guests are welcome to move quietly around the church, sit or lie in the pews or on mattresses placed on the floor, light candles, visit different prayer stations, and write what is on their hearts on notes to place in baskets.

The December evening service will take place on February 26th from 8:00–10:00 PM.

Hallgrímskirkja – Your place in Reykjavík

Kirkjubygging í mótun

Mon, 23 Feb 2026 11:12:46 GMT

Hádegisfyrirlestrar í Hallgrímskirkju á þriðjudögum

Kirkjubygging í mótun

Á þriðjudögum kl. 12.00–13.00 fram í mars 2026 er boðið upp á fræðandi fyrirlestra í Hallgrímskirkju.

Að þessu sinni tengjast fyrirlestrarnir 40 ára vígsluafmæli Hallgrímskirkju. Fjallað verður um byggingarsögu kirkjunnar og sérstæði hennar. Einnig verður fjallað um guðfræðilegan merkingarheim kirkjubygginga almennt og fjallað um hljóðheim Hallgrímskirkju, tónlistina sem tengist kirkjunni og Hallgrímssöfnuði.

Fyrsta fræðsluerindið er þriðjudaginn 24. febrúar
Þáttur sr. Karls Sigurbjörnssonar, fyrrum biskups Íslands, í byggingu og vígslu Hallgrímskirkju.

Sr. Þorvaldur Karl Helgason, fyrrum biskupsritari, fjallar um þátt sr. Karls Sigurbjörnssonar, fyrrum biskups Íslands, í byggingu og vígslu kirkjunnar.
Sr. Karl starfaði sem sóknarprestur í Hallgrímssókn um áratuga skeið og markaði djúp spor í sögu safnaðarins.
Þorvaldur byggir umfjöllun sína á minningarbrotum sr. Karls í bók hans sem kom út í lok síðasta árs, Skrifað í sand .

3. mars (ATH: færist til 24. mars vegna óviðráðanlegra orsaka)

Kirkjubyggingar Guðjóns Samúelssonar

Pétur Ármannsson, arkitekt

Höfundur Hallgrímskirkju, húsameistarinn Guðjón Samúelsson, á sér sérstakan sess í íslenskri þjóðarsögu. Hann er sá arkitekt sem flestir kannast við og nafn hans kemur sjálfkrafa upp í hugann þegar minnst er á íslenska byggingarlist. Hönnun kirkjubygginga var veigamikill þáttur í ævistarfi Guðjóns; vitað er með vissu um 42 kirkjur sem hann teiknaði. Í erindinu verður rakin þróun kirkjubygginga hans, allt frá fyrstu tillögu að kirkju á Skólavörðuholti árið 1916 til hugmynda hans um form og byggingarstíl núverandi Hallgrímskirkju.

10. mars

Augljóst en hulið

Dr. Sigurjón Árni Eyjólfsson, prestur

Fjallar um kirkjubygginguna: Augljóst en hulið

17. mars

Tónheimur Hallgrímskirkju

Tónlistin hefur verið órofa og mikilvægur þáttur í starfi Hallgrímskirkju frá upphafi. Fjallað verður um tónlistarhefð kirkjunnar og þann hljóðheim sem mótað hefur ímynd hennar.

HALLGRÍMSKIRKJA – ÞINN STAÐUR

Öskudagur í Hallgrímskirkju

Fri, 20 Feb 2026 11:57:31 GMT

Á Öskudag í Hallgrímskirkju fær árlega fjöldi fólks öskukross á enni og þetta er orðið að hefð.

Um þrjátíu manns voru í morgunmessu í kór kirkjunnar. Þar var ekki aðeins gengið til altaris heldur voru þau sem vildu signd með öskukrossi. Öskukrossinn er tákn iðrunar og minnir á fagnaðarerindið um Jesú Krist.

Myndir tók Grétar Einarsson kirkjuhaldari

HALLG´RIMSKIRKJA – ÞINN STAÐUR

Öskudagsmessa og öskukross / Morning Servie on Ash Wednesday

Mon, 16 Feb 2026 18:20:40 GMT

Morgunmessa á Öskudag

Miðvikudaginn 18. febrúar 2026 verður öskudagsmessa í Hallgrímskirkju kl. 10.00.
Auk altarisgöngu verða þau er sækja messu og vilja signd öskukrossi á enni sem er í samræmi við forna kristna hefð.

HALLGRÍMSKIRKJA – ÞINN STAÐUR

--ENGLISH--

On Wednesday, February 18th 2026, there will be a morning mass on Ash Wednesday at Hallgrímskirkja at 10:00 AM.

In addition to the altar procession, those attending Mass and would like to will be marked with an ash cross on their forehead, which is in accordance with ancient Christian tradition.

HALLGRÍMSKIRKJA – YOUR PLACE IN REYKJAVÍK

Minnum á foreldramorgna á miðvikudögum / Hallgrímskirkja Playgroup on Wednesday mornings from 10:00-12:00

Tue, 10 Feb 2026 11:16:51 GMT

Foreldramorgnar á miðvikudögum / Hallgrímskirkja Playgroup on Wednesday mornings

Á miðvikudagsmorgnum kl. 10:00–12:00 eru foreldramorgnar í kórkjallara Hallgrímskirkju (gengið inn bakdyramegin).
Samverurnar eru fyrir foreldra/umsjónar- og forráðamenn auk barna þeirra.

Fjölskyldur á öllum aldri eru hjartanlega velkomnar og henta þessar stundir sérstaklega þeim sem eru í fæðingarorlofi eða heimavinnandi.

Foreldramorgnar eru notaleg stund þar sem markmiðið er að efla félagsleg tengsl foreldra og barna í hlýju og opnu umhverfi.

Söngstund er kl. 11:00.
Stundum kíkir góður gestur í heimsókn.
Ömmur, afar og au-pair velkomin.
Boðið er upp á hressingu.
Hlýtt andrúmsloft, góð samvera og gleði fyrir stór og smá.

Umsjón með foreldramorgnum hafa Ragnheiður Bjarnadóttir, píanókennari, og Olga Helgadóttir.

Foreldramorgnar eru einnig með Facebook-hóp: Parents’ Mornings at Hallgrímskirkja / Hallgrimskirkja Playgroup

HALLGRÍMSKIRKJA – STAÐUR BARNANNA

--ENGLISH--

Hallgrímskirkja Playgroup

Every Wednesday morning from 10:00–12:00, Hallgrimskirikja playgroup meets in the choir basement (kórkjallari) of Hallgrímskirkja (entrance at the back of the church).
The playgroup is for families and their children and are especially suitable for those on parental leave or staying at home, though families of all ages are warmly welcome.

Singing session with piano at 11:00.
From time to time, special guests join us.
Grandparents and Au Pairs also welcome.

Hallgrímskirkja Playgrou offers a relaxed and welcoming space with the goal of strengthening social connections between parents and their children.

Hallgrískirkja playgroup is led by Ragnheiður Bjarnadóttir, piano teacher, together with Olga Helgadóttir.

Find more info in our Facebook group: Parents’ Mornings at Hallgrímskirkja / Hallgrimskirkja Playgroup

HALLGRÍMSKIRKJA – YOUR PLACE IN REYKJAVÍK

Vetrarhátíð og HyperOrgel í Hallgrímskirkju 5. og 7. febrúar 2026

Wed, 04 Feb 2026 10:08:40 GMT

HyperOrgel og Vetrarhátíð í Hallgrímskirkju 5. og 7. febrúar 2026

Vetrarhátíð verður sett fimmtudaginn 5. febrúar hjá nágrönnum okkar í garði Listasafns Einars Jónssonar, Hallgrímstorgi 3, kl. 19.00. Heiða Björg Hilmisdóttir, borgarstjórinn í Reykjavík mun setja hátíðina ásamt því að Logi Einarsson, menningar- nýsköpunar og háskólaráðherra mun segja nokkur orð í tilefni af því að Listasafn Íslands og Listasafn Einars Jónssonar hafa nú sameinast. Opnunarverk hátíðarinnar er verkið Synergy eftir listakollektívið Mercury Maze Studio, sem samanstendur af Owen Hindley, Katerinu Blahutova og Þorsteini Eyfjörð og verður frumsýnt við setninguna og eftir setninguna er tilvalið að koma til okkar og upplifa ljóslist og tónlist .

FIMMTUDAGUR 5. FEBRÚAR kl. 19:30

Dagskráin við Hallgrímskirkju hefst kl. 19:30. Verkið sem varpað verður á Hallgrímskirkju er eftir listamanninn Örn Ingólfssonber og ber heitið Ljósamót . Hallgrímskirkja umbreytist í lifandi ljósform þar sem litir, mynstur og hreyfing leika um bygginguna og draga fram kraftmikla arkitektúr hennar. Ljósin fylgja línum kirkjunnar, brjóta þær upp og endurskapa, þannig að hið kunnuglega verður nýtt. Verkið er samtal ljóss og forms, þar sem rýmið titrar milli kyrrðar og orku. Verkið er á Ljósaslóð Vetrarhátíðar 2026.

HyperOrgel / Intelligent Instruments Lab í Hallgrímskirkju

Tónleikar kl. 19:45 í Hallgrímskirkju í beinu framhaldi af opnun Vetrarhátíðar í Reykjavík 2026

Flutt verða glæný gagnvirk tónverk með tölvutengdum hljóðfærum eftir Tómas Manoury, Steinunni Harðardóttur, Jesper Pedersen og Áka Ásgeirsson.

LAUGARDAGUR 7. FEBRÚAR

HyperOrgel / Intelligent Instruments Lab í Hallgrímskirkju

kl. 12:00–12:30 – Hádegistónleikar / Matinée

Flutt verður verkið r lego (3’52”) eftir Örlyg Steinar Arnalds auk glænýrra verka eftir Yulia Vasileva, Ronju Jóhansdóttur, Gunnar Andreas Kristinsson, Guðmund Vigni Karlsson, Arnljót Sigurðsson.

Þar á eftir verða flutt Tónverk á heila tímanum

kl. 13:00 - Dettifoss

kl. 14:00 – Victor Shepardson & Julie Zhu

kl. 16:00 – Svartþoka

kl. 17:00 – Sveinn Ingi Reynisson

kl. 13:20–13:50 – Verður einnig Orgeltæknitónsmíðaspjall í Norðursal Hallgrímskirkju

Áki Ásgeirsson leiðir umræður

========================================

Fyrir áhugasama verða einnig umræður í Háskóla Íslands með Intelligent Instruments Lab: Umræður með tónskáldum, sýnd dæmi um tölvustýrð orgelverk með Áka Ásgeirssyni listrænum stjórnanda HyperOrgel og tónskáldum sem taka þátt: Open Lab í Veröld Húsi Vigdísar föstudaginn 6. febrúar kl. 15:00-17:00

Áki Ásgeirsson er listrænn stjórnandi og Sveinn Ingi Reynisson fer neð tæknilega umsjón HyperOrgel í Hallgrímskirkju 2026.

Fleiri upplýsingar um HyperOrgel má finna hér á Facebook viðburði HyperOrgel og Hallgrímskirkju:

HALLGRÍMSKIRKJA – ÞINN STAÐUR Á VETRARHÁTÍÐ

(Upplýsingar um dagskrá Vetrarhátíðar og ljóslistaverkin eru teknar af vefsíðu Vetrarhátíðar )

Messa, sunnudagaskóli og Myrkir músíkdagar í Hallgrímskirkju sunnudaginn 1. febrúar

Sat, 31 Jan 2026 13:49:00 GMT

Sunnudaginn 1. febrúar býður Hallgrímskirkja upp á fjölbreytta og lifandi dagskrá fyrir alla aldurshópa:

Helgihald, sunnudagaskóli, tónskáldaspjall og tónleikar.

Messa verður í Hallgrímskirkju kl. 11 undir yfirskriftinni Talenta í jörðu .

Sr. Irma Sjöfn Óskarsdóttir prédikar og þjónar fyrir altari, með aðstoð messuþjóna. Félagar úr kór Hallgrímskirkju leiða söng og organisti er Björn Steinar Sólbergsson.

Sunnudagaskólinn er á sínum stað á sama tíma undir yfirskriftinni Búum til bjartari og sanngjarnari heim og verður horft til ábyrgðar okkar og köllunar í heiminum til að leggja okkar af mörkum til að bæta heiminn okkar. Umsjón hafa Rósa Hrönn Árnadóttir, Lilja Rut Halldórsdóttir og Ragnheiður Bjarnadóttir.

Síðdegis tekur Hallgrímskirkja þátt í Myrkum músíkdögum 2026. Kl. 16 fer fram tónskáldaspjall þar sem Elísabet Indra Ragnarsdóttir ræðir við tónskáldið Hildigunni Rúnarsdóttur um tónskáldaferil hennar og þau verk sem flutt verða á tónleikunum. Tónskáldaspjallið fer fram á íslensku og er aðgangur ókeypis.

Að því loknu verða lokatónleikar Myrkra músíkdaga 2026 í Hallgrímskirkju: Cantoque syngur Hildigunni.

Þar flytur Cantoque Ensemble fjölbreytt úrval kórverka eftir Hildigunni Rúnarsdóttur undir stjórn Steinars Loga Helgasonar. Verk Hildigunnar einkennast af næmri textameðferð, sterku tilfinningasviði og skýru persónulegu tónmáli þar sem trúarleg arfleifð, náttúra og nútími mætast. Á tónleikunum verður meðal annars frumfluttur nýr kafli úr Requiem – Dies irae.

Miðasala fer fram í Hallgrímskirkju og á tix.is . Aðgangseyrir er 4.900 kr.

Hallgrímskirkja – þinn staður

HyperOrgel / Intelligent Instruments Lab í Hallgrímskirkju 5. og 7. febrúar 2026

Wed, 21 Jan 2026 14:32:48 GMT

HyperOrgel – MIDI - Mini - orgelhátíð í Hallgrímskirkju

Dagana 5. og 7. febrúar verður MIDI-Mini-Orgelhátíð í Hallgrímskirkju þar sem tækni og tónlist mætast og gefa áheyrendum nýtt sjónarhorn á Klais-orgelið í Hallgrímskirkju.
– Sjá nánari upplýsingar um viðburði / dagskrá og flytjendur hér að neðan.

Klais orgelið í Hallgrímskirkju var vígt árið 1992. Orgelið hefur 4 hljómborð og fótspil, 72 raddir og 5275 pípur. Orgelið er 15 metra hátt, vegur um 25 tonn og stærstu pípurnar eru um 10 metra háar.
Árið 2013 var MIDI tengingu bætt við við spilaborð orgelsins sem er staðsett á kirkjugólfinu. Þá opnaðist sá möguleiki að tengja tölvu við orgelið og stjórna því með tölvu eða öðrum stjórntækjum. MIDI er einfaldur samskiptastaðall fyrir tónlist og hefur frá 1983 aðallega verið notaður til að tengja saman hljómborð og hljóðgervla.
Tölvustýrð hljóðfæri lúta öðrum lögmálum en hljóðfæri sem leikið er á af mennskum flytjendum. Ákvarðanir tónskáldsins um hraða, tímasetningar og áslátt eru leiknar af hljóðfærinu án málamiðlana. Þannig er hægt að láta hljóðfærið leika af ofurnákvæmni en einnig er möguleiki að láta tölvuna leika ónákvæmt eftir fyrirfram gefnum forsendum. Gagnvirk orgel tónlist í samhengi við lifandi flutning hentar tölvustýrðu orgeli vel, auk flókinnar algrímskrar tónlistar og tónlistar sem unnin er með vélanámi. Tölvustýring orgelsins opnar sumsagt á nýja vídd í flutningi, túlkun, hljóðáferð og upplifun áheyrenda.
HyperOrgel er verkefni Intelligent Instruments Lab, þverfaglegrar rannsóknarstofu innan Háskóla Íslands sem skoðar hlutverk gervigreindar í nýjum hljóðfærum og tækni almennt. Í Hallgrímskirkju verða kvöldtónleikar, hádegistónleikar, fyrirlestur og sömuleiðis tölvustýrð tónverk á opnunartíma kirkjunnar.

Áki Ásgeirsson, listræn stjórnun.
Sveinn Ingi Reynisson, tæknileg umsjón.

Viðburðir:

Opnun Vetrarhátíðar 2026 verður við Hallgrímskirkju um kl. 1930 og verð tónleikar í beinu framhaldi (kl. c.a. 19:00) HyperOrgel

HyperOrgel

Fimmtudagur 5. febrúar kl. ca. 19:30

Tónleikar í Hallgrímskirkju í beinu framhaldi af opnun Vetrarhátíðar í Reykjavík 2026
Gagnvirk tónverk með tölvutengdum hljóðfærum.
Tómas Manoury - nýtt verk
Steinunn Harðardóttir - nýtt verk
Jesper Pedersen - nýtt verk
Áki Ásgeirsson - nýtt verk

Open Lab í Veröld - Hús Vigdísar (ATH: Ekki í Hallgrímskirkju)

Föstudagur 6.feb kl 15:00
Intelligent Instruments Lab: Umræður með tónskáldum, sýnd dæmi um tölvustýrð orgelverk.

HyperOrgel – MIDI-Mini-Orgelhátíð

Laugardagur 7.feb

kl 12:00-12:30 Hádegistónleikar / Matinée
Örlygur Steinar Arnalds - r lego, 3m 52s
Yulia Vasileva - nýtt verk
Ronja Jóhansdóttir - nýtt verk
Gunnar Andreas Kristinsson - nýtt verk
Guðmundur Vignir Karlsson - nýtt verk
Arnljótur Sigurðsson - nýtt verk
kl 13:00 Tónverk á heila tímanum: Dettifoss
kl 13:20-13:50 Orgeltæknitónsmíðaspjall í Norðursal Hallgrímskirkju: Áki Ásgeirsson leiðir umræður.
kl 14:00 Tónverk á heila tímanum: Victor Shepardson and Julie Zhu
kl 16:00 Tónverk á heila tímanum: Svartþoka
kl 17:00 Tónverk á heila tímanum: Sveinn Ingi Reynisson

Ókeypis aðgangur er á alla viðburði hátíðarinnar og öll hjartanlega velkomin!

HALLGRÍMSKIRKJA – ÞINN STAÐUR

Messa og sunnudagaskóli 18. janúar 2026 kl. 11 Meistari gleðinnar / Við fögrudyr – Silfur og gull á ég ekki en..

Fri, 16 Jan 2026 13:44:48 GMT

Sunnudagur 18. janúar 2026 kl. 11

HALLGRÍMSKIRKJA
Sunnudagur 18. janúar 2026 kl. 11

Meistari gleðinnar
Messa
Sr. Irma Sjöfn Óskarsdóttir prédikar og þjónar fyrir altari
Messuþjónar aðstoða
Félagar úr Kór Hallgrímskirkju leiða söng
Organisti er Björn Steinar Sólbergsson

Við fögrudyr / „Silfur og gull á ég ekki en það sem ég hef, það gef ég þér"
Sunnudagaskólinn er á sínum stað
Umsjón: Lilja Rut Halldórsdóttir, Kristbjörg Katla Hinriksdóttir og Ragnheiður Bjarnadóttir

HALLGRÍMSKIRKJA — ÞINN STAÐUR

Prédikunarstóllinn / 11. janúar 2026 / Þrettándamessa / Jesúbarn á flótta

Thu, 15 Jan 2026 14:32:46 GMT

Jesúbarn á flótta

Messa 4. Janúar. 2026 Sunnudag milli nýárs og þrettánda

Prestur: Sr. Eiríkur Jóhannsson

Lexía: Jes 61.10-62.3

Ég gleðst yfir Drottni, ég fagna yfir Guði mínum því að hann bjó mig klæðum hjálpræðisins, sveipaði mig skikkju réttlætisins. Eins og brúðgumi setur upp höfuðdúk sinn og brúður býr sig skarti sínu og eins og jörðin gefur gróðrinum vöxtinn og garður lætur frækornin spíra mun Drottinn Guð láta réttlæti dafna og orðstír frammi fyrir öllum þjóðum. Sökum Síonar get ég ekki þagað og vegna Jerúsalem ekki verið hljóður fyrr en réttlæti hennar brýst fram eins og ljómi og hjálpræði hennar logar sem kyndill. Þjóðirnar munu sjá réttlæti þitt og allir konungar dýrð þína, þér verður gefið nýtt nafn sem munnur Drottins ákveður. Þú verður vegleg kóróna í hendi Drottins og konunglegt höfuðdjásn í hendi Guðs þíns.

Pistill: 1Jóh 3.1-3

Sjáið hvílíkan kærleika faðirinn hefur auðsýnt okkur, að við skulum kallast Guðs börn. Og það erum við. Heimurinn þekkir okkur ekki vegna þess að hann þekkti hann ekki. Þið elskuðu, nú þegar erum við Guðs börn og það er enn þá ekki orðið bert hvað við munum verða. Við vitum að þegar hann birtist, þá verðum við honum lík því að við munum sjá hann eins og hann er. Hver sem hefur þessa von til hans hreinsar sjálfan sig eins og Kristur er hreinn.

Guðspjall: Matt 2.13-15

Þegar vitringarnir voru farnir þá vitrast engill Drottins Jósef í draumi og segir: „Rís upp, tak barnið og móður þess og flý til Egyptalands. Þar skaltu vera uns ég segi þér því að Heródes mun leita barnsins til að fyrirfara því.“ Jósef vaknaði, tók barnið og móður þess um nóttina og fór til Egyptalands. Þar dvöldust þau þangað til Heródes var allur. Það átti að rætast sem Drottinn lét spámanninn segja: „Frá Egyptalandi kallaði ég son minn.“

Náð sé með yður og friður, frá Guði föður vorum og drottni Jesú Kristi.

Nú er hátíðartíminn að baki og á morgun tekur við óbreytt heil, vinnuvika. Lífið flestra fellur í fastari skorður skóli, vinna, skyldur og verkefni. Í flestum tilvikum er það á vissan hátt fagnaðarefni, það er vissulega gott að gera sér dagamun, hátíðir lífga upp á og gera rof í hversdaginn og eru mikilvægar. En það er eins og stundum er tekið til orða, það eru ekki alltaf jólin. Enda ef svo væri, færi þá ekki allur glansinn af þeim? Erum við ekki flest þannig gerð að vilja og þurfa að hafa einhvers konar viðspyrnu í lífi okkar takast á við verkefni og finna sig þannig verðugan verkalauna sinna, hvernig svo sem þau eru tilkomin eða metin.

Stöðugt fjölgar þó í þeim hópi sem ekki er gert að sinna utanaðkomandi skyldum eftir föstum ramma skilgreinds vinnutíma heldur geta mótað að miklu leyti sinn lífsstíl, hvernig tímanum er varið og skipt milli skyldustarfa og annars. Að vissu leyti gerir þetta frelsi meiri kröfur til eigin skipulags og sjálfsaga.

Helgihaldið í kirkjum landsins heldur sínum takti og í lífi sumra er það sem betur fer dýrmætur rammi þar sem sækja má andlega uppörvun og stuðning. Lifandi trúarlíf hefur löngum einkennst af ákveðum takti eða hrynjandi í lífinu. Við höfum flest heyrt af taktföstum tíðasöng í klaustrum svo dæmi sé tekið. Í umhverfi okkar kirkjudeildar er ekki að finna þess háttar kröfur en samt finna flest okkar hversu dýrmætt það er að halda sig við vissa reglu, svo sem eins og bæn að kvöldi og að morgni og síðan þátttaka í samfélagi um trú sína svo sem eins og að mæta til messu á sunnudögum eða í eitthvert helgihald eins og kyrrðar eða bænastundir eða morgunmessur líkt og við ástundum í þessari kirkju og á sinn trúfasta hóp. Eg held megi segja að fastur taktur eða rytmi í lífinu sé okkur flestum mikilvægur, jafnvel nauðsynlegur. En það getur kostað töluverðan sjálfsaga að halda sig við það sem maður samt veit að er gagnlegt svo sem eins og að ástunda hreyfingu af einhverju tagi. Allt sem hér hefur verið nefnt sem jákvætt getur líka í sumum tilfellum gengið útí öfgar þegar það verður að stífu lögmáli sem ekki má víkja útaf og ef það gerist þá verður uppnám og örvænting. Um þetta gildir sem annað að allt er best í hófi.

Guðspjallið sem við heyrðum hér lesið segir frá því þegar nauðsynlegt reyndist að flýja með barnið litla í fjarlægt land til að forða því undan ofsóknum. Hin fagra kyrralífsmynd af barni í jötu og hirðum og vitringum sem koma og votta virðingu sína og aðdáun víkur nú fyrir sótsvörtum veruleikanum, heimi þar sem grimmd og miskunnarleysi ræður ríkjum og óöryggi og óvissa mótar lífið. Um leið er okkur kippt inn í veruleika dagsins í dag þar sem stórum hluta mannkyns er gert að lifa við svipaðar aðstæður. Stjórnvöld sem deila og drottna og láta sér í léttu rúmi liggja lífskjör þegnanna og hafa það eitt í huga að gæta þess að þeir ógni ekki þeirra eigin stöðu og tökum þeirra á stjórnartaumum. Þannig hefur þetta verið um aldaraðir og það má segja að hugmyndin um lýðræði og að þau sem veljast til að fara með völd geri það í umboði þegnanna sé tiltölulega ný. Ekki nóg með það heldur stendur hún víða völtum fótum. Virðingin fyrir mannslífinu er nánast engin, umburðarlyndi í lágmarki. Tilgangurinn helgar öll meðöl. Jafnvel okkar heilaga ritning er tekin og látin þjóna annarlegum sjónarmiðum, trúverðugleiki trúarinnar er nýttur til að lyfta upp úreltu gildismati og mannskilningi sem ganga gegn grundvallarhugsjónum um frelsi mannsins og virðingu fyrir lífi og lífsstíl fólks.

Það er vissulega rétt að enginn getur eignað sér texta ritningarinnar og þar er mörg orð að finna, jafnvel sjónarmið sem við myndum engan veginn taka undir. Má þar nefna umræður um dauðarefsingar, þrælahald, heilagt stríð, eignarétt húsbóndans yfir öllu sem undir hans þaki býr, eiginkonum, börnum, þrælum og húsdýrum.

Það sjónarmið sem kristið fólk hefur fyrir löngu gert sér grein fyrir að þurfi að beita í þessu samhengi er að lesa biblíuna, eins og stundum er sagt, gegnum kross Jesú krists. Jesús kristur og kærleiksboðskapur hans verður þannig að nauðsynlegum túlkunarlykli þegar þessi mörgu rit eru lesin og rannsökuð og greind. Rit sem flest eiga sér langa mótunar og ritunarsögu eru orðin til við mismunandi aðstæður og er ætlað að þjóna alls kyns hlutverkum.

Það á við í þessu samhengi líkt og á eiginlega við í öllum aðstæðum að það er engin einföld lausn í boði, lífið allt og áskoranir þess er flókið verkefni og allar tilraunir til að búa til eitthvað einfalt patent er í besta falli blekking.

En er þá ekkert framundan eða í boði nema eilíft strit og barátta? Eiginlega ekki, það verður alltaf barátta að halda á lofti gildum mannúðar og kærleika en það er og getur aldrei orðið eins manns barátta, það sem mestu skiptir í þessu samhengi er sú staðreynd að betur sjá augu en auga og með því að hjálpast að með því að treysta hvort öðru og virða hvort annað þá er hægt að lyfta endalausum grettistökum.

Í þessu samhengi má minnast þess að á þessu ári munum við fagna 40 ára vígsluafmæli þessa stórkostlega helgidóms sem við erum saman komin í en þá voru liðin rétt rúm fjörutíu ár frá því fyrsta skóflustungan var tekin og þá voru liðin um 30 ár frá því fyrst komu fram hugmyndir um að reisa kirkju til heiðurs minningu Hallgríms Péturssonar. Það var 1914 þegar liðin voru 300 ár frá fæðingu hans sem fyrst var farið að ræða þessi mál. Staðreyndin er að þessar hugmyndir mættu allt frá upphafi nokkrum mótbyr og jafnvel eftir að hafist var handa við bygginguna þá var andóf uppi. En alltaf var þó öflugur hópur sem ekki lét deigan síga og hélt áfram og hugmyndin átti sömuleiðis víðtækan hljómgrunn úti í þjóðfélaginu. Þannig að þegar húsið var risið og vígt þá kom í ljós að um það bil 2 þriðju kostnaðarins við bygginguna var í formi frjálsra framlaga. Félög og einstaklingar af landinu öllu lögðu þessari hugsjón lið. Það er því ekki af ástæðulausu sem þess kirkja er gjarnan kölluð þjóðarhelgidómur.

Þannig má segja að þetta glæsilega hús sem nú er svo mikið lofað um heiminn allan, sé fagur vottur þess sem hægt er að koma í framkvæmd þegar fólk hjálpast að, vinnur saman af örlæti og kappi.

En þrátt fyrir alla sína fegurð þá er þetta samt í eðli sínu fyrst og fremst skjól, skel til hlífðar fyrir fólk sem kemur saman til að biðja, til að syngja saman, til að heyra lesið út okkar helgu bók, uppbyggjast í samfélaginu og styrkjast í viðleitni sinni til að verða betri manneskjur og láta gott af sér leiða.

Guðspjallið birtir okkur mynd af fjölskyldu á flótta, sú mynd er bæði gömul og ný en hún segir líka við okkur þetta: Jesúbarnið er með í för með öllum slíkum og þá getum við líka minnst þess að jólaguðspjallið sjálft segir frá því að þau komu aftur og aftur að lokuðum dyrum í neyð sinni þau hafa knúð dyra aftur og aftur og aftur og aftur er hurðum skellt. Er það ekki einmitt það sem er að gerast einmitt um þessar mundir. Hvert landið á fætur öðru skellir í lás lokar sínum dyrum, nei því miður það er ekki rúm fyrir ykkur í gistihúsinu.

Foreldrarnir fóru með jesúbarnið inn í annað land en þar voru ekki þeirra rætur og um leið og aðstæður höfðu breyst og hættan var liðin hjá þá fóru þau heim þar sem þau höfðu alist upp og lifað og þar vildu þau og þráðu að vera. Er það ekki raunin með flest það fólk sem hrekst að heiman það gerir það ekki með glöðu geði það þráir helst af öllu að fá að lifa og starfa þar sem það er fætt og þekkir best og á sína sögur og rætur.

Biblían færir okkur fögur og uppbyggileg orð, orð sem hvetja og styrkja svo sem eins og þau sem hér voru lesin. Ég gleðst yfir Drottni, ég fagna yfir Guði mínum því að hann bjó mig klæðum hjálpræðisins.

Og þessi orð postulans: Sjáið hvílíkan kærleika faðirinn hefur auðsýnt okkur, að við skulum kallast Guðs börn

Við skulum anda að okkur þessum fögru orðum og ganga út í hversdaginn með gleði og djörfung. Leggja góðum málum lið, hvar sem þau birtast.

Í Jesú nafni, amen.

HALLGRÍMSKIRKJA – ÞINN STAÐUR

Prédikunarstóllinn / Aðfangadagur 2025

Thu, 15 Jan 2026 14:24:17 GMT

Aðfangadagskvöld 2025

Sr. Eiríkur Jóhannsson

Lúkas 2:1-14

1 En það bar til um þessar mundir að boð kom frá Ágústusi keisara, að skrásetja skyldi alla heimsbyggðina. 2 Þetta var fyrsta skrásetningin og var gerð þá er Kýreníus var landstjóri á Sýrlandi. 3 Fóru þá allir til að láta skrásetja sig, hver til sinnar borgar.
4 Þá fór og Jósef úr Galíleu frá borginni Nasaret upp til Júdeu, til borgar Davíðs, sem heitir Betlehem, en hann var af ætt og kyni Davíðs, 5 að láta skrásetja sig ásamt Maríu heitkonu sinni sem var þunguð. 6 En meðan þau voru þar kom sá tími er hún skyldi verða léttari. 7 Fæddi hún þá son sinn frumgetinn, vafði hann reifum og lagði hann í jötu af því að eigi var rúm fyrir þau í gistihúsi.

8 En í sömu byggð voru hirðar úti í haga og gættu um nóttina hjarðar sinnar. 9 Og engill Drottins stóð hjá þeim og dýrð Drottins ljómaði kringum þá. Þeir urðu mjög hræddir 10 en engillinn sagði við þá: „Verið óhræddir, því, sjá, ég boða yður mikinn fögnuð sem veitast mun öllum lýðnum: 11 Yður er í dag frelsari fæddur, sem er Kristur Drottinn, í borg Davíðs. 12 Og hafið þetta til marks: Þér munuð finna ungbarn reifað og liggjandi í jötu.“
13 Og í sömu svipan var með englinum fjöldi himneskra hersveita sem lofuðu Guð og sögðu:
14 Dýrð sé Guði í upphæðum og friður á jörðu og velþóknun Guðs yfir mönnum.

Náð sé með yður og friður, frá Guði föður vorum og Drottni Jesú Kristi

Það eru komin jól, enn eru þau komin þessi jól sem aldrei fölna, aldrei verða úrelt, aldrei hætta að kveikja neista í brjóstum okkar, ungra sem aldinna. Þau tengja saman fortíð og nútíð, minningar úr bernsku og augnablikið núna.

Þau lýsa upp dimmar vetrarnæturnar, þau lýsa upp í himinhvolfið, þau lýsa yfir landið og þau lýsa hugarfylgsnin innra með okkur, en þar getur líka orðið vandratað og villugjarnt.

Hingað erum við komin þessi mikli flokkur, inn í helgidóm til að eiga gleðistund til að syngja saman, til að biðja saman, til að heyra þessa einföldu frásögn lesna af fæðingu barns og dýrðarsöng engla, þegar himinn og jörð mætast og það er söngur sem hljómar, lofsöngur ómar.

Við komum úr ólíkum áttum, hvert og eitt með okkar sögu og reynslu og viðhorf, við erum á ólíkum aldri og hvernig við túlkum, hvernig við heyrum, hvernig við sjáum, það sem fram fer og fyrir augu ber það er í raun einstakt fyrir okkur hvert og eitt.

Í guðspjallinu er okkur vísað inn í hrörlegt skýli þar sem liggja húsdýr mannsins, sum jórtra, önnur sofa, það berst frá þeim hlýja og rósemd. Og þarna liggur lítið barn, lítill reifastrangi og sefur. Og þarna er kannski líka litli asninn sem María fékk að sitja á þessa löngu ferð sem hún þurfti að takast á hendur, þetta litla en sterka burðardýr sem seint er talið bera með sér glæsileik en samt, var það ekki asni sem bar frelsarann inn í borgina miklu? Á einum stað í gamla testamentinu er það asni einn sem tekur að mæla fyrir munn Drottins þegar spámaðurinn Bíleam sér ekki og skynjar það sem honum er ætlað að mæla og segja fram fyrir munn Drottins, hann lýstur sitt burðardýr með staf sínum en uppsker guðlega vitrun og stranga áminningu, asninn tekur til við að tala og ávítar og leggur línur. Rétt eins og kýrnar hér heima á jólanótt. Spámaðurinn sem taldi sig vita eitt og annað, varð að þola áminningu. Hann sá ekki né heyrði það sem honum var ætlað að sjá, það sem honum var ætlað að segja og miðla áfram.

Barnið litla sefur rótt, Guð er kominn inn í mannleg kjör en ekki bara það, hann er kominn inn í veröldina, inn í lífríkið allt og það eru ekki bara hirðar og vitringar sem eru vitni, það eru dýrin líka systkin okkar og frændur af sömu ættum og ættkvíslum hryggdýra og spendýra. Við höfum gert þau mörg hver okkur undirgefin en við megum aldrei gleyma því að við erum hluti þessarrar heildar og án þessarrar heildar getum við ekki lifað.

Nei við erum ekki ein á þessari jörðu og það er gott að vita og gott að geta glaðst yfir því.

Fæðing er undursamlegt fyrirbæri en hún er ekki átakalaus, hún er ekki hættulaus, henni fylgir ómældur sársauki en að endingu er gleðin yfir hinu nýja lífi það sem yfirgnæfir allt annað.

Þannig er eiginlega lífið allt, nýtt er stöðugt að verða til, lifandi verur fæðast en líka hugmyndir og áform, en hvernig förum við með það allt, það er stóra spurningin, hvað er það sem við sjáum og heyrum? Spámaðurinn þurfti að heyra boðskapinn af munni asnans síns til þess að ná áttum. Hann kom úr óvæntri átt og þannig er okkar líf líka og það sem við heyrum og sjáum og nemum. Það sem gjarnan gerist í nútímanum er að við veljum það sem við viljum heyra og lokum oft augum og eyrum fyrir mörgu öðru.

Það má kalla margtuggna klisju að jólagleðin komi innan frá en ekki vegna alls hins ytra, ekki vegna skrautsins, matarins, gjafana, tónleikanna. Allt er þetta þó góðra gjalda vert í hófi og auðvitað spilar þetta allt saman á einn eða annan hátt en samt er sannleikur í því fólgin að segja að neistinn sem kveiki ljósið, hann komi að innan.

Þær myndir sem guðspjallið dregur upp eru af fólki í nánum tengslum við náttúruna, unga parið með barnið sitt í gripahúsi. Hirðar úti í haga, fjárhópurinn hefur bælt sig í þéttum hóp í næturkulinu, fjármennirnir skiptast á að ganga í kring um hópinn og gæta þess að rándýr laumist ekki að í myrkrinu og hremmi bráð, hinir sitja í kringum lítinn varðeld og verma sig. Þá skeður undrið, himnarnir opnast og þeim birtist sýn, engill sem mælir við þá skiljanleg orð en samt ekki. Frelsari fæddur í borg Davíðs og skyndilega stendur hjá englinum risakór sem syngur dýrðarsöng, tjaldið milli heimanna tveggja var eina örskotsstund dregið frá, himinn og jörð snertu hvort annað, eitt töfrum slungið augnablik. Og þeir taka sig upp fjármennirnir og halda af stað að leita að staðfestingu orðanna. Og þeir finna staðinn segja frá og krjúpa í lotningu.

Síðar gerist það að fræðimenn úr fjarlægu landi finna barnið og móður þess.

Okkur dylst samt ekki varnarleysið og hversu viðkvæmt allt þetta er og getur að sönnu brugðið til beggja vona. Það minnir okkur á að þannig er tilvera okkar allra, sama hversu vel við reynum þá er alltaf óvissa, enginn veit með vissu hvað getur gerst. Lífsháskann er alls staðar að finna. Þess vegna eru þessi himnesku orð svo dýrmæt. „Verið óhrædd.“ Þegar allt kemur til alls þá er ekkert að óttast, það er yfir okkur vakað, við eigum í vændum öruggt skjól.

Fræðingar og fáfróðir smalar vitja barnsins. Táknræn staðfesting þess að það sem þarna er að gerast er öllum ætlað og talar inní ólíka heima. Okkar er að hlusta, sjá og heyra, meðtaka, gefa gaum að þeim skilaboðum sem til okkar er beint. Ekki að líta undan og forðast að horfast í augu við sannleika. Við gerum svo oft eitt og annað sem við innst inni vitum að er ekki æskilegt eða gagnlegt. Það er svo auðvelt að fylgja straumnum, gera bara eins og hinir. Náttúran lífríkið, stynur undan höggum okkar, við látum sem við heyrum ekki þegar til okkar er kallað.

En nú er gleðistund í heiminum, um öll heimsins ból eru haldin heilög jól, í gleðinni felst dýrmæt næring, hún eflir styrk og þrótt. Við getum ekki haft augun af barninu litla, öll leiðindi og gremja fjúka burt. Það sem er svo stórkostlegt er sú staðreynd að þetta þarf ekki bara að gerast eitt kvöld á ári, heldur má viðhalda þessum, viðhorfum þessari nálgun, þessari von um hið góða fagra og fullkomna, sérhvern dag sem okkur er gefinn. Hvort heldur í einrúmi eða samfélagi helgidómanna.

Það finnst ekki betra tákn en einmitt barnið litla, barnið býr yfir ótal möguleikum og þess bíða ótal tækifæri, það er okkar að hjálpa því að vaxa og dafna og þroskast. Þannig er einnig með trú okkar og hin jákvæðu viðhorf til lífsins, það er undir okkur komið að efla þetta og styrkja, næra með ástundun og iðkun.

Ljósið skín í myrkrinu, stjarna vísar veginn yfir fjöll og firnindi, við höldum áfram hinn ótrygga veg, hina holóttu braut, hinn bratta stíg, en saman getum við fundið lausnir og leiðir og lært að lifa með systkinum okkar á þessari jörð, með öllu sem lífsanda dregur og á sér jafngilt tilkall til lífs. Fögnum, gleðjumst og þökkum á helgri jólahátíð. Barn er fætt í Betlehem, nú blikar jólastarna.

HALLGRÍMSKIRKJA – ÞINN STAÐUR UM JÓLIN

Prédikunarstóllinn / Jóladagur 2026

Thu, 15 Jan 2026 14:16:23 GMT

Jóladagur 2025

Sr. Eiríkur Jóhannsson

Lexía: Jes 62.10-12

Gangið út, já, gangið út um hliðin, greiðið götu þjóðarinnar. Leggið, leggið braut, ryðjið grjótinu burt, reisið merki fyrir þjóðirnar. Sjá, Drottinn hefur kunngjört allt til endimarka jarðar: „Segið dótturinni Síon, sjá, hjálpræði þitt kemur. Sjá, sigurlaun hans fylgja honum og fengur hans fer fyrir honum.“ Þeir verða nefndir heilagur lýður, hinir endurleystu Drottins, og þú kölluð Hin eftirsótta, Borgin sem aldrei verður yfirgefin.

Pistill: Tít 3.4-7

En er gæska Guðs, frelsara vors, birtist og elska hans til mannanna, þá frelsaði hann okkur, ekki vegna réttlætisverkanna, sem við höfðum unnið, heldur frelsaði hann okkur af miskunn sinni. Það gerði hann í þeirri laug endurfæðingar og endurnýjunar heilags anda sem hann lét ríkulega yfir okkur streyma sakir Jesú Krists, frelsara vors. Þannig erum við réttlætt fyrir náð hans og urðum í voninni erfingjar eilífs lífs.

Guðspjall: Jóh 1.1-14

Í upphafi var Orðið og Orðið var hjá Guði og Orðið var Guð. Hann var í upphafi hjá Guði. Allt varð til fyrir hann, án hans varð ekki neitt sem til er. Í honum var líf og lífið var ljós mannanna. Ljósið skín í myrkrinu og myrkrið tók ekki á móti því. Maður kom fram, sendur af Guði. Hann hét Jóhannes. Hann kom til vitnisburðar, að vitna um ljósið og vekja alla til trúar á það. Ekki var hann ljósið, hann kom til að vitna um ljósið. Hið sanna ljós, sem upplýsir hvern mann, kom nú í heiminn. Hann var í heiminum og heimurinn var orðinn til fyrir hann en heimurinn þekkti hann ekki. Hann kom til eignar sinnar en hans eigið fólk tók ekki við honum. En öllum þeim sem tóku við honum gaf hann rétt til að verða Guðs börn, þeim sem trúa á nafn hans. Þau urðu ekki til á náttúrulegan hátt né af vilja manns heldur eru þau af Guði fædd. Og Orðið varð hold, hann bjó með oss, fullur náðar og sannleika og vér sáum dýrð hans, dýrð sem sonurinn eini á frá föðurnum.

Náð sé með yður og friður, frá Guði föður vorum og Drottni Jesú Kristi.

Það er jóladagur það ríkir kyrrð yfir borginni. Fáir á ferli margir hafa sofið fram eftir og notið þess að hafa hægt um sig.

En samt erum við hingað komin í helgidóminn, við heyrum fagra kunnuglega sálma og tökum jafnvel undir, við heyrum lestra úr helgri bók sem við flest könnumst við og höfum heyrt og nú er það um orðið sem var í upphafi hjá Guði, um orðið sem varð hold og bjó með oss fullur náðar og sannleika. Þetta er töluvert annað en það sem lesið var í gær um fæðingu barns í gripahúsi.

Þetta er texti sem segja má að sé með heimspekilegu ívafi. Talað er um orðið og ljósið og samhengið gefur til kynna að með því að tala um orðið þá sé verið að tala um speki, þekkingu já jafnvel lögmál. Og þessi þekking þessi speki þessi lögmál eru frá Guði komin. En þrátt fyrir þessi lögmál þá er samt brestur í kerfinu, mennirnir veita þeim ekki viðtöku, þeir eru eins og kenjóttir krakkar. Foreldrarnir reyna sitt besta til að hafa vit fyrir þeim en samt þau æða út í foraðið og fara sér að voða. Þó þetta sé orðað svona með hversdagslegum hætti þá er þetta samt kjarni málsins, þessi þversögn um mannlegt líf og hegðun og atferli. Hið góða sem ég vil það gjöri ég ekki segir Páll postuli á einum stað.

En hvers vegna skyldi þessum texta vera valinn staður til lestrar einmitt á þessum tíma þegar við fögnum fæðingu frelsarans? Líklega vegna þess að hér er verið að fjalla um upphaf það er eitthvað að byrja, fæðing er tákn um upphaf, orðið var í upphafi hjá Guði. Við lifum lífi okkar eftir tímalínu við fæðumst,við lifum og deyjum það er eitt af lögmálum tilverunnar.

Það sem þó er svo undarlegt og á vissan hátt undursamlegt er það að ekki fer allt eftir fyrirfram forrituðum brautum. Við sjáum að flestar lífverur lifa og hegða sér eftir því sem kalla má eðlisávísun, sem í grundvallaratriðum snýst um það leita uppi fæðu, að nærast og geta af sér afkvæmi. Við mennirnir erum þarna líka, sem samt er okkuð gefið eitthvað meira, við getum farið út af brautinni, við getum óhlýðnast, við getum tekið upp á því að gera eitthvað sem alls ekki er í samræmi við nokkrar reglur. Til þess að geta slíkt þarf í raun, það sem við köllum skapandi hugsun og það sem við höfum þessu til viðbótar er frelsið, frelsi til að brjóta reglur, og jafnvel gera það sem ekki má eða til er ætlast. Allavega að gera það sem ekki er samkvæmt handritinu. Hann kom til eignar sinnar en hans eigin menn tóku ekki á móti honum. Er þarna verið að lýsa vonbrigðum? Eða einfaldlega staðreynd.

Í sköpunarsögunni í fyrstu Mósebók segir Guð þessi orð: „Vér viljum gera manninn eftir vorri mynd, líkan oss.

Síðan líður ekki á löngu þar til maðurinn lætur sér ekki nægja að sitja iðjulaus og horfa í kringum sig í hinum fagra aldingarði þar sem allt er til alls. Hann langar til að spyrja og skoða og hann gerir það sem honum var sagt að gera ekki og vissulega fann hann að það var ekki rétt en samt. Syndafallinu er síðan lýst sem vonbrigðum Guðs með mennina og þess vegna hafi þeir ekki getað búið lengur í hinum fagra aldingarði.

Ég spyr mig, er endilega víst að þetta hafi verið svo mikil vonbrigði, manninum hafði verið gefið eitthvað meira en öðrum og það lá því ljóst fyrir að hann myndi ekki sætta sig við annað en geta haldið áfram af stað út í óvissu og hættu og erfiðleika, og já endalausar áskoranir. Öllum þessum möguleikum fylgja líka allir þessir neikvæðu þættir: Grimmdin og ágirndin, miskunnarleysið já svo má endalaust telja já og auðvitað þjáningin. Má ekki spyrja sig hvort þetta sé ekki á endanum gjaldið fyrir frelsið, fyrir hina skapandi hugsun sem svo sannarlega getur alið af sér bæði gott og slæmt.

Okkur er mikið gefið vandinn er hvernig við förum með það.

Orðið og ljósið stígur inn í þennan hættulega heim en ekki til að svipta okkur neinu af okkar gáfum, ekki til að taka frá okkur frelsið og binda okkur á bás, nei hann tekur áhættuna með okkur mönnunum hann stígur inn til þess að vísa veginn benda á það sem skiptir máli, það er hægt að lifa góðu lífi og óttalausu lífi og skapandi lífi án þess að fórna frelsinu og það er með því að læra að þekkja lögmál kærleikans og tileinka sér það í öllu sínu lífi. Nýtt boðorð gef ég yður að þið elskið hvert annað. Þú skalt elska Drottinn Guð þinn og náunga þinn eins og sjálfan þig. Þetta gerist ekki með þvingun eða hótunum eða refsingum. Ofbeldi leiðir aðeins af sér meira ofbeldi, hefnd getur af sér nýja hefnd. Þegar Jesús er umkringdur hermönnum Getsemani þá endanlega afneitar hann ofbeldinu og því valdi sem því fylgir. Mitt ríki er ekki af þessum heimi, ég gæti kallað til himneskar herdeildir en ég geri það ekki. Er hann ekki einmitt að segja að hann sé í heiminn kominn til að vísa annan veg benda á aðra lausn, kynna nýtt grundvallarlögmál. Nýtt upphaf. Lögmál kærleikans.

Þegar við horfum í kringum okkur þá sjáum við að ekki hefur allt farið vel, við opnum miðlana og við blasir eiginlega ekkert nema neikvæðar fyrirsagnir hvort sem er heima eða að heiman. Við sjáum óvissuna og hættuna, skelfileg slys verða fyrirvaralaust, það er þjáning sjúkdómar og dauði. Það eru styrjaldir og ólýsanleg grimmd og virðingarleysi fyrir mannslífinu.

En samt, hefur ekki líka ótal margt áunnist og verið gert í vísindum og listum í góðverkum og hjálparstarfi, í umhyggju og kærleika. Við höfum þekkingu og tækni til að snúa við óheillaþróun og skaða þeim sem unninn hefur verið á lífríkinu. Við höfum val um svo ótal margt og getu til að framkvæma svo óendanlega margt. Enn er þó svo sannarlega mikið verk fyrir höndum. Það virðist svo erfitt að treysta lögmáli kærleikans, jafnvel þótt við innst inni vitum að það er hið eina rétta. Jafnvel þótt við heyrum og nemum hin miklu orð frelsarans engilsins á betlehemsvöllum „verið óhrædd“ það er ekkert að óttast hvorki í lífi né dauða. Þetta er eins og að stökkva út út flugvél með fallhlíf, það þarf að treysta því að búnaðurinn virki það þarf að þora að sleppa takinu en svo er sagt að fátt jafnist á við það að svífa og fá svo mjúka lendingu með hinum trausta búnaði.

Ég boða mikinn fögnuð sagði engillinn, gleðin er lykilorð, hin hljóðláta innri gleði og ljós, birtan sem hrindir brott myrkrinu sem getur falið svo margt ljótt. Birtan sem lýsir upp sviðið, boðar nýjan dag, dag þegar hægt er að ganga til verka við að byggja upp og bæta.

Það má hugsa sér að við okkur sér sagt eitthvað á þá leið: ég sé að ekki hefur allt farið hér vel en samt vil ég ekki svipta ykkur því sem ykkur er dýrmætast sem er frelsi og skapandi hugur

Í guðspjallinu sem talar um hin háleitu hugtök er líka nefndur til sögunnar maður af holdi og blóði. Jóhannes skírarinn, ræðumaðurinn sem galt með lífi sínu fyrir það að segja sannleika. Má ekki líta svo á að með því að nefna tiltekinn mann í þessu samhengi þá standi hann þar sem fulltrúi allra manna sem staðfesting þess að Guð ætlar okkur hlutverk í sínu mikla sköpunarverki sínum stórfenglegum fyrirætlunum, hér á jörð og á himnum uppi. Þið skiptið máli segir textinn, ekki með nauðung eða þvingun heldur sem frjálsir sjálboðaliðar í miskunnarverki guðs, í því langhlaupi að guðs ríki komi að endingu með krafti. Þegar lögmál kærleikans verður allt í öllu. Barnið í jötunni er tákn þessa alls, það baðar út höndum og hjalar og við óskum einskis heitar en taka það í faðm og veita því vernd og skjól.

HALLGRÍMSKIRKJA – ÞINN STAÐUR UM JÓLIN

Prédikunarstóllinn / 7. desember 2025 / Hver er það sem knýr á dyr?

Wed, 14 Jan 2026 14:07:32 GMT

Hver er það sem knýr á dyr?

Séra Eiríkur Jóhannsson

Lexía: Jes 35.1-10

Eyðimörkin og skrælnað landið gleðjist, öræfin fagni og blómstri. Eins og dverglilja skal hún blómgast, gleðjast, gleðjast og fagna. Vegsemd Líbanons veitist henni, skart Karmels og Sarons. Menn munu sjá dýrð Drottins og vegsemd Guðs vors. Styrkið máttvana hendur, styðjið magnþrota hné, segið við þá sem brestur kjark: „Verið hughraustir, óttist ekki, sjáið, hér er Guð yðar, hefndin kemur, endurgjald frá Guði, hann kemur sjálfur og bjargar yður.“ Þá munu augu blindra ljúkast upp og eyru daufra opnast. Þá stekkur hinn halti sem hjörtur og tunga hins mállausa fagnar. Já, vatnslindir spretta upp í eyðimörkinni og lækir í auðninni. Glóandi sandurinn verður að tjörn og þyrst jörðin að uppsprettum. Þar sem sjakalar höfðust við áður sprettur stör, reyr og sef. Þar verður breið braut sem skal heita Brautin helga. Enginn óhreinn má hana ganga því að hún er ætluð lýð Guðs að fara um og heimskingjar munu ekki villast þar. Þar verður ekkert ljón, ekkert glefsandi rándýr fer þar um, þar verður þau ekki að finna. Þar munu aðeins endurleystir ganga. Hinir endurkeyptu Drottins hverfa aftur og koma fagnandi til Síonar, eilíf gleði fer fyrir þeim, fögnuður og gleði fylgja þeim en sorg og mæða flýja.

Pistill: Heb 10.35-37

Varpið því eigi frá ykkur djörfung ykkar. Hún mun hljóta mikla umbun. Þolgæðis hafið þið þörf, til þess að þið gerið Guðs vilja og öðlist fyrirheitið. Því að: Innan harla skamms tíma mun sá koma sem koma á og ekki dvelst honum.

Guðspjall: Mrk 13.31-37

Himinn og jörð munu líða undir lok en orð mín munu aldrei undir lok líða. En þann dag eða stund veit enginn, hvorki englar á himni né sonurinn, enginn nema faðirinn. Gætið yðar, vakið! Þér vitið ekki nær tíminn er kominn. Svo er þetta sem maður fari úr landi, skilji við hús sitt og feli þjónum sínum umráðin, hverjum sitt verk. Dyraverðinum býður hann að vaka. Vakið því, þér vitið ekki nær húsbóndinn kemur, að kveldi, á miðnætti, í óttu eða dögun. Látið hann ekki finna yður sofandi þegar hann kemur allt í einu. Það sem ég segi yður, það segi ég öllum: Vakið!“

Náð sé með yður og friður, frá Guði föður vorum og Drottni Jesú Kristi.

Nú er jólafastan gengin í garð og einmitt á þessum tíma er margt að ske í þjóðlífinu og sömuleiðis líka inná flestum heimilum. Það hefur löngum loðað við að hinn margvíslegi undirbúningur sem á sér stað á þessum tíma í aðdraganda jóla, hvíli að miklu leyti á kvenþjóðinni. Jafnvel þótt margt hafi breyst í þjóðlífinu frá því flestar eiginkonur og mæður unnu sín verk inni á heimilinu til þess sem nú er að flestar konur eru virkar á vinnumarkaði. Samt hefur margt hinna fornu siða og verkaskiptingar haldist óbreytt innan heimilisins. Sérstaklega þegar mikið stendur til þá eru það konurnar sem taka stjórnina og gjarnan líka ganga í verkin.

Þetta er líka dimmur tími, dagurinn stuttur og myrkur bæði kvölds og morgna. Samt heyrist minna um skammdegisdrunga og þrúgandi myrkur um þessar mundir en eftir jól, í janúar til dæmis sem þó er alls ekki dimmari. Getur það verið að á þessum tíma þar sem við horfum fram til jólagleðinnar þá finnum við minna fyrir myrkrinu? Við erum að stefna í ákveðna átt, það liggur eitthvað fyrir og það stendur eitthvað til, það eru ekki bara börnin sem hlakka til. Við sem komin erum til ára okkar höfum alveg gert þetta allt áður og það sem meira er við höfum gert það með svipuðum hætti, jafnvel alveg eins ár eftir ár. Og svo virðist sem fæstir kæri sig um nokkra tilbreytingu í þessu tilviki, haldið er fast í hefðir.

Á þessum vetrartíma fáum við lestur úr gamla testamentinu sem fjallar um grósku, eyðimörkin og skrælnað landið á að gleðjast já jafnvel eru öræfin nefnd á nafn sem okkur hér á landi finnst við eiga sérstaklega. Ásýndin breytist þegar dvergliljurnar skjóta upp kollinum. Og þá mun allt fara að gerast hinn halti stekkur sem hjörtur og tunga hins mállausa fagnar, vatnslindir spretta upp í eyðimörkinni. Allt sem er ótrúlegt og raunar ósennilegt það getur gerst. Fögnuður og gleði fylgja en sorg og mæða flýja.

Spámaðurinn er sem endranær að leitast við að blása mönnum von í brjóst og löngun til að hefjast handa um að byggja upp.

Hér er á myndrænann hátt verið að lýsa miklum umskiptum, það sem er skrælnað þurt og dautt lifnar við, bæði í náttúrunnar ríki sem á meðal manna. Og það má segja að kallist á við það sem Kristur sjálfur gerði, blindir fá sýn og haltir ganga.

Á þessum tíma getum við líka hugsað til Maríu guðsmóður, þessarrar ungu konu sem nú er að heita fullgengin með sitt fyrsta barn. Má ekki reikna með því að þá sem nú hafi í huga hennar tekist á, kvíði og eftirvænting. Barnið minnir á sig og byltir sér og sparkar í sínu þrönga rými. Móðirin sem enn hefur aldrei fætt barn, veit varla í þennan heim né annan. Og ekki einfaldast staðan þegar í ljós kemur að þau þurfi að takast á hendur ferðalag í fjarlæga borg.

Guðspjallið geymir orð Jesú þar sem hann brýnir okkur til þess að vera á verði, til þess að gleyma okkur ekki. Dyravörðurinn hefur mikilvægt hlutverk, ekki bara til þess að opna fyrir húsbóndanum þegar hann kemur, heldur að gæta dyranna og sjá til þess að enginn óboðinn æði þar inn.

Það er gömul saga og ný að ekki er víst að allir sem berja að dyrum hjá okkur hafi gott í hyggju. Bara nú í þessari viku var fjallað um óprúttna sölumenn sem beita lymskulegum ráðum til þess að vinna traust fólks, einkanlega ungs fólks og selja þeim síðan hugmynd um öryggi og traust, ávöxtun fjár og öryggi á efri árum en svo kemur í ljós að mest er þetta lygi og blekkingar.

Af þessu leiðir að í stað öryggis og velvildar kemur tortryggni, við erum hætt að svara síma ef við könnumst ekki við númerið, við viljum fá okkur dyrabjöllur með myndavél. Og margir hafa reyndar hag af því að selja alls kyns varning sem á að auka öryggi okkar. Að baki býr óttinn, tortryggnin, efasemdir og vantraust. Hver og einn lokar sig af inni í sínu eigin búri.

Og nú er lika svo komið að svo til alls staðar innan borga og bæjarmarka erum við í mynd, upptökuvélar á flestum götuhornum. Hið alsjáandi auga fylgist með og vaktar. Allt gert til að auka öryggi en felur líka í sér hættu. Einræðisherrar víða um heim nota tækin til að sjá og skoða og fylgjast með. Þau sem segja eitthvað sem ekki er þóknanlegt eða gera eitthvað svo sem eins og fara í mótmælagöngur, já þau eru svo lítið ber á tekin úr umferð.

Þjóðsögurnar okkar geyma sögur af því þegar illir vættir heilla fólk og tæla í björg og huliðsheima. Gakk í björg og bú með oss segja huldumeyjarnar við Ólaf liljurós. En hann lætur ekki glepjast, heldur vil ég á krist minn trúa.

Miðlar nútímans eru hannaðir til þess að heilla og glepja og bergnuminn stara börn á unglingar á skjáina sína. Þau þegja þá á meðan og foreldrarnir eru fegin að fá næði til að sinna sínu.

Flestir kannast við að víða í sveitum og jafnvel þorpum hér á landi tíðkaðist ekki að læsa húsum og jafnvel ekki heldur bílunum. Sennilega er sá siður að mestu horfinn í dag. Og jafnvel hér í borginni viðgekkst sá siður að ungbörn sváfu í vögnum sínum fyrir utan kaffihús meðan foreldrar settust inn og fengu sér hressingu. Útlendingar voru steinhissa og raunar hneykslaðir Mér er nær að halda þetta sé alveg horfið í dag.

Boðskapur trúarinnar fjallar um traust, að treysta góðum Guði og sömuleiðis að við treystum hvert öðru, vantraust, ótti, tortryggni er ávísun á átök og að endingu hatur manna og þjóða á milli. En okkur er líka ráðlagt að vera á verði. Postulinn hvetur okkur til þess að rækta með okkur bæði djörfung og þolgæði.

Það kostar sannarlega kjark að treysta og við vitum nú um stundir rétt eins og áður og fyrr að ekki eru allir viðhlæjendur vinir.

Það sem hefur yfir sér anda umhyggju svo sem eins og að selja happdrættismiða í þágu góðgerðarfélaga því er rænt og notað til að sigla undir fölsku flaggi. Dyrabjallan hringir og úti stendur einstaklingur og segist vera að selja eða safna til góðgerða en svo kemur í ljós að svo er ekki.

Já það er vandlifað í henni veröld og ekki óeðlilegt að ályktunin verði sú að réttast og öruggast sé að læsa að sér og hleypa engum inn, láta sem maður heyri ekki þegar knúð er á dyr.

Kristur segir okkur að vaka og vera á verði, ekki bara til þess að varast hið illa heldur ekki síður til að meðtaka og ljúka upp dyrum fyrir því góða, fagra og fullkomna.

Gjarnan er það flokkað sem einfeldni og jafnvel fáviska að treysta fólki fyrirfram, vissulega er það gömul saga og ný að menn nýti sér hrekkleysi og góðvild.

Samt er það grundvallaratriði í okkar kristnu trú, það sem Kristur kennir að mæta fólki með jákvæðum huga, gefa öllum tækifæri, þú skalt elska náunga þinn eins og sjálfan þig segir Jesús. Hann segir þetta ekki að ástæðulausu, hann segir það vegna þess að aðeins þannig er mögulegt að byggja upp samfélag þar sem ríkir raunverulegt frelsi og öryggi ekki ógnarjafnvægi gagnkvæmra hótana. Það er ekki auðvelt og ekki einfalt en það er samt það sem við erum kölluð til að gera, til þess þarf djörfung og þolgæði, það þarf opinn og vakandi huga og það þarf drifkraft vonarinnar í átt til þess sem fagurt er og gott, til þess tíma þegar dvergliljan skýtur upp kollinum og öræfin taka að gróa upp.

Við stefnum í átt til ljóssins. hátíðar ljóssins, nýs upphafs sem birtist í nýfæddu barni. Þá burt er sortans svið.

HALLGRÍMSKIRKJA – ÞINN STAÐUR

Viltu syngja með? / Barnakór Hallgrímskirkju óskar eftir söngfuglum

Thu, 08 Jan 2026 14:03:40 GMT

Komdu og syngdu með!

Barnakór Hallgrímskirkju býður unga og áhugasama söngfugla hjartanlega velkomna í hópinn!

Við syngjum saman, lærum ný lög og eigum notalegar stundir í góðum félagsskap.

Á önninni syngur kórinn meðal annars í fjölskylduguðsþjónustu og tekur þátt í hinni skemmtilegu Söngvahátíð barnanna 23. apríl 2026. Kórinn hóf starfsemi sína haustið 2025 og eru æfingar hafnar á nýju ári. Stjórnandi er Fjóla Kristín Nikulásdóttir.

Æfingar eru á miðvikudögum kl. 16:30–17:30. Þátttaka er ókeypis og engin reynsla nauðsynleg.

Skráning í fullum gangi á Abler.io

Meðfylgjandi myndir tók Hrefna Harðardóttir. Á myndinni hér að ofan syngur Barnakór Hallgrímskirkju ásamt börnum í fjölskylduguðsþjónustu á fjórða í aðventu, 21. desember 2025.

HALLGRÍMSKIRKJA – STAÐUR BARNANNA

Gleðilegt nýtt ár 2026

Fri, 02 Jan 2026 11:31:36 GMT

Óskum söfnuði Hallgrímssóknar og landsmönnum öllum farsældar og gleði á komandi ári, þökkum góðar stundir á árinu sem er að líða.

Hallgrímskirkja.is – Þinn staður

Jóla- og nýárskveðja frá Hallgrímskirkju 2025

Tue, 30 Dec 2025 17:31:27 GMT

Við óskum söfnuði Hallgrímssóknar og landsmönnum öllum gleði á jólum og farsældar á komandi ári, þökkum góðar stundir á árinu sem er að líða.

Hallgrímskirkja.is – Þinn staður

Vetur & vor í Hallgrímskirkju 2026

Sun, 28 Dec 2025 16:57:12 GMT

Tónleikar í Hallgrímskirkju – Vetur og vor 2026

Hallgrímskirkja býður upp á fjölbreytta og metnaðarfulla tónleikaröð Vetur og vor 2026, þar sem kirkjan er vettvangur fyrir tónlist sem spannar vítt svið, allt frá samtímatónlist og kórverkum til sígildra meistaraverka og nýstárlegra samspilsforma.

Dagskráin hefst með Myrkum músíkdögum þann 1þ febrúar þar sem Cantoque Ensemble flytur tónlist Hildigunnar Rúnarsdóttur, og heldur áfram með Opnun Vetrarhátíðar 5. febrúar þar sem ljós, orgeltónlist og rafræn tækni mætast.

Hádegistónleikar eru reglulegur liður á vorönninni og gefa gestum tækifæri til að njóta tónlistar í miðjum degi, fyrsta laugardag hvers mánaðar í einstöku rými kirkjunnar.

Á dagskránni má einnig finna helgihald og tónlist tengda kirkjuárinu, svo sem aftansöng með Kór Hallgrímskirkju á Boðunardegi Maríu, flutning á Sjö orðum Krists eftir Haydn á Pálmasunnudag og tónlist Oliviers Messiaens á Uppstigningardegi. Samstarf við Listaháskóla Íslands og Söngvahátíð barnanna undirstrikar mikilvægi kirkjunnar sem lifandi menningar- og fræðslustaðar fyrir allar kynslóðir.

Tónleikaröðinni lýkur með glæsilegum tónleikum í samstarfi við Listahátíð í Reykjavík, þar sem kynslóðir tónskálda og flytjenda mætast í tónleikum með kór, söngvurum og hljóðfæraleikurum af hæsta gæðaflokki.

Hér að neðan má finna dagskrána:

HALLGRÍMSKIRKJA

TÓNLEIKAR VETUR & VOR 2026

MYRKIR MÚSÍKDAGAR
Sunnudagur 1. febrúar

Tónskáldaspjall / Hildigunnur Rúnarsdóttir@ 16:00

CANTOQUE syngur Hildigunni Rúnarsdóttur @ 17:00
Cantoque ensemble
Steinar Logi Helgason stjórnandi
Aðgangseyrir / ISK 4.900

Opnun Vetrarhátíðar 2026

HyperOrgel / Intelligent Instruments Lab
Fimmtudagur 5. febrúar kl.18:30
Ókeypis aðgangur

HyperOrgel í Hallgrímskirkju – Laugardagur 7. febrúar/ Intelligent Instruments Lab
Hádegistónleikar / Matinée @ 12:00

Kynning í Norðursal @13:20

HyperOrgel á heila tímanum – Verk fyrir tölvustýrt orgel flutt kl. 13, 14, 16 og 17

HÁDEGISTÓNLEIKAR / Matinée
Laugardagur 7. mars kl. 12
Eyþór Franzson Wechner orgel
Aðgangseyrir / ISK 3.200

Boðunardagur Maríu / AFTANSÖNGUR MEÐ KÓR HALLGRÍMSKIRKJU
Sunnudagur 22. mars kl. 17
Kór Hallgrímskirkju
Steinar Logi Helgason stjórnandi
Björn Steinar Sólbergsson orgel
Ókeypis aðgangur

Haydn – Sjö orð Krists
Strengjakvartettinn Siggi
Pálmasunnudagur 29. mars kl. 17
Aðgangseyrir / ISK 4.900

PASSÍUSÁLMALESTUR og tónlist á föstudaginn langa
Föstudagur 3. apríl kl. 13:00–18:30

Ókeypis aðgangur

HÁDEGISTÓNLEIKAR / Matinée

Matthías Harðarson orgel
Laugardagur 4. apríl kl. 12
Aðgangseyrir / ISK 3.200

LISTAHÁSKÓLINN Í HALLGRÍMSKIRKJU
Laugardagur 18. apríl kl. 14
Ókeypis aðgangur

SÖNGVAHÁTÍÐ BARNANNA
Sumardagurinn fyrsti 23. apríl kl. 14
Ókeypis aðgangur

HÁDEGISTÓNLEIKAR
Sigrún Magna Þórsteinsdóttir orgel
Ave Sillaots harmónikka

Laugardagur 2. maí kl. 1 2
Aðgangseyrir / ISK 3.200

OLIVIER MESSIAEN – L’ASCENSION / Orgelandakt
Björn Steinar Sólbergsson orgel
Uppstigningardagur 14. maí kl. 11
Ókeypis aðgangur

HÁDEGISTÓNLEIKAR / Matinée

Lára Bryndís Eggertsdóttir orgel
Jón Arnar Einarsson básúna
Laugardagur 6. júní kl. 12
Aðgangseyrir / ISK 3.200

Samhljómur kynslóða: Hildur Guðnadóttir & Jón Nordal
LISTAHÁTÍÐ Í HALLGRÍMSKIRKJU
Sunnudagur 7. júní kl. 17
Kór Hallgrímskirkju
Álfheiður Erla Guðmundsdóttir sópran
Andrew Watts kontratenór
Bryndís Halla Gylfadóttir selló
Frank Aarnink slagverk
Björn Steinar Sólbergsson orgel
Steinar Logi Helgason stjórnandi
Aðgangse yrir / ISK 6.900

Miðasala fer fram í Hallgrímskirkju og á www.tix.is .
Nánari upplýsingar má finna á www.hallgrimskirkja.is .

Streymt úr Hallgrímskirkju frá Aftansöng á aðfangadag og Guðsþjónustu á jólanótt 24. desember 2025

Wed, 24 Dec 2025 16:55:54 GMT

Gleðileg jól

Streymt verður beint frá Aftansöng í Hallgrímskirkju á aðfangadag fyrir öll sem eiga ekki heimangengt. Verið hjartanlega velkomin að fylgjast með og njóta hátíðlegrar stundar, kórsöngs og jólaboðskaparins hvar sem þið eruð.

Einnig verður streymt beint frá guðsþjónustu á jólanótt í Hallgrímskirkju á aðfangadag. Fylgist með og takið þátt í hátíðlegri stund, þar sem jólagleði, kyrrð og boðskapur jólanna sameinast í helgri samveru.

Aftansöngur á aðfangadag 24. desember 2025 kl. 18:00
Prestur: Eiríkur Jóhannsson
Organisti: Björn Steinar Sólbergsson
Kór Hallgrímskirkju syngur undir stjórn Steinars Loga Helgasonar
Einsöngur: Sólbjörg Björnsdóttir, sópran

Hægt er að fylgjast með í gegn um þennan hlekk : https://youtube.com/live/dDLqWeFHI8I?feature=share

Guðsþjónusta á jólanótt, 24. desember 2025 kl. 23:30
Prestur: Irma Sjöfn Óskarsdóttir
Organisti: Björn Steinar Sólbergsson
Kór Menntaskólans við Hamrahlíð syngur undir stjórn Hreiðars Inga Þorsteinssonar

Hægt er að fylgjast með beinu streymi í gegn um þennan hlekk:
https://youtube.com/live/nyzKkyHFUss?feature=share

Gleðileg jól!

Hallgrímskirkja – Þinn staður um jólin

Hádegistónleikar til styrktar "Hróks alls fagnaðar"

Tue, 23 Dec 2025 13:44:06 GMT

Dúótónleikar með fallegri strengjatónlist á milli jóla og nýárs

Þann 30. desember kl. 13:00 halda fiðluleikarinn Guðbjartur Hákonarson og Hrafnhildur Marta Guðmundsdóttir sellóleikari, pop-up / dúó-tónleika í Hallgrímskirkju til styrktar Skákfélagi Laufásborgar "Hróks alls fagnaðar", en skákbörn félagsins stefna á Evrópumót grunnskóla í skák í Króatíu vorið 2026.

Flutt verður falleg strengjatónlist í jóla- og vetraranda, í samræmi við rými kirkjunnar og þá kyrrð sem einkennir þennan fallega árstíma. Tónleikarnir eru 30 mínútur. Kirkjan er opin almenningi og turninn aðgengilegur gestum.

Aðgangur er ókeypis en tekið verður á móti frjálsum framlögum og allur ágóði rennur óskertur til félagsins.

Hægt er að styrkja skákbörn Hróks alls fagnaðar með því að leggja inn á reikningsnúmer félagsins: 0357-22-002669 kt. 701023-1530 Einnig verður hægt að leggja inn með korti og gefa pening á staðnum auk þess sem hægt verður að gefa í gegn um tix þegar nær dregur.

Öll hjartanlega velkomin!

Fjórði sunnudagur í aðventu í Hallgrímskirkju

Sun, 21 Dec 2025 08:01:27 GMT

Fjölskylduguðsþjónusta, jólaball og Syngjum jólin inn!

Úthlutun hjálparstarfs 2025

Thu, 18 Dec 2025 11:15:49 GMT

Ellefu milljónum króna var úthlutað úr Líknarsjóði Hallgrímskirkju á jólafundi sóknarnefndar Hallgrímssafnaðar 9.desember síðastliðinn.

Eins og jafnan um langt skeið felur sóknarnefndin fyrst og fremst Hjálparstarfi kirkjunnar og Kristniboðssambandinu að koma söfnunarfé til skila heima og erlendis í þá staði þar sem þeir koma að mestu gagni að dómi þeirra sem best til þekkja.

Miðvikudagssöfnuðurinn í Hallgrímskirkju hefur um tveggja áratuga skeið safnað fé til styrktar Kaffistofu Samhjálpar. Að þessu sinni þótti ástæða til þess að sýna mataraðstoð Samhjálpar sérstaka samstöðu með viðbótarframlagi frá Hallgrímskirkju vegna flutninga Kaffistofunnar sem að ósekju hefur mætt vissum andbyr.

„Bergið headspace“ er frumkvöðlastarf sem stuðnings- og ráðgjafasetur fyrir ungt fólk upp að 25 ára aldri og hefur reynst því þarfur vettvangur. Markmið Bergsins er að bjóða upp á „lágþröskuldaþjónustu“ með áherslu á stuðning, fræðslu og ráðgjöf. Hallgrímskirkja vottar þessu starfi þakklæti og stuðning með framlagi úr Líknarsjóði.

Líknarsjóður Hallgrímskirkju tók á árinu þátt í söfnun á vegum Hallgrímskirkju í Saurbæ og Dómkirkjunnar í þágu hjálparstarfs meðal kristins flóttafólks frá Ngorno Karabakh sem hrakið hefur verið til Armeníu og býr þar margt við slæman kost.

75 ára saga

Líknarsjóður Hallgrímskirkju varð 75 ára í fyrra. Hann var stofnaður í Reykjavík sem sjálfseignarstofnun með skipulagsskrá sem undirrituð var af Sigurbirni Einarssyni og Gísla Jónassyni ásamt stofnandanum Helga Gíslasyni 17. júlí 1949. Stofnféð var kr. 2000 til minningar um eiginkonu Helga, Sigurbjörtu Halldórsdóttur. Tilgangur sjóðsins var að styrkja nauðstadda í Hallgrímsprestakalli.

Líknarstarfi hefur verið sinnt af Hallgrímskirkju í samræmi við tilgang sjóðins og þróun hjálparstarfs. Á hinum síðari áratugum hefur söfnunarfé hinsvegar verið fært beint í safnaðarreikning og úthlutað árlega með bókaðri samþykkt í sóknarnefnd, yfirleitt í desember, auk þess sem prestar Hallgrímskirkju sinna hjálparstarfi. Nafni Líknarsjóðsins hefur verið viðhaldið á táknrænan hátt, en nýverið var upphafleg skipulagsskrá afskráð hjá sýslumanni. Í skýringum með ársreikningi Hallgrímssafnaðar er gerð grein fyrir styrkveitingum og stöðu „Líknarsjóðs“.

Uppistaðan í söfnunarfé er sala á minningarkertum sem söfnuðurinn leggur til svo og framlög frá einstaklingum. Hallgrímssöfnuður starfar samkvæmt lögum nr. 110/2021 um félög til almannaheilla og er skráður í almannaheillaskrá. Framlög til verkefna á vegum Hallgrímskirkju geta því notið skattafsláttar.

HALLGRÍMSKIRKJA – ÞINN STAÐUR

Jólin hans Hallgríms í Hallgrímskirkju

Tue, 09 Dec 2025 11:55:24 GMT

Sýningin Jólin hans Hallgríms er hafin og nú streyma aftur leik- og grunnskólabörn í Hallgrímskirkju á aðventunni.

Mikil gleði ríkir í kirkjunni þegar börnin fá að sjá, og sum einnig að heyra, hið stórbrotna Klais-orgel kirkjunnar, skoða kirkjumuni og hlýða á sýningu í baðstofu sem sett er upp ár hvert sérstaklega fyrir þessa upplifun.

Sýningin er byggð á samnefndri bók Steinunnar B. Jóhannesdóttur, og fá börnin þar að kynnast jólaanda fyrri alda. Börnin fá að skyggnast inn í jólastemningu fyrir um 400 árum, þegar Hallgrímur Pétursson var ungur drengur og jólin höfðu allt annan svip en í dag.

Opið er fyrir bókanir fyrir leik- og grunnskólahópa á aldrinum 3–10 ára ásamt kennurum á Abler.io.

HALLGRÍMSKIRKJA – STAÐUR BARNANNA

Mynd: Hér taka leikararnir Níels Thibaud Girerd og Pálmi Freyr Hauksson á móti skólahópi í Suðursal Hallgrímskirkju.

Opnunartímar á milli jóla og nýárs / Opening hours for Christmas and New Year's

Fri, 05 Dec 2025 17:20:58 GMT

HALLGRÍMSKIRKJA – ÞINN STAÐUR

Opnunartími, helgihald og tónleikar um jól og áramót

23.12. Þorláksmessa

Opnunartími: 10:00 – 17:00 (síðasti aðgangur að turni 16:45)

Vinsamlegast athugið: Takmarkaður aðgangur að kirkjuskipinu

Kórtónleikar: Huldur 12:00 – 12:45 (ókeypis aðgangur)

24.12. Aðfangadagur

(Kirkjan er ekki opin til skoðunar og turninn lokaður)

18:00 Aftansöngur

Kirkjan opnar fyrir gesti 17:00

23:30 Guðsþjónusta á jólanótt

Kirkjan opnar fyrir gesti 22:45

25.12. Jóladagur

(Kirkjan er ekki opin til skoðunar og turninn lokaður)

14:00 Hátíðarguðsþjónusta á jóladag

Kirkjan opnar fyrir gesti 13:15

26.12 . Annar í jólum

Opnunartími 10:00 – 16:30 (turninn lokar 16:15)

Kirkja og turn lokuð frá 10:30 – 12:15 (u.þ.b.)

14:00 Guðsþjónusta

17:00 Orgeltónleikar á öðrum degi jóla (miðasala í kirkjubúðinni og á www.tix.is

27.12. - 29.12 - 30.12.

Opnunartími: 10:00 – 19:00 (síðasti aðgangur að turni 18:45)

28.12.

Opnunartími: 10:00 - 19:00 (síðasti aðgangur að turni 18:45)

Kirkja og turn lokuð frá 10:30 – 12:30 og kirkjuskip er lokað frá 13:45 – 15:15 (u.þ.b.) Turninn er opinn

11:00 Messa

14:00 Ensk messa

31.12. Gamlársdagur

Opnunartími 10:00 – 12:00

16:00 Tónleikar: Hátíðarhljómar við áramót

Miðasala í kirkjubúðinni og á tix.is

Kirkjan opnar 15:15 fyrir tónleikagesti

18:00 Aftansöngur á gamlársdag

(Kirkjan opnar fyrir gesti að loknum tónleikum u.þ.b. 18:30)

1.1.2025 Nýarsdagur

(Kirkjan er ekki opinn til skoðunar og turninn lokaður)

14:00 Hátíðarmessa á nýarsdag

Kirkjan opnar fyrir messugesti 13:15

Vinsamlegast athugið að hleypt er inn í kirkjuna fyrir athafnir á meðan húsrúm leifir. Beint streymi er frá athöfnum á aðfangadag kl.18:00 og 23:30 á heimasíðu kirkjunnar og á www.mbl.is

Opening hours, Services and concerts over Christmas and New Year

23.12. Saint Thorlák day

Opening hour: 10:00 – 17:00 (last entrance to tower at 16:45)

Pleace notice: Limited access to the nave during the day

Choir concert: Huldur 12:00 – 12:45 (free entrance)

24.12. Christmas Eve

(No sightseeing of church and tower closed)

18:00 Vespers on Christmas Eve

Church opens for guests at 17:00

23:30 Midnight Service on Christmas Eve

Church opens for guests at 22:45

25.12. Christmas Day

(No sightseeing of church and tower closed)

14:00 Christmas day festive Service

Church opens for guests at 13:15

26.12 . Second day of Christmas / Boxing Day

Opening hours 10:00 – 16:30 (tower closes at 16:15)

Church and tower closed from 13:45 – 15:15 (ca.)

14:00 Service on second day of Christmas

17:00 Christmas organ concert (ticket sales in the church shop and on tix.is)

27.12. - 29.12 - 30.12 .

Opening hours: Church 10:00 – 19:00 (last entrance to tower at 18:45)

28.12.

Opening hours: 10:00 -19:00 (last entrance to tower at 18:45)

Church and tower closed from 10:30 – 12:30 & the church nave is closed from 13:45 – 15:15 (ca.) Tower is open

11:00 Sunday Service

14:00 Service in English

31.12. New Years Eve

Opening hours: Church & tower: 10:00 – 12:00

16:00 Concert: Festive Brass and Organ

Ticket sales in the church shop and on www.tix.is

Church opens at 15:15 for concert guests

18:00 Evensong on New Years Eve

(Church opens for guests of the service after he concert ca.18:30)

1.1.2025 New Years Day

(No sightseeing of the church and tower closed)

14:00 New Years Day estive Service

Church opens for guests at 13:15

Please note that entry to the church for services is subject to maximum capacity. We offer a live stream of the services on Christmas Eve at 18:00 and 23:30 on the church website and at www.mbl.is

Ljósaganga UN Women á Íslandi 2025

Wed, 26 Nov 2025 14:04:12 GMT

Ljósaganga UN Women á Íslandi í dag, 25. nóvember kl. 17:00

Ljósagangs UN WOMEN á Íslandi
25. nóvember kl. 17.00
Við styttu Ingólfs Arnarsonar á Arnarhóli

Í dag, þann 25. nóvember er Alþjóðadagur gegn kynbundnu ofbeldi og fer þá fram árleg Ljósaganga UN Women á Íslandi.
Í tilefni dagsins eru margar merkar byggingar á Íslandi lýstar upp í appelsínugulum lit, þar á meðal Hallgrímsskirkja sem styður málstaðinn heilshugar.

Gangan hefst klukkan 17:00 við styttu Ingólfs Arnarsonar á Arnarhóli, þaðan sem gengið verður suður Lækjargötu og upp Amtmannsstíg. Göngunni lýkur á Bríetartorgi með stuttri samverustund þar sem boðið verður upp á heitt kakó.

Dagurinn markar jafnframt upphaf 16 daga átaks gegn kynbundnu ofbeldi sem UN Women á Íslandi er í forsvari fyrir ásamt Mannréttindaskrifstofu Íslands og fjölda annarra félagasamtaka.

Sem fyrr verður Harpan lýst upp í appelsínugulum lit í tilefni dagsins, en appelsínuguli liturinn táknar framtíð án ofbeldis og er litur alþjóðlegs baráttudags gegn kynbundnu ofbeldi. Þá verða Aðalbygging Háskóla Íslands og Hallgrímskirkja einnig lýstar upp við þetta tækifæri.

Um 16 daga átakið gegn kynbundnu ofbeldi

16 daga átakið gegn kynbundnu ofbeldi er alþjóðlegt átak sem hefst 25. nóvember (á alþjóðlegum baráttudegi gegn kynbundnu ofbeldi) og lýkur 10. desember, á alþjóðlega mannréttindadeginum. #NoExcuse. UNiTE to End Violence against Women.

Stöðvum kynbundið ofbeldi!

Síðaslitiðin ár hafa Harpan tónlistarhús, Háskóli Íslands og Hallgrímskirkja verðið lýst upp í appelsínugulum lit í tilefni dagsins, en appelsínuguli liturinn táknar framtíð án ofbeldis og er litur alþjóðlegs baráttudags gegn kynbundnu ofbeldi.

Hallgrímskirkja – Gegn ofbeldi!

Sannleikurinn – Uppástandspistill með sr. Irmu Sjöfn Óskarsdóttur

Wed, 26 Nov 2025 14:02:37 GMT

Sóknarpresturinn okkar, sr. Irma Sjöfn Óskarsdóttir, fjallar um sannleikann í áhrifaríkum uppástandspistli á RÚV.
Hún kallar okkur til umhugsunar um mikilvægi heiðarleika, æðruleysis og sannleiksleitar í daglegu lífi.

Hlýðið pistlinum hér: https://www.ruv.is/utvarp/spila/uppastand/33185/9sf8vk

HALLGRÍMSKIRKJA – ÞINN STAÐUR

Aðventa, jól og áramót í Hallgrímskirkju 2025

Wed, 26 Nov 2025 13:39:35 GMT

AÐVENTA & JÓL í Hallgrímskirkju 2025

30. nóvember – fyrsti sunnudagur í aðventu
11:00 Messa og sunnudagaskóli – Upphaf söfnunar Hjálparstarfs kirkjunnar
Prestur: Sr. Irma Sjöfn Óskarsdóttir
Organisti: Björn Steinar Sólbergsson
Kór Hallgrímskirkju syngur undir stjórn Steinars Loga Helgasonar
14:00 Ensk messa / English Service

6. desember – laugardagur
12:00 Hádegistónleikar / Ertu búin/n að Bach-a fyrir jólin?

Tómas Guðni Eggertsson, orgel
Davíð Þór Jónsson, píanó

7. desember – annar sunnudagur í aðventu
11:00 Messa og sunnudagaskóli
Prestur: Sr. Eiríkur Jóhannsson
Organisti: Steinar Logi Helgason
Félagar úr Vox Feminae og Aurora kammerkór syngja

Stjórnendur Stefan Sand og Sigríður Soffía Hafliðadóttir

14. desember – þriðji sunnudagur í aðventu
11:00 Messa og sunnudagaskóli
Prestur: Sr. Irma Sjöfn Óskarsdóttir
Organisti: Björn Steinar Sólbergsson
Karlakór Reykjavíkur syngur undir stjórn Friðriks S. Kristinssonar
17:00 Jólatónleikar Kórs Hallgrímskirkju
Einsöngur: Hallveig Rúnarsdóttir
Organisti: Björn Steinar Sólbergsson
Stjórnandi: Steinar Logi Helgason

18. desember – fimmtudagur
20:00–22:00 Kvöldkirkja
Umsjón: Prestar Hallgrímskirkju
Tónlist: Hugi Garðarsson

21. desember – fjórði sunnudagur í aðventu
11:00 Fjölskylduguðsþjónusta
Prestur: Sr. Eiríkur Jóhannsson
Umsjón með barnastarfi: Rósa Hrönn Árnadóttir, Lára Ruth Clausen, Lilja Rut Halldórsdóttir, Kristbjörg Katla Hinriksdóttir og Ragnheiður Bjarnadóttir
Organisti: Björn Steinar Sólbergsson
Barnakór Hallgrímskirkju syngur og leiðir söng
Stjórnandi: Fjóla Kristín Nikulásdóttir
Jólaball í safnaðarsalnum eftir guðsþjónustuna
17:00 Syngjum jólin inn! / Lessons and Carols!
Kórsöngur, almennur söngur & lestrar
Kór Hallgrímskirkju – Steinar Logi Helgason
Kammerkórinn Huldur – Hreiðar Ingi Þorsteinsson
Dómkórinn – Matthías Harðarson
Björn Steinar Sólbergsson, orgel

Ókeypis aðgangur og öll velkomin á meðan húsrúm leyfir

22. desember – mánudagur

17:00 Aftansöngur – Þorlákstíðir / Vespers – Officium S. Thorlaci
Cantores Islandiae undir stjórn Ágústs Inga Ágústssonar
Organisti: Björn Steinar Sólbergsson

24. desember – aðfangadagur
18:00 Aftansöngur
Prestur: Eiríkur Jóhannsson
Organisti: Björn Steinar Sólbergsson
Kór Hallgrímskirkju syngur undir stjórn Steinars Loga Helgasonar

Einsöngur: Sólbjörg Björnsdóttir, sópran
23:30 Guðsþjónusta á jólanótt
Prestur: Irma Sjöfn Óskarsdóttir
Organisti: Björn Steinar Sólbergsson
Kór Menntaskólans við Hamrahlíð syngur undir stjórn Hreiðars Inga Þorsteinssonar

25. desember – jóladagur
14:00 Hátíðarmessa
Prestur: Eiríkur Jóhannsson
Organisti: Björn Steinar Sólbergsson
Kór Hallgrímskirkju syngur undir stjórn Steinars Loga Helgasonar

Einsöngur: Benedikt Kristjánsson, tenór
Emilía Rós Sigfúsdóttir leikur á flautu

26. desember – annar í jólum
14:00 Guðsþjónusta (ATH: Ekki kl. 11 eins og á síðasta ári)
Prestur: Irma Sjöfn Óskarsdóttir
Organisti: Steinar Logi Helgason
Kvintett syngur
17:00 Orgeltónleikar
Björn Steinar Sólbergsson, orgel
Aðgangseyrir: ISK 3,900

28. desember – sunnudagur milli jóla og nýárs
11:00 Guðsþjónusta og sunnudagaskóli
Prestur: Irma Sjöfn Óskarsdóttir
Organisti: Björn Steinar Sólbergsson
Kammerkórinn Huldur syngur undir stjórn Hreiðars Inga Þorsteinssonar
14:00 Ensk messa / English Service

31. desember – gamlársdagur
16:00 Hátíðarhljómar við áramót
North Atlantic Brass – Björn Steinar Sólbergsson, orgel
Aðgangseyrir: ISK 4,900

31. desember – gamlárskvöld
18:00 Aftansöngur
Prestur: Irma Sjöfn Óskarsdóttir
Organisti: Björn Steinar Sólbergsson
Kór Hallgrímskirkju syngur undir stjórn Steinars Loga Helgasonar

Einsöngur: Álfheiður Erla Guðmundsdóttir, sópran

Matthías Birgir Nardeau óbó

1. janúar – nýársdagur
14:00 Hátíðarmessa
Prestur: Irma Sjöfn Óskarsdóttir
Organisti: Björn Steinar Sólbergsson
Félagar úr Kór Hallgrímskirkju syngja undir stjórn Steinars Loga Helgasonar

Einsöngur: Elmar Gilbertsson tenór

Miðasala á tónleika fer fram í Hallgrímskirkju og á tix.is

Opnunartími 10:00-17:00 (turn lokar kl. 16:45)

ATH: Lengdur opnunartími 27.- 30. desember 10:00-19:00 (turn lokar 18:45)

HALLGRÍMSKIRKJA – ÞINN STAÐUR UM JÓLIN

Prédikunarstóllinn / 16, nóvember 2025 / Móðurmálið mitt

Wed, 26 Nov 2025 13:37:19 GMT

Móðurmálið mitt
Messa sunnudaginn 16. nóvember 2025 kl. 11 á Degi íslenskrar tungu
Prédikun Sr. Eiríks Jóhannssonar prests í Hallgrímskirkju

Lexía: Sef 3.14-17
Hrópaðu af gleði, Síonardóttir!
Fagnaðu hástöfum, Ísrael!
Þú skalt kætast og gleðjast af öllu hjarta,
dóttirin Jerúsalem.
Drottinn hefur ógilt refsidóminn yfir þér,
hann hefur hrakið fjendur þína á brott.
Konungur Ísraels, Drottinn, er með þér,
engar ófarir þarftu framar að óttast.
Á þeim degi verður sagt við Jerúsalem:
„Óttastu ekki, Síon,
láttu ekki hugfallast.
Drottinn, Guð þinn, er hjá þér,
hin frelsandi hetja.
Hann mun fagna og gleðjast yfir þér,
hann mun hrópa af fögnuði þín vegna eins og á hátíðisdegi
og hugga með kærleika sínum

Pistill: Heb 3.12-14
Gætið þess, bræður og systur, að hafa ekkert illt í hjarta og láta engar efasemdir bægja ykkur frá lifanda Guði. Uppörvið heldur hvert annað hvern dag á meðan enn heitir „í dag“, til þess að enginn forherðist af táli syndarinnar. Því að við erum orðin hluttakar Krists svo framarlega sem við treystum honum staðfastlega allt til enda eins og í upphafi.

Guðspjall: Matt 25.1-13
Enn sagði Jesús: „Þá er líkt um himnaríki og tíu meyjar sem fóru til móts við brúðgumann með lampa sína. Fimm þeirra voru fávísar en fimm hyggnar. Þær fávísu tóku lampa sína en höfðu ekki olíu með sér en hinar hyggnu tóku olíu með á könnum ásamt lömpum sínum. Nú dvaldist brúðgumanum og urðu þær allar syfjaðar og sofnuðu.
Um miðnætti kvað við hróp: Brúðguminn kemur, farið til móts við hann. Þá vöknuðu meyjarnar allar og tóku til lampa sína. En þær fávísu sögðu við þær hyggnu: Gefið oss af olíu yðar, það er að slokkna á lömpum vorum. Þær hyggnu svöruðu: Nei, hún nægir aldrei handa öllum. Farið heldur til kaupmanna og kaupið handa yður. Meðan þær voru að kaupa kom brúðguminn og þær sem viðbúnar voru gengu með honum inn til brúðkaupsins og dyrum var lokað.
Seinna komu hinar meyjarnar og sögðu: Herra, herra, ljúk upp fyrir oss. En hann svaraði: Sannlega segi ég yður, ég þekki yður ekki.
Vakið því, þér vitið ekki daginn né stundina.

Náð sé með yður og friður, frá Guði föður vorum og Drottni Jesú Kristi.

Hafðu augun opin, farðu varlega, passaðu þig á bílunum, settu á þig húfu og vettlinga, ekkikoma seint heim, ekki keyra of hratt.

Ég hugsa að við höfum öll á einhverjum tíma heyrt einhver þessarra orða kannski öll og jafnvel sjálf notað þau við okkar börn og barnabörn.

Þegar maður er barn og unglingur þá getur þessi ofur verndun og afskiptasemi að eigin dómi verið einstaklega pirrandi. Síðan sem betur fer þá kemur sá tími að maður kann að meta þessa umhyggju og þann kærleika sem orðin endurspegla, þeim er ekki sama um mig. Og síðan fyrr en við er litið þá er maður sjálfur kominn í þessa stöðu sem maður þoldi ekki. Þetta er lífsins saga og hefur án efa verið nokkuð sú sama um aldir alda.

Og jafnvel þótt unglingurinn þoli ekki þetta að nafninu til þá innst inni finnur hann og veit að að baki býr ást og umhyggja. Og það læðir inn góðritilfinningu eins konar öryggiskennd, þeim er ekki sama um mig þau láta sér annt um mig.

Guðspjall dagsins er þessi dæmisaga Jesú um meyjarnar tíu, þeim var ætlað að ganga með brúðguma í eins konar skrúðgöngu með logandi ljós inn í brúðkaupsveisluna. Það er greinilegt að þær reikna með einhverri bið en vita þó ekki hversu löng sú bið mun verða. Þess vegna hafa sumar þeirra tekið með sér aukaglös af olíu en svo eru hinar sem ekkert hafa hugsað um það og ákveðið að taka bara því sem að höndum ber, hafa hugsað með sér að þetta hljóti allt að reddast. En reyndin verður sú að þetta reddaðist einmitt ekki, þegar stundin rann upp þá misstu þær af og fengu ekki einu sinni að koma inn.

Þessi dæmisaga kemur fyrir í guðspjallinu í flokki fleiri sagna undir lok boðurnartíma Jesú og skömmu áður en hin dramatísku endalok krossfestingar hefjast. Jesús hefur ferðast um landið og prédikað og unnið margvísleg krafta- og miskunnarverk. Í ljós kom að hans helstu andmælendur og að endingu þeir sem lögðu á ráðin um endalok hans, voru þeir sem best þekktu til ritninganna sem voru grundvöllur þeirra trúar. Þeir sem voru í flokki þeirra sem lifðu sig inn í lögmálin og töldu sig því á vissan hátt hafa höndlað sannleikann. Þegar þeim er bent á margvíslegan tvískinnung í þeirra túlkun og trúariðkun, hvernig þeir, margir hverjir, höfðu gert trúarsiðina að gróðavegi og valdatæki, þá reiddust þeir í stað þess að horfa í eigin barm og viðurkenna sannleikann í gagnrýnisorðunum.

Allar dæmisögurnar í þessum flokki fjalla um það hvernig fólk hefur á einn og annan hátt brugðist skyldum sínum, svikist um og fórnað meiri hagsmunum fyrir minni. Og afleiðingarnar geta orðið skelfilegar og enginn veit fyrir víst hvenær ólánið og hörmungarnar dynja yfir.

Hann bendir á það hversu mikilvægt það sé að halda vöku sinni og vera trúfastur í því sem máli skiptir, ekki gleyma sér í glaumnum, ekki horfa bara á eigin stundarhagsmuni heldur sjá hlutina í víðara samhengi og láta sér annt um náunga sinn.

Og þegar við hugleiðum þessi orð þá sjáum við að allt þetta á fullkomlega við enn í dag. Vísindi og þekking hefur sagt okkur nú um langt skeið að hætta vofi yfir vegna umgengni okkar við lífríkið og náttúruna. Ef á að takast að snúa þróuninni við þurfi allir að leggja sín lóð á vogarskálar stór og smá og það þarf að gjörbreyta mörgu í lífsstíl og hegðun. Við verðum að tileinka okkur nægjusemi og hófsemi og virðingu fyrir tilverurétti annarra lifandi vera. En þegar á reynir kemur í ljós að við erum flest orðin of værukær og kærulaus og nennum ekki að fara að breyta neinu. Síðan koma fram raddir sem þrá að komast í stjórnartauma og segja því fyrst og fremst það sem við viljum heyra og það er, að vísu með nokkurri einföldun þetta. Iss þetta er allt tóm þvæla þetta verður allt í lagi, þetta er ekkert annað en hræðsluáróður, þetta verður allt í lagi bara ef þið kjósið okkur. Þetta er einmitt það sem við viljum heyra. Eða hvað? Hver nennir að hlusta á niðurdrepandi raus um flókin hugtök eins og hamfarahlýnun, súrnun sjávar, líffræðilega einsleitni.

Í dag er dagur íslenskar tungu haldinn á afmælisdegi Jónasar Hallgrímssonar eins hinna ástsælu skálda nítjándu aldar. Hann var mikill og hugmyndaríkur nýyrðasmiður. Á hans tíma streymdu fram alls kyns nýjungar sem enginn hafði áður haft hugmynd um og þess vegna þurfti mikið af nýjum orðum og í ljós hefur komið að þetta tungumál okkar hefur mikinn sveigjanleika og gefur kost á endalausum möguleikum á lýsandi orðum. Einmitt þannig þarf tungumál að vera, það er okkar dýrmætasta tæki til tjáskipta og upplýsingamiðlunar, nýjar aðstæður, ný tækni kalla á ný orð og nýja nálgun. Málshættir og orðtök sem eiga uppruna sinn atvinnuháttum sem enginn þekkir lengur eru dæmd til að deyja út, um leið koma ný inn og ný nálgun. Tungumálið er og á að vera eins og lifandi skjal sem stöðugt er í þróun og aðlögun. Verkefnið okkar er því að þróa það og útvíkka og laga að nýjum tímum en ekki að stoppa það upp eða frysta. En til þess að svo megi verða þurfum við að halda vöku okkar og gleyma ekki að taka með auka olíu á lampann, vera á verði og beita frjórri og skapandi hugsun, halda áfram að yrkja og semja og syngja og kveða og tala og lesa og skrifa. Já umfram allt að tala og tala saman, hlusta og gefa gaum, leitast við að skilja. Ekki fara léttu leiðina heldur bratta stíginn, krókóttu götuna, já klöngrast yfir klettabeltið, allt sem reynir á, bæði huga, hönd og fót og kallar á alla okkar orku til að skilja og rata og læra og muna og finna jafnvel að endingu gullið eða kannski ekki, heldur að hafa lært ómetanlega lexíu á ferðinni sjálfri.

Tungumálið er tæki til lærdóms og skilnings og slíkt verkfæri verður alltaf að vera af bestu gerð, brýnt og smurt, öflugt, en um leið, lipurt og fjölhæft og meðfærilegt. Við verðum að geta talað um og útskýrt og skilið, öll hin flóknu viðfangsefni sem við er að etja og engin auðveld leið er til framhjá. Láta ekki tælast eða blekkjast af einföldum brellum. Við ættum að minnast þess sem segir í gamalli vísu að hálfsannleikur oftast er óhrekjandi lygi.

Tungumál heimsins eru mörg og öll eiga þau sína sögu og eru merkileg, okkar tungumál er íslenska það er okkar móðurmál og það er og verður í öllum tilvikum þannig að móðurmálið okkar er það tungumál sem næst okkur stendur, jafnvel þótt við lærum mörg önnur. Það er á móðurmálinu sem við höfum mesta getu til að tjá okkur á fjölbreytilegan hátt. Hvað ungur nemur, gamall temur og þó hinum ungu leiðist stundum að láta minna sig á þá er nú nokkuð til því sem oft var sagt að oft er gott það sem gamlir kveða. Og það er með tungumálið okkar ekki ósvipað því sem er með okkar eigin fjölskyldu, við elskum okkar fólk og viljum því allt hið best um leið og við vitum að hún er í sjálfu sé ekkert merkilegri en aðrar góðar fjölskyldur.

Við verðum að vaka og vera við öllu búin, tilbúin að bregðast við, jafnvel því sem enginn býst við. Besta tækið til þess er opinn og skapandi hugur. Kjarngott og notadrjúgt tungumál. Mál sem við getum orðað öll hin mismunandi blæbrigði tilfinninga og skoðana.

Orðræða sem lýsir og leitast við að draga upp svarthvíta, einfaldaða mynd af hinum margvíslegu fyrirbærum mannlífs og náttúru er álíka gagnleg og að halda því fram að jörðin sé flöt. Verum því stöðugt á verði gagnvart innantómum slagorðum, blekkingum og einföldun flókinna staðreynda.

Vökum og biðjum, vökum og lærum, vökum og reynum að skilja.

Sú aðferðarfræði sem Kristur kennir okkur er að hafa augun á aðalatriðum og grundvellinum. Ekki að festast í gömlum klisjum eða hengja sig á stakan bókstaf í helgri ritningu, heldur að gefa gaum að samhengi og þeim sannleik sem Kristur leitast stöðugt við að minna á í sinni orðræðu. Hans áminning og leiðsögn liggur í því að leitast við að þjóna kærleikanum og friðnum og umhyggjunni. Virðingunni fyrir öðru fólki, þjóna frelsinu, rétti okkar hvers og eins til að vera við sjálf.

Á líðandi stund er margt sem glepur, hún líður hratt stundin og fyrr en varir er kannski olían búin á lampanum.

Rétt eins og ástríkt foreldri minnir unglinginn á þá minnir Jesús kristur okkur á að vera á verði og láta ekki glepjast en hann segir líka um leið, óttist ekki, því ég er með ykkur allt til enda veraldar. Það er því óhætt að stíga fram með djörfung með okkar móðurmál að vopni og standa með lífinu og sannleikanum, vinna að friðarást og kærleika. Í Jesú nafni amen.

Málþing í Hallgrímskirkju / Frá Níkeu til Hóla: Níkeujátningin 1700 ára

Wed, 26 Nov 2025 13:34:02 GMT

Frá Níkeu til Hóla: Níkeujátningin 1700 ára

Málþing
Safnaðarsalur Hallgrímskirkju
Föstudagur 14. nóvember 2025
Frá kl. 13:00-17:00

Í tilefni af því að 1700 ár eru liðin frá því að fyrsta samkirkjulega trúarjátningin var samin í Níkeu í Litlu Asíu stendur Guðfræðistofnun HÍ, í samvinnu við Reykjavíkurprófastsdæmi vestra, fyrir málþingi þar sem haldin verða eftirfarandi erindi:

• Ólafur Haukur Árnason, doktorsnemi við Oxford-háskóla: „Ágústínus og Aríusarsinnar: Stjórnmál, kennisetningar og bókmenning á 4. og 5. öld.“
• Dr. Haraldur Hreinsson, lektor við Guðfræði- og trúarbragðafræðideild og á Menntavísindasviði HÍ: „Gagnrýni frjálslyndu guðfræðinnar á játningar fornkirkjunnar.“
• Sr. Kristján Valur Ingólfsson, fyrrverandi vígslubiskup í Skálholti: „Níkeujátningin-Messujátning Grallarans.“
• Dr. Arnfríður Guðmundsdóttir, prófessor í trúfræði við Guðfræði- og trúarbragðafræðideild HÍ: „Kirkjan játar. Íslenska þjóðkirkjan og játningarrit hennar.“

Málþingið fer fram föstudaginn 14. nóvember í safnaðarsal Hallgrímskirkju kl. 13:00–17:00 og er öllum opið.

Nánari upplýsingar má finna á heimasíðu Guðfræðistofnunar Háskóla Íslands: https://gudfraedistofnun.hi.is/is

HALLGRÍMSKIRKJA – ÞINN STAÐUR

Predikunarstóllinn / 2. nóvember 2025 / Hver er hræddur?

Wed, 26 Nov 2025 13:31:49 GMT

Allra heilagra messa

Sunnudagur 02.11.'25
Sr. Eiríkur Jóhannsson prédikaði

Lexía: Jes 60.19-21
Sólin verður ekki framar ljós þitt um daga
og tunglið ekki birta þín um nætur
heldur verður Drottinn þér eilíft ljós
og Guð þinn verður þér dýrðarljómi.
Sól þín gengur aldrei til viðar
og tungl þitt minnkar ekki framar
því að Drottinn verður þér eilíft ljós
og sorgardagar þínir á enda.
Allir þegnar þínir eru réttlátir,
þeir munu ævinlega eiga landið.
Þeir eru garður Drottins sem ég hef gróðursett,
handaverk hans
sem birtir dýrð hans.

Pistill: Opb 7.9-12
Eftir þetta sá ég, og sjá: Mikill múgur, sem enginn gat tölu á komið, af öllum þjóðum og kynkvíslum, lýðum og tungum, stóð frammi fyrir hásætinu og frammi fyrir lambinu, skrýddur hvítum skikkjum og hafði pálmagreinar í höndum. Og hann hrópaði hárri röddu:
Hjálpræðið kemur frá Guði vorum,
sem í hásætinu situr, og lambinu.
Allir englarnir stóðu kringum hásætið og öldungana og verurnar fjórar. Og þeir féllu fram fyrir hásætinu á ásjónur sínar, tilbáðu Guð og sögðu:
Amen! Lofgjörðin og dýrðin,
viskan og þakkargjörðin,
heiðurinn og mátturinn og krafturinn
sé Guði vorum um aldir alda. Amen.

Guðspjall: Matt 5.1-12
Þegar Jesús sá mannfjöldann gekk hann upp á fjallið. Þar settist hann og lærisveinar hans komu til hans. Þá hóf hann að kenna þeim og sagði:
„Sælir eru fátækir í anda
því að þeirra er himnaríki.
Sælir eru syrgjendur
því að þeir munu huggaðir verða.
Sælir eru hógværir
því að þeir munu jörðina erfa.
Sælir eru þeir sem hungrar og þyrstir eftir réttlætinu
því að þeir munu saddir verða.
Sælir eru miskunnsamir
því að þeim mun miskunnað verða.
Sælir eru hjartahreinir
því að þeir munu Guð sjá.
Sælir eru friðflytjendur
því að þeir munu Guðs börn kallaðir verða.
Sælir eru þeir sem ofsóttir eru fyrir réttlætis sakir
því að þeirra er himnaríki.
Sæl eruð þér þá er menn smána yður, ofsækja og ljúga á yður öllu illu mín vegna. Gleðjist og fagnið því að laun yðar eru mikil á himnum. Þannig ofsóttu þeir spámennina sem voru á undan yður.448

Hver er hræddur?

Náð sé með yður og friður, frá Guði föður vorum og Drottni Jesú Kristi.

Um þessar mundir þ.e. um þessa helgi stendur hrekkjavakan yfir. Gangi maður um götur borgarinnar hefur mátt sjá alls kyns kynjaverur á ferli sumar reyndar ekkiháar í loftinu en útlitið ekki frýnilegt og svo hefur kannski verið bankað á dyr og úti stendur flokkur illþýðis sem heimtar nammi ellegar verði hrekkurgerður eigi allfagur.

Miðlarnir bjóða upp á mis hryllilegar hryllingsmyndir allt eftir aldri og fyrri störfum.

Það er merkilegt hvað við sækjumst í hæfilegan skammt af hræðslu, það er eitthvað við það að kíkja fram af hengiflugi og finna fiðring óttans hríslast um sig. En ekki of mikið, ekki raunverulegan ótta, ekki hættu þar sem líf og dauði vegast á.

Það er ekkert fyndið eða eftirsóknarvert við slíka angist, slíka örvæntingu og lamandi ótta. Hljóðið í sprengju sem nálgast en enginn veit hvar lendir í borginni, kannski á húsi og heil fjölskylda liggur í valnum. Þetta heyrum við í fréttum utan úr heimi svo til hvern dag.

Hver er hræddur? Víst er að þau eru mörg sem þekkja óttan mætavel og jafnvel of vel, lamandi kvíðann, efasemdir um eigin getu og gáfur. Óttann við að verða undir í skólanum, í vinnunni, í félagsstarfinu.

Við óttumst veikindi og vaxandi aldur, dvínandi getu. Lækkandi laun, við óttumst dauðann.

Samt hefur það alltaf verið skemmtiefni að láta einhverjum bregða illilega reka upp ramakvein af ótta og skelfingu og svo fara allir að hlægja.

Það er gott og heilsusamlegt að hlægja og hafa gaman en staðreyndin er samt alltaf sú að víða um heim og jafnvel allt um kring þá finnast aðstæður og einstaklingar sem alls ekki er hlátur í hug. Sums staðar heilar þjóðir sem lifa við stöðuga ógn og ótta og skelfingu .

Þessi helgi er samt ekki bara hrekkjavaka hún á sér líka langa sögu í öðru samhengi sem er hið trúarlega. Messa allra heilagra og allra sálna, voru einu sinni í tvennu lagi og tóku á mismunandi þáttum en nú í okkar nútíma þá er þessi tími helgaður minningu þeirra sem kvatt hafa þetta líf, eru horfin á braut, eru ekki lengur meðal síns fólks og eftir stendur fólk sem sorgin lamar og dregur niður, byrgir sýn til þess sem uppörvar og gleður.

Þetta er líka tími frá fornu fari þegar togast á skemmtun og tregi, gleði og sorgir og það er kannski táknrænt um þessar mundir þegar vetrarkuldi og myrkur eru um það bil að ná yfirhöndinni, síðustu forvöð að gera sér glaðan dag en um leið allavega hér fyrr á öldum kvíði fyrir komandi tíma, harðindum og hungri.

Guðspjall dagsins eru hinn kunnu sæluboð, upphafsorð hinnar miklu fjallræðu frelsarans.

Þar nefnir hann til sögunnar hina ýmsu hópa fólks sem eiga undir högg að sækja af ýmsum ástæðum, fólk sömuleiðis sem lendir í hremmingum vegna baráttu sinnar fyrir réttlæti og friði, fólk sem velur að berjast, ekki bara fyrir eigin hönd og sinna fyrir bættum efnalegum kjörum réttlæti og friði.

Ég giska á að þetta sem þarna er nefnd sé ekki hugsað sem tæmandi listi heldur að fremur séu teknir fyrir nokkrir hópar sem skoða má sem hluta fyrir heildalla þá stóru heild sem ekki er njóta fullra lífsgæða, þau sem verða undir og fyrir aðkasti, njóta ekki virðingar og réttinda.

Og hvað segir Jesús við þau? Þið eru blessuð, þið eruð sæl í Guði og vernd hans . Hann sér ykkur, hann þekkir ykkur hann stendur með ykkur. Þannig opnar hann ræðu sína og það sem kalla má stefnuræðu, þar sem meginþræðirnir í boðun hans eru dregnir saman.

Ræðunni lýkur svo þar sem hann líkir sínum leiðbeiningum og það sem hann er að birta heiminum, við bjarg sem hægt sé að reisa trausta byggingu á. Líkir því við trausta undirstöðu til að standa á í ótryggum heimi.

Ræðuna byrjar hann semsagt á þessum hughreystandi orðum, þið eru sæl þið njótið blessunar Guðs. Má þá ekki einmitt segja að tilgangurinn sé að draga úr ótta og kvíða.

Það er ekki lítils virði ef slíkt tekst. Það er útbreidd kenning að undirrót ofbeldis og ágirndar sé einmitt ótti, ótti við að verða undir, ótti við að hafa ekki neitt til matar. Jafnvel að reiðin sé líka í grunni sínum óttaviðbragð. Viðbragð þess sem þarf og fær jafnvel yfir sig auka orku, orku til að slá frá sér til að öskra og fæla burt það eða þann sem ógnar.

Það var víst stundum sagt hér fyrr á árum þegar böll voru í bæjum og sveitum og vínmenning nokkuð öðruvísi en nú, en þá gerðist það oftar en ekki að brutust út slagsmál. Það merkilega var að sjaldnast voru það stóru og sterku mennirnir sem tóku þátt í slíku. Kannski var það þannig að þeir hvíldu í sínu, vissu af afli sínu og styrk þurftu því ekkert að sanna.

En það er á vissan hátt einmitt það sem Jesús er að boða með sínum sæluboðum það er ákveðið öryggi, vitund um að þú ert ekki einn eða ein í þínu stríði, hvað svo sem það er. Þarna eru nefnd til sögunnar bæði einstaklingar sem berjast fyrir réttlætinu á einhvern hátt og svo þau sem gert er að þola þungbærar aðstæður líkt og syrgjendur og svo líka þau sem glíma við fátækt.

Nokkuð hefur verið rætt um þann mun sem er á sæluboðum hjá guðspjallamönnunum Lúkasi og Matteusi. Lúkas talar bara um fátæka meðan Matteus talar um fátæka í anda. Sumir hafa látið sér detta í hug þá túlkun þeirra orða að um sé að ræða þau sem á einhvern hátt er einhverju áfátt í andlegum efnum. Vel má vera að svo sé en samt má færa rök fyrir því að margir séu fátækir í anda jafnvel þótt ekki sé um að ræða neina áþreifanlega fátækt eða skort á getu.

Það er einmitt vandamál margra í nútímanum að jafnvel þótt fólk líði engan skort, þá finnst því það aldrei hafa nóg. Það er kannski viðeigandi lýsing að það sé fátækt í anda. Er þannig og þessvegna reiðubúið að sölsa undir sig miklu meira en öðrum fellur í skaut. Skirrast ekki við að nýta sér aðstöðu sína til að greiða til dæmis fátækum útlendingum lúsarlaun til að hámarka eigin hagnað. Finnst fullkomlega eðlilegt að stinga í eigin vasa arði af rekstri sem oftast er tilkominn af sameiginlegu framlagi þeirra sem starfa. Leita allra leiða til að komast undan því að leggja sitt af mörkum til sameiginlegra þarfa samfélagsins. Getur verið að þarna sé um að ræða frumstæð viðbrögð byggð á ævafornum ótta við að eiga ekki nóg til matar?

Syrgjendur fundust á tímum Jesú og þeir finnast sannarlega nú til dags. Tilveran býr yfir ótal hættum og stöðugt er fólk að falla frá sem er svo lánsamt að eiga fjölskyldu og vini sem syrgja þau. Fólk sem finnur til og saknar og grætur og á um sárt að binda þegar einhver fellur frá þeim, nákominn. Það tómarúm sem myndast við andlát náins einstaklings er vandfyllt og skerandi en þá er einmitt mikilvægt að leitast við að fylla það af ljósi og von og vitund um tilvist þess sem farinn er úr þessar jarðvist. Setja sér fyrir hugskotssjónir það sem trúin boðar að kærleikans Guð veiti þeim viðtöku er kveðja og muni búa þeim stað.

Þegar við minnumst þeirra sem farin eru þá er líka mikilvægt að lyfta upp þakklætinu. Þakklætinu fyrir það sem þau sem nú eru horfin á braut gáfu okkur og voru okkur, má þar einu gilda hversu langur tíminn hefur verið, í þessu samhengi eru árin, dagarnir afstæð mælieining. Fyrir þér er hver dagur sem þúsund ár og þúsund ár dagur ei meir. Minningarstund er þakkarstund.

Þessi von hins eilífa lífs er víða áréttuð í ritningunni, vonin um nýjan himinn og nýja jörð og dæmi hennar má til dæmis sjá í pistli dagsins úr opinberunarbók Jóhannesar, myndræn lýsing á flokki fólks úr öllum heimshornum sem syngja saman lofsöng drottni til dýrðar.

Þessi lofsöngur kallast á við þann vonar og hvatningarboðskap sem spámaðurinn Jesaja flytur sínu fólki, þjóð sem þolað hafði ólýsanlegar þrengingar. Drottinn verður þér eilíft ljós og sorgardagar þínir á enda.

Hver er hræddur? Þessa spurningu bárum við upp fyrir þennan dag og þessa helgi. Og svarið hlítur að vera við erum öll hrædd og við eigum að vera hrædd við margt. Forfeður okkar og mæður komust af, einmitt vegna þess að þau kunnu að forðast hættur ogþað kenndu þau sínum afkomendum, hvar hætturnar væru og það gerum við enn og eigum að gera.

Öðru máli gegnir um það sem við gætum kallað tilvistarótta og viðvarandi kvíða sem liggur eins og mara yfir svo mörgum og rænir styrk og gleði. Inn í þetta samhengi koma orð frelsarans verið óhrædd því ég mun gefa ykkur frið. Ég er með ykkur allt til enda veraldar.

Í ljósi trúarinnar á Jesú Krist þá erum við aldrei ein, hann gengur með okkur og leiðir gegnum lífið og að endingu gegnum hið gullna hlið er aðskilur líf og dauða. Óttist eigi, ég hef sigrað heiminn.

Dýrð sé guði föður og syni, svo sem var í upphafi er enn og verða mun um aldir alda amen.

Vegna miðvikudagsmessu: Gatnaviðhald á Njarðargötu og Eiríksgatu miðvikudaginn 5. nóvember

Tue, 04 Nov 2025 13:23:00 GMT

Malbikstöðin vinnur að gatnaviðhaldi á Njarðargötu og Eiríksgata á morgun, Miðvikudag, 5. Nóvember - EF veður leyfir .

Framkvæmdir hefjast kl. 9:00 en áætlað er að þeim ljúki um kl. 13:00 en verkið er háð verðri og gæti því riðlast aðeins.
Lokað verður fyrir umferð um framkvæmdarsvæðið eins og meðfylgjandi lokunarplan sýnir.

Opnað verður fyrir umferð eins fljótt og hægt er en við óskum eftir að þessum upplýsingum verði komið áfram til þeirra sem gætu átt leið um á tímum þegar gatan er lokuð.
Verkstjóri framkvæmda er Haukur Pálsson í síma: 618-7171

Við biðjumst velvirðingar á öllum truflunum sem þetta kann að valda.

Á vef hjá Reykjavíkurborg má sjá fyrirhugaðar lokanir víðsvegar um borgina:

Við minnum á Kyrrðarstund í Hallgrímskirkju alla fimmtudaga kl. 12 yfir vetrartímann

Wed, 29 Oct 2025 12:40:16 GMT

Kyrrðarstund í Hallgrímskirkju
Alla fimmtudaga kl. 12 yfir vetrartímann

Organistar kirkjunnar leika tónlist á orgelið og prestar kirkjunnar leiða stutta hugleiðingu.
Að stund lokinni er boðið upp á létta hádegishressingu í suðursal Hallgrímskirkju.

HALLGRÍMSKIRKJA – þinn kyrrðarstaður

--ENGLISH--

Organ and Meditation at Hallgrímskirkja
Every Thursday at 12:00 during the winter season

The church organists play music on the organ, and the pastors lead a short meditation.
Afterwards, a light lunch is served in the South Hall of Hallgrímskirkja.

HALLGRÍMSKIRKJA – your place of peace

Morgunmessan fellur niður á morgun / Morning Service cancelled tomorrow

Tue, 28 Oct 2025 16:29:22 GMT

Morgunmessan fellur niður

Vegna slæmra veðurskilyrða verður morgunmessan í fyrramálið, miðvikudaginn 29. október, felld niður.
Beðist er velvirðingar á þeim óþægindum sem þetta kann að valda.
Við hlökkum til að sjá ykkur aftur þegar aðstæður batna.

--ENGLISH--

Morning Service Cancelled

Due to severe weather conditions, the morning service scheduled for tomorrow, Wednesday 29th of October, will be cancelled.
We apologize for any inconvenience this may cause and look forward to welcoming you again when conditions improve.

Hallgrímskirkja styður baráttuna á Kvennafrídaginn 2025

Fri, 24 Oct 2025 10:55:52 GMT

Í tilefni kvennafrídagsins viljum við sýna samstöðu og hvetja til jafnréttis.

Allar konur og kvár eru velkomin í turninn frítt í dag. Sjáum göturnar fyllast af fólki sem styður jafnréttisbaráttuna!

Njótum útsýnisins og stöndum saman fyrir jafnrétti.

Hallgrímskirkja– Þinn staður á kvennafrídaginn

Jólin hans Hallgríms á aðventunni – Opið fyrir skráningu á abler.io

Wed, 22 Oct 2025 09:50:00 GMT

Heiðurssæti

Mon, 20 Oct 2025 12:00:00 GMT

Biðjum
Vertu Guð faðir minn
í frelsarans Jesú nafni
hönd þín leiði mig út og inn
svo allri synd ég hafni. (HP)
Amen.

Náð sé með ykkur og friður frá honum sem er, var og kemur. Amen.
Örlítið feginsandvarp fer um jarðarkúluna okkar. Kannski er friður í sjónmáli, og þó ekki, því enn er allt á tjá og tundri í veröldinni og rafmögnuð, tæknivædd flygildi vekja okkur ótta um leið og fréttamyndir sýna fólk snúa heim til hruninna húsa og heimili þeirra eru rústir einar. Þúsundir bíla streyma með vistir. Samhjálpin hefur ekki týnst í átökum stríðsins. Samúðin er lifandi og margir tilbúnir að rétta fram hjálparhönd.
Kannski slá sér einhverjir á brjóst að vera í heiðurssætinu í þessari framvindu en er ekki auðmýktin samt lykilorðið. Auðmýkt sem kyngir stolti en ber í sér elsku og réttlæti. Auðmýkt.
Hvernig fer það í munni undanfarinna ára, áratuga, árþúsunda. Þetta orð hefur verið eins og ánauðarok og aðeins hluti mannkyns átti að sýna auðmýkt. Sérstaklega þau jaðarsettu áttu að sýna auðmýkt með því að beygja sig undir ok einhvers annars. Auðmýkt sem stundum verður eins og meðvirkni gagnvart óréttlátu samfélagi.

En í dag dveljum við innan veggja heimilis með frelsaranum – heimilið sem er staður hjartans, samfélags og öryggis. Hvíldardagur og samfélagið í kringum frelsarann hefur lagst í dvala. Þá hittum við hann innan veggja heimilis yfir máltíð. Ekkert alþýðuheimili þarna í myndinni heldur heimili eins af höfðingjum.
Hann lendir í umræðu um hvíldardaginn.
Fyrst á ekki að gera neitt á hvíldardegi, eftir fyrirmynd skaparans sem hvíldi sig hinn sjöunda dag. Getið þið þá ekki sæst á að það þarf samt að bjarga lífi manna eða skepna?
Hver getur ekki verið sammála um það en menn höfðu gætur á honum.
Þeir – höfðingjarnir og húsráðandi fylgdust með honum, reyndu að finna glufurnar til að seilast í líf hans og kenninguna sem þeim líkaði ekki.
Of hliðhollur frelsinu, fólkinu, hinu brotgjarna, ófullkomna. Já, gáum að honum en svo eins og fléttan snýst við –
Nú er það Jesús sem er að rýna í samfélagið við borðið. Skemmtilegt hvernig sögurnar verða stærri, merkingabærari.
Jú ef við höldum áfram með pælingar Jesú þá bendir hann fyrst á að gestirnir ættu að skoða – bíddu, hvaða sæti velur þú þér? Klifrar upp heiðursstigann og reynum að koma þér í mjúkinn, sitja hjá þeim fínu.

Það opnast fyrir okkur víðáttan við að eiga við orðin í dag. Eins og að fara höndum um fágæti, slíkt er innihaldið góði söfnuður - við horfum á heiminn úr hefðarsæti og það skiptir máli hvert við horfum og hvernig úr okkar góðu sætum.
Auðmýkt er annað en auðmýking, er það ekki? Það sem við sýnum er annað en að auðmýkja fólk, niðurlægja.
Dveljum við auðmýktina sem gæti verið mýktin sem ætti að fara um augu þeirra sem í hefðarsætunum sitja og Jesús er tíðrætt um í guðspjalli dagsins. Hvernig komumst við best og helst þangað? Jú, með því að sýna auðmýkt, umburðarlyndi, réttlæti og visku.

Jú, ef við höldum áfram með pælingar Jesú þá fyrst bendir hann á að gestirnir ættu að skoða – bíddu, hvaða sæti velur þú þér? Klifrar upp heiðursstigann og reynum að koma þér í mjúkinn, sitja hjá þeim fínu.

Það opnast fyrir okkur víðáttan við að eiga við orðin í dag. Eins og að fara höndum um fágæti, slíkt er innihaldið

Í nýrri ljóðbók Jóns Kalmans “Þyngsta frumefnið”
yrkir hann um sorg, söknuð, elskuna, hamfarahlýnun og svo líka auðmýktina.

Við skulum aðeins líta við hjá honum í ljóðinu
“Jafnstórt og afmælisblaðra og óvissan"

Sem hefst á orðunum:
“Ótrúlegi alheimurinn okkar” um skammtafræði og örbylgjuklið og fyrstu sekúndurnar í lífi alheimsins…
Svo verður ljóðið langt og fallegt
og viðfangsefnið m.a. um undur að mannsandinn, gáfurnar hafa kannski ekki borið okkur svo langt á þúsundum ára.
“Annað heilahvel okkar
hefur mátt guða
hitt er skelfingu lostin manneskja
við varðeldinn
fyrir tíu þúsund árum-

Fjarlæðgin þar á milli
er að tortýma okkur.

Rifjum aðeins upp um heilahvelin..
Rökhugsunin og reiknikúnstin býr öðru megin
en tilfinningar og hugmyndaflug í hinu heilahvelinu.
Þetta eru engin þrautkönnuð vísindi en kunnugleg pæling og burtskýring oft en líka tilraun til skýringa og það finnum við í ljóði Jóns Kalmanns.

“Okkur var gefin greind guða,
svo óskapleg að hún tók yfir
annað heilahvelið
og úthýsti þar auðmýkt mannsins
sem, í samanburði við guði,
lifir skemur en fluga, er ljósbrot,
flís af myrkri, síðan ekkert meir;

Þess vegna þurftum við tvö heilahvel.

Það síðara óx af auðmýktinni, ástinni, brosinu,
gleðinni yfir kaffibollanum, afmælisblöðru,
sonar okkar …-“

Pæling sem dregur okkur aftur í hús höfðingjans og dæmisöguna
Í veisluna þar sem margir vildu vera í nærveru þeirra sem mest máttu sín, töldu sig kannski hafa allt – "greind guða" og svo þau sem voru óttaslegnar manneskjur.
Þangað fór Jesús. Þar sem fólk naut samveru, kom saman, nærðist og talaði saman. Þar horfði hann á, stúderaði mannlegt eðli því hann var kominn til að hitta manneskjur en ekki deila guðlegri greind.

Samtalið við borðið, þríhliða eða U laga-borðið, er ekki samtal þeirra lágt settu, fátæku, kvenna eða barna heldur samtal fyrirmanna í samtíð Jesú Krists.
Þess vegna getum við talað um auðmýktina sem margræða andlit trúarinnar.
Ekki að líta sig smáum augum heldur að horfa við veröldinni af elsku, réttlæti og visku.
Hér er ekki verið að kasta orðum til þeirra sem minna áttu og höfðu heldur til fyrirfólksins, sem var í húsi höfingjans.

Já, auðmýktin er ekki að beygja sig undir ok valdsins heldur að horfa lengra, sjá víðar og vera tilbúin að nota viskuna sem býr í því að valdeflast í elsku til náungans. Á því þreytist sá sem okkur elskar aldrei á að gera, Jesús frelsari heimsins.
Kristur sem tók hlutverki sínu af gleði og dvaldi ekki í bergmálshelli fræðimanna og fyrirfólks. Hann fór þangað til að ögra, skoða, eiga samtal til að breyta og umbylta. Halda erindi sínu á lofti að Guð – sem skapaði er líka sá sem er, lætur sig varða veröldina.
Veit að tíminn stendur ekki í stað og
minnir okkur á að óttast ekki veröldina.
Jesús sem enn stendur og veltir því fyrir sér hvernig raðað er til borðs og hvar fólk velur sér sæti.
... og já, minnir enn á hin mörgu andlit auðmýktar og réttlætis.
-Vinur eða vinkona, flyttu þig hærra upp!

Dýrð sé Guði föður, syni og heilögum anda. Svo sem var í upphafi er og verður

Guðspjall: Lúk 14.1-11
Hvíldardag nokkurn kom Jesús í hús eins af höfðingjum farísea til máltíðar og höfðu menn gætur á honum. Þá var þar frammi fyrir honum maður einn vatnssjúkur. Jesús tók þá til máls og sagði við lögvitringana og faríseana: „Er leyfilegt að lækna á hvíldardegi eða ekki?“
Þeir þögðu við. En hann tók á honum, læknaði hann og lét hann fara. Og Jesús mælti við þá: „Ef einhver ykkar á asna eða naut, sem fellur í brunn, mun hann ekki óðara draga það upp þótt hvíldardagur sé?“
Þeir gátu engu svarað þessu.

Jesús gaf því gætur hvernig boðsgestir völdu sér hefðarsætin, tók dæmi og sagði við þá: „Þegar einhver býður þér til brúðkaups, þá set þig ekki í hefðarsæti. Svo getur farið að manni þér fremri að virðingu sé boðið og sá komi er ykkur bauð og segi við þig: Þoka fyrir manni þessum. Þá verður þú með kinnroða að taka ysta sæti. Far þú heldur er þér er boðið og set þig í ysta sæti svo að sá sem bauð þér segi við þig þegar hann kemur: Vinur, flyt þig hærra upp! Mun þér þá virðing veitast frammi fyrir öllum er sitja til borðs með þér. Því að hver sem upp hefur sjálfan sig mun auðmýktur verða en sá sem lítillækkar sjálfan sig mun upp hafinn verða.“

Ritningarlestrar

Orðskviðirnir 16.16-19
Hve miklu betra er að afla sér visku en gulls
og ágætara að afla sér skynsemi en silfurs?
Háttur hreinskilinna er að forðast illt,
líf sitt varðveitir sá sem gætir breytni sinnar.
Dramb er falli næst,
hroki veit á hrun.
Betra er að vera hógvær með lítillátum
en deila feng með dramblátum.

Efesusbréfið 4.1-6
Ég, bandinginn vegna Drottins, áminni ykkur þess vegna um að hegða ykkur svo sem samboðið er þeirri köllun sem þið hafið hlotið. Verið í hvívetna lítillát og hógvær. Verið þolinmóð, langlynd, umberið og elskið hvert annað. Kappkostið að varðveita einingu andans í bandi friðarins. Einn er líkaminn og einn andinn eins og Guð gaf ykkur líka eina von þegar hann kallaði ykkur. Einn er Drottinn, ein trú, ein skírn, einn Guð og faðir allra, sem er yfir öllum, með öllum og í öllum.

Líf og fjör á æfingum hjá Barnakór Hallgrímskirkju!

Thu, 16 Oct 2025 18:06:00 GMT

Líf og fjör á æfingum hjá Barnakór Hallgrímskirkju!

Við gleðjumst yfir frábærri þátttöku en 25 börn syngja nú í kórnum, þar af 11 drengir og 13 stúlkur.

Sönggleðin er smitandi og vegna mikils áhuga höfum við ákveðið að opna einnig skráningu fyrir börn í 6. bekk.
Öll börn frá 3.-6 bekk velkomin sem hafa gaman af söng og samveru!

Skráning HÉR á Abler.io

Myndir frá æfingu: SB

HALLGRÍMSKIRKJU – STAÐUR BARNA OG GLEÐI

Fræðsluerindi frestað

Thu, 16 Oct 2025 14:14:04 GMT

Fræðsluerindi í hádeginu frestast
Fræðsluerindum í hádeginu á þriðjudögum í Hallgrímskirkju hefur verið frestað fram í febrúar. Nánari upplýsingar um dagskrá vetrarins verður kynnt síðar.

HALLGRÍMSKIRKJA – ÞINN STAÐUR

Hallgrímskirkja í bleikum ljóma í október

Wed, 15 Oct 2025 12:35:35 GMT

Í októbermánuði klæðist Hallgrímskirkja bleikum ljóma í samstöðu með þeim hetjum sem greinst hafa með krabbamein og í stuðningi við vitundarvakningu um forvarnir og snemmbæra greiningu.

Bleikur október er árleg herferð Krabbameinsfélags Íslands sem minnir okkur á mikilvægi þess að huga að heilsunni, sýna samhug og styrkja þá sem standa í baráttu við sjúkdóminn. Bleiki dagurinn í ár verður miðvikudaginn 22. október.

Það er okkur í Hallgrímskirkju hjartans mál að leggja þessu fallega og mikilvæga málefni lið. Ljós kirkjunnar ber von, hlýju og kærleik og er tákn um samstöðu og trú á lífið.

Við hvetjum gesti og vegfarendur til að staldra við, líta upp í bleika ljósið og leyfa voninni að skína í myrkri.

Prédikunarstóllinn / 5. október 2025 / Heyrir einhver neyðarkall?

Wed, 15 Oct 2025 10:45:13 GMT

16. sunnudagur eftir þrenningarhátíð
Prestur: Sr. Eiríkur Jóhannsson

Lexía Jesaja. 26. 16-19
Drottinn, í neyðinni leituðum vér þín,
í þrengingunum, þegar þú refsaðir oss, hrópuðum vér til þín.
Eins og þunguð kona, komin að því að fæða,
hefur hríðir og hljóðar af kvölum,
eins vorum vér frammi fyrir þér, Drottinn.
Vér vorum þunguð, fengum hríðir
en það sem fæddist var sem vindur.
Vér færðum jörðinni enga hjálp,
engir jarðarbúar fæddust.
Menn þínir, sem dánir eru, munu lifna,
lík þeirra rísa upp.
Þeir sem í moldinni búa munu vakna og fagna.
Þar sem dögg þín er dögg ljóssins
mun jörðin fæða þá sem dánir eru.

Pistill: Ef 3.13-21
Fyrir því bið ég að þið látið eigi hugfallast út af þrengingum mínum ykkar vegna. Þær eru ykkur til vegsemdar.

Þess vegna beygi ég kné mín fyrir föðurnum, sem hvert faðerni fær nafn af á himni og jörðu, að hann gefi ykkur af ríkdómi dýrðar sinnar að styrkjast fyrir anda sinn að krafti hið innra með ykkur til þess að Kristur megi fyrir trúna búa í hjörtum ykkar og þið verða rótfest og grundvölluð í kærleika. Mættuð þið því geta skilið það með öllum heilögum hvílík er víddin og lengdin, hæðin og dýptin í kærleika Krists og fá að sannreyna hann, sem gnæfir yfir alla þekkingu, og ná að fyllast allri Guðs fyllingu.

En honum, sem í oss verkar með krafti sínum og megnar að gera langt fram yfir allt það sem vér biðjum eða skynjum, honum sé dýrð í kirkjunni og í Kristi Jesú með öllum kynslóðum um aldir alda. Amen.

Guðspjall: Lúk 7.11-17
Skömmu síðar bar svo við að Jesús hélt til borgar sem heitir Nain og lærisveinar hans fóru með honum og mikill mannfjöldi. Þegar hann nálgaðist borgarhliðið þá var verið að bera út látinn mann, einkason móður sinnar sem var ekkja, og mikill fjöldi úr borginni var með henni. Og er Drottinn sá hana kenndi hann í brjósti um hana og sagði við hana: „Grát þú eigi!“ Og hann gekk að og snart líkbörurnar en þeir sem báru námu staðar. Þá sagði hann: „Ungi maður, ég segi þér, rís þú upp!“ Hinn látni settist þá upp og tók að mæla og Jesús gaf hann móður hans.

En ótti greip alla og þeir vegsömuðu Guð og sögðu: „Spámaður mikill er risinn upp meðal okkar,“ og „Guð hefur vitjað lýðs síns.“

Og þessi fregn um Jesú barst út um alla Júdeu og allt nágrennið.

Heyrir einhver neyðarkall?
Náð sé með yður og friður, frá Guði föður vorum og Drottni Jesú Kristi.

Flest þekkjum við máltækið „Neyðin kennir naktri konu að spinna“ en þar er vísað til þess að þegar við mætum erfiðleikum þá leggjum við enn meira á okkur til þess að finna leiðir til bjargar, líkt og konan sem engin klæði á hún verður að finna og læra að gera sín föt.

Sömuleiðis er stundum tekið þannig til orða að þegar neyðin er stærst þá sé hjálpin næst. Hvað það er sem þarna býr að baki veit ég ekki fyrir víst en líklegt þykir mér að hér sé um að ræða einhvers konar hugsun í þá átt að á ögurstundum taki forlögin í taumana og sjái til þess að einhver úrlausn sé í boði. En svo er það líka gjarnan raunin að þegar eitthvað mjög afdrifaríkt á sér stað þá berst ýmis konar aðstoð og hjálp. Þetta höfum við hér á Íslandi margoft orðið vitni að og tekið þátt í, í tengslum við hinar ýmsu náttúruhamfarir.

Þessu til viðbótar má segja að það er mörg neyðin sem býr innra með einstaklingnum sem enginn annar veit af en hefur eigi að síður lamandi áhrif á líf og heilsu.

Þannig má segja að neyðin hafi margar birtingarmyndir. Mestu skiptir ávalt, hver heyrir, hvernig er brugðist við.

En því er ég að brydda upp á umræðu um þessi mál hér að textar dagsins úr ritningunni eiga það eiginlega sameiginlegt að fjalla um neyð og þrengingar af einhverju tagi. Spámaðurinn Jesaja sem mun víst samkvæmt fræðunum ekki vera einn einstaklingur heldur geymir þessi bók texta frá fleiri en einu tímaskeiði en þó eiga þeir flestir það sameiginlegt að flytja von inn í erfiðar aðstæður. Þetta svæði fyrir botni miðjarðarhafs hefur ekki bara nú um stundir verið ofurselt átökum og hörmungun heldur hefur það verið svo, að heita má um aldir og árþúsund. Þarna hafa lifað ýmsar smáþjóðir sem hafa tekist á um búsvæði og land. Ein þessara þjóða eru hinir fornu hebrear, forfeður þeirra sem síðan eru kallaðir Ísraelsmenn. Um skamma hríð tókst þeim að öðlast yfirráð fyrir nokkuð stóru svæði, en það munu vera tíminn sem kenndur er við konunginn Davíð og son hans Salómon.

Þetta er svæði á milli stórþjóða, svo sem Persa og Assýringa og síðan Egypta í suðri og þetta landsvæði því oft í gegnum aldirnar verið yfirtekið af stærri þjóðum og síðan eins og við þekkjum á tíma Jesú hluti af hinu mikla rómverska heimsveldi. Ísraelsmenn höfðu engu að síður öðlast sterka þjóðarvitund og hún varð eiginlega til í kringum þeirra átrúnað og sannfæringu þess að Þeirra guð Jahve hefði ætlað þeim mikið hlutverk og hann myndi á endanum sjá til þess að þeim tækist að lifa í öryggi í landinu sem hann hafi í upphafi ætlað þeim. Enn þann dag í dag eru fornir textar sem túlka þessa von og sannfæringu notaðir til að réttlæta landtöku og ólýsanlega grimmd og ofbeldi gegn öðrum þjóðum sem þarna hafa lifað saman um þúsundir ára.

Hallgrímsmessa í Hallgrímskirkju

Wed, 15 Oct 2025 09:30:00 GMT

Hallgrímsmessa í Hallgrímskirkju
Miðvikudaginn 22. október, 2025, klukkan 20.00
Kór Breiðholtskirkju, stjórnandi Örn Magnússon.

Miðvikudagskvöldið 22. október verður flutt Hallgrímsmessa í Hallgrímskirkju, þar sem Kór Breiðholtskirkju syngur undir stjórn Arnar Magnússonar.
Þetta verður jafnframt síðasta framkoma kórsins, þar sem Örn hefur látið af störfum og með því lýkur starfsemi kórsins eftir merka og gefandi tíð.

Í messunni verður sungið úr Graduale frá Hólum (1594), elsta prentaða tónlistarriti á Íslandi, og inn í þann forna messutón fléttað sálmum meðal annars eftir Hallgrím Pétursson og Jón Þorsteinsson píslarvott. Ekkert hljóðfæri er notað við messugjörðina, og forsöngvarar eru úr hópi kórfélaga, líkt og tíðkaðist á fyrri öldum.
Sr. Eiríkur Jóhannsson prédikar og þjónar fyrir altari.

Þetta er einstakt tækifæri til að upplifa helgiblæ og hljóm íslenskrar tónlistarhefðar í fallegu umhverfi Hallgrímskirkju, og um leið að heiðra kórinn og stjórnanda hans við lok þeirra fallegu vegferðar.

HALLGRÍMSKIRKJA – ÞINN STAÐUR

Prédikunarstóllinn / 5. október 2025 / Heyrir einhver neyðarkall?

Tue, 07 Oct 2025 15:14:00 GMT

16. sunnudagur eftir þrenningarhátíð
Prestur: Sr. Eiríkur Jóhannsson

Pistill: Ef 3.13-21
Fyrir því bið ég að þið látið eigi hugfallast út af þrengingum mínum ykkar vegna. Þær eru ykkur til vegsemdar.
Þess vegna beygi ég kné mín fyrir föðurnum, sem hvert faðerni fær nafn af á himni og jörðu, að hann gefi ykkur af ríkdómi dýrðar sinnar að styrkjast fyrir anda sinn að krafti hið innra með ykkur til þess að Kristur megi fyrir trúna búa í hjörtum ykkar og þið verða rótfest og grundvölluð í kærleika. Mættuð þið því geta skilið það með öllum heilögum hvílík er víddin og lengdin, hæðin og dýptin í kærleika Krists og fá að sannreyna hann, sem gnæfir yfir alla þekkingu, og ná að fyllast allri Guðs fyllingu.
En honum, sem í oss verkar með krafti sínum og megnar að gera langt fram yfir allt það sem vér biðjum eða skynjum, honum sé dýrð í kirkjunni og í Kristi Jesú með öllum kynslóðum um aldir alda. Amen.

Heyrir einhver neyðarkall?
Náð sé með yður og friður, frá Guði föður vorum og Drottni Jesú Kristi.

Þessu til viðbótar má segja að það er mörg neyðin sem býr innra með einstaklingnum sem enginn annar veit af en hefur eigi að síður lamandi áhrif á líf og heilsu.

Þannig má segja að neyðin hafi margar birtingarmyndir. Mestu skiptir ávalt, hver heyrir, hvernig er brugðist við.

Það sem talar til okkar í nútímanum frá þessum fornu orðum er von og trúin á það að þrátt fyrir það að þurfa að þola ofbeldi og yfirgang, vera rekin burt af jörðum sínum og heimilum í þúsundatali og flutt inn i fjarlægt land og horfa upp á helgidóm sinn lagðan í rúst. Þá lifir stöðugt vonin um betri tíð, vonin um að Guð allsherjar hafi ætlað þeim hlutverk og umfram allt að hann hafi ekki gleymt þeim. Þess vegna hafa þessi orð lifað og verið rituð niður aftur og aftur og endurrituð og sett saman á margan hátt efir því sem tímarnir og aðstæðurnar gengu fram.

Jesaja bókin geymir ennfremur marga myndríka texta og fyrirheiti sem ætlaðir eru til að vekja hrjáðu og hröktu fólki von í brjósti. Hann segir fyrir um komu messíasar sem muni frelsa og bjarga og í þessum texta dregur hann upp líkingu af fæðingu, þeirri þraut sem konan má líða við að fæða nýtt líf inn í þennan heim en allt verður það samt fyrir bí nema fyrir náð og kraft Guðs sem mun jafnvel reisa þau á fætur sem fallin eru.

Það er kaldhæðnislegt að hugsa til þess að þessir textar verða að líkindum til í aðstæðum undirokunar og valdbeitingar ekki ólíkum þeim sem palestínska þjóðin hefur mátt nú áratugum saman mátt þola af hendi þeirra sem telja sig afkomendur þessarar hrjáðu og undirokuðu smáþjóðar fortíðarinnar.

En menn vissu þá ekki síður en nú að í neyðinni er mest um vert að missa ekki móðinn, gefast ekki upp heldur halda í von um betri tíð. Sjá fyrir sér betri tíð, sjá fyrir sér frið og öryggi og lífskjör, land sem „flýtur í mjólk og hunangi“.

Þegar trúin á Jesú Krist er að festa rætur og Páll postuli ferðast um og hittir fámenna söfnuði sem lifðu við ótta og ofsóknir þá setur hann sig á vissan hátt í stöðu spámannsins, hann þekti vel hin fornu rit og fyrirheitin sem þar eru borin fram og þann stíl sem þar er notaður. Hann gerir sig að fyrirmynd sem aðrir geti samsamað sig við. Þær þrengingar sem hann hefur mátt þola eru ekki neitt í samanburði við það sem í vændum er líkt og hann áréttar hér: „ Mættuð þið því geta skilið það með öllum heilögum hvílík er víddin og lengdin, hæðin og dýptin í kærleika Krists og fá að sannreyna hann, sem gnæfir yfir alla þekkingu, og ná að fyllast allri Guðs fyllingu .“ Niðurstaða hans er því sú að þrátt fyrir alla þá erfiðleika og þjáningar sem mæta okkur nú þá sé það ekkert í samanburði við það sem í vændum sé vegna Jesú Krists.

Þessi von hans og sannfæring nærist af því sem hann heyrði og hafði sjálfur fengið að reyna um Jesú Krist. Frásagnirnar af kraftaverkum hans og miskunnarverkum sem gengu milli manna í þessum söfnuðum sem hann heimsótti og síðan var farið að skrifa niður af þeim sem til þess höfðu þekkingu.

Ein þessara sagna var auðvitað sú sem við höfum í dag sem guðspjall. Frásögnin af því þegar Jesús kemur til borgarinnar Nain. Hann verður þar vitni að miklum sorgaratburði, ungur maður einkasonur móður sinnar sem áður hafði misst mann sinn er látinn. Þorpið allt tekur þátt í sorg móðurinnar og fylgir henni þegar hinn látni er borinn til grafar. Við sjáum þarna dýrmætt tákn samkenndar sem svo oft má sjá í smærri samfélögum þar sem fólkið þekkist og á dagleg samskipti. En þrátt fyrir það þá vitum við að ekkjan tókst ekki einungis á við sorgina yfir missi sonar síns heldur var staða hennar og lífsframfæri í algerri óvissu. Fjölskyldan var velferðarkerfi þess tíma og þau sem af einhverjum ástæðum lentu í þeirri stöðu að eiga ekki bakland í stórfjölskyldunni, þeirra staða var veik og gat hreinlega verið ávísun á að lenda á vonarvöl.

Þarna var því raunveruleg neyð, sorg og örvænting. Og Kristur stígur inn í aðstæðurnar, hann finnur til með konunni. Það sem mestu skiptir að mínu mati er einmitt þetta sem þarna kemur fram, Guð er kominn inn í mannleg kjör. Þetta er kunnuglegur frasi en samt er það einmitt meginatriðið. Guð finnur til með okkur, hann réttir fram sína hjálparhönd óbeðinn og af eigin frumkvæði. „ég segi þér rís þú upp“

Þetta er hinn táknræni boðskapur sem okkur er gefinn, þetta er það sem Kristur Jesús segir við hvern þann einstakling sem misst hefur mátt á göngu sinni í gegnum táradali lífsins, hefur lagst niður og finnur ekki lengur hvatann til þess að halda áfram.

Þarna birtist okkur fyrirmynd þess að láta sig varða um lífkjör og aðstæður bræðra okkar og systra, ekki aðeins þeirra sem lifa í næsta nágrenni heldur hvar sem er á okkar jarðarkringlu.

Við sjáum þarna líka hvatningu til þess að rjúfa þögn um eigin neyð og stíga þannig fyrsta skref í þá átt að finna stuðning og styrk til að rísa upp og finna að nýju fyrri orku og styrk.

Sr. Eiríkur Jóhannsson

Hallgrímskirkja í bleikum ljóma í október

Tue, 07 Oct 2025 10:44:00 GMT

Það er okkur í Hallgrímskirkju hjartans mál að leggja þessu fallega og mikilvæga málefni lið. Ljós kirkjunnar ber von, hlýju og kærleik og er tákn um samstöðu og trú á lífið.

Við hvetjum gesti og vegfarendur til að staldra við, líta upp í bleika ljósið og leyfa voninni að skína í myrkri.

Prédikurnastóllinn / 21. september 2025 / Vendipunktur þakklætis

Mon, 29 Sep 2025 11:19:00 GMT

Vendipunktur þakklætis
Sr Eiríkur Jóhannsson
Flutt 21. september

14. sunnudagur eftir þrenningarhátíð

Lexía: Sír 50.22-24
Nú skuluð þér lofa Guð alheims,
hann sem hvarvetna gerir máttarverk
og veitir oss vegsemd alla ævi frá fæðingu
og breytir við oss samkvæmt miskunn sinni.
Gefi hann oss gleði í hjarta
og veiti Ísrael frið um vora daga
eins og var fyrir örófi alda.
Megi miskunn hans stöðug vera með oss
og megi hann frelsa oss um vora daga.

Pistill: Gal 5.16-24
En ég segi: Lifið í andanum og þá fullnægið þið alls ekki girnd holdsins. Holdið girnist gegn andanum og andinn gegn holdinu. Þau standa hvort gegn öðru til þess að þið gerið ekki það sem þið viljið. En ef þið leiðist af andanum þá eruð þið ekki undir lögmáli.
Holdsins verk eru augljós: frillulífi, óhreinleiki, saurlífi, skurðgoðadýrkun, fjölkynngi, fjandskapur, deilur, metingur, reiði, eigingirni, tvídrægni, flokkadráttur, öfund, ofdrykkja, svall og annað þessu líkt. Og það segi ég ykkur fyrir, eins og ég hef áður sagt, að þeir sem slíkt gera munu ekki erfa Guðs ríki.
En ávöxtur andans er: kærleiki, gleði, friður, langlyndi, gæska, góðvild, trúmennska, hógværð og sjálfsagi. Gegn slíku er lögmálið ekki. En þeir sem trúa á Krist hafa krossfest holdið með ástríðum þess og girndum.

Guðspjall: Lúk 17.11-19
Svo bar við á ferð Jesú til Jerúsalem að leið hans lá á mörkum Samaríu og Galíleu. Og er hann kom inn í þorp nokkurt mættu honum tíu líkþráir menn. Þeir stóðu álengdar, hófu upp raust sína og kölluðu: „Jesús, meistari, miskunna þú oss!“
Jesús sá þá og sagði við þá: „Farið og sýnið yður prestunum.“ Þeir héldu af stað og nú brá svo við að þeir urðu hreinir.
En einn þeirra sneri aftur er hann sá að hann var heill orðinn og lofaði Guð hárri raustu. Hann féll fram að fótum Jesú og þakkaði honum. En hann var Samverji. Jesús sagði: „Urðu ekki allir tíu hreinir? Hvar eru hinir níu? Urðu engir til þess að snúa aftur að gefa Guði dýrðina nema þessi útlendingur?“ Síðan mælti Jesús við hann: „Statt upp og far leiðar þinnar. Trú þín hefur bjargað þér.“

Flest höfum við reynslu af eða kynni af umskiptum, eins konar vendipunkti þegar breytingar verða og getur það verið í stóru sem smáu. Einmitt nú er vendipunktur í náttúrunni á Haustjafndægum þegar nótt og dagur eru jafn löng en síðan er það nóttin og myrkrið sem nær yfirhönd og lengist svo dag frá degi allt til jóla. Náttúrufarið hér á okkar góða landi krefur okkur um að takast á við breytileika, birtustigið og veðurfarið eru að heita má stöðug ögrun. Sum okkar kunna þessu vel meðan það leggst þungt á aðra. Staðreyndin er eigi að síður sú að líf okkar allra og aðstæður eru síbreytilegar, breytileikinn í náttúrunni er okkur sístæð áminning um það, við göngum gegnum fjölmörg þroskastig á okkar æviferli. Breytingarnar bæði á hinum ytri aðstæðum og jafnvel líka á hinum ytri eru oft á tíðum óumflýjanlegar. Það sem við hvert og eitt höfum hins vegar möguleika og frelsi til, það er hvernig við höndlum og túlkum þær aðstæður sem við hverju sinni stöndum frammi fyrir á okkar lífsgöngu.

Hvernig við sjáum okkur í samhengi tilverunnar er ákaflega misjafnt. Mikilvægt er öllum að hafa eins konar ramma túlkunar. Einhvers konar handfestu á þeim hverfanda hveli sem tilveran er.

Hið trúarlega viðhorf, hin kristna leið er ein aðferð til að staðsetja sjálfan sig í veröldinni. Þar gegnir Biblía hin heilaga ritning mikilvægu hlutverki. Hún er vitnisburður og leiðsögn sem fylgt hefur kristnu fólki öldum saman. Hún geymir ævafornar túlkunarsögur og lifandi vitnisburð um Jesú Krist en það er og hlýtur alltaf að verða sá túlkunarlykill sem kristinn einstaklingur notar til skilnings. Guðspjöllin vitna um það hvernig hann kom inn með nýja nálgun og túlkun á því sem áður þótti sjálfgefið. Í nútímanum má segja að stöðugt standi á þessu forna riti ákveðin sönnunarbyrði, spurning og raunar krafa um það hvort það sem hún geymir hafi eitthvað fram að færa til okkar sem nú lifum. Textar sem eiga uppruna sinn í gjörólíku umhverfi og samhengi sem ekki er alltaf að fullu ljóst, þrátt fyrir langvarandi fræðilegar rannsóknir.

Líkt og í dag þá lesum við stutta pistla úr biblíunni sem búið er að velja saman fyrirfram. Við lesum úr gamla testamentinu og síðan úr bréfunum sem flest eru skrifuð af Páli postula og svo er það guðspjallið sem geymir einhverja frásögn af orðum eða gjörðum Jesú Krists.

Að þessu sinni er það frásögnin af lækningu tíu líkþrárra manna sem við heyrðum. Fyrir þann eða þá sem væri að heyra eða lesa þessa frásögn í fyrsta sinni þá væri ekki alveg augljóst margt þarna sem í raun skiptir máli fyrir skilning á frásögninni. Vissulega er meginatriðið augljóst og skilst án nokkurrar ritskýringar einmitt þetta að Jesús bregst við neyð manna sem kalla til hans og biðja hann um hjálp. En hvað er að vera líkþrár, hvers vegna eru þeir saman í hóp, hvers vegna áttu þeir að sýna sig prestunum og hvaða máli skiptir að sá sem snéri við var samverji? Þetta eru dæmi um spurningar sem athugull lesandi gæti spurt sig.

Í þriðju Mósebók má finna skýrar reglur um það hvar gera skuli ef einstaklingur fær einkenni sjúkdóms á húð. Þrátt fyrir skort á þeirri þekkingu sem við höfum nú um stundir á sviði smitsjúkdóma þá var þarna sett fram ströng regla að slíkir einstaklingar skyldu í raun vera settir úr mannlegu samfélagi og máttu ekki hafa samneyti, ekki einu sinni við sitt fólk og fjölskyldu. Þess vegna var það ekki óalgengt að þetta fólk héldi saman og hjálpaðist að í neyð sinni og kröm. Ef svo færi að sjúkdómseinkennin hyrfu þá átti að fara til prestanna sem skoðuðu og staðfestu batann og þá var hægt að komast heim og halda áfram með líf sitt.

Það var þess vegna ekki undarlegt að þeir tækju sprettinn þegar þeim varð ljóst að þeir hefðu fengið lækningu. Allir nema samverjinn en hver var hann? Hann var nefnilega af öðru þjóðarbroti og milli samverja og Ísraelsmanna var ekki bara tortryggni heldur löng saga mikils fjandskapar.

Einmitt þess vegna er þess sérstaklega getið að það var hann sem ekki tilheyrði sem nam staðar og áttaði sig á því hvílíka gjöf hann hafi hlotið. Eiginlega nýtt líf og hann snýr við og fellur á kné í þakklæti.

Þessi frásögn og raunar fleiri verða svo síðar til þess að styrkja Pál postula í þeirri sannfæringu sinni að boðskapur og leiðsögn Jesú Krists er ekki eingöngu ætlaður hans þjóð heldur einmitt öllum, öllu mannkyni án allra ytri skilyrða. Það er einmitt meginatriðið að það er trúin ein sem blífur, það er trúin sem bjargar líkt og Kristur segir við samverjann.

Að gangast undir trúna á Jesú Krist varð alger vendipunktur í lífi Páls, hann lagði þaðan í frá allt í sölurnar til að segja frá og boða þessa nýju lífssýn sem hann hafði öðlast.

Á hverjum degi þiggjum við fjölmargt sem við teljum sjálfsagt og engin þörf á að þakka fyrir, okkur er gjarnt á að tala um rétt okkar til þessa eða hins.Við erum oft gröm og reið yfir því að fá ekki notið ýmiss af því sem okkur virðist að aðrir hafi umfram okkur. Í þessum textum er okkur sýnt hversu mikilvægt er þakklætið er í lífi okkar.Í hinni löngu upptalningu Páls á kostum og löstum er okkur bent á þá staðreyndað með því að gangast undir þá lífssýn sem sá andi frelsis og gleði sem Kristur kemur með og leysir okkur undan oki lögmáls og dóma þá kvikni löngun og vilji til að lifa með aukinni sjálfstjórn og forðast það sem ekki er gagnlegt eða vænlegt til að veita gott líf. Hann setur þetta fram sem andstæður í eins konar rhetoriskum tilgangi en meginatriðið er að nú er nýtt orðið til, nýtt sem veitir aðgang að nýrri túlkun á veröldinni og því sem við mætum á okkar lífsins leið. Vendipunkturinn er þannig ekki bundinn við einhvern tíma heldur persónulega stöðu okkar hvers og eins.

Andstæðuparið hold og andi kallast á við önnur slík eins og hið forna um kosmos og kaos reglu og óreiðu.Hugmyndin um sköpun já sístæða sköpun Guðs er akkúrat þessi að koma á reglu og viðhalda henni, það kostar alltaf einhverja orku. Við sjáum þetta og þekkjum allt í kringum okkur, ef við ekki sinnum viðhaldi eigna okkar hýbýla og faratækja þá grotna þau niður, hið sama á eiginlega við um okkar dýrmætustu sköpun sem er líkami okkar þar sem hreyfing og heilbrigt mataræði gegnir lykilhlutverki ásamt með rækt hins andlega.

Í okkar persónulega lífi má kannski segja að andstæðurnar séu sjálfstjórn og agaleysi. Með því að tileinka sér sjálfstjórn og jákvætt viðhorf til lífsins þá erum við að leitast við að hefja okkur yfir hina frumstæðustu kenndir og hvatir sem með okkur búa líkt og allra annarra lífvera.

Í þessu samhengi hér þá er verið að gefa okkur þau skilaboð að með því að veita andanum hinum heilaga anda viðtöku, með því að tileinka sér grundvallarviðhorf þakklætis og jákvæðrar hugsunar, þá geti einmitt orðið vendipunktur til góðs í okkar lífi.

Megi góður Guð gefa að við sem flest getum opnað hug og hjarta fyrir hinni jákvæðu orku trúar og heilags anda, fyrir þakklætinu og gerum það í senn fyrir okkur sjálf og til að verða sem farvegur og miðill þess til þeirra sem við umgöngumst og deilum kjörum með. Fyrir samfélag okkar og þjóð. Í Jesú nafni amen.

Fyrsta kvöldkirkja haustsins í Hallgrímskirkju í kvöld kl. 20:00-22:00

Thu, 25 Sep 2025 14:36:00 GMT

Fyrsta kvöldkirkja að hausti
Fimmtudagur 25. september milli kl. 20.00-22.00

Kyrrð, ró og íhugun ásamt óhefðbundinni tónlist fyrir kirkju.

Tilgangur kvöldkirkjunnar er að opna trúarheiminn fyrir fólki, sem finnur sig ekki í venjulegu helgihaldi kirkjunnar. Ólíkt í hefðbundnu helgihaldi geta gestir farið um kirkjurýmið setst niður eða lagst á dýnur eða kirkjubekki, kveikt á kertum eða skrifað það sem þeim liggur á hjarta á miða og sett í körfur.

Prestar Hallgrímskirkju og kirkjuhaldari, Grétar Einarsson sjá um stundina.
Tónlist: Kira kira

Hallgrímskirkja - Þinn íhugunarstaður

--ENGLISH--

Evening Church
Thursday 25th of September from 20:00-22:00
Music: Kira kira

The evening church is an unconventional time in form and content. The atmosphere is informal and relaxed. Lighting, music and short reflections intertwine with the stillness and tranquility of the space. We invite you to meditate, pray, walk around, light candles, write down your thoughts or prayers or sit in the pews or rest on the mattresses in the church.

VOCES8 & Pétur Sakari: TWENTY! í Hallgrímskirkju

Tue, 23 Sep 2025 06:30:00 GMT

Einn af hápunktum tónleikaannarinnar í haust eru tuttugu ára afmælistónleikar heimsfræga breska sönghópsins VOCES8 í samstarfi við organistan Pétur Sakari , þar sem saman koma tvö stór öfl á alþjóðlegum vettvangi tónlistarinnar. Sameiginlegir tónleikar þeirra í Hallgrímskirkju í Reykjavík bjóða upp á einstakt samtal mannlegra radda og symfónísks orgels – upplifun sem áheyrendur munu seint gleyma.

Pétur Sakari er einn merkasti organleikari sinnar kynslóðar en ungur að árum kom hann þá þegar fram á virtustu tónleikastöðum heims, meðal annars í Notre Dame í París og við Mariinsky-leikhúsið í Sankti Pétursborg, að tilmælum meistara á borð við Olivier Latry og Thierry Escaich. Síðan þá hefur hann haldið víðtæka tónleikaferla um Evrópu með hljómsveitum, kórum, einsöngvurum og jafnvel dönsurum.

Pétur er einkum þekktur fyrir snilli sína í orgelspuna og túlkun á hinu stórbrotna tónverkasafni symfóníska orgelsins. Hann starfar einnig sem listrænn stjórnandi tónlistarhátíða og er yfirmaður alþjóðasamskipta hjá Diapason Group. Þá hefur hann komið að ráðgjöf vegna nýja orgelsins í tónlistarhúsinu í Helsinki og gegnt starfi formanns í Organum Society.

Upptökur hans hjá BIS Records og Sony Classical hafa hlotið alþjóðleg verðlaun mikið lof. Um þessar mundir vinnur hann að upptökum á öllum orgelverkum Francks, Viernes og Liszts.

Að baki þessarar smellu má finna kynningarmyndband fyrir tónleikana á laugardaginn: The Hallgrímskirkja Concert – video

Gaman er að geta þess að sönghópurinn Voces8 fagnar 20 ára afmæli sínu á afmælisdegi organistans okkar, Björns Steinars Sólbergssonar, með þessum glæsilegu tónleikum í Hallgrímskirkju.

HALLGRÍMSKIRKJA – ÞINN TÓNLEIKASTAÐUR

Prédikunarstóllinn / 7. september 2025 / Lyklar að læstu húsi

Tue, 09 Sep 2025 11:26:00 GMT

Lykill að læstu húsi.

12. sunnudagur eftir þrenningarhátíð,
Prédikun flutt 7. september 2025
Prestur: Eiríkur Jóhannsson

Lexía: Jes 29.17-24
Er ekki skammt þar til
Líbanon verður að aldingarði
og Karmel talið skóglendi?
Á þeim degi munu daufir heyra orð lesin af bók
og augu blindra sjá þrátt fyrir skugga og myrkur.
Þá mun gleði auðmjúkra aukast yfir Drottni
og hinir fátækustu meðal manna
munu fagna yfir Hinum heilaga Ísraels.
Kúgarinn verður ekki lengur til,
skrumarinn líður undir lok,
öllum, sem hyggja á illt, verður tortímt
og þeim sem sakfella menn fyrir rétti,
þeim sem leggja snörur fyrir þann sem áminnir í hliðinu
og vísa hinum saklausa frá með innantómu hjali.
Þess vegna segir Drottinn,
sem endurleysti Abraham, við ættbálk Jakobs:
Nú þarf Jakob ekki að blygðast sín lengur
og andlit hans ekki framar að fölna
því að þegar þjóðin sér börn sín,
verk handa minna, sín á meðal
mun hún helga nafn mitt,
helga Hinn heilaga Jakobs
og óttast Guð Ísraels
og þeir sem eru villuráfandi í anda
munu öðlast skilning
og þeir sem mögla láta sér segjast.

Pistill: 2Kor 3.4-9
Það er vegna Krists sem ég er svo öruggur frammi fyrir Guði. Ekki svo að skilja að ég sé sjálfur hæfur og geti eitthvað sjálfur heldur er hæfileiki minn frá Guði. Guð hefur gert mig hæfan til að vera þjónn nýs sáttmála sem ekki er ritaður á bók heldur er hann andlegur. Því að bókstafurinn deyðir en andinn lífgar.
Lögmálið var skráð með bókstöfum og höggvið á steina. Þó að þeir sem þjónuðu því dæju var dýrð þess slík að Ísraelsmenn gátu ekki horft framan í Móse vegna ljómans af ásýnd hans sem þó varð að engu. Hversu dýrlegri mun þá sú þjónusta vera sem fram fer í anda? Ef þjónustan sem sakfellir var dýrleg þá er þjónustan sem réttlætir enn þá auðugri að dýrð.

Guðspjall: Mrk 7.31-37
Síðan hélt Jesús úr Týrusarbyggðum, um Sídon og yfir Dekapólisbyggðir miðjar til Galíleuvatns. Þá færa menn til hans daufan og málhaltan mann og biðja hann að leggja hönd sína yfir hann. Jesús leiddi hann afsíðis frá fólkinu, stakk fingrum sínum í eyru honum og vætti tungu hans með munnvatni sínu. Þá leit hann upp til himins, andvarpaði og sagði við hann: „Effaþa,“ það er: Opnist þú.
Og eyru hans opnuðust og haft tungu hans losnaði og hann talaði skýrt. Jesús bannaði þeim að segja þetta neinum en svo mjög sem hann bannaði þeim því frekar sögðu þeir frá því. Menn undruðust mjög og sögðu: „Allt gerir hann vel, daufa lætur hann heyra og mállausa mæla.“

Náð sé með yður og friður frá Guði föður vorum og Drottni Jesú Kristi.

Flest eigum við minningar um að hafa lokast einhversstaðar inni. Oftast nær á barna- og unglingsárum. Í flestum tilvikum verður þetta að fyndinni minningu sem ekki ristir djúpt. Sjálfur læstist ég inni á klósetti heima hjá frændfólki, það sem mér þótti þó verst var að frændi minn og jafnaldri var látinn skríða inn um gluggann og hann gat svo opnað eins og ekkert væri sjálfsagðara. (þurfti víst eitthvert lag við lykilinn)

Svo er auðvitað til miklu verri lífsreynsla sem getur haft slæmar afleiðingar og valdið fólki vandræðum það sem eftir er ævinnar. Innilokunarkennd eða clostrófobía er nokkuð algengt fyrirbæri en það getur virkilega valdið fólki erfiðleikum og vanda í daglegu lífi. Vilja helst ekki fara í lyftu, líða illa í þröngum rýmum eins og til dæmis í flugvélum.

Svo er það líka útbreitt vandamál að fólk lokast inni með erfiða reynslu og áföll, finnur ekki leið til að tjá sig og smám saman verður þetta að meinsemd sem hefur áhrif á andlega og líkamlega heilsu.

Þegar allt kemur til alls þá er það staðreynd að þær eru býsna margar lokuðu dyrnar sem enginn lykill virðist finnast að.

Oft á tíðum er það skömm eða sektarkennd eða ótti sem þessu veldur og þrátt fyrir skynsemi og skýra hugsun að öðru leyti þá virðist sem lausnin á þessum vanda sé oft vandfundinn.

Guðspjall dagsins segir frá fallegu kraftaverki.

Þar sjáum, við þessa myndrænu frásögn af kraftaverki Jesú þegar færður er til hans maður sem í senn var heyrnarlaus og málhaltur. Lýsingin á lækningunni er einstök, hann stakk fingrum í eyru hans og vætti tungu hans með munnvatni sínu, loks leit hann til himins og mælti þetta undarlega orð sem þar er skrifað eins og það var sagt. Effaþa, það er opnist þú. Og undrið gerist. Og maðurinn tekur að mæla. Hann er laus úr kannski æfilöngu hafti, ófrelsi, einangrun sem leiðir af því að geta ekki heyrt til annarra og geta ekki tjáð hugsun sína.

Það er með þetta einsog flestar frásagnir biblíunnar að hægt er að skoða þær frá fleiri en einu sjónarhorni. Við getum skoðað atburðinn eins og hann er sagður og undrast hversu jarðbundin og nálæg frásögnin er, hann stingur fingrum í eyru og strýkur eigin munnvatni um tungu hans. Sonur Guðs er kominn inn í mannleg kjör, hann hikar ekki við að snerta hinn sjúka, lyfta upp hinum fallna, hann er allur og heill inn í öllum mannlegum kjörum sem hann gengur inn í .

En um leið getum við skoðað hið táknræna gildi sem liggur í frásögninni. Sem er að finna í öllumfrásögnum. Hina yfirfærðu merkingu. Ef grannt er skoðað.

Flest höfum við heyrt sagt eða jafnvel sagt sjálf um einhvern aldraðan einstakling sem eitthvað er farinn að tapa heyrn, að hann heyri nú það sem hann vilji heyra. Oft er þetta sett fram sem eins konar brandari, þegar eitthvað er sagt sem viðkomandi einstaklingur er ósáttur við á einhvern hátt eða hugsanlega nennir ekki að taka þátt í, þá heyrir hann ekki neitt.

Hins vegar ef eitthvað ber á góma sem viðkomandi telur áhugavert, þá heyrir hann eins og köttur.

Staðreyndin er sú að þetta gildir um okkur öll, hvort sem við erum farin að tapa heyrn eða ekki. Við höfum öll eins konar innbyggðar síur sem velja úr það sem okkur finnst verðugt og kasta hinu síðan frá, gott dæmi um slíka síu er það viðhorf að það sem gerist í fjarlægum löndum komi okkur ekki við. Stöðugar fréttir af hörmungum gera okkur ónæm og auðvelda okkur þessa afstöðu að við getum hvort sem er ekkert gert.

Sem betur fer er þetta ekki algilt fyrirbæri eins og dæmin sanna hér á landi einmitt í gær.

Hið varasama við þessa hugsun að það sem fjarlægt er komi manni ekki við er kannski fyrst og fremst það að fyrr en varði eru viðmiðunar mörkin komin upp á land og síðan að borgarmörkum, hverfaamörkum, og loks eru þau komin heim að okkar eigin húsvegg. Jafnvel að endingu inn að eigin skinni, Ég læt mig engu varða um hag nokkurra nema sjálfs mín og kannski minna nánustu. („ég elska sjálfan mig og kannski svolítið þig“.)

Eitt þeirra orða sem við notum um það að fá Jesú inn í líf okkar er frelsun, Jesús er frelsari mannanna. Þetta felur það í sér að eitthvað hlýtur að hafa verið í ánauð, í hafti, einhvern veginn bundið niður. Og frá sjónarhóli trúarinnar er það ekki einhver sýnileg eða ytri höft, heldur miklu fremur andleg, sálræn höft sem hann leysir. Effaþa opnist þú, minnir þetta ekki á orðin í sögunni um Alí baba „sesam opnist þú“ og klettaveggurinn opnaðist og leiðin inn í stóra hvelfingu fulla af gulli og gersemum. Viljum við ekki meina að einmitt eitthvað svipað eigi sér stað þegar Jesús mælir sín lausnarorð að eyru okkar opnist fyrir boðskap hans og um leið að losni um haft tungunnar og margt af því góða sem við búum yfir fái að brjótast fram.

Inn í þetta samhengi koma orð Páls postula úr öðru Kórintubréfinu þar sem hann ber saman hinn dauða bókstaf lögmálsins sem höggvinn var í stein og síðan hinn nýja sáttmála sem kemur með JesúKristi en hann birtist í lifandi anda. Þessi sáttmáli er þannig byggður á samspili undirorpinn okkar eigin hugsun og frumkvæði, breytilegur og sveigjanlegur, lýtur aðeins einu, sem er kærleikur Krists.

Lausnar og lykilorð þessa guðspjalls effaþa er þannig frelsun að vera leystur úr einhvers konar viðjum sem valdið hafa vanlíðan og kannski misskilinni sektarkennd. Að heyra það sem skiptir máli og meðtaka það í lífi sínu og hugsun og geta sagt frá og talað um það sem inni fyrir býr losa um stíflur og létta þrýstingi og láta lindina renna hindrunarlaust fram. Eins og Jesaja spámaður segir í ritningalestri dagsins

„Nú þarf Jakob ekki að blygðast sín lengur
og andlit hans ekki framar að fölna
og þeir sem eru villuráfandi í anda
munu öðlast skilning.“

Páll postuli leggur fram skilning sinn á því sem áður var og þess sem nú er orðið til með Jesú Kristi. Eins og við heyrðum í lestrinum:

„ Guð hefur gert mig hæfan til að vera þjónn nýs sáttmála sem ekki er ritaður á bók heldur er hann andlegur. Því að bókstafurinn deyðir en andinn lífgar.
Lögmálið var skráð með bókstöfum og höggvið á steina. Það varð dýrlegt en varð þó að endingu að engu

Hversu dýrlegri mun þá sú þjónusta vera sem fram fer í anda? Ef þjónustan sem sakfellir var dýrleg þá er þjónustan sem réttlætir enn þá auðugri að dýrð.“

Þetta er það sem mestu skiptir í þessu samhengi, þjónustan sem sakfellir er fallin úr gildi. Þjónustan sem réttlætir og lyftir upp og leysir úr höftum það er hún sem blívur. Hennar er nú mátturinn og dýrðin. Þess vegna má tala og segja frá og létta af sér þungum byrðum. Við því er tekið af kærleika og umhyggju.

Þannig má segja að lykillinn að læstum myrkrakompumsé að finna í trausti, trausti til Guðs og trausti til samferðafólks sem lætur sig um aðra varða og gefa því gaum sem sagt er, hlusta og bregðast við af kærleika og stuðningi.

Við biðjum þess að sem allra flest megi njóta þeirrar gæfu að heyra og meðtaka þessi dýrlegu lausnarorð Jesú Krists er megna að leysa úr læðingi tjáningarmátt okkar og opna um leið fyrir skynjun á sköpunarverkinu, fegurð þess og undrum. Í Jesú nafni Amen.

Safnaðarstarf í Hallgrímskirkju haust 2025

Sun, 07 Sep 2025 15:05:00 GMT

Enn streymir ferðafólk í kirkjuna og það er nóg að gera. Um helgina hófst tónleikaröðin Haust í Hallgrímskirkju með yndislega fallegum tónleikum Erlu Rut Káradóttur organista og Guju Sandholt mezzosópran. Þá hófst safnaðarstarfið og barnastarf í Hallgrímskirkju í dag.

Hér að neðan má finna almenna dagskrá safnaðarstarfsins í kirkjunni haustið 2025

Messa - Alla sunnudaga kl. 11.00
Sunnudagaskóli - Alla sunnudaga kl. 11.00
Ensk messa - Síðasta sunnudag í mánuði kl. 14.00
Bænastund - Alla mánudaga kl. 12.00 – 12.15
Morgunmessa - Alla miðvikudaga kl. 10.00 - 10.30
Foreldaramorgnar - Alla miðvikudaga kl. 10.00-12.00 (gengið inn að aftanverðu).
Kyrrðarstund með tónlist og stuttri íhugun - Alla fimmtudaga kl. 12.00 – 12.30
Ókeypis aðgangur og létt hádegishressing í boði.
Kvöldkirkja - Síðasta fimmtudag í mánuði kl. 20.00-22.00. Tónlist, kyrrð og lestur.
Handavinna - Alla laugardaga frá klukkan 10-12 í Suðursal. Alltaf heitt á könnunni.

SÉRSTAKIR VIÐBURÐIR OG DAGSETNINGAR Í HAUST

Sunnudagaskólinn hófst í dag sunnudaginn 4. september kl. 11

Fræðsluerindi verður í hádeginu á þriðjudaga frá 7. október – 4. nóvember (7.10 · 14.10 · 21.10 · 28.10 · 04.11)
Stutt erindi um málefni sem ofarlega eru á baugi í kirkju og samfélagi.

Hátíðarmessa á vígsludegi Hallgrímskirkju
Sunnudagur 26. október – í tilefni af Hallgrímsdegi, 27. október

Málþing Guðfræðistofnunar
Um játningar – í samstarfi við Hallgrímskirkju og Reykjavíkurprófastsdæmi vestra
Föstudagur 14. nóvember

Fjölskylduguðsþjónusta
Sunnudagur 19. október kl. 11:00
Family Service
Sunday, October 19 at 11:00

Fermingarfræðsla
Hefst formlega sunnudaginn 14. september með messu í Hallgrímskirkju kl. 11 og kynningarfundi fyrir börn og foreldra í kjölfar messunnar.

Helgihald á Droplaugarstöðum
Fyrsti fimmtudagur hvers mánaðar yfir vetrartímann kl. 14:00

Einnig var stofnaður nýr Barnakór Hallgrímskirkju í haust og var fyrsta æfingin sl. miðvikudag. Í hópnum eru 24 börn frá fyrstu æfingu en kórinn er ætlaður börnum í 3.-5. bekk sem elska að syngja, læra ný lög og taka þátt í lifandi kirkjulífi. Æfingar fara fram einu sinni í viku undir stjórn Fjólu Kristínar Nikulásdóttur, sem leiðir hópinn með gleði, hlýju og fagmennsku. Við getum ennþá bætt við okkur ungum röddum. Skráning verður opin út október á abler.io

Hallgrímskirkja er opin alla daga frá kl. 10.00-17.00 (turninn lokar kl. 16.45).

N ánari upplýsingar á hallgrimskirkja.is

HALLGRÍMSKIRKJA - ÞINN STAÐUR

Prédikunarstóllinn / 24. ágúst 2025 / Jesús grætur

Wed, 03 Sep 2025 09:28:00 GMT

Jesús grætur.

Prestur: Eiríkur Jóhannsson
Textar og prédikun. 24. ágúst.

10. sunnudagur eftir þrenningarhátíð.
Lexía: Jer 18.1-10
Orðið sem kom til Jeremía frá Drottni: Farðu nú niður í hús leirkerasmiðsins. Þar mun ég láta þig heyra orð mín.
Ég gekk því niður til húss leirkerasmiðsins einmitt þegar hann var að vinna við hjólið. Mistækist kerið, sem hann var að móta úr leirnum, bjó hann til nýtt ker eftir því sem honum sýndist best.
Þá kom orð Drottins til mín: Get ég ekki farið með yður, Ísraelsmenn, eins og þessi leirkerasmiður gerir? segir Drottinn. Þér eruð í hendi minni, Ísraelsmenn, eins og leirinn í hendi leirkerasmiðsins.
Stundum hóta ég einhverri þjóð eða konungsríki að uppræta það, brjóta það niður eða eyða því. En hverfi þessi þjóð, sem ég hef hótað, frá illri breytni sinni iðrast ég þeirrar ógæfu sem ég hafði ákveðið að senda yfir hana.
Stundum heiti ég einhverri þjóð eða konungsríki að endurreisa það eða gróðursetja en geri hún það sem illt er í augum mínum án þess að hlýða boðum mínum iðrast ég hins góða sem ég hafði heitið að gera henni.

Pistill: Róm 9.1-5
Ég tala sannleika í Kristi, ég lýg ekki, samviska mín, upplýst af heilögum anda, vitnar það með mér að ég hef mikla hryggð og sífellda kvöl í hjarta mínu og gæti óskað að mér væri sjálfum útskúfað frá Kristi ef það yrði til heilla fyrir bræður mína og ættmenn, Ísraelsmenn. Þeir eiga frumburðarréttinn, dýrðina, sáttmálana,
löggjöfina, helgihaldið og fyrirheitin. Þeirra eru ættfeðurnir og af þeim er Kristur kominn sem maður, hann sem er yfir öllu, Guð, blessaður að eilífu. Amen.

Guðspjall: Lúk 19.41-48
Og er Jesús kom nær og sá borgina grét hann yfir henni og sagði: „Ef þú hefðir aðeins vitað á þessum degi hvað til friðar heyrir! En nú er það hulið sjónum þínum. Því að þeir dagar munu koma yfir þig að óvinir þínir munu gera virki um þig, setjast um þig og þröngva þér á alla vegu. Þeir munu leggja þig að velli og börn þín sem í þér eru og ekki láta standa stein yfir steini í þér vegna þess að þú þekktir ekki þinn vitjunartíma.“
Þá gekk hann inn í helgidóminn og tók að reka út þá er voru að selja og mælti við þá: „Ritað er:
Hús mitt á að vera bænahús
en þér hafið gert það að ræningjabæli.“
Daglega var hann að kenna í helgidóminum en æðstu prestarnir og fræðimennirnir, svo og fyrirmenn þjóðarinnar, leituðust við að ráða hann af dögum en fundu eigi hvað gera skyldi því að allt fólkið vildi ákaft hlýða á hann.

Náð sé með yður og friður, frá Guði föður vorum og Drottni Jesú Kristi.

Margt fer öðruvísi en ætlað er og oft gerist það í lífi okkar að þrátt fyrir góð áform og góðan vilja þá fara hlutirnir á allt annan veg en ætlunin var og stefnt var að.

Í mörgum slíkum tilvikum þá neyðumst við til þess að horfa í eigin barm og viðurkenna að ástæðan sé sú að við sjálf brugðumst á einhvern hátt. Við gátum sjálfum okkur um kennt og engum öðrum.

Þrátt fyrir það er tilhneigingin gjarnan sú að horfa fram hjá þessari staðreynd og leitast í lengstu lög við að finna sökina hjá einhverjum öðrum.

Við sjáum það bæði í bókum og kvikmyndum að hegðun sögupersónanna er gjarnan skírð með reynslu viðkomandi úr barnæsku. Vissulega er það staðreynd og raunar grátleg staðreynd að áföll og erfið reynsla í bernsku hafa djúpstæð áhrif á tilfinningalíf og hegðun.

Á endanum er samt staðreyndin sú að við berum ábyrðina sjálf á okkar lífi og okkar gjörðum.

Í pistli sínum í dag talar postulinn Páll um samlanda sína, þá menn sem verið höfðu hans menn og samferðafólk, trúsystkin og skoðanabræður- og systur. En hann hefur stigið yfir í annan veruleika, hann hefur öðlast nýja sýn á lífið með því að meðtaka boðskapinn um Jesú Krist. Það er hans sannfæring að með Jesú Kristi hafi eiginlega orðið til nýr túlkunarlykill á tilveruna. Og hann í þessum orðum, má segja að hann gráti yfir þeirra forherðingu sem er að hans mati. Að geta ekki eða vilja ekki sjá það sem hann sér svo greinilega að ritningarnar á vissan hátt ljúkast upp á nýjan hátt með boðskap frelsarans og þess vegna verður að breyta mörgu því sem áður var tekið gott og gilt. En það er einmitt það sem þau vilja ekki. Þau sem ættu að hafa þekkinguna og hafa lifað og hrærst í þessum trúarheimi þau sem ættu að eiga auðveldast með að tileinka sér þennan nýja sannleika þau hafna því algerlega og verða hörðustu andstæðingar hins nýja.

En því er ég að dvelja við þetta að við getum á margan hátt séð samlíkingu við svo margt í okkar samtíma við einmitt þetta að vilja ekki horfast í augu við nýjan veruleika og í stað þess að leitast við að finna lausnir þá er skellt í lás og reynt að halda áfram eins og ekkert hafi skeð. Á þetta bæði við um lífsstíl okkar og skoðanir.

Á endanum verður til enn meiri vandi.

Þá getum við litið til orða Jesú sem guðspjallið greinir frá er hann stendur og horfir yfir borgina og grætur yfir því sem hann sér fyrir að muni þar gerast, hann grætur yfir því að þau sjá ekki hvað til friðar heyrir, að þau þekki ekki sinn vitjunartíma. Horfist ekki í augu við eigin ábyrgð. Hvað hann á nákvæmlega er að vísa til get ég ekki sagt en síðan stígur hann inn í musterið og sér hvernig búið er að gera helgihaldið þar að féþúfu forréttindastéttar. Og þegar hann orðar það og það er greinilegt að meirihlutinn leggur við hlustir þá er af öðrum farið að leggja drög að því að ráða hann af dögum.

Jesús grætur, er eitthvað fagnaðarerindi fólgið í því? Sagt er frá því tvisvar sinnum að hann gráti og hitt tilvikið er þegar hann fær fregnir af því að vinur hans Lasarus sé dáinn og hann sér sorg systra hans.

Svarið er já, sannarlega eru þessar frásagnir fagnaðarefni því gráturinn er tákn og vitnisburður samkenndar og kærleika. Honum er ekki sama, hann lætur sig varða, hann finnur til. Já þetta er sá guðdómur sem við beinum bænum okkar og lofgjörð til.

Sá guðdómur sem við játum birtist okkur því þannig í kærleika, líkt og ástríkt foreldri sem leitast við að beina barni sínu á réttar brautir, kenna því það sem máli skiptir en samt fyrst og fremst elskar barnið sitt sama hvað á dynur. Það er ekki að ástæðulausu sem guð hefur verið ávarpaður sem faðir eða móðir í gegnum aldirnar og við gerum enn í okkar helstu bæn.

Þversögnin í þessu öllu liggur samt í því að okkur er gefið frelsi til að velja, frelsi til að taka ákvarðanir um líf okkar, já frelsi til að gera bæði rétt og rangt. Frelsi til að gera mistök og lenda útaf brautinni. Það sem Kristur tók útúr jöfnu trúarinnar þess samhengis sem hann var sprottinn úr og tengdi vissulega sinn boðskap við, var hin harða krafa og raunar hótanir um harðar refsingar ef samningurinn væri ekki haldinn. Refsingar, bæði gegn heilli þjóð og einstaklingum. Því miður yfirsást mörgum kirkjudeildum þessi mikilvægi þáttur og héldu áfram að hóta helvítisvist og píslum. Vildu halda í og viðhalda eigin völdum yfir fólki og nota til þess óttann.

Kristur grætur vegna misgjörða, honum er ekki sama, hann vill að okkur vegni vel og okkur líði vel, en hann vill ekki svifta okkur frelsinu, í frelsinu felst líka möguleikinn á skapandi hugsun og skapandi lífi. En um leið möguleikanum á mistökum og misgjörðum.

Hér á Íslandi hefur kristin trú mótað menningu þjóðarinnar í rúm þúsund ár með kristninni kom ritmál og menntun svo eitthvað sé talið. Samt má kannski segja að hinn almenni maður á Íslandi hafi aldrei tengt sig sérlega sterkt við ákveðnar eða þröngar trúarkenningar eða stefnur.

En þegar allt kemur til alls þá á kirkjan samt sterk ítök í okkur flestum. Við vitum af henni, vitum að hún er til staðar. En þegar á bjátar, já þegar hún er tekin í burtu þá finnur fólk að eitthvað mikið vantar.

Þessa sjónarmiðs urðum við áþreifanlega áskynja í för okkar nokkurra héðan úr Hallgrímskirkju norður í Grímsey fyrir hálfum mánuði. Tilgangur fararinnar var að vera viðstödd vígslu nýrrar kirkju í Grímsey og um leið að afhenda með formlegum hætti nýjar kirkjuklukkur sem söfnuður Hallgrímskirkju færði Miðgarðakirkju og söfnuði hennar að gjöf.

Bæði heimafólk og brottfluttir, fundu sterkt hversu mikið var frá þeim tekið þegar kirkjan var ekki lengur til staðar eftir brunann skelfilega haustið 2021. Vissulega leggjum við áherslu á að það eru ekki bara húsin sem hýsa okkar trúariðkun sem er kirkjan , kirkjan er fyrst og fremst við fólkið sem skilgreinir sig sem hluta af því stóra safni sem kallast kristin kirkja. Eigi að síður er kirkjuhúsið mikilvægt tákn, það er tákn í sjálfu sér sem skjól og hlíf og sömuleiðis eru þar sett upp mikilvæg tákn trúarinnar er prédika til okkar með návist sinni og notkun. Altari, skírnarfontur altaristafla svo eitthvað sé upp talið.

Þetta er gömul saga og ný að við finnum oft ekki fyrir mikilvægi margs þess sem er í kringum okkur fyrr en það er tekið frá okkur, við tökum því sem sjálfsögðum hlut. En sú er einmitt ekki raunin.

Þannig er hin nýja kirkja sem reist er á lítilli eyju út við ysta haf mikilvægt tákn, ekki einungis fyrir þau sem þar búa heldur fyrir okkur öll. Fyrir velvild og stuðning fjölmargra víðsvegar að um landið var hún byggð og við hér söfnuður Hallgrímskirkju getum með stolti talið okkur þar með.

Kirkjan er því fagur vitnisburður um það hvernig hægt er að rísa upp og byggja upp að nýju þótt útaf bregði, þótt tjón verði. Með samhjálp og stuðningi er hægt að vinna kraftaverk.

Jesús Kristur grét yfir borginni fögru og enn í dag er sannarlega hægt að gráta yfir þeirri borg og landi. Þeim skelfilegu atburðum sem þar eiga sér stað. Það sem hann, okkar frelsari og lausnari færði okkur með sínum dauða og upprisu var einmitt að það er ávalt von það er aldrei allt tapað það er hægt að snúa við og byrja að byggja upp. Jesús grét og fann til og við öll já heimurinn allur þjáist og finnur til og einmitt þess vegna að til er fólk sem lætur sig varða um örlög annarra um líðan annara um líf annarra þá er von, von um frið, von um að um síðir muni rísa um veröld víða helgidómur friðar og sáttfýsi. Helgidómur sem nær frá ysta hafi til innstu dala stendur sterkur mót stóðviðrum, veitir vernd og skjól. Býr öllu sínu fólk aðstæður til að mega óhult fá að lifa, vaxa og dafna í friði og sátt. Biðjum þess ávalt að svo megi að endingu verða. Í Jesú nafni Amen.

Tónleikar haust 2025 – Dagskrá / Concert program for autumn 2025 at Hallgrímskirkja

Thu, 28 Aug 2025 11:31:00 GMT

HALLGRÍMSKIRKJA – Tónleikar haust 2025
/ Concerts autumn 2025 (Program below)

Tónleikaröðin Haust í Hallgrímskirkju hefst með tónleikum laugardaginn 6. september kl. 12 þar sem orgelleikarinn Erla Rut Káradóttir og messósópransöngkonan Guja Sandholt flytja fjölbreytta dagskrá. Þetta verða fyrstu tónleikarnir í nýrri tónleikaröð sem spannar haustið fram í nóvember og býður bæði íslenskum og erlendum listamönnum til okkar í Hallgrímskirkju.

Í september fáum við heimsókn frá Voces8 , einum virtasta kammerkór heims, sem kemur fram með orgelleikaranum Pétri Sakari . Þetta verða stórtónleikar haustsins þar sem áheyrendur fá að upplifa sönglist í hæsta gæðaflokki í stórfenglegu hljómrými kirkjunnar.

Í október halda hádegistónleikarnir áfram með glæsilegum listönnum, en m.a. mun Kór Hallgrímskirkju halda eigin tónleika undir stjórn Steinars Loga Helgasonar . Í nóvember tekur við margvísleg dagskrá: orgel- og söngtónleikar með heimafólki, Allra heilagra messa þar sem Hymnodia kammerkór og Kammerkór Norðurlands flytja Missa brevis eftir Kodály, og sérstakir tónleikar í samstarfi við Iceland Airwaves þar sem hinn heimsþekkti organisti Roger Sayer stígur á svið. Að lokum verða tónleikar í samstarfi við Listaháskóla Íslands , þar sem ungt tónlistarfólk framtíðarinnar flytur sönglög Sveinbjörns Sveinbjörnssonar.

Dagskrá Haustsins í Hallgrímskirkju 2025 býður áheyrendum einstaka upplifun í einu fallegasta tónlistarrými landsins.

Dagskrána má finna hér að neðan: / The autumn concert program for 2025 can be found here below::

Ljósið í 90 ár / Light for 90 years
Laugardagur 6. september kl. 12 / Saturday September 6th at 12 hrs
Erla Rut Káradóttir orgel / organ
Guja Sandholt messósópran / mezzo soprano
Miðar / Tickets HÉR
Aðgangseyrir / Admission ISK 2.900

VOCES8 TWENTY!
Voces8 & Pétur Sakari
Laugardagur 27. september kl. 17 / Saturday September 27th at 17 hrs
Miðar / Tickets HÉR
Aðgangseyrir / Admission ISK 9.500

Sál tékkneskrar tónlistar í hjarta Reykjavíkur / The Soul of Czech Music in the Heart of Reykjavík
Laugardagur 4. október kl. 12 / Saturday October 4th at 12 hrs
Lenka Mátéová orgel / organ
Viera Gulázsi Manasková sópran / soprano
Aðgangseyrir / AdmissionISK 2.900

HAUSTTÓNLEIKAR KÓRS HALLGRÍMSKIRKJU / The Choir of Hallgrímskirkja Autumn Concert
Sunnudagur 26. október kl. 17 / Sunday October 26th at 17 hrs
Kór Hallgrímskirkju / The Choir of Hallgrímskirkja
Steinar Logi Helgason stjórnandi / conductor
Aðgangseyrir / AdmissionISK 4.900

Lumière Céleste – Himneskt ljós / Matinée
Laugardagur 1. nóvember kl. 12 / Saturday November 1st at 12 hrs
Björn Steinar Sólbergsson orgel / organ
Sólbjörg Björnsdóttir sópran / soprano
Aðgangseyrir / AdmissionISK 2.900

ALLRA HEILAGRA MESSA / All Saints' Day
Kodaly – Missa brevis
Sunnudagur 2. nóvember kl. 17 / Sunday November 2nd at 17 hrs
Hymnodia Kammerkór & Kammerkór Norðurlands
Eyþór Ingi Jónsson orgel / organ
Guðmundur Óli Gunnarsson stjórnandi / conductor
Aðgangseyrir / AdmissionISK 4.900

INTERSTELLAR – Iceland Airwaves Partner Event
Föstudagur 7. nóvember kl. 18 / Friday November 7th at 18hrs
Roger Sayer, orgel / organ
Miðar / Tickets HÉR
Aðgangseyrir / AdmissionISK 3.900

Sönglög Sveinbjörns Sveinbjörnssonar
LISTAHÁSKÓLINN Í HALLGRÍMSKIRKJU / Iceland University of the Arts
Laugardagur 22. nóvember kl. 14 / Saturday November 22nd at 14 hrs
Ókeypis aðgangur / Free entry

Miðasala á tónleika fer fram í Hallgrímskirkju og www.tix.is
Tickets are available at Hallgrímskirkja and online on www.tix.is

HALLGRÍMSKIRKJA – ÞINN TÓNLEIKASTAÐUR

Vetraropnun hefst á mánudaginn í Hallgrímskirkju / Winter opening hours from September 1st '25

Tue, 26 Aug 2025 12:09:42 GMT

Frá og með mánudeginum 1. september 2025 tekur gildi vetraropnun í Hallgrímskirkju.

Kirkjan verður opin alla daga frá kl. 10–17.
Turn og kirkjubúð frá 10-16.45.

Við þökkum öllum gestum kærlega fyrir heimsóknir í sumar og hlökkum til að taka á móti ykkur í haust og í vetur.

HALLGRÍMSKIRKJA – ÞINN STAÐUR

-- English--
From Monday, September 1st 2025 , winter opening hours will apply at Hallgrímskirkja.

The church will be open daily from 10AM – 5PM.
Tower and church shop will be open from 10AM – 4:45PM

We warmly thank all our visitors for a wonderful summer and look forward to welcoming you in the autumn and winter season.

HALLGRÍMSKIRKJA – YOUR PLACE IN REYKJAVÍK

Hjartanlega velkomin á Menningarnótt – Sálmafoss í Hallgrímskirkju 2025

Sat, 23 Aug 2025 08:06:07 GMT

SÁLMAFOSS Á MENNINGARNÓTT 2025
Laugardagur 23. ágúst kl. 14-18
Dagskrá fyrir börn í kirkjunni kl. 14-16

Opin kirkja og sálmum fagnað með Sálmafossi í Hallgrímskirkju milli 14-18 á Menningarnótt laugardaginn 23. ágúst 2025.
Sálmafoss var fyrst haldinn í Hallgrímskirkju árið 2007 að frumkvæði Harðar Áskelssonar fyrrum söngmálastjóra þjóðkirkjunnar og organista í Hallgrímskirkju.
Á efnisskránni er: Almennur söngur, kórsöngur, orgelleikur, sálmforleikir, kirkjukórar og nýsköpun.

Gestgjafar eru sr. Irma Sjöfn Óskarsdóttir og sr. Eiríkur Jóhannsson prestar í Hallgrímskirkju.

Dagskrá verður fyrir börnin inni í kirkjunni laugardaginn 23. ágúst milli 14-16
Í Hallgrímskirkju á Menningarnótt verða Hallgrímskirkju-kórónur í boði sem listakonan Jana María Guðmundsdóttir hannaði. Það verður hægt að lita kórónurnar í öllum regnbogans litum. Einnig verður boðið verður upp á Sálmafoss barnanna og regnbogagerð fyrir börnin. Umsjón: Ragnheiður Bjarnadóttir

Upplýsingar um götulokanir má finna HÉR

ÍTARLEG DAGSKRÁ – SÁLMAFOSS Á MENNINGARNÓTT 2025

Ókeypis aðgangur og öll velkomin!

HALLGRÍMSKIRKJA – ÞINN STAÐUR Á MENNINGARNÓTT

--ENGLISH--

SÁLMAFOSS – A CELEBRATION OF HYMNS ON REYKJAVÍK CULTURE NIGHT
Saturday, August 23, 2025 | 2:00–6:00 PM
Free Admission

Join us for Sálmafoss in Hallgrímskirkja on Reykjavik Culture Night, a joyful and creative celebration of hymns. From 2–6 PM on Saturday, August 23.
Hallgrímskirkja opens its doors with a vibrant program dedicated to the hymn. The event was first initiated in 2007 by Hörður Áskelsson, former Director of Music for the National Church of Iceland and long-time organist at Hallgrímskirkja.

The program includes: Congregational singing, choir performances, organ music, hymn preludes and church choirs
Hosts: Rev. Irma Sjöfn Óskarsdóttir and rev. Eiríkur Jóhannsson priests at Hallgrímskirkja.

Children’s Program | 2:00–4:00 PM A special children’s program will be offered inside the church, where kids and families are invited to participate in fun and engaging activities. Among the highlights: Waterfall of Hymns: Children will make a waterfall from pages of the old hymn book, they will also be able to make a rainbow and make and decorate their own Hallgrímskirkja crowns.

Come and experience the living tradition of hymn singing in a warm, festive, and inspiring atmosphere.

All are welcome!

SEE YOU AT HALLGRÍMSKIRKJA ON REYKJAVÍK CULTURE NIGHT

Skráning í fermingarfræðslu í Hallgrímskirkju stendur yfir

Fri, 15 Aug 2025 09:51:00 GMT

Fermingarfræðslan er fyrir ungmenni sem fara í 8. bekk í haust.

Kynningarfundur verður sunnudaginn 14, september kl 12.15 að lokinni messu í Hallgrímskirkju.
Fyrirhugaður fermingardagur vorið 2026 er 12. apríl kl. 11 - sunnudagur eftir páska.

Skráning er rafræn og hægt að nálgast skráningarsíðu HÉR á heimasíðu Hallgrímskirkju og á ABLER.IO

HALLGRÍMSKIRKJA – ÞINN STAÐUR

Klukkur hljóma á ný í Grímsey – Vinargjöf Hallgrímssafnaðar í Reykjavík

Mon, 11 Aug 2025 11:05:00 GMT

Klukkur hljóma á ný í Grímsey – Vinargjöf Hallgrímssafnaðar í Reykjavík

Sunnudagurinn 10. ágúst 2025 var merkisdagur í lífi safnaðarins í Grímsey þegar ný Miðgarðakirkja var vígð af Guðrúnu Karls Helgudóttur, biskupi Íslands. Við það tækifæri voru einnig helgaðar tvær nýjar kirkjuklukkur og formlega afhentar Miðgarðakirkjusókn , í stað þeirra sem bráðnuðu í kirkjubruna 21. september árið 2021. Klukkurnar eru gjöf frá Hallgrímssöfnuði í Reykjavíkurprófastsdæmi vestra og velunnurum og markar gjöfin táknræna brú milli söfnuða, svæða og kynslóða.

Klukkur með djúpum hljómi og enn dýpri merkingu

Nýju klukkurnar voru steyptar hjá Royal Eijsbouts í Asten í Hollandi – sömu konunglegu klukkusteypunni og steypti klukkur Hallgrímskirkju. Þær eru úr hágæða bjöllubronsi, með kólfi úr stáli, og hljóma í tónunum Dís³ og F³ . Þvermál þeirra er 37 og 32 cm og þyngd um 35 og 32 kg – sömu stærðar og klukkurnar sem bráðnuðu.

Á klukkurnar eru letruð fjögur ártöl:

1779 og 1852 , til minningar um eldri klukkur
2021 , í minningu brunans
2023 , steypuár nýju klukknanna

Auk þess prýða þær þessi orð:
HLJÓMAR FRÁ HEIMSKAUTSBAUGI – sem undirstrika að í þúsund ár hefur hljómur kristinna klukkna borist yfir Grímsey, og nú mun sá hljómur heyrast áfram um ókomin ár.

Passíusálmarnir í bjölluhljómi

Meðvitund um andlega arfleifð og trúarlega dýpt er sterk í þessari gjöf. Á stærri klukkuna er grafið:
HJARTANLEG ÁSTAR ÞAKKARGJÖRÐ – úr þriðja Passíusálmi Hallgríms Péturssonar.
Á minni klukkunni stendur:
BÆNIN MÁ ALDREI BRESTA ÞIG – úr þeim fjórða, hvatning Krists til lærisveina sinna.

Þannig hljóma nú orð Hallgríms frá heimskautsbaugnum.

Vinargjöf í þakkarskyni

Gjöfin er jafnframt falleg endurgjöf: Árið 1971 var klukknaspil Hallgrímskirkju vígt og meðal 29 klukkna í því er ein merkt með svofelldum hætti: Frá Grímseyjingu m. Gefandi V.F. Að baki skammstöfuninni var að öllum líkindum Vigfús Friðjónsson, síldarsaltandi, útgerðar- og athafnamaður , m.a. í Grímsey.

Það var í ljósi þeirrar gjafar, og persónulegra tengsla milli söfnuðanna, sem Hallgrímssöfnuður ákvað að hefja söfnun fyrir nýjum klukkum í Miðgarðakirkju. Söfnunin fór fram í messum og með tónleikahaldi þar sem norðlenskt tónlistarfólk og heimamenn lögðu sitt af mörkum auk þess sem söfnuðurinn reiddi fram fé.

Blessun í hljómi

Áður en vígsluathöfn kirkjunnar hófst í Grímsey á sunnudag afhenti Einar Karl Haraldsson nýju klukkurnar Alfreð Garðarsyni, formanni sóknarnefndar Miðgarðakirkjusóknar, með sérstöku staðfestingarbréfi, sem undirritað er af honum sem formanni sóknarnefndar Hallgrímssafnaðar, og Irmu Sjöfn Óskarsdóttur sóknarpresti. Bréfinu lýkur með orðunum: „Megi blessun fylgja hljómum klukkna Miðgarðakirkju í Grímsey!“ Séra Oddur Bjarni Þorkelsson, Gísli Gunnarsson vígslubiskup og Guðrún Karls Helgudóttur, biskupÍslands önnuðust helgun klukknanna ásamt séra Eiríki Jóhannssyni og Grétari Einarssyni kirkjuhaldara. Fulltrúar Hallgrímskirkju voru auk þeirra við vígsluathöfn kirkjunnar Guðrún Hlíðdal Gunnarsdóttir, formaður Kvenfélags Hallgrímskirkju og Sigríður Helga Olgeirsdóttir kennari.

Myndir og myndband frá viðburðinum má finna hér að neðan.

Grétar Einarsson kirkjuhaldari Hallgrímskirkju tók myndir og myndband af samhringingunni í Grímsey og Sólbjörg Björnsdóttir tónleika- og kynningarstjóri Hallgrímskirkju tók myndbandið af samhringingunni í Reykjavík.

KOMIÐ OG SYNGIÐ! Nýr Barnakór Hallgrímskirkju stofnaður í haust!

Fri, 08 Aug 2025 15:39:00 GMT

Hér er stutt og skemmtilegt viðtal við Fjólu Kristínu Nikulásdóttur sem mun leiða kórinn með gleði, hlýju og fagmennsku.

Nýr kór fyrir börn í 3.–5. bekk (fædd 2015–2017) undir stjórn Fjólu Kristínar. Kórinn syngur tvisvar á önn við helgihald kirkjunnar og heldur einnig tónleika.

Lögð er áhersla á sönggleði, leik og góða félagsskap, ásamt kennslu í grunnatriðum söngtækni. Kórstarf er dýrmætt eins og Fjóla segir í viðtalinu og styrkir samkennd, sjálfstraust og félagsfærni.

Æfingar verða á miðvikudögum og er skráning hafin á ABLER.IO
Þátttaka er ókeypis.

Fjóla Kristín er kórstjóri, kennari og söngkona með víðtæka reynslu af tónlist og leiklist með börnum og unglingum.

HALLGRÍMSKIRKJA – STAÐUR BARNANNA

Hinsegin dagar hafnir og Gleðigangan fer frá Hallgrímskirkju að vanda

Fri, 08 Aug 2025 10:37:25 GMT

Bæn fyrir íbúa Gasa

Thu, 07 Aug 2025 15:50:24 GMT

Friðarins Guð. Við biðjum þig fyrir öllum þeim sem þjást og líða á Gasa. Þrátt fyrir að við séum langt frá átökum og þjáningum þeirra sem þar líða þá finnum við fyrir sársauka þeirra. Við upplifum vanmátt, sorg og angist með systkinum okkar á Gasa. Hjálpa þeim að missa ekki vonina jafnvel þegar staðan virðist vonlaust. Guð, hjálpa okkur að gleyma aldrei þeim sem þjást í þessum heimi. Gef þeim sem hafa völd til þess að leggja niður vopn og koma á friði, sanna löngun til þess að nýta áhrif sín til góðs. Guð gef frið á Gasa. Í Jesú nafni,
Amen

Kirkjukukknahljómur fyrir friði á Gasa og bænastund

Wed, 06 Aug 2025 12:49:00 GMT

Hallgrímskirkja tekur þátt í klukknahljómi fyrir friði á Gasa á morgun, fimmtudaginn 7. ágúst kl. 13:00 munu kirkjuklukkur landsins hljóma líkt og klukkur fjölda kirkna í Noregi, Svíþjóð og Finnlandi til samstöðu með þjáðum íbúum Gasa.

Bænastund í Hallgrímskirkju að klukknahringingunni lokinni sem stendur yfir í 7-15 mínútur.

Við hvetjum fólk til að staldra við í kirkjunni, tendra ljós, og biðja fyrir friði.

„Guð gefi frið á Gasa. Í Jesú nafni, amen.“

Grein um klukknahringinguna og fleiri upplýsingar má finna HÉR á vef Þjóðkirkjunnar.

Nýr Barnakór Hallgrímskirkju

Mon, 21 Jul 2025 11:48:00 GMT

Nýr Barnakór Hallgrímskirkju

Með mikilli gleði og ánægju kynnum við nýjan B arnakór Hallgrímskirkju sem hefst í haust! Kórinn er ætlaður börnum í 3.–5. bekk og er öll þátttaka ókeypis .

Í kórnum fá börn tækifæri til að:

læra grunnatriði í raddbeitingu og tónlist
syngja fjölbreytt lög og sálma í skemmtilegu og hvetjandi umhverfi
taka þátt í tónleikum og helgihaldi í Hallgrímskirkju
kynnast nýjum vinum og njóta gleðinnar sem fylgir kórsöng

Kórinn verður leiddur af reynslumiklum og hlýlegum stjórnanda, Fjólu Kristínu Nikulásdóttur, sem brennur fyrir tónlistarkennslu barna.

Fjóla Kristín er kennari, kórstjóri og söngkona að mennt. Auk þess að starfa sem kórstjóri hefur hún kennt leiklist í grunnskóla um árabil og sett upp fjölda söngleikja og leikrita með börnum og unglingum. Hún er með meistaragráðu í óperusöng og hefur einnig starfað sem atvinnusöngkona.

Skráning hefst innan skamms – fylgist með hér á heimasíðunni og samfélagsmiðlum Hallgrímskirkju fyrir nánari upplýsingar.

Við hlökkum til að taka á móti kraftmiklum og forvitnum söngkrökkum í Barnakór Hallgrímskirkju!

HALLGRÍMSKIRKJA – STAÐUR BARNANNA

Prédikunarstóllinn / 13. júlí 2025 – Líttu þér nær/ er bjálki í auga?

Thu, 17 Jul 2025 16:28:44 GMT

Líttu þér nær/ er bjálki í auga?

Prestur: Eiríkur Jóhannsson

4. sunnudagur eftir þrenningarhátíð

Lexía: Jer 7.1-7
Orðið sem kom til Jeremía frá Drottni: Taktu þér stöðu við hliðið að húsi Drottins, flyttu þar þessa ræðu og segðu: Heyrið orð Drottins, allir Júdamenn, sem gangið inn um þetta hlið til að tilbiðja Drottin. Svo segir Drottinn hersveitanna, Guð Ísraels: Bætið breytni yðar og verk, þá mun ég búa á meðal yðar hér á þessum stað. Treystið ekki lygaræðum þegar sagt er: „Þetta er musteri Drottins, musteri Drottins, musteri Drottins.“
Nei, ef þér gerbreytið háttum yðar og verkum, ef þér sýnið sanngirni í deilum manna á meðal, kúgið ekki aðkomumenn, munaðarleysingja og ekkjur, úthellið ekki saklausu blóði á þessum stað og eltið ekki aðra guði yður til tjóns, þá mun ég búa á meðal yðar á þessum stað, í landinu sem ég gaf feðrum yðar til eignar um aldir alda.

Pistill: Róm 14.7-13
Því að enginn okkar lifir sjálfum sér og enginn deyr sjálfum sér. Ef við lifum, lifum við Drottni, ef við deyjum, deyjum við Drottni. Hvort sem við þess vegna lifum eða deyjum þá erum við Drottins. Því að til þess dó Kristur og varð aftur lifandi að hann skyldi drottna bæði yfir dauðum og lifandi. En þú, hví dæmir þú bróður þinn? Eða þá þú, hví fyrirlítur þú bróður þinn? Öll munum við verða að standa frammi fyrir dómstóli Guðs. Því að ritað er: „Svo sannarlega sem ég lifi, segir Drottinn, fyrir mér skal hvert kné beygja sig og sérhver tunga vegsama Guð.“
Þannig skal sérhvert okkar gera Guði skil á sjálfu sér. Dæmum því ekki framar hvert annað. Hitt skuluð þið ákveða að verða trúsystkinum ykkar ekki til ásteytingar eða falls.

Guðspjall: Lúk 6.36-42
Verið miskunnsöm eins og faðir yðar er miskunnsamur. Dæmið ekki og þér munuð eigi verða dæmd. Sakfellið eigi og þér munuð eigi verða sakfelld. Fyrirgefið öðrum og Guð mun fyrirgefa yður. Gefið og yður mun gefið verða. Góður mælir, troðinn, skekinn, fleytifullur mun lagður í skaut yðar. Því með þeim mæli, sem þér mælið, mun yður aftur mælt verða.“
Þá sagði Jesús þeim og líkingu: „Hvort fær blindur leitt blindan? Munu ekki báðir falla í gryfju? Ekki er lærisveinn meistaranum fremri en hver sem er fullnuma verður eins og meistari hans. Hví sérð þú flísina í auga bróður þíns en tekur ekki eftir bjálkanum í auga þínu? Hvernig færð þú sagt við bróður þinn: Bróðir, lát mig draga flísina úr auga þér, en sérð ekki bjálkann í þínu auga? Hræsnari, drag fyrst bjálkann úr auga þér og þá sérðu glöggt til að draga flísina úr auga bróður þíns.429

ORGELSUMAR Í HALLGRÍMSKIRKJU 2025 HEFST SUNNUDAGINN 6. JÚLÍ KL. 17:00

Fri, 27 Jun 2025 06:09:00 GMT

Orgelsumar í Hallgrímskirkju 2025

Orgelsumar í Hallgrímskirkju býður upp á fjölbreytta tónleikaröð með framúrskarandi íslenskum og erlendum listamönnum. Ómþýður hljómur stórfenglegu Klais- og Frobenius- orgelanna í kirkjunni fyllir rýmið á hverjum laugardegi og sunnudegi í júlí og ágúst. Á Menningarnótt 23. ágúst verður Sálmafoss þar sem margir kórar og organistar koma fram og einnig verður dagskrá verður fyrir börnin.

Dagskrá sumarsins býður áheyrendum upp á klassíska og nútímalega orgeltónlist í einstöku umhverfi.

Aðgangseyrir 2.900–3.900 kr.
Miðasala í kirkjunni og á www.tix.is
www.hallgrimskirkja.is

Dagskrá sumarsins:

Sunnudagur 6. júlí kl. 17:00
Opnunartónleikar Orgelsumars 2025
Björn Steinar Sólbergsson organisti í Hallgrímskirkju í Reykjavík
Miðasala í Hallgrímskirkju og á tix.is
Aðgangseyrir: 3.900 kr

Laugardagur 12. júlí kl. 12:00
Kitty Kovacs, orgel Landakirkja, Vestmannaeyjar
Miðasala fer fram í Hallgrímskirkju og á tix.is
Aðgangseyrir 2.900 kr.

Sunnudagur 13. júlí kl. 17:00
Tómas Guðni Eggertsson organisti í Seljakirkju Reykjavík
Miðasala fer fram í Hallgrímskirkju og á tix.is
Aðgangseyrir 3.900

Laugardagur 19. júlí kl. 12:00
Pétur Nói Stefánsson, organisti við Eyrarbakkakirkju
Miðasala fer fram í Hallgrímskirkju og á tix.is
Aðgangseyrir 2.900 kr.

Sunnudagur 20. júlí kl. 17:00
Susan Carol Woodson organisti Église Saint Nicolas, Bruxelles
Miðasala fer fram í Hallgrímskirkju og á tix.is
Aðgangseyrir 3.900 kr.

Laugardagur 26. júlí kl. 12:00
Matthías Harðarson, orgel Dómkirkjan í Reykjavík
Miðasala fer fram í Hallgrímskirkju og á tix.is
Aðgangseyrir 2.900 kr.

Sunnudagur 27. júlí kl. 17:00
George Chittenden, orgel Bodö Domkirke
Miðasala fer fram í Hallgrímskirkju og á tix.is
Aðgangseyrir 3.900 kr.

Laugardagur 2. ágúst kl. 12:00
Jónas Þórir Þórisson, orgel Bústaðakirkja Reykjavík
Matthías Stefánsson fiðla
Miðasala fer fram í Hallgrímskirkju og á tix.is
Aðgangseyrir 2.900 kr.

Sunnudagur 3. ágúst kl. 17:00
Tommaso Maria Mazzoletti, orgel Gland Switzerland
Miðasala fer fram í Hallgrímskirkju og á tix.is
Aðgangseyrir 3.900 kr.

Laugardagur 9. ágúst kl. 12:00
Eyþór Ingi Jónsson, orgel Akureyrarkirkja
Jón Þorsteinn Reynisson harmonikka
Miðasala í Hallgrímskirkju og á tix.is
Aðgangseyrir 2.900 kr.

Sunnudagur 10. ágúst kl. 17:00
Stefan Kagl, orgel Herford Münster
Miðasala fer fram í Hallgrímskirkju og á tix.is
Aðgangseyrir 3.900 kr.

Laugardagur 16. ágúst kl. 12:00
Steinar Logi Helgason, orgel Hallgrímskirkja Reykjavík
Miðasala fer fram í Hallgrímskirkju og á tix.is
Aðgangseyrir 2.900 kr

Sunnudagur 17. ágúst kl. 17:00
Johann Vexo, orgel Cathédrale Notre-Dame-de-l'Annonciation de Nancy
Miðasala fer fram í Hallgrímskirkju og á tix.is
Aðgangseyrir 3.900 kr.

Laugardagur 23. ágúst kl. 14-18
SÁLMAFOSS Á MENNINGARNÓTT
Á Sálmafossi verður opin kirkja og sálminum fagnað í sinni fjölbreyttustu mynd af öllum kynslóðum.
Dagskrá verður fyrir börnin inni í kirkjunni á milli 14-16 Einnig verður boðið upp á Hallgrímskirkju - kórónur.
Ókeypis aðgangur og öll velkomin!

Lokatónleikar Orgelsumars í Hallgrímskirkju 2025
Mario Ciferri, orgel San Giorgio Cattedrale
Miðasala fer fram í Hallgrímskirkju og á tix.is
Aðgangseyrir 3.900 kr.

HALLGRÍMSKIRKJA – ÞINN TÓNLEIKASTAÐUR!

Prédikunarstóllinn / 22. júní 2025 – Hver tekur mark á góðum ráðum?

Fri, 27 Jun 2025 05:29:00 GMT

Hver tekur mark á góðum ráðum?
Prestur: Eiríkur Jóhannsson

Textar dagsins:
1.sunnudagur eftir þrenningarhátíð

Lexía: 5Mós 15.7-8, 10-11
Ef einhver bræðra þinna er fátækur í einni af borgum þínum í landinu sem Drottinn, Guð þinn, gefur þér skaltu ekki loka hendi þinni fyrir fátækum bróður þínum með harðýðgi heldur skalt þú ljúka upp hendi þinni fyrir honum. Þú skalt lána honum það sem hann skortir.

Þú skalt gefa honum fúslega en ekki með ólund því að fyrir það mun Drottinn, Guð þinn, blessa öll þín verk og hvað sem þú tekur þér fyrir hendur. Því að aldrei mun fátækra vant verða í landinu og þess vegna geri ég þér þetta að skyldu: Ljúktu upp hendi þinni fyrir meðbræðrum þínum, fátækum og þurfandi í landi þínu.

Pistill: 1Jóh 4.16-21
Við þekkjum kærleikann, sem Guð hefur á okkur, og trúum á hann.
Guð er kærleikur og sá sem er stöðugur í kærleikanum er stöðugur í Guði og Guð er stöðugur í honum. Fáum við elskað hvert annað og lifað eins og Kristur lifði hér á jörð, verðum við full djörfungar á degi dómsins. Ótti er ekki í elskunni. Fullkomin elska rekur út óttann. Því að óttinn býst við hegningu en sá sem óttast er ekki fullkominn í elskunni.
Við elskum því að Guð elskaði okkur að fyrra bragði. Ef einhver segir: „Ég elska Guð,“ en hatar trúsystkin sín er sá lygari. Því að sá sem elskar ekki bróður sinn eða systur,
sem hann hefur séð, getur ekki elskað Guð sem hann hefur ekki séð. Og þetta boðorð höfum við frá honum, að sá sem elskar Guð á einnig að elska bróður sinn og systur.

Guðspjall: Lúk 16.19-31
Jesús sagði þeim þessa dæmisögu: „Einu sinni var maður nokkur ríkur er klæddist purpura og dýru líni og lifði hvern dag í dýrlegum fagnaði. En fátækur maður, hlaðinn kaunum, lá fyrir dyrum hans og hét sá Lasarus. Feginn vildi hann seðja sig á því er féll af borði ríka mannsins og jafnvel hundar komu og sleiktu kaun hans. En nú gerðist það að fátæki maðurinn dó og báru hann englar í faðm Abrahams. Ríki maðurinn dó líka og var grafinn.
Og í helju, þar sem hann var í kvölum, hóf hann upp augu sín og sá Abraham í fjarska og Lasarus við brjóst hans. Þá kallaði hann: Faðir Abraham, miskunna þú mér og send Lasarus að hann dýfi fingurgómi sínum í vatn og kæli tungu mína því að ég kvelst í þessum loga.
Abraham sagði: Minnstu þess, barn, að þú hlaust þín gæði meðan þú lifðir og Lasarus böl á sama hátt. Nú er hann hér huggaður en þú kvelst. Auk alls þessa er mikið djúp staðfest milli vor og yðar svo að þeir er héðan vildu fara yfir til yðar geti það ekki og eigi verði heldur komist þaðan yfir til vor. En hann sagði: Þá bið ég þig, faðir, að þú sendir hann í hús föður míns, en ég á fimm bræður, til þess að vara þá við svo þeir komi ekki líka í þennan kvalastað. En Abraham segir: Þeir hafa Móse og spámennina, hlýði þeir þeim. Hinn svaraði: Nei, faðir Abraham, en ef einhver kæmi til þeirra frá hinum dauðu mundu þeir taka sinnaskiptum. En Abraham sagði við hann: Ef þeir hlýða ekki Móse og spámönnunum láta þeir ekki heldur sannfærast þótt einhver rísi upp frá dauðum.“

Hver tekur mark á góðum ráðum?
Náð sé með yður og friður, frá guði föður vorum og Drottni Jesú Kristi.

Á hverju tökum við mark og hverju ekki? Þessi spurning kom upp í hugann þegar guðspjallstexti dagsins var lesinn. Við heyrum svo margt og sjáum um allt það sem á að vera til bæta lífið, vera til heilsubótar og stuðlandi að góðri heilsu og vellíðan. Það er endalaust framboð af námskeiðum og bókum og öppum sem eiga að hjálpa fólki að tileinka sér heilsusamlegri lífsstíl. Við erum flest uppfull af góðum áformum en oft verður minna um efndirnar. Yfirhöfuð er enginn skortur á góðum ráðum, hvorki þá né nú.

Guðspjallið segir þessa þekktu dæmisögu Jesú um ríka manninn og Lasarus. Annar hvílir í faðmi Abrahams en hinn má þola píslir í víti. Þetta er í fljótu bragði saga um þann dóm sem bíður allra þeirra sem kveðja þetta líf. Og þá muni þeir sem allt höfðu fengið í þessu lífi fá að gjalda þess í hinu næsta og þeir sem einskis góðs nutu þeir muni fá margföld verðlaun á himnum.

En er þetta endilega saga um dóma og örlög handan lífs og dauða?

Aðdragandi þessarrar dæmisögu var orðaskipti við faríseana sem eru sagðir hafa verið fégjarnir og raunar höfðu þeir lagt það þannig út að veraldleg velgengi væri til marks um velþóknun Guðs. En Jesús hafði talað um trúmennsku og mikilvægi þess að vera trúr í stóru sem smáu sá sem ekki er trúr í því smæsta er ekki líklegur til þess að vera trúr í því stærsta.

Maður getur velt því fyrir sér hvort hér sé ekki einmitt verið að tala um mikilvægi þess að láta sig varða um hag náungans, það sem maður gerir eða gerir ekki það hefur áhrif, ekki aðeins gagnvart manni sjálfum heldur umhverfi manns og samfélagi. Sá sem lætur sig engu varða um hag þeirra sem í kringum þá eru og hugsar ekki um neitt annað en eigin hag hann getur heldur ekki vænst þess að fá stuðning og hjálp ef svo kynni að fara að hann lenti í vandræðum sjálfur. Dæmisögur og ræður Jesú miða allar að því að vekja fólk, vekja það til vitundar um mikilvægi þess að standa saman og hjálpast að.

Menning og hugsun nútímans virðist mikið ganga út á þá nálgun að hver sé sjálfum sér næstur, en jafnvel hinir fornu textar Mósebóka sem við heyrðum lesið úr leggja áherslu á það að leggja þeim lið sem þurfa á hjálp að halda. Og ekki bara það heldur skiptir máli hvernig það er gert, ekki með nauðung heldur með gleði. Lokaðu ekki hendi þinni heldur ljúktu henni upp.

Við sjáum í þessu samhengi að margt af því sem Jesús segir og kennir það á sér samsvörun í hinum fornu ritum, enda sagði hann einmitt að ekki væri svo mikið sem stafkrókur fallinn brott úr lögmálinu. Það sem hann var stöðugt að gagnrýna var hins vegar hvernig menn höfðu umgengist þessi fornu lög og reglur, hvernig þar var valið og hafnað og haldið á lofti því sem hentar hagsmunum en hitt látið liggja í þagnargildi. Gegnumgangandi stef þar er til dæmis að gefa sérstaklega gaum að hag munaðarleysingjans, útlendingsins og ekkjunnar. En þetta eru einfaldlega dæmi um hópa fólks sem ávalt stóð höllum fæti og einkum vegna þess að þau áttu sér ekki neitt skilgreint bakland í samfélagi þar sem fjölskyldan og ættin veitti hið félagslega bakland. Þá má í þessu samhengi velta fyrir sér orðinu fjölskylda, fjöl skylda sú skylda að sinna þeim sem þar falla undir og tengjast.

Lykill alls þessa kemur skírlega fram í pistlinum en þar leggur postulinn áherslu á mikilvægi kærleikans. Og ekki síður leggur hann þar áherslu á það að í ljósi þess að vera hluti af ríki Guðs þá sé ekkert að óttast . Ótti er ekki í elskunni. Fullkomin elska rekur út óttann. Því að óttinn býst við hegningu en sá sem óttast er ekki fullkominn í elskunni.
Við elskum því að Guð elskaði okkur að fyrra bragði.

Þarna kemur fram þessi grundvallar skilgreining sem einnig er að finna í hinni mikilvægu játningu sem við köllum Litlu biblíuna og er að finna í Jóhannesarguðspjalli: „Svo elskaði Guð heiminn að hann gaf einkason sinn, til þess að hver sem á hann trúir glatist ekki heldur hafi eilíft líf“.

Nei dæmisaga Jesú er ekki lýsing á aðstæðum fólks eftir dauðann heldur er hún sett fram til þess að benda á mikilvægi þess að við berum ábyrgð hvert á öðru og leitumst við að sjá til þess að engir Lasarusar liggi við húsdyr þeirra sem eiga nóg, í þeirri von að geta tínt upp í sig eitthvað af því sem fellur af alsnægtaborðum þeirra.

Staðreyndirnar í nútímanum tala sínu máli og lýsa því greinilega að eftir því sem bilið vex milli þeirra sem hafa nóg og hinna sem lítið hafa þá vex spennan og hætta á átökum, glæpum og spillingu.

Hún bendir líka á þá grátlegu staðreynd að jafnvel þótt við vitum og sjáum og heyrum þá tökum við ekki mark á því, sérstaklega ef við teljum að það þjóni ekki hagsmunum okkar. Þess vegna er það sem Abraham segir við ríka manninn nei það hefur enga þýðingu þótt þú færir og fengir að tala við bræður þína, hann er eiginlega að segja; þið vissuð þetta alt fyrirfram en þið kusuð að hafa það að engu. Það þjónaði ekki hagsmunum ykkar að gera það.

Þetta er það sem Jesú er að segja við viðmælendur sína sem höfðu hann að háði og spotti þegar hann fór að tala um mikilvægi þess að gefa þeim gaum sem höllum fæti standa. Það er ekki rétt að segja og dæma, líkt og við gerum svo oft sjálf, að aðstæður margra séu eiginlega bara þeirra eigin sjálfskaparvíti, þau geti sjálfum sér um kennt, þau drekka dópa spila fjárhættuspil taka smálán á okurvöxtum, nei þessu fólki er ekki við bjargandi. Þar að auki búum við í velferðarsamfélagi og þau fá örugglega sínar bætur. Eru ummæli af þessu tagi ekki einfaldlega til þess gerð að fyrra okkur ábyrgð?

Hér er okkur líka bent á það að það hefur afleiðingar hér og nú hvaða stefnu við tökum, hvaða ákvarðanir við tökum og skoðanir við kjósum að halda í heiðri og lyfta upp. Það hefur áhrif á samfélagið sem við lifum í, öryggið sem við búum við. Ekki frammi fyrir einhverjum dómi eftir dauðann heldur einmitt hér og nú. Ef undirstöður byggingar byrja að fúna þá er þess skammt að bíða að hún falli til grunna. Það er dómurinn sem yfir vofir. Það er eins og það gleymist að það er með hugmyndakerfi rétt eins og með áþreifanlega hluti eins og byggingar að þau þurfa viðhald, verst er þegar það góða sem tekist hefur að koma á er tekið sem sjálfsagður hlutur, en síðan einn góðan veðurdag er það allt í einu strikað út. Vandlæting, fordómar og óttastjórnun gýs upp eins og illgresi í næringarríkum garði. Allt hið holla og næringarríka sem þar átti að vaxa kafnar og deyr að lokum.

Postulinn bendir okkur á það hver undirstaðan er í ferð okkar í átt að hinu góða lífi og það er hin óttalausa elska, hún er límið sem bindur saman, hún er næringin sem gefur vöxtinn, hún er ljósið sem lýsir. Elskan sem kom frá Guði í upphafi. Er og verður um aldir alda. Amen.

Prédikunarstóllinn / 8. júní 2025 / Andagift á Hvítasunnu

Thu, 26 Jun 2025 06:54:00 GMT

Andagift á Hvítasunnu
Prestur Eiríkur Jóhannsson.

Textar:
Pistill: Post 2.1-4 (-11)
Þá er upp var runninn hvítasunnudagur voru allir saman komnir á einum stað. Varð þá skyndilega gnýr af himni, eins og óveður væri að skella á, og fyllti allt húsið þar sem þeir voru. Þeim birtust tungur, eins og af eldi væru, er kvísluðust og settust á hvert og eitt þeirra. Allir fylltust heilögum anda og tóku að tala öðrum tungum, eins og andinn gaf þeim að mæla.

(Í Jerúsalem dvöldust Gyðingar, guðræknir menn, frá öllum löndum undir himninum. Er þetta hljóð heyrðist kom allur hópurinn saman. Þeim brá mjög við því að hver og einn heyrði þá mæla á sína tungu. Menn voru frá sér af undrun og sögðu: „Eru þetta ekki allt Galíleumenn sem hér eru að tala? Hvernig má það vera að við, hvert og eitt, heyrum þá tala okkar eigið móðurmál? Við erum Partar, Medar og Elamítar, við erum frá Mesópótamíu, Júdeu, Kappadókíu, Pontus og Asíu, frá Frýgíu og Pamfýlíu, Egyptalandi og Líbýubyggðum við Kýrene og við sem hingað erum flutt frá Róm. Hér eru bæði Gyðingar og þeir sem tekið hafa trú Gyðinga, Kríteyingar og Arabar. Við heyrum þá tala á tungum okkar um stórmerki Guðs.“)

Guðspjall: Jóh 14.23-31a
Jesús svaraði: „Sá sem elskar mig varðveitir mitt orð og faðir minn mun elska hann. Til hans munum við koma og gera okkur bústað hjá honum. Sá sem elskar mig ekki varðveitir ekki mín orð. Orðið, sem þér heyrið, er ekki mitt heldur föðurins sem sendi mig.
Þetta hef ég talað til yðar meðan ég var hjá yður. En hjálparinn, andinn heilagi, sem faðirinn mun senda í mínu nafni mun kenna yður allt og minna yður á allt það sem ég hef sagt yður. Frið læt ég yður eftir, minn frið gef ég yður. Ekki gef ég yður eins og heimurinn gefur. Hjarta yðar skelfist ekki né hræðist. Þér heyrðuð að ég sagði við yður: Ég fer burt og kem til yðar. Ef þér elskuðuð mig yrðuð þér glöð af því að ég fer til föðurins því faðirinn er mér meiri. Nú hef ég sagt yður það áður en það verður svo að þér trúið þegar það gerist. Ég mun ekki framar tala margt við yður því höfðingi heimsins kemur. Í mér á hann ekkert. En heimurinn á að sjá að ég elska föðurinn og geri eins og faðirinn hefur boðið mér.

Prédikun:
Náð sé með yður og friður, frá Guði föður vorum og Drottni Jesú Kristi.

Það er Hvítasunna í dag, fallegt orð, það ljómar af því líkt og af sólinni sjálfri. Orð sem lýsir birtu, já gleði, vorgleði þetta er tíminn þegar allt er að gerast í náttúrunnar ríki. Og hér á okkar norðlægu slóðum er einmitt birtan við völd svo til allan sólarhringinn.

En orðið sjálft segir kannski ekki mikið um það sem þessi dagur stendur fyrir í hinu trúarlega samhengi. En það er sannarlega ekki lítið. Þetta er þriðja stórhátíð kristinnar trúar. Hátíð heilags anda. En samkvæmt skilgreiningu okkar kirkjudeildar þá birtist okkur Guðdómurinn á þrennan hátt, í föður, syni og heilögum anda eða sem skapari, lausnsari og hjálpari svo einhver önnur lýsandi orð séu notuð. Allt er þetta þó eins konar leyndardómur, viðleitni mannlegrar getu til að túlka og höndla hið stóra hugtak hins eina Guðs.

Við heyrum á þessum degi lesna frásögnina úr Postulasögunni um það sem stundum er kallað úthelling heilags anda. Því er lýst rétt eins og náttúruhamfarir væru í aðsigi. Við sem til dæmis höfum reynslu af jarðskjálftum könnumst við þennan gný sem þeim fylgja.

Þarna er með fátæklegum orðum reynt að lýsa, eiginlega ólýsanlegri lífsreynslu. Skyndilega var eins og allir gætu skilið alla. Þótt þarna væri að finna fólk af fjölmörgu þjóðerni. Tákn um það hvers eðlis þessi atburður var. Kraftur og skilningur eru kannski orð sem að einhverju leyti ná að lýsa því.

Eitt er allavega alveg ljóst að í kjölfar þessa atburðar fór af stað atburðarás sem leiddi til þess að til varð það sem við köllum kristna kirkju.

Textar guðspjalanna segja frá því að á þessum fimmtíu dögum sem liðnir voru frá því að fólkið sá þess skýr merki að Jesús hafi risið upp úr gröf sinni, þá hafi hann birst þeim og verið með þeim mörgum sinnum, hann hafði rætt við þau og meira að segja eitt sinn búið þeim málsverð við strönd Galíleuvatnsins. Loks höfðu nokkrir þeirra horft á eftir honum hverfa upp til himins.

Það er ekkert dregið undan með að fólkið hans sem verið hafði með honum og horft upp á þetta allt það var bæði ráðvillt og stundum óttaslegið. Kannski mætti segja að það vissi varla sitt rjúkandi ráð frammi fyrir öllu þessu sem sannarlega fór á skjön við allt annað sem reynsla manna bæði þá og nú telur raunhæft og mögulegt.

En þarna, á þessum degi, gerðist eitthvað sem varð til þess að til varð skipulag og skýr hugsun um það að hverju skyldi stefna, hvað ætti að gera og hvernig skyldi fram haldið.

Þannig varð sú andagift sem þarna var veitt, að sterkri hreyfingu sem breiddist út um heiminn.

Við þekkjum það vel að eitt er að vita og þekkja og sjá fyrir sér hvað gott er að gera og hvernig best er að lifa heilbrigðu lífi svo dæmi sé tekið. Anna‘ er og þá vex vandinn, þegar til þess kemur að láta áformin verða að veruleika, standa við stóru orðin. Okkur finnst svo oft sem við þurfum að finna réttu stemminguna rétta tímann, til að koma okkur af stað, rétta andann.

Svo við hugsum aftur til textanna sem við heyrðumlesna, þá var það ekki bara þessi andlegi kraftur sem þarna var gefinn mönnum heldur líka á táknrænan hátt skilningur, alltíeinu skyldu allir alla um stund.

Við höfum kannski aldrei séð skírari dæmi um mikilvægi skilnings en einmitt um þessar mundir, mikilvægi þess að átta sig á samhengi hlutanna.

Í þeim flókna heimi sem við lifum í þá gætir þess stöðugt meir að það er eins og fólk flýi undan því að reyna að skilja og setja sig í annarra spor.Því finnst þægilegt að láta draga upp fyrir sig einfaldar myndir, svarthvítar myndir, myndir sem skipta fólki og fyrirbærum og jafnvel fyrirtækjum upp í vonda og góða, vini og óvini. Þessari einföldu mynd er síðan dælt yfir fólk með dágóðum skammti af hræðsluáróðri.

Það er svo sannarlega ekki auðvelt að skilja alla hluti og oft gefst hvorki tími til tóm til að setja sig inn í flókin mál og átta sig á því þar, hvað skiptir máli og hvað ekki. Samt er þetta verkefni okkar í stóru sem smáu. Þetta er það sem er grundvöllur allra góðra samskipta að geta sett sig í annarra spor og leitast þannig við að sjá út fyrir sjálfan sig og sína eigin augnabliks hagsmuni. Það er verkefni okkar allra ungra sem eldri að þjálfa huga okkar til þess að geta metið og yfirvegað það sem að okkur berst af skilaboðum. Til að geta forðast að ánetjast yfirborðsmennsku og innantómum slagorðum. Já til að forðast heimskuna sem svo víða virðist vera að taka völdin. Þrátt fyrir alla þekkingu, vísindi og vitnesku sem tiltæk er í dag þá er heimskan á miklu flugi.

Í guðspjallinu segir Jesús Kristur þessi kunnu og mikilvægu orð um friðinn þann frið sem hann muni eiginlega arfleiða okkur að. Frið sem forði okkur frá því að hjartað skelfist og hræðist og það er hjálparinn andinn heilagi sem gefur okkur þessa rósemd hjartans. Hans vegna eigum við að geta andað rólega, tekið okkur tíma til að yfirvega og greina á milli þess sem skiptir máli og hins sem ekki skiptir máli.

Þetta er það sem er hlutverk okkar kristins fólks og hlutverk kirkjunnar að leitast við að missa ekki sjónar á grundvellinum, láta ekki orðaflaum og moldviðri byrgja sér sýn. Það er alls ekki víst að slíkt sé til vinsælda fallið, reynslan virðist sýna að sá sem hrópar hæst og ber sér á brjóst, nær athygli og jafnvel hylli.

Það er mikilvægt að kirkjan okkar njóti trausts en það þarf ekkiendilega að vera það sama og vera vinsæl, hlutverk hennar er og á ætíð að vera að taka sér stöðu með sannleikanum, réttlætinuog kærleikanum, stöðu við hlið þeirra sem höllum fæti standa. Það er ekki alltaf vinsælt, kirkja ætti alltaf að taka sér varðstöðu gagnvart hinu veraldlega valdi og hafa kjark til að segja óþægilega hluti. Fyrirmynd okkar Jesús Kristur var ekki lengi vinsæll og hann galt fyrir það með lífi sínu að hafa sagt sannleikann óþægilegan sannleika.

Sú andagift sem hvítasunnan stendur fyrir, sá friður og skilningur sem okkur var gefinn og er gefinn ef við viljum við honum taka, segir okkur hvert hlutverk kristins fólks er í heiminum, það hvetur okkur til þess að stíga fram og segja sannleika og leggja okkur fram við að skilja flókin fyrirbæri með kærleika og friðarást að leiðarljósi, hann varar okkur við hvers kyns innantómum hræðsluáróðri eða blindri persónudýrkun.

Við erum kölluð til verka og aldrei hefur verið betur ljóst en nú hve mikilvægt og brýnt hlutverkið er og verkefnið, að standa vörð um grunngildi, það er hvorki einfalt né auðvelt, við þurfum á öllum okkar hæfileikum og náðargáfum að halda, það verða áfram gerð mistök en hjálparinn andinn heilagi hann er með okkur og ekkert getur tekið það frá okkur, með hans hjálp getum við risið upp þótt við hrösum, með hans hjálp getum við fundið skilning og vilja til góðra verka, að finna leið í átt til ljóssins hinnar hvítu sunnu sem táknar hið eilífa bjarta ljós er við okkur skín frá Guði, Guði sem í senn er faðir sonur og heilagur andi.

Fjölbreytt og falleg dagskrá í Hallgrímskirkju á Þrenningarhátíð, sunnudaginn 15. júní 2025 frá kl. 11:00

Wed, 11 Jun 2025 18:38:34 GMT

Þrenningarhátíð
15. júní 2025 kl. 11:00

Messa:
Ræðum himnesk efni og jarðnesk
sr. Irma Sjöfn Óskarsdóttir þjónar fyrir altari og predikar
Organisti: Steinar Logi Helgason
Félagar úr Kór Hallgrímskirkju leiða söng

Sögustund:
Sögustund í Hallgrímskirkju alla sunnudaga í júní 2025 kl. 11.00.
Velkomin á sögustund fyrir börn og fjölskyldur á messutíma í júní Hallgrímskirkju!
Stund þar sem kyrrð, ímyndunarafl og hlýja fá að njóta sín!

15. júní: Rósa Hrönn Árnadottir les söguna Halli og fötufyllir af risaeðlum eftir Ian Whybrow og Adrian Reynolds

Að lokinni messu bjóðum við ykkur hjartanlega velkomin á opnun sýningarinnar "annar gluggi til hægri" sem er staðbundið textíl-listaverk eftir listamanninn Ídrisi Róbertsdóttur.
Listaverkið verður formlega kynnt kirkjuskipi Hallgrímskirkju sunnudaginn 15. júní um kl. 12.15
Léttar veitingar verða í suðursal kirkjunnar.

Fleiri upplýsingar um sýninguna má finna að baki þessara smellna:
annar gluggi til hægri / "second window on the right – English
Einkasýning Ídrisar Róbertsdóttur
Sýningarstjóri: Ægis Zita
Listrænn stjórnandi: Inga Jónsdóttir
15.júní til 31.ágúst 2025

HALLGRÍMSKIRKJA – STAÐUR LJÓÐA OG LISTA

Skráning hafin fyrir fermingar í Hallgrímskirkju 2026

Tue, 10 Jun 2025 15:47:00 GMT

Ferming 2026

Langar þig að fermast í Hallgrímskirkju?

Nú er hægt að skrá sig í fermingarfræðslu í Hallgrímskirkju vegna fermingar 2026 á heimasíðu kirkjunnar, www.hallgrimskirkja.is Skráning er rafræn og hægt að nálgast skráningarsíðu að baki þessarar smellu.

Fermingardagur er 12. apríl 2026 kl. 11.00

Fræðslan hefst sunnudaginn 14. september með mætingu í messu í Hallgrímskirkju kl. 11.00

Frekari upplýsingar má finna hér á heimasíðu Hallgrímskirkju og/eða með því að hafa samband við presta kirkjunnar í gegn um tölvupóst:
irma@hallgrimskirkja.is
eirikur@hallgrimskirkja.is

Hallgrímskirkja – Þinn fermingarstaður

Prédikunarstóllinn – Sólstafir kærleikans / Prédikun við lok norræns kirkjukóramóts 1. júní 2025

Mon, 09 Jun 2025 14:01:00 GMT

Sólstafir kærleikans
Prédikun við lok norræns kirkjukóramóts 1. júní 2025

.... tónar takast á flug undir sumarhimni og eins og fljúga út í óravíddir himins til móts við litadýrð náttúrunnar. Fjöllin svo undur blá, vatnið tært og svalt, leikandi létt, vindblærinn hlýr og regnið svalar jörðinni og baðar laufskrúð trjánna.
Í heimsins undrasinfóníu verðum við svo oft berskjölduð, jöklarnir hopa undan hita jarðar, höfin súrna og hlýna svo allt það smáa og mikilvæga hverfur, stríð geisa svo hörð að börn eiga ekki framtíð, milljónir systra okkar og bræðra eiga ekki heimili, skjól né málungi matar og fallega jörðin okkar byltir sér og stynur undan náttúruöflum eða undan ágangi okkar.
Gagnvart þessu er sköpun Guðs eins og berskjölduð, varnarlaus, friðlaus.
Hvað verður þá um lofgjörðina, næmni okkar, erindi og þakklæti gagnvart skapara okkar, frelsara okkar og hjálpara.

Enn og aftur erum við stödd í návist hvítasunnunnar. Leyndardómar hvítasunnunnar, gjöf heilags anda nálgast trúnna, sálmana, ritningarlestra, tónlistina sem hvítasunnan fjallar um.
Þá leitum við eftir andsvari himnanna, skaparans, frelsarans og finnum við andsvar eins og hjá Jóhannesi guðspjallamanni sem segir tjáir nærveruna orðum eins og huggarinn, hjálparinn, andinn heilaga, kraftbirting, kjarkur og náð.

Lesturinn úr 1. Pétursbréfi er eins og hvatning og andblær úr sögum páskanna.
„Umfram allt hafið brennandi kærleika hvert til annars.“

og undir þessum leyndardómi kærleikans, í uppliti til himins og undrun vefjum við vef úr hugsunum, dagdraumum og lífi. Framtíðina sem við vildum eiga, fólkið sem við vildum hafa hjá okkur, að erfiðleikar taki enda. Svo verða þessir draumar og hugsanir að bænum til Guðs. Sem hverfa frá okkur eins og hugsun til himins. Í átökum daganna sem eru margs konar og alls konar bænir sem stíga upp til Guðs og svo ljóðin sem setja ný orð á hugsanir um Guð.

I
gerðu mig ekki
að safngrip
gerðu mig ekki
að fiðlu undir gleri

Gerðu mig að fiðlu
með þúsund strengjum
sem lofa án afláts
veröld þína.

II
Í gær lá ég við drukknun
í kolsvörtum
hyl myrkurs

Úr djúpunum
ákallaði ég þig

Þú gafst mér hlutdeild
í bláum himni þínum.

Í dag
geng ég við sólstaf.

Þetta ljóð Hjartar Pálssonar prests og skálds gefur okkur orð á tilfinningar og dregur okkur úr djúpum ótta og örvæntingu undir bláan himinn Guðs og til göngu við sólstaf.
Sólstafur kærleikans
Þetta er undur gjafa og náðar Guðs. Þetta er þráður skilnaðarræðunnar í guðspjalli Jóhannesar og endar í 16. kafla í orðunum um að svo eignumst við frið, frið í Kristi,
„Í heiminum hafið þér þrengingar en verið hughraust því ég hefur sigrað heiminn.“

Kærleikurinn sem rúmar fyrirmyndir sem alveg má falla á blettur eða hrukka kærleikurinn sem rúmar auðmýkt, áreynslulausa hvatningu, kærleikurinn sem hvetur okkur áfram og bindur bönd milli kynslóða, landa og þjóða, gefur afl til að sigra ok mannvonskunnar af því fyrirmyndin er fyrir hendi – sigurafl kærleikans sem minnir okkur á að þó að við bognum þá brotnum við ekki. Upprisan og svo...

Hvítasunnukrafturinn sem hjálparinn, huggarinn nærir veröldina á. Býr til ósýnileg tengsl, leyndardóm, milli himins og jarðar.

Hjálpræðissagan, leið mannkyns í samskiptum við Guð og hvernig Guð mætir mannkyninu, fjallar um tengsl, einhverskonar foreldratengsl, fórn, leið til að leiðrétta á einhvern hátt samband Guðs og manns.
Áherslupunkturinn í dag sem lýsir sambandi Guðs og manns eigi sér hliðstæðu í lífi okkar flesta. Þó að við eigum ekki börn þá erum við börn einhverra. Umvefjum eða umvafin elsku sem var ekki alltaf áberandi fannst okkur og tjáning foreldris á elsku er okkur öryggisnet þó að stundum fari allt á versta veg og í okkar veruleika sé ekki allt en það er þessi sanna

En þessi lífræni veruleiki tengsla gerir Guðsmyndina okkur viðráðanlega.
Ekki mynd af dyggðum, afrekum, verkum sem gera okkur verðug elsku Guðs heldur tengsl sem eru órjúfanleg, tengsl í bæn sem stundum verða að vonbrigðum, sorg.
Líka tengsl í tíma og rúmi, fólk sem við sjáum, skynjum og heyrum.
Trú er eins og þráður sem skapar tengsl

Að trúa fjallar um tengsl – og það kemur svo greinilega fram í jarðvistarsögu Krists.
Að trúa er að opna fangið, sleppa tökum og leyfa okkur að stíga út á vatnið, inn í elskuna, upp til fjallsins.

Rifjum upp!
Guðspjallstextinn í dag – sem er á blöðunum ykkar er hvítasunnuvegvísir en er líka kafli úr samræðum yfir borði, skilnaðarræðunum svokölluðu. Samræður í loftstofu þar sem svikin liggja í loftinu, óttinn er svo þungur - hvað tekur við? En um leið eru tengslin svo sterk, og enn styrkir Jesús tengslin þegar hann þvær fætur lærisveinanna.

Tengslin sem okkur fannst eins og rofin við himnaferð Jesú sem voru viðfangsefni uppstigningardags en eru sett í nýtt samhengi við komu heilags anda, hjálparans, sannleiksandans.

Þessi tilfinning gestrisninnar að ganga frá eftir máltíðina og vita að allt það besta hefur verið borið á borð. Ekki kannski endilega það bragðmesta en samt það ljúffengasta og besta sem ríki Guðs býður upp á.
Michelinstjörnur Guðsríkisins, brauð og vín, líkami og blóð, endurnæring og líf, samfélag og tengsl.

Við eflum tengslin við Guð og hvert annað líka við borð eins og samfélag og samræður skilnaðarstundarinnar sem sagt er frá
Enn ein stundin í guðsþjónustunni er þegar gengið er frá eftir borðhaldið, við altarið.
Dúkar brotnir saman og þerrur, gengið vel frá víni og brauði svo ekkert fari til spillis.
Þögnin og óþreyjan eftir lok helgihaldsins að halda út í lífið aftur og það er gott að vera óþreyjufullur eftir lífinu.

Við þökkum fyrir með bæn og biðjum fyrir framtíð okkar að tengslin megi halda og Guð fylgi okkur út í lífi, bjargi okkur, haldi lífinu í veröldinni – og þar erum við - öll

„Sérhvert ykkar hefur fengið náðargáfu. Notið þær og þjónið hvert öðru eins og góðir ráðsmenn margvíslegrar náðar Guðs.
Kannski eru þessi orð 1. Pétursbréfs eins og niðurlagsorð til ykkar í dag hér í Hallgrímskirkju þar sem safnast saman hundruð syngjandi kirkjufólks, kirkjukóra.
Það er ykkar náðargáfa og þjónusta enn og aftur sem eins og hvíslar í veröld Guðs. Lofsöngurinn þinn og minn sem við viljum að lifi,

„Gerðu mig ekki
að safngrip
gerðu mig ekki
að fiðlu undir gleri

Gerðu mig að fiðlu
með þúsund strengjum
sem lofa án afláts
veröld þína.“

Guð, sem í varnarleysi sköpunar sinnar, friðleysi manneskjunnar og berskjöldun
vekur með þeirri sömu manneskju lofgjörð og þá getum við í mætti náðargáfna þúsundanna sem syngja Guði lof í helgihaldi og lífi sínu, í mætti krafts hvítasunnunnar og krafti heilags anda haldið áfram og fundið andsvar himnanna því okkur er

…réttur sólstafur til að ganga við, kærleikur Krists sem vekur söng, þakklæti og kraft í hjörtum okkar og við eignumst hlutdeild í bláum himni...og eins og síðara Pétursbréf endar
Vöxum í náð og þekkingu Drottins vors og frelsara Jesú Krists. Honum sé dýrðin nú og til eilífðardags.
Amen.

Sr. Irma Sjöfn Óskarsdóttir

-------------------
Guðspjall: Jóh 15.26-16.4
Þegar hjálparinn kemur, sem ég sendi yður frá föðurnum, sannleiksandinn, er út gengur frá föðurnum, mun hann vitna um mig. Þér skuluð einnig vitni bera því þér hafið verið með mér frá upphafi.
Þetta hef ég talað til yðar svo að þér fallið ekki frá. Þeir munu gera yður samkunduræk. Já, sú stund kemur að hver sem líflætur yður þykist veita Guði þjónustu. Þetta munu þeir gera af því þeir þekkja hvorki föðurinn né mig. Þetta hef ég talað til yðar til þess að þér minnist þess að ég sagði yður það þegar stund þeirra kemur.

Pistill:
1Pét 4.7-11
En endir allra hluta er í nánd. Verið því gætin og algáð til bæna. Umfram allt hafið brennandi kærleika hvert til annars því að kærleikur hylur fjölda synda. Verið gestrisin hvert við annað án þess að mögla. Sérhvert ykkar hefur fengið náðargáfu. Notið þær og þjónið hvert öðru eins og góðir ráðsmenn margvíslegrar náðar Guðs. Sá sem talar flytji Guðs orð, sá sem þjónar sýni að Guð gefi máttinn til þess. Verði svo Guð vegsamaður í öllum hlutum fyrir Jesú Krist. Hans er dýrðin og mátturinn um aldir alda. Amen.

Lexía:
Esk 37.26-28
Ég mun gera við þá sáttmála þeim til heilla og það skal verða ævarandi sáttmáli við þá. Ég mun fjölga þeim og setja helgidóm minn mitt á meðal þeirra um alla framtíð. Bústaður minn verður hjá þeim og ég verð Guð þeirra og þeir verða þjóð mín. Þjóðirnar munu skilja að ég er Drottinn sem helgar Ísrael þegar helgidómur minn verður ævinlega á meðal þeirra.

Hallgrímskirkja óskar eftir kórstjóra fyrir nýjan barnakór

Wed, 04 Jun 2025 11:07:56 GMT

Hallgrímskirkja óskar eftir kórstjóra fyrir nýjan barnakór
30% starfshlutfall – spennandi nýtt tónlistarverkefni með möguleika á auknu starfshlutfalli

Hallgrímskirkja í Reykjavík auglýsir eftir metnaðarfullum og skapandi kórstjóra í 30% starf með möguleika á auknu starfshlutfalli.

Aðalverkefni kórstjórans er að leiða uppbyggingu og stjórna nýjum BARNAKÓR HALLGRÍMSKIRKJU.
Kórstjórinn vinnur í nánu samstarfi við organista og presta kirkjunnar.
Kórinn er safnaðarkór og tekur þátt í helgihaldi og tónlistarlífi safnaðarins 2-3 sinnum á önn.
Launagreiðslur miða við launataxta tónmennta-/tónlistarkennara.

Helstu kröfur:

Krafist er menntunar í kórstjórn og / eða reynslu af tónlistarstarfi með börnum.
Mikil áhersla er lögð á hæfni í mannlegum samskiptum.
Æskilegt er að kórstjórinn hafi góða íslenskukunnáttu.

Helstu verkefni:

Stofnun og skipulagning nýs barnakórs
Vikulegar kóræfingar
Þátttaka í helgihaldi og tónlistarlífi Hallgrímskirkju 2-3x á önn
Nánari upplýsingar veitir Björn Steinar Sólbergsson, tónlistarstjóri og organisti í Hallgrímskirkju í síma 8561579.

Umsóknir merktar „Starfsumsókn“ ásamt prófskírteinum og ferilskrá sendist til Hallgrímskirkju v/Hallgrímstorg, 101 Reykjavík, eða á netfangið

bjornsteinar@hallgrimskirkja. is

Umsóknarfrestur er til og með 21. júní n.k.

Matsnefnd leggur tillögu um ráðningu fyrir sóknarnefnd.

Æskilegt er að viðkomandi geti hafið störf í byrjun ágúst n.k.

Öllum umsóknum verður svarað.

Prédikunarstóllinn / 25. maí 2025 / Hvað ef bænin brestur?

Sun, 01 Jun 2025 11:16:00 GMT

Hvað ef bænin brestur?
Höf. Eiríkur Jóhannsson

Ritningartextar dagsins:

5. sunnudagur páskatímans (Rogate) – Hinn almenni bænadagur Biðjandi kirkja
Lexía: Jer 29.11-14a
Því að ég þekki sjálfur þær fyrirætlanir sem ég hef í hyggju með yður, segir Drottinn, fyrirætlanir til heilla en ekki til óhamingju, að veita yður vonarríka framtíð. Þegar þér ákallið mig og komið og biðjið til mín mun ég bænheyra yður. Ef þér leitið mín munuð þér finna mig. Þegar þér leitið mín af öllu hjarta læt ég yður finna mig, segir Drottinn.

Pistill: 1Tím 2.1-6a
Fyrst af öllu hvet ég til að biðja og ákalla Guð og bera fram fyrirbænir og þakkir fyrir alla menn. Biðjið fyrir konungum og öllum þeim sem hátt eru settir til þess að við fáum lifað friðsamlegu og rólegu lífi í guðsótta og siðprýði. Þetta er gott og þóknanlegt Guði, frelsara vorum, sem vill að allir menn verði hólpnir og komist til þekkingar á sannleikanum.
Einn er Guð. Einn er og meðalgangarinn milli Guðs og manna, maðurinn Kristur Jesús sem gaf sjálfan sig til lausnargjalds fyrir alla.

Guðspjall: Jóh 16.23b-30
[Jesús sagði:] Sannlega, sannlega segi ég yður: Hvað sem þér biðjið föðurinn um í mínu nafni mun hann veita yður. Hingað til hafið þér einskis beðið í mínu nafni. Biðjið og þér munuð öðlast svo að fögnuður yðar verði fullkominn.
Þetta hef ég sagt yður í líkingum. Sú stund kemur að ég tala ekki framar við yður í líkingum heldur mun ég berum orðum segja yður frá föðurnum. Á þeim degi munuð þér biðja í mínu nafni. Ég segi yður ekki að ég muni biðja föðurinn fyrir yður því sjálfur elskar faðirinn yður þar eð þér hafið elskað mig og trúað að ég sé frá Guði kominn. Ég er kominn í heiminn frá föðurnum. Ég yfirgef heiminn aftur og fer til föðurins.“
Lærisveinar hans sögðu: „Nú talar þú berum orðum og mælir enga líking. Nú vitum við að þú veist allt og þarft eigi að nokkur spyrji þig. Þess vegna trúum við að þú sért frá Guði kominn.“

Prédikun.

Náð sé með yður og friður, frá Guði föður vorum og DrottniJesú Kristi.

Hvað ef bænin brestur. Þetta var haft sem yfirskrift í auglýsingum okkar fyrir þessa messu. Þar var augljóslega verið að vísa í hina þekktu bæn Hallgríms Péturssonar: Bænin má aldrei bresta þig,
búin er freisting ýmislig.
Þá líf og sál er lúð og þjáð,
lykill er hún að drottins náð.

En spurningin er samt alveg gild, hvað ef bænin brestur hvað ef engin bæn er flutt, hefur það einhverja merkingu. Myndi það einhverju breyta?

Eitt er allavega staðreynd og það er að bænamál berst til himins um heiminn allan á hverju augnabliki. Fólk biður saman á samkundum og í kirkjum og fólk biður bæna sinna kvölds og morgna og allar stundir þar á milli.

Fyrir nokkrum árum var sýnd vinsæl gamanmynd með hinum þekkta leikara Jim Carrey. Mynd þessi hét Bruce Almighty. Fjallaði hún í stuttu máli sagt um sjónvarpsmann sem var ekki ánægður með framgang sinn í starfi og fannst hann aldrei fá réttu tækifærin í lífinu. Hann var reiður út í Guð fyrir að veita sér ekki stuðning og hann var afbrýðisamur út í samstarfsfólk sitt en þegar allt kom til alls var líf hans í raun ekki svo slæmt hann hafði eiginlega ekki undan neinu að kvarta, átti meira að segja góða og fallega kærustu. Svo Drottinn ákveður að gefa honum sitt guðlega vald og þessu tekur hann með mikilli gleði og notar það ótæpilega í eigin þágu. En svo tekur að kárna gamanið þegar bænirnar taka að dynja á honum og ekki líður á löngu þar til hann gefst upp á því að reyna að svara og bregðast við svo hann bara ákveður að segja bara já við öllum bænum. Þá fyrst tekur gamanið virkilega að kárna. Lottóið í bænum verður umsvifalaust gjaldþrota og þannig fer eiginlega allt úr skorðum.

Þetta var auðvitað bæði grín og gaman en samt var þarna að baki heilmikil alvara og vangaveltur um lífið tilveruna og ekki síst spurningin um það hvers eðlis bænin sé í raun. Einn biður um sól og annar um regn, einn biður um góðan afla en annar um að lífi dýra sér þyrmt. Þannig má endalaust telja, bænir sem stangast á. Eins og Brúce kallinn var fljótur að finna út, þá var þarna að finna jöfnu sem engan vegin gat gengið upp á mannlegan hátt. Engin lausn gat skilið alla eftir sátta.

Er þá niður staðan sú að bænin sé blekking og ekkert komi út úr henni?

Meðan við látum þessa spurningu lifa í loftinu um sinn þá getum við rifjað upp aðra nálgun sem finnst í okkar gömlu góðu ævintýrum en það er stefið um óskirnar þrjár, ef ég man rétt þá var ein sagan af karli og kerlingu sem fá þrjár óskir, karlinn var svangur og langaði ákaflega mikið í vel feitt bjúga svo hann óskar sér þess. Þessu reiddist kerling hans að hafa farið svo illa með óskina að hún óskar þess að bjúgað sitji fast á nefi karlsins og þegar svo var komið þá endaði með því að síðustu óskina þurfti að nota til að losa bjúgað af nefi karlsins.

En svona að öllu gamni slepptu þá hlýtur niðurstaðan að verða sú að bænheyrslan hlýtur alltaf að verða eins konar leyndardómur. Við þekkjum samt flest ótal sögur af bænheyrslu og eigum væntanlega hvert og eitt staðfestingu þess úr okkar eigin lífi. Stundum virðist sem ekkert hafi gerst en svo löngu síðar skynjar viðkomandi að bænheyrslan var ekki á þann hátt sem beðið hafði verið um á sínum tíma en samt hafði lausnin og svarið komið, bara ekki á þann hátt sem beðið var um, kannski jafnvel enn betur. En við þekkjum líka ótal dæmi um bænir sem beðnar eru frá innstu hjartans rótum, af einlægni og fórnfýsi en samt gerist ekkert að dómi þess sem biður.

Svo má líka minnast þess að bæn er ekki bara bæn, bænin hefur fjölmargar myndir, meira að segja þekkist fyrirbærið bölbænir þar sem af illsku og hatri einhverjum eða einhverju er óskað alls hins versta.

Þannig má segja að bænin sé rétt eins og segja má um lífið sjálft, hún er dýrmæt og mikils virði en það er ekki sama hvernig með hana er farið.

Hvað svo sem segja má um bænina þá er það staðreynd að bænir eru eiginlega grundvallaratriði trúariðkunar. Hvort heldur í trúarlífi einstaklings sem fer með bænir sínar eftir sinni reglu, til dæmis sem algengt er að kveldi dags eða í trúarlífi safnaðar sem sameinar hugi sína í bæn sem farið er með í sameiningu. Ég held við höfum öll fundið þessa sterku tengingu sem verður á slíkum stundum. Og jafnvel gerist það á ögurstundum í lífi fólks sem yfirleitt lætur sig trú litlu varða að það grípur til bæna.

En það er með bæn rétt eins og svo sem hvað sem er í lífi okkar að hana þarf að ástunda og iðka, því að einmitt þannig verður bænin að því mikilvæga verkfæri trúarlífsins sem hún sannarlega er. Því einmitt þannig verður til þetta lifandi samtal og tenging við þann Guðdóm sem beðið er til. Það er því ekki að ástæðulausu sem bænin er kölluð andardráttur trúarinnar. Við þekkjum það vel að það verður brátt um það líf sem ekki getur dregið andann.

Þannig má fullyrða að það yrði mikill brestur ef bænin brysti líkt og Hallgrímur segir. Það er alltaf freisting að láta það dragast undan sem kostar einhverja fyrirhöfn eða tíma. Þetta þekkjum við öll úr einhverju samhengi, þau sem stunda líkamsrækt af einhverju tagi vita og finna að það kostar átak að drífa sig af stað og fylgja fastri reglu. Það er freistandi að sleppa því í dag. Kannski frekar á morgun. En með ástundun kemur árangur.

En bænin er sannarlega ekki eingöngu ákall til Guðs heldur má segja að í henni felist líka áminning til okkur sjálfra. Við berum fram bænir okkar um allt hið góða og jákvæða sem við helst viljum sjá, við biðjum fyrir fólki sem þarf á hjálp að halda, við biðjum guð að styðja okkur sjálf í góðum áformum. Með þessum orðum og hugsunum erum við líka að segja við okkur sjálf hvað við viljum vera og hvert við viljum stefna með líf okkar. Við erum að minna okkur sjálf á það sem skiptir máli. Í lexíu dagsins heyrðum við lesin þessi fallegu og kunnu orð: Því að ég þekki sjálfur þær fyrirætlanir sem ég hef í hyggju með yður, segir Drottinn, fyrirætlanir til heilla en ekki til óhamingju, að veita yður vonarríka framtíð.

Innifalið í bæninni er vonin, vonin eftir betri tíð, vonin eftir friði, vonin eftir réttlæti. Það má með sanni segja að vonin og bænin séu systur, sem ekki geta á hvor annarrar verið. Já hvernig færi fyrir okkur ef við ættum ekki von, von sem virkjar þrautseigju og baráttuþrek þegar á móti blæs í lífinu, þegar erfiðleikar dynja á og jafnvel þegar skynsemin segir að best sé að gefast upp, það sé raunsæjasta matið, nei þá er það vonin sem heldur við efnið, vonin og bænin sem gefur kraft til að halda út og rísa svo upp af krafti þegar aftur birtir til.

Það yrði sannarlega mikill brestur ef bænin yrði ekki, ef hún væri tekin út úr jöfnu lífsins. Hún er sannarlega eins og Hallgrímur yrkir, lykill að drottins náð. Lykill að samfélagi við guð, lykill að vináttu og trausti við þann sem elskar og aldrei bregst. Þökkum Drottni því að hann er góður, því miskunn hans varir að eilífu.

Dýrð sé Guði, föður og syni og heilögum anda, svo sem var í upphafi er enn og verða mun um aldir alda amen.

Sögustund í Hallgrímskirkju á messutíma í júní 2025

Fri, 30 May 2025 10:41:00 GMT

Sögustund í Hallgrímskirkju alla sunnudaga í júní 2025 kl. 11.00.

Velkomin á sögustund fyrir börn og fjölskyldur á messutíma í júní Hallgrímskirkju!

1. júní: Drengurinn í tunglinu

Við bjóðum börnum og fullorðnum að koma og hlusta á hjartnæma og ímyndunarfulla sögu um litla drenginn sem horfir til tunglsins – og finnur leiðina þangað. „Drengurinn í tunglinu“ er hlý og hugljúf saga um forvitni, vonir og óvæntar uppgötvanir, ævintýri sem talar beint til barnshjartans. Umsjón: Rósa Hrönn Árnadóttir

Stund þar sem kyrrð, ímyndunarafl og hlýja fá að njóta sín!

HALLGRÍMSKIRKJA – STAÐUR BARNANNA

Vinsamlegast athugið breytta opnunartíma / Sunnudagur 1. júní 2025

Thu, 29 May 2025 21:47:00 GMT

L'Ascension eftir Olivier Messiaen á Uppstigningardag kl.11.00

Wed, 28 May 2025 18:24:00 GMT

Orgelandakt á Uppstigningardag
Hallgrímskirkja
Fimmtudagur 29. maí 2025
Kl. 11:00

Björn Steinar Sólbergsson flytur L'Ascension eftir Olivier Messiaen – andlegt og stórbrotið meistaraverk sem fangar uppstigningu Jesú Krists til himna í fjórum þáttum.
Prestur: séra Irma Sjöfn Óskarsdóttir les texta dagsins

Heilög stund í ljóði og tónum.
Aðgangur ókeypis – öll hjartanlega velkomin!

HALLGRÍMSKIRKJA – ÞINN TÓNLEIKASTAÐUR!

Norrænt kirkjukóramót í Hallgrímskirkju 29. maí – 1. júní 2025

Sat, 24 May 2025 08:54:00 GMT

Dagana 29. maí – 1. júní 2025 verður Norræna kirkjukóramótið (NKSF) haldið í Reykjavík, og fer meginhluti viðburða fram í Hallgrímskirkju. Hátíðin sameinar kirkjukóra og söngvara frá Noregi, Danmörku, Svíþjóð, Finnlandi, Færeyjum og Íslandi, og er markmið hennar að efla tengsl, miðla menningu og lyfta upp kirkjutónlist á Norðurlöndum.

Allir opinberir viðburðir hátíðarinnar – tónleikar og morgunbænir – eru haldnir í Hallgrímskirkju og eru opnir almenningi og ókeypis. Hvetjum við gesti og íbúa til að taka þátt í þessari einstöku tónlistarhátíð sem spannar fjölbreytta dagskrá og sameinar sál og söng í helgu rými.

Dagskrá í Hallgrímskirkju:

Fimmtudagur 29. maí

20:00 – Opnunartónleikar NKSF 2025

Föstudagur 30. maí

08:30 – Morgunbæn / Morning Prayer

20:00 – Hátíðartónleikar / Festival Concert

Laugardagur 31. maí

08:30 – Morgunbæn / Morning Prayer

17:00 – Vinnusmiðjutónleikar / Workshop Concerts

Hallgrímskirkja – Þinn staður!

Sunnudagur 1. júní

11:00 – Hátíðarmessa í Hallgrímskirkju

Við í Hallgrímskirkju erum stolt af því að hýsa þessa hátíð og hlökkum til að taka á móti gestum hvaðanæva að úr norðri.

Nánari upplýsingar má finna á heimasíðunni www.nksf2025.is

--ENGLISH--

Nordic Church Choir Festival 2025 at Hallgrímskirkja

The Nordic Church Choir Festival (NKSF) will take place in Reykjavík from May 29 to June 1, 2025, with most of it's events held in Hallgrímskirkja. The festival brings together church choirs and singers from Norway, Denmark, Sweden, Finland, the Faroe Islands, and Iceland, celebrating sacred music and Nordic choral traditions.

All public events during the festival – including concerts and morning prayers – will take place in Hallgrímskirkja and are free of charge and open to all. We warmly welcome guests and locals to experience this unique musical celebration in the heart of Reykjavík.

Festival Program in Hallgrímskirkja:

Thursday, May 29

20:00 – Opening Concert of NKSF 2025

Friday, May 30

08:30 – Morning Prayer

20:00 – Festival Concert

Saturday, May 31

08:30 – Morning Prayer

17:00 – Workshop Concerts

Sunday, June 1

11:00 – Festival Service

Hallgrímskirkja is proud to host this joyful and meaningful gathering of voices from across the Nordic region.

For more information, visit www.nksf2025.is

HALLGRÍMSKIRKJA – YOUR PLACE IN REYKJAVÍK!

Sumaropnun Hallgrímskirkju 2025 / Summer Opening Hours 2025

Wed, 21 May 2025 08:51:00 GMT

Sumaropnun Hallgrímskirkju 2025
Frá og með 21. maí verður Hallgrímskirkja opin daglega frá kl. 9:00 til 20:00.
Athugið að kirkjubúðin og aðgangur að turni lokar kl. 19:45.

HALLGRÍMSKIRKJA – ÞINN STAÐUR Í SUMAR!

--ENSLISH--

Summer Opening Hours 2025
From May 21st, Hallgrímskirkja is open daily from 9:00 to 20:00.
Please note that the church shop and access to the tower closes at 19:45.

We look forward to welcoming you this summer!

Söguleg stund í Hallgrímskirkju í gær

Mon, 19 May 2025 17:50:00 GMT

Alþjóðlegur dagur gegn fordómum í garð hinsegin fólks

Sat, 17 May 2025 06:57:35 GMT

Kirkjan tekur undir með milljónaraddakór í veröldinni 17. maí þegar við mörkum dag gegn fordómum í garð hinsegin fólks.
Tendrum kerta ljós fyrir þau sem þola ofsóknir og kirkjan okkar skartar marglita fánum til að minna okkur á sorg þeirra sem hafa liðið vegna fordóma en þökkum líka gleðina og kærleika Guðs sem felst í fjölbreytni sköpunarverksins.

HALLGRÍMSKIRKJA – ÞINN STAÐUR!

Tóneyra, textar og trú – viðtal við tónskáldið Finn Karlsson um nýtt verk og frumflutning í Hallgrímskirkju

Fri, 16 May 2025 11:10:00 GMT

Í dag ræðum við við tónskáldið Finn Karlsson , nýtt verk hans - Sköpun verður frumflutt í Hallgrímskirkju núna 18. maí.

Verkið er hluti af tónleikum þar sem einnig verða flutt stórvirki eftir Arvo Pärt og Francis Poulenc , og er því um sérlega áhugaverða samsetningu að ræða – nýr íslenskur tónheimur í samtali við klassísk meistaraverk kirkjutónlistar. Við ætlum að heyra meira um verkið sjálft, innblásturinn að baki og hvernig það er að semja tónlist fyrir þetta einstaka rými.

Gætirðu sagt okkur frá verkinu sem frumflutt verður á tónleikunum? Hvað vakti innblástur þess?
Verkið heitir Sköpun og er skrifað fyrir þetta tilefni. Svanhildur Óskarsdóttir, kórmeðlimur og snillingur, safnaði þessum ólíku textum saman og raðaði þeim upp í þetta skemmtilega form sem ég hélt mig svo algjörlega við. Tæpur helmingur kaflanna eru skrifaðir við texta Biblíunni á latínu úr og á móti koma erindi úr sálminum Í upphafi fyrir sitt eilíft orð eftir Hallgrím Pétursson. Í miðju verkinu skrifa ég svo við ljóðið Guð eftir Vilborgu Dagbjartsdóttur, en það birtist svo aftur í lokakafla verksins. Verkið er 12 kaflar í allt og tekur um hálftíma í flutningi.

Hvernig tengist verkið þema tónleikanna og verkum Arvo Pärt og Poulenc?
Ég var í raun ekkert að spá í þeim félögum á meðan ég skrifaði verkið, þó tónlist þeirra beggja hafi lengi verið í uppáhaldi hjá mér. En svona eftirá að hyggja finnst mér þessi þrjú verk tóna ágætlega saman og mynda vel balanseraða efnisskrá.

Hefur þú áður unnið með Kór Hallgrímskirkju eða Kammersveit Reykjavíkur? Hvernig hefur samstarfið verið og hvernig er það að þessu sinni?
Já, ég hef áður unnið með báðum hópum. Kammersveitin pantaði af mér verkið From My Green Karlstad ásamt strengjasveitinni Elblag Chamber Orchestra árið 2018 og svo skrifaði ég verkið HÝENA SEM HEITIR GÆRDAGUR fyrir þau og uppáhalds söngkonuna mína, Þórgunni Önnu Örnólfsdóttur árið 2023. Kór Hallgrímskirkju pantaði fyrst af mér verkið Á hvítasunnu fyrir kór og orgel árið 2022 og svo Hosanna filio David árið 2024

Þetta er því þriðja verkið sem ég skrifa fyrir sitthvorn hópinn. Samstarfið við báða hópa hefur alltaf verið mjög gefandi fyrir mig og ég vona innilega að það muni halda lengi áfram.

Hvernig nálgast þú tónsmíðarferlið almennt? Hefur það breyst með tímanum?
Það er í raun allur gangur á því hvernig ég nálgast tónsmíðaferlið. Það fer mikið eftir hljóðfærasamsetningunni, tilefninu, hvort ég sé að vinna með áhuga- eða atvinnufólki, hversu langan tíma ég hef til stefnu og hvernig stuði ég er í. Ég reyni samt alltaf að setja mig í spor flytjendanna og ég held að ég eigi ekki mörg verk sem ég myndi ekki nenna að flytja sjálfur (gæti ég það).

Ég veit ekki hvort þetta hafi breyst mikið með árunum, nema ég vil halda að ég sé alltaf að verða sjóaðri í þessu. Ég held að ég gæti samt verið að mýkjast með tímanum.

Hvaða hlutverki gegnir texti í tónsmíðum þínum, sérstaklega þegar unnið er með söng?
Textinn skiptir náttúrulega mjög miklu máli þegar maður er að skrifa fyrir raddir. Maður hefur vissulega ákveðinn meðvind þegar maður er að vinna með texta sem talar til manns. Það er mikil ábyrgð að vera treyst fyrir ljóðum annara, en samkvæmt minni reynslu taka ljóðskáld yfirleitt vel í það þegar maður vill skrifa tónlist við verk þeirra. Ég er allavega enn að bíða eftir fyrsta nei-inu mínu, en ég hef sent mjög mörg köld messenger skilaboð á skáld sem ég þekki lítið eða ekkert.

Hvaða tónskáld eða tónlistarstefnur hafa haft mest áhrif á þig?
Ég á alltaf pínu erfitt með þessa spurningu og reyni yfirleitt að koma mér undan því að gefa upp ákveðin nöfn. Ég er samt alæta á tónlist og hef sjálfur komið mjög víða við í mínum tónlistarferli.

Hvernig hefur rýmið í Hallgrímskirkju haft áhrif á tónsmíðina eða flutning verksins?
Hallgrímskirkja er náttúrulega magnað rými og ég var með það í kollinum á meðan ég skrifaði tónlistina. Hér er ég ekki bara að tala um akústíkina, sem ég tók vissulega tillit til, heldur líka stemninguna inni í þessari fallegu byggingu.

Ertu með fleiri verkefni í vinnslu eða á döfinni sem þú getur sagt okkur frá?
Það sem ég er með á skrifborðinu akkúrat núna er stutt einleiksverk fyrir fiðluleikarann Sibba Bernarðsson. Þar á eftir mun ég skrifa nýtt verk fyrir Dúó Freyju; mæðgurnar Svövu Bernaðsdóttur og Rannveigu Mörtu Sarc.

Hvernig sérðu fyrir þér næstu skref í þinni tónskáldabraut?
Ég er ekki með flóknara plan en að halda áfram að halda áfram að skrifa tónlist.

Það var bæði ánægjulegt og nærandi að heyra Finn tala um verkið Sköpun og ferlið sem liggur að baki – hvernig textar úr Biblíunni, sálmum Hallgríms Péturssonar og ljóði Vilborgar Dagbjartsdóttur mynda saman lífræna heild sem spannar bæði trúarlega dýpt og nútímalegan tónheim. Hann nálgast tónsmíðar af fagmennsku og einlægni og með virðingu fyrir textanum. Hann er með næmt auga fyrir samvinnu við flytjendur og rými. Það verður spennandi að heyra verkið í lifandi flutningi innan veggja Hallgrímskirkju, þar sem andrúmsloft og akústík mynda frjósaman jarðveg fyrir þessa nýju Sköpun.

Bestu þakkir Finnur!

Að baki þessarar sellu má finna fleiri upplýsingar um tónleikana og flytjendur.

HALLGRÍMSKIRKJA – ÞINN TÓNLEIKASTAÐUR!

Sköpun – Frumflutningur á nýju kirkjutónlistarverki eftir Finn Karlsson

Wed, 14 May 2025 11:41:00 GMT

ARVO PÄRT – POULENC – FINNUR KARLSSON

Sunnudaginn 18. maí kl. 17:00 frumflytur Kór Hallgrímskirkju ásamt Kammersveit Reykjavíkur og Unu Sveinbjarnardóttur konsertmeistara nýtt verk eftir tónskáldið Finn Karlsson. Sópransöngkonan Jóna G. Kolbrúnardóttir syngur einsöng i verkinu og stjórnandi er Steinar Logi Helgason.

Verkið ber heitið Sköpun og er samið sérstaklega fyrir kór, sópran og hljómsveit. Þar vefur tónskáldið saman texta úr þremur áttum. Í fyrsta lagi úr sköpunarsögu Fyrstu Móse-
bókar og úr upphafi Jóhannesarguðspjalls, í öðru lagi úr sálmi Hallgríms Péturssonar Í upphafi fyrir sitt eilíft orð sem ortur er út af sköpunarsögunni og þriðji textinn er ljóðið Guð eftir Vilborgu Dagbjartsdóttur við ljóðræn og hlaðin hljóðform þar sem andrúmsloft kirkjunnar. Sköpun kallast á við aldagamla hefð kirkjutónlistar – en með nútímalegri rödd og nýrri sýn og má segja að rými sköpunarsögunnar mætist í þessum flutningi.

Á efnisskránni eru einnig tvö meistaraverk 20. aldar kirkjutónlistar: Fratres eftir Arvo Pärt og Orgelkonsert eftir Francis Poulenc, þar sem organisti Hallgrímskirkju Björn Steinar Sólbergsson fer með einleik með Kammersveit Reykjavíkur.

Kirkjutónlist er lifandi menningararfur

Kirkjutónlist hefur gegnt lykilhlutverki í menningarsögu Íslendinga. Hún hefur verið leið til tjáningar, trúar, sköpunar og samfélags – frá sálmakveðskap Hallgríms Péturssonar til nútímatónsmíða sem endurspegla nýja tíma og ný sjónarhorn á andleg efni. Í Hallgrímskirkju heldur þessi hefð áfram að þróast og blómstra – í sálmasöng, tónlistarflutningi og frumsköpun sem tengir andlega arfleifð við samtímann.

Fratres eftir Arvo Pärt

Á tónleikunum hljómar fyrst verkið Fratres eftir Arvo Pärt , eitt þekktasta og áhrifamesta verk hans. Verkið er órjúfanlega tengt einkennandi stíl Pärts, svonefndri „tintinnabuli“-aðferð, þar sem einfaldleiki og kyrrð skapa djúpa andlega vídd. Fratres hefur verið flutt í fjölmörgum útgáfum fyrir ólíka hljóðfærasamsetningu og vekur áheyrendur til umhugsunar um tíma, trú og innri ró. Í Hallgrímskirkju fær það nýja dýpt í samspili rýmis, hljómsveitar og hljómburðarins í þessum einstaka helgidómi.

Björn Steinar Sólbergsson flytur orgelkonsert Poulenc

Á tónleikunum leikur Björn Steinar Sólbergsson , organisti Hallgrímskirkju, hinn áhrifamikla O rgelkonsert eftir Francis Poulenc – eitt þekktasta og áhrifamesta verk fyrir orgel og strengjasveit á tuttugustu öldinni.

Konsertinn, sem var saminn árið 1938, sameinar dramatík, einlægni og leikandi léttleika í djúpu persónulegu og trúarlegu verki. Hljómheimur hans er bæði hátíðlegur og óvæntur – með áhrifum frá barokkstíl og frönskum nútímaorgelhefðum.

Björn Steinar er meðal virtustu tónlistarmanna landsins og hefur leikið á fjölda tónleika bæði heima og erlendis. Sem organisti Hallgrímskirkju, tónlistarstjóri og listrænn stjórnandi Orgelsumars í Hallgrímskirkju gegnir hann lykilhlutverki í því að gera kirkjuna að alþjóðlegri miðstöð orgeltónlistar.

Flutningur hans á þessu stórvirki markar áhrifaríkan kafla tónleikanna – flutt á Klais orgel Hallgrímskirkju, einu því glæsilegasta á Norðurlöndum.

Kammersveit Reykjavíkur 50 ára

Tónleikarnir eru hluti af 50 ára afmælisári Kammersveitar Reykjavíkur , en sveitin hefur í hálfa öld verið í fararbroddi nýsköpunar og gæða í íslensku tónlistarlífi. Með áherslu á fjölbreytt efnistök og samstarf við íslensk tónskáld hefur Kammersveitin markað sér sérstakan sess á sviði kammer- og samtímatónlistar hér á landi.

Það er því sérlega viðeigandi að hún sameinist Kór Hallgrímskirkju í frumflutningi á nýju íslensku tónverki og flutningi á meistaraverkum 20. aldarinnar í einni mikilvægustu tónleikakirkju landsins – Hallgrímskirkju.

Fleiri upplýsingar um tónleikana og flytjendur má finna að baki þessarar smellu!

Við bjóðum ykkur hjartanlega velkomin á tónleika – sem eru ekki aðeins listræn upplifun, heldur samtal milli fortíðar, nútíðar og trúarlegra hljóma.

Miðasala fer fram á tix.is og í Hallgrímskirkju og er aðgangseyrir 5.900 kr.

HALLGRÍMSKIRKJA – ÞINN TÓNLEIKASTAÐUR!

Jákvæð áhrif opinnar sálmaæfingar í Hallgrímskirkju!

Wed, 07 May 2025 13:38:00 GMT

Síðastliðinn sunnudag var opin sálmaæfing og messa í Hallgrímskirkju. Um 40 manns mættu á æfinguna og hafði það augljós jákvæð áhrif á almennan söng í messunni.

Björn Steinar Sólbergsson organisti leiddi æfinguna, kenndi og kynnti sálmana og félagar úr Kór Hallgrímskirkju studdu við sönginn á æfingunni auk þess sem sr. Irma Sjöfn Óskarsdóttir sóknarprestur hvatti viðstadda til söngs bæði á æfingunni og í messunni sjálfri.

Að hefja messuna með þessari opnu sálmaæfingu hafði fjölmörg jákvæð áhrif bæði á safnaðarfólk og andrúmsloftið í kirkjunni. Kirkjugestir fengu tækifæri til að æfa sálmana fyrir messu, og varð þátttaka þeirra virkari og meðvitaðri í almennum söng. Þetta stuðlaði að því að fleiri sungu af öryggi og gleði, sem styrkti sameiginlega upplifun guðsþjónustunnar. Sálmarnir urðu aðgengilegri og meira lifandi.

Þetta skapaði hlýlegt og opið andrúmsloft í kirkjunni og kirkjan varð þá ekki aðeins helgistaður, heldur líka staður þar sem við sameinumst í rödd og trú og hvöttu kirkjugesti til þátttöku.

Kirkjan okkar er lifandi samfélag sem leggur áherslu á þátttöku, virðingu og gleði og það var svo sannarlega sýnilegt á sunnudaginn.

Við þökkum sóknarprestinum okkar, kórfélögum og öllum sem mættu, þá sérstaklega Birni Steinari.

HALLGRÍMSKIRKJA – STAÐUR SAMFÉLAGS OG SÖNGVA!

Vorið kemur heimur hlýnar!

Tue, 06 May 2025 12:05:00 GMT

VORHÁTÍÐ HALLGRÍMSKIRKJU verður haldin sunnudaginn 11. maí 2025 kl. 11:00

Vorið kemur heimur hlýnar
Hallgrímskirkja blæs til vorhátíðar og kveður veturinn með stæl. Það verður skemmtileg fjölskylduguðsþjónusta kl. 11:00. Stúlknakór Reykjavíkur kemur og syngur undir stjórn Sigríðar Soffíu Hafliðadóttur kórstjóra. Eftir guðsþjónustuna verður boðið upp á hoppukastala (ef veður leyfir), grillaðar pylsur, íspinna, sápukúlur, krítar og fleira skemmtilegt!

Prestur: Sr. Eiríkur Jóhannsson, Stúlknakór Reykjavíkur syngur undir stjórn Sigríðar Soffíu Hafliðadóttir. Organisti er Björn Steinar Sólbergsson.
Umsjón með barnastarfi: Kristbjörg Katla Hinriksdóttir, Rósa Hrönn Árnadóttir, Lára Ruth Clausen og Ragnheiður Bjarnadóttir.

HALLGRÍMSKIRKJA – ÞINN STAÐUR!

Prédikunarstóllinn - 20. apríl 2025 / Páskadagur

Mon, 28 Apr 2025 14:53:00 GMT

Páskadagur

Guðspjall: Mrk 16.1-7
Þá er hvíldardagurinn var liðinn keyptu þær María Magdalena, María móðir Jakobs og Salóme ilmsmyrsl til að fara og smyrja hann. Og mjög árla hinn fyrsta dag vikunnar, um sólarupprás, koma þær að gröfinni. Þær sögðu sín á milli: „Hver mun velta fyrir okkur steininum frá grafarmunnanum?“ En þegar þær líta upp sjá þær að steininum hafði verið velt frá en hann var mjög stór. Þær stíga inn í gröfina og sjá ungan mann sitja hægra megin, klæddan hvítri skikkju, og þær skelfdust.
En hann sagði við þær: „Skelfist eigi. Þér leitið að Jesú frá Nasaret, hinum krossfesta. Hann er upp risinn, hann er ekki hér. Sjáið þarna staðinn þar sem þeir lögðu hann. En farið og segið lærisveinum hans og Pétri: Hann fer á undan yður til Galíleu. Þar munuð þér sjá hann eins og hann sagði yður.“

Það er páskadagur, sigurhátíð kirkjunnar um veröld víða. Í hverjum einasta kristnum söfnuði í heiminum kemur fólk saman í dag til að fagna og biðja og byggjast upp af orði Drottins.

Það var frost í nótt og kaldast var augnablikið fyrir birtingu. Um leið og sólin kom upp tóku að klökna klakaböndin, héluð stráin reistu sig upp og náttúran smám saman fór að losna úr viðjum og nú leika sér geislar sólarinnar og birta myndir inni í þessum fagra helgidómi. En hann eins og raunar allir kristnir helgidómar eru einmitt til orðnir og byggðir vegna þessa boðskapar sem við heyrum í dag og fögnum.

Atburðir þeir sem minnst er í aðdraganda þessa dag og ná hámarki á föstudaginn langa eru dramatísk atburðarás, það eru átök og deilur, það eru svik og dauði og þá er eins og allt sé tapað en svo kemur að lokum hinn mikli sigur.

Það mætti halda að þetta væri næstum eins og amerísk hollýwood mynd með dæmigerðum happy ending. Þannig var það líka í ævintýrunum í gamla daga. Þau lifðu hamingjusamlega í góðu hjónabandi til æviloka og áttu börn og buru. Köttur út í mýri setti upp á sig stýri úti er ævintýri.

Hér er þó hins vegar mikill munur á, nú er ekki úti ævintýri, hér er ekki um að ræða endi heldur miklu fremur nýtt upphaf. Kaflaskil,vendipunkt.

Í táknrænu ljósi má kannski segja að páskadagurinn standi fyrir ákveðinn núllpunkt. Frásagnir ritninganna af Jesú Kristi, þessi stutta saga í sögulegu ljósi en samt svo rík og djúp að enn er hún eftir tvö þúsund ár fullgild leiðsögn í andlegum og raunar líka veraldlegum efnum. Án páskadagsins, án upprisunnar væri þó vægi hennar allt annað, vafamál hvort nokkur hefði þá vitað um þennan Jesú frá Nasaret. .

Það leikur enginn vafi á því í mínum huga að þennan dag gerðist eitthvað sem var svo stórkostlegt og hafði svo djúpstæð áhrif að þessi tiltölulega fámenni hópur virkra fylgismanna Jesú var reiðubúinn að leggja allt í sölurnar til að boða trú á Jesú Krist og segja frá stórvirkjum hans svo vítt sem mögulegt var. Og víst er um það að á fyrstu öldum kristninnar var engin formleg valdastofnun sem hafði hag af framgangi kristninnar. Hún breiddist út sem leynifélag um borgir og bæi, fram með ströndum Miðjarðarhafsins í óþökk valdhafa. Forsenda þess alls var sannfæringin um upprisu Jesú Krists frá dauðum, staðfesting á hans Guðlega umboði, sú vonarríka brú sem þannig varð til milli himins og jarðar. Sjálfur Guð hefur litið til okkar í náð sinni.

En nú erum við stödd uppi á Íslandi árið 2025, að sumra dómi er hvergi betra að búa. En samt eru blikur á lofti á ýmsan hátt og margar koma þær til okkar utan frá, mörgu í mannlífinu hér má þó breyta og þarf að breytast, alltof margir verða undir og týnast og gleymast.

Reynsla undanfarinna ára hefur kennt okkur betur en nokkuð annað að enginn veit hvað framtíðin ber í skauti sér. Eldgos og heimsfaraldur eru skýr og góð dæmi um það.

Páll postuli talar um súrdeigið og segir okkur að við eigum ekki að nota súrdeig vonsku og illsku heldur ósýrt brauð hreinleikans og sannleikans. Nú er súrdeigsbrauð aftur orðið vinsælt og mikið notað og á mörgum heimilum er geymd súrdeigsmóðir og jafnvel verið sú sama árum saman. Þannig er það sami grunnurinn í hverju nýju brauði.

Þetta er auðvitað það sem gerist í lífi okkar á svo mörgum sviðum. Við erum stöðugt að baka úr alls konar gömlu súrdeigi. Það eru siðir og venjur jafnvel líka ósiðir og óvenjur sem við höfum tekið í arf, það eru gömul deilumál sem hafa áhrif á samskipti barna og jafnvel barnabarna. Meðvitað og ómeðvitað eru ótal strengir sem toga okkur og teygja í ýmsar áttir, svo teljum við okkur trú um að við séum frjáls.

En það er samt hægt að skera á strengina, það er mögulegt að henda gamla súrnum og baka nýtt gerbrauð. Það er mögulegt að rjúfa vítahring neikvæðra samskipta, það er hægt að kasta frá sér byrði leiðinda í fortíð og byrja upp á nýtt. Þetta er það sem páskahátíðin stendur fyrir hún stendur fyrir nýtt upphaf sem ekki er háð því sem áður var.

Þetta þurfum við að læra, þetta þarf svið stjórnmálanna að læra þegar við sjáum eina æðstu stofnun okkar breytast í hálfgert leikhús þar sem menn gera sér leik að því að tefja og halda aftur af merkingarbærri umræðu og eðlilegum framgangi verkefna. Eiginlega til þess eins að spilla og tefja fyrir.

Hvernig getur nokkur haldið því fram að boðskapur Krists eigi ekki erindi inn í nútímann. Ef eitthvað á erindi þá er það einmitt hann. Við erum menguð og gegnumsýrð af gömlu súrdeigi, við erum föst í viðjum hugsunar sem ýtir undir flokkadrætti og togstreitu, átök og spennu.

Aðdragandi páskadagsins, þessir dagar í Jerúsalem þegar rætt var manna á milli um þennan Jesú sem þorði að gagnrýna, sem þorði inn í forgarða musterisins og hrinti það um koll borðum fjárplógsmannanna. Þar fór fram spennuþrungið uppgjör manna á milli og þetta uppgjör snérist um hagsmuni og völd. Þeir sem höfðu komið sér vel fyrir í kerfinu, nutu góðs af ríkjandi ástandi þeir vildu engu breyta. Það var langt frá því að réttlæti ríkti það var langt frá því að allir gyðingar væru jafnir og svo stæði hið rómverka vald og ógnaði öllum. Það var mikil stéttaskipting mikill munur manna á milli og margir sem síst af öllu vildu sjá nokkra breytingu.

Jesús ögraði öllu þessu kerfi, þannig er frelsunarboðskapur hans enn í dag ögrun við þá sem vilja tryggja völd sín og yfirráð, vilja hafa allt eins og það hefur alltaf verið. Þannig er krossfesting Krists pólitískur atburður og verður um eilífð alla tákn um ofbeldi ranglátra yfirvalda, tákn um hagsmunagæslu ríkjandi valdhafa, tákn um íhaldssemi og ótta við breytingar.

Í þessu ljósi verður að skoða upprisuna, hún er samstaða við þau öll sem sæta kúgun og ranglæti, hún segir að það sé ávalt von þótt aðstæður geti verið erfiðar. Hún er ljósið við enda ganganna sem stendur fyrir raunverulega breytingu á aðstæðum og þó umfram allt á viðhorfi því þar byrja allar breytingar.

Hið ótrúlega getur gerst hið ómögulega getur gerst, það er því alltaf von Kristur reis upp frá dauðum. Hvað getur verið ótrúlegra en einmitt það en samt þá byggjum við trú okkar á einmitt því. Með trú okkar á Jesú Krist gefum við hinu ómögulega tækifæri við höldum því opnu að breytingar geti orðið, breytingar sem öllu skipta.

Án þess væri vonin einskis virði, vonin sem oft á tíðum er það eina sem hægt er að styðja sig við. Vonin um að það sem jafnvel er ólíklegast af öllu, það gerist. Án vonar hvar værum við þá.

Upprisa Jesú Krists segir okkur að hið ólíklegasta af öllu, það getur gerst, það segir okkur að við eigum að halda í vonina, hafa augun föst á takmarki sem kannski er mörg ljósár í burtu. Draumsýn um betra líf, réttlæti, frið og kærleika lifir.

Nei það er enginn happy ending hér, enginn veit hverjir lifa hamingjusamlega saman til æviloka en það er að byrja ný mynd, hún lofar góðu það er von og frelsi í henni, leikararnir eru reyndar misjafnir og ekki allir útlærðir en þeir ætla sér langt og það er fátt sem getur stoppað þá því þeir hafa von, þeir hafa styrk, þeir vita að ekkert er ómögulegt. Þetta er leiksvið lífsins og við höfum þar öll hlutverk.

Sólin er komin hátt á loft á heiðum himni. Menn og skepnur, grös og plöntur drekka í sig sólarkossa. Frjóangar teygja sig upp. Lífið blívur. Því Kristur er upprisinn, hann er sannarlega upprisinn.

Þetta er sá dagur sem Drottinn gjörði, fögnum og verum glöð á honum.

Dýrð sé Guði föður og syni og heilögum anda, svo sem var í upphafi er enn og verða mun um aldir alda amen.

Sr. Eiríkur Jóhannsson.

Prédikunarstóllinn - 18. apríl / Föstudagurinn langi 2025

Fri, 25 Apr 2025 09:35:00 GMT

Föstudagurinn langi

Pistill: Heb 4.14-16
Er við þá höfum mikinn æðsta prest, sem farið hefur í gegnum himnana, Jesú Guðs son, skulum við halda fast við játninguna. Ekki höfum við þann æðsta prest er eigi geti séð aumur á veikleika okkar heldur þann sem freistað var á allan hátt eins og okkar en án syndar. Göngum því með djörfung að hásæti Guðs náðar. Þar finnum við miskunn og náð þegar við erum hjálparþurfi.

Guðspjall: Jóh 19.16-30
Þá seldi hann þeim hann í hendur og bauð að láta krossfesta hann.
Hermennirnir tóku þá við Jesú. Og hann bar kross sinn og fór út til staðar sem nefnist Hauskúpa, á hebresku Golgata. Þar krossfestu þeir hann og með honum tvo aðra hvorn til sinnar handar, Jesú í miðið. Pílatus hafði látið gera yfirskrift og setja á krossinn. Þar stóð skrifað: JESÚS FRÁ NASARET, KONUNGUR GYÐINGA. Margir Gyðingar lásu þessa áletrun því staðurinn, þar sem Jesús var krossfestur, var nærri borginni og þetta var ritað á hebresku, latínu og grísku. Þá sögðu æðstu prestar Gyðinga við Pílatus: „Skrifaðu ekki konungur Gyðinga, heldur að hann hafi sagt: Ég er konungur Gyðinga.“
Pílatus svaraði: „Það sem ég hef skrifað það hef ég skrifað.“
Þegar hermennirnir höfðu krossfest Jesú tóku þeir klæði hans og skiptu í fjóra hluti og fékk hver sinn hlut. Þeir tóku og kyrtilinn en hann var saumlaus, ofinn í eitt ofan frá og niður úr. Þeir sögðu því hver við annan: „Rífum hann ekki sundur, köstum heldur hlut um hver skuli fá hann.“ Svo rættist ritningin:
Þeir skiptu með sér klæðum mínum
og köstuðu hlut um kyrtil minn.
Þetta gerðu hermennirnir.
En hjá krossi Jesú stóðu móðir hans og móðursystir, María, kona Klópa, og María Magdalena. Þegar Jesús sá móður sína standa þar og lærisveininn, sem hann elskaði, segir hann við móður sína: „Kona, nú er hann sonur þinn.“ Síðan sagði hann við lærisveininn: „Nú er hún móðir þín.“ Og frá þeirri stundu tók lærisveinninn hana heim til sín.
Jesús vissi að allt var þegar fullkomnað. Þá sagði hann til þess að ritningin rættist: „Mig þyrstir.“
Þar stóð ker fullt af ediki. Hermennirnir vættu njarðarvött í ediki, settu hann á ísópslegg og báru að munni honum. Þegar Jesús hafði fengið edikið sagði hann: „Það er fullkomnað.“ Þá hneigði hann höfuðið og gaf upp andann.

Náð og friður sé með okkur öllum.

Á þessum degi er ekkert fagnaðarerindi flutt, hvorki hér né í nokkurri annarri kristinni kirkju. Á þessum degi erum við minnt á það hversu stutt er í hið dýrslega eðli mannsins, grimmd hans og eigingirni. Við erum minnt á það og hvött til að hugleiða og horfast í augu við dimmasta eðli mannlegrar hegðunar og kennda.

Við gætum jafnvel kallað þennan dag erkitýpu illskunnar í mannlegu samfélagi. Þessi illska kemur ekki úr neinu dimmu dýki með horn og hala heldur einfaldlega úr brjóstum okkar bræðra og systra og jafnvel okkar sjálfra.

Saklaus einstaklingur er tekinn af lífi á kvalafullan hátt. Hver er ástæðan? Hann ógnar hagsmunum þeirra sem fara með völd og eiga fjármuni. Brögðum er beitt og farið lymskulega framhjá formlegum reglum. Viðhorfi almennings breytt með falsfréttum. Í innstu röðum leynist svikari sem selur upplýsingar.

Nei þetta er sannarlega ekkert einsdæmi og hljómar í raun ótrúlega kunnuglega, sennilega líður ekki sá dagur að eitthvað þessu líkt eigi sér stað einhvers staðar í heiminum. Blóð saklausra fórnarlamba flæðir eins og stórfljót. Fossar á brúnum og flest stöndum við álengdar og fylgjumst með, fegin að það vorum ekki við, en aðhöfumst ekkert.

Það munar ekki miklu um eitt líf í þessu sláturhúsi grimmdarinnar.

Þetta er því miður veruleiki dagsins í dag. Agndofa og ráðalaust stendur fólk víðsvegar um heim og horfir upp á yfirgang og ofbeldi stjórnvalda sem láta sér í léttu rúmi liggja allar leikreglur, alla samninga og sáttmála. Nú hefur tæknin fært þeim tól í hendur sem gerir kleift að sjá og heyra allt sem hver einasti þegn segir. Og ef það hugnast ekki þá er sá hinn sami hljóðlega látinn hverfa eða sendur úr landi. Spádómurinn um Stóra bróður er sem óðast að rætast

Þetta er staðan í heiminum í dag þegar tækni og þekking hefur náð hápunkti sínum. Mannkynið hefur fallið á prófi, siðferðisþroskinn heldur ekki í við tæknina.

Það er auðvelt að hneykslast á því sem gerist nógu langt í burtu en þessi dagur er einmitt fyrst og fremst dagurinn þar sem okkur er gert að horfa í eigin barm og spyrja hvar stend ég, gagnvart eigin tilfinningum eigin skoðunum og eigin getu og vilja til að láta gott af mér leiða. Hvað geri ég til að rækta hið góða sem í mér býr. Hugsa ég kannski bara mest um mig sjálfan og læt annað í léttu rúmi liggja.

Við sjáum það æ betur hversu mikilvægur boðskapur Jesú Krists var og er. Boðskapur um frið og kærleika, viðleitni til að lifa í sátt. Árétting þeirrar staðreyndar að ofbeldi elur ávalt af sér meira ofbeldi, meira hatur. Þau brennandi skilaboð um virði hvers einstaklings, réttar hans til að lifa lífi sínu og njóta virðingar. En ekki síður orðræða hans um hlutverk valdhafa og þeirra sem njóta forréttinda, áminningu hans til þeirra að standa fyrir sanngjörnum og réttlátum leikreglum, forðast að upphefja sig á kostnað annarra og hvatningu hans til að leggja mælistiku kærleikans við allar reglur sem settar eru. Með samstöðu og meðvitund er hægt að vinna kraftaverk.

Því miður gerist það alloft að þegar samviskuspurningar koma upp, þá er það ekki samviskan eða réttlætiskenndin sem látin er ráða heldur veskið. Ég vel þá leið sem kostar mig minnst. Hvaða máli skiptir þó ég striki út einhverja mannréttindayfirlýsingu á blaði ef ég held í góðan viðskiptavin?

Á þessum degi sjáum við fyrir okkur nöturlega hauskúpuhæðina og krossana hryllilegu sem fundnir voru upp til að láta andstæðinga deyja á sem kvalafyllstan og mest niðurlægjandi hátt og mögulegt væri. Fámennur hópur aðstandenda stendur hnípinn og grátandi og varnalaus. Móðirin harmþrungin og lömuð af sorg, sá sem þjáist á krossinum neytir sinna hinstu krafta til að til að huga að velferð hennar. Tengja þau saman sem honum eru kær.

Brynjuklæddir hermenn með sverð og spjót rigsa sperrtir og halda þeim í hæfilegri fjarlægð. Hann er sannarlega langur þessi dagur, nær ofan í dýpstu dali, niður í eimyrju vítis.

Það er ekki bara hver sem er sem þarna er að deyja það er sá sem er af Guði sendur til að boða frið, vísa veg til betra lífs, kenna fólki að hjálpast að og vinna saman. Flytja þau mikilvægu skilaboð að það sé ekkert að óttast. Reiðin, gremjan, hatrið, afbrýðisemin, öfundin, græðgin sem býr í mannskepnunni er ástæðulaus, það er ekkert að óttast. Við þurfum ekki að vígbúast hvert gegn öðru, við þurfum ekki að hrifsa hvert af öðru, það er til önnur leið. Leið samninga sáttmála, friðar og virðingar. Ef við deilum með okkur gæðunum þá er nóg handa öllum.

Jörðin skelfur og dagsbirtan hverfur um stund. Það er myrkur, ekki bara táknrænt heldur raunverulegt, sköpunarverkið allt þjáist og stynur. Þetta er glæpur allra glæpa. Sá sem kom til að frelsa er settur í fjötra.

Blóð og tár falla til jarðar í myrkrinu en þrátt fyrir allt þá glittir í bjarma í fjarska og hann nálgast. Nær hann alla leið og hvað merkir það í þessum aðstæðum? Við bíðum og nú erum við farin að vona, getur það verið að allt fari á endanum vel. Hver veit. Frá botninum liggur leiðin uppávið.

Við bíðum og vonum, við þraukum og þreyjum. Við höldum áfram, þrátt fyrir þjáningu og ranglæti við gefumst ekki upp. Senn mun birta á ný og það verður meira en nokkurn gæti grunað.

Vökum og biðjum.

Sr. Eiríkur Jóhannsson.

Prédikunarstóllinn - 11. apríl 2025 / Fórnarlömb fyrr og nú

Wed, 23 Apr 2025 11:57:00 GMT

Lexía: 4Mós 21.4-9

Ísraelsmenn héldu frá Hórfjalli í átt til Sefhafsins til þess að sneiða hjá Edómslandi. En þolinmæði fólksins þraut á leiðinni og það tók að tala gegn Guði og Móse: „Hvers vegna leidduð þið okkur upp frá Egyptalandi til að deyja í eyðimörkinni? Hér er hvorki brauð né vatn og okkur býður við þessu léttmeti.“
Þá sendi Drottinn eitraða höggorma gegn fólkinu. Þeir bitu fólkið og margir Ísraelsmenn dóu. Fólkið kom þá til Móse og sagði: „Við höfum syndgað vegna þess að við höfum talað gegn Drottni og þér. Bið þú til Drottins svo að hann sendi höggormana burt frá okkur. Þá bað Móse fyrir fólkinu og Drottinn sagði við Móse: „Gerðu höggorm og settu hann á stöng. Sérhver sem hefur verið bitinn skal horfa til hans og halda lífi.“
Móse bjó þá til eirorm og setti á stöng. Þegar höggormur beit mann og maðurinn horfði til eirormsins hélt hann lífi.

Pistill: Heb 9.11-15
En Kristur er kominn sem æðsti prestur þeirra gæða sem komin eru. Hann gekk inn í gegnum hina stærri og fullkomnari tjaldbúð sem ekki er með höndum gerð, það er að segja er ekki af þessari sköpun. Ekki fór hann með blóð hafra og kálfa heldur með eigið blóð inn í hið heilaga í eitt skipti fyrir öll og aflaði eilífrar lausnar. Blóð hafra og nauta og askan af kvígu, stráð á menn, er óhreinir hafa gerst, á að helga þá svo að þeir verði hreinir hið ytra. Hve miklu fremur mun þá blóð Krists, þegar hann hefur í krafti eilífs anda borið sjálfan sig fram fyrir Guð sem lýtalausa fórn, hreinsa samvisku okkar af dauðum verkum svo að við getum þjónað lifanda Guði.
Þess vegna er hann meðalgangari nýs sáttmála. Hann dó og bætti að fullu fyrir afbrotin undir fyrri sáttmálanum til þess að þau sem Guð hafði kallað mættu öðlast hina eilífu arfleifð sem heitið var.

Guðspjall: Jóh 8.46-59
Hver yðar getur sannað á mig synd? Ef ég segi sannleikann, hví trúið þér mér ekki? Sá sem er af Guði heyrir Guðs orð. Þér heyrið ekki vegna þess að þér eruð ekki af Guði.“
Þeir svöruðu honum: „Er það ekki rétt sem við segjum að þú sért Samverji og hafir illan anda?“
Jesús ansaði: „Ekki hef ég illan anda. Ég heiðra föður minn en þér smánið mig. Ég leita ekki míns heiðurs. Sá er til sem leitar hans og dæmir. Sannlega, sannlega segi ég yður: Sá sem varðveitir mitt orð skal aldrei að eilífu deyja.“
Þá sögðu þeir við hann: „Nú vitum við að þú hefur illan anda. Abraham dó og spámennirnir og þú segir að sá sem varðveitir orð þitt skuli aldrei að eilífu deyja. Ert þú meiri en faðir okkar, Abraham? Hann dó og spámennirnir dóu. Hver þykist þú vera?“
Jesús svaraði: „Ef ég vegsama sjálfan mig er vegsemd mín engin. Faðir minn er sá sem vegsamar mig, hann sem þér segið vera Guð yðar. Og þér þekkið hann ekki en ég þekki hann. Ef ég segðist ekki þekkja hann væri ég lygari eins og þér. En ég þekki hann og varðveiti orð hans. Abraham faðir yðar vænti þess með fögnuði að sjá dag minn og hann sá hann og gladdist.“
Þá sögðu þeir við hann: „Þú ert ekki enn orðinn fimmtugur og hefur séð Abraham!“
Jesús svaraði: „Sannlega, sannlega segi ég yður: Áður en Abraham fæddist er ég.“
Þá tóku menn upp steina til að grýta Jesú. En hann duldist og hvarf úr helgidóminum.

Fórnarlömb fyrr og nú

Flest þekkjum við orðið þrætubók og jafnvel þrætubókarlist. Við sjáum þetta og heyrum kannski oftast frá útsendingum frá alþingi. Einfaldara orð sem að vissu leyti nær yfir það sama er einfaldlega rifrildi. Og það þekkjum við flest úr okkar eigin ranni. Gjarnan gerist það í rifrildum, einkum þegar reiðin kemur til sögunnar að innihaldið tekur að skipta minna máli en það sem sagt er. Orðræðan tekur að líkjast skylmingum þar sem leitast er við að koma höggi á andstæðinginn. Það sem við ekki skiljum, það vekur oft ugg í brjósti og það síðan vekur upp reiðina og reiðin vekur ofbeldið.

Satt að segja þá kom þetta orð, þrætubók, upp í hugann þegar ég las guðspjallstexta dagsins. Þarna má kannski segja að guðspjallamaðurinn sviðsetji umræður sem án efa hafa hvað eftir annað átt sér stað á fyrstu árum eftir upprisu Jesú Krists þar sem tekist er á um það hvers eðlis Jesús hafi verið og hvert hans hlutverk varð og umræðan sett í samhengi hins eldra átrúnaðar sem fyrir var, þeirrar trúar og þess táknheims sem við lýði var á dögum Jesú. Hann gengur vissulega inn í þá túlkunarhefð og þau trúarlegu minni sem gamla testamenntið fræðir okkur um og endurspegla þá menningu og hugsun sem þjóð hans þekkti. En um leið má segja að hann sprengi þennan ramma og setji ný viðmið og grunn sem hann innleiðir. Þetta var auðvitað byrjað á hans dögum og var ástæða þess að trúarleiðtogar þjóðarinnar brugðust svo harkalega við boðskap hans, einkum þegar þeir sáu að orð hans og athafnir töluðu til fólksins og opnaði um leið augu þeirra fyrir því að margt sem tekið hafði verið sem gott og gilt var engan veginn rétt eða í anda hins trúarlega grundvallar.

Þessi orðræða guðspjallsins bendir okkur líka á þann vanda sem skapast þegar fólk með ólíkan bakgrunn og ólíkar lífsskoðanir tekst á og vill kannski ekki gefa sér tíma til að skilja hvort annað og þann bakgrunn sem talað er útfrá. „ þú ert enn ekki orðinn fimmtugur og þú þykist hafa séð Abraham. Þeir láta sem þeir skilji ekki það sem Jesús er að segja. Sjaldan hefur það verið mikilvægara en einmitt í nútímanum að við gefum okkur tíma til að reyna að skilja ólíkar nálganir og túlkunarleiðir. Hversu heimskulegt og stórfurðulegt margt af því sem við sjáumog heyrum bæði úti í hinum stóra heimi og reyndar líka hér heima á okkar litla landi, þá má eiginlega fullyrða að hlutirnir eru aldrei eins einfaldir og þeir líta út í fyrstu. Og eins og þeir eru oft settir upp af hálfu fjölmiðla sem þó hafa oftast nær það yfirlýsta markmið að stunda vandaða fréttamennsku.

Stundum er eins og markmiðið sé það að eitt að ná athygli og fá fólk til að taka andann á lofti og hrista hausinn af vandlætingu. Raunar er og verður að segjast að það er stutt í þann þátt í okkur mannfólki sem rómverjarnir fornu spiluðu á þegar þeir buðu fólkiupp á brauð og leiki. Leiki sem snérust um að horfa á skylmingarþræla drepa hver aðra eða jafnvel að láta villidýr elta uppi og rífa í sig saklaust og varnarlaust fólk.

Fórnarlömbin eru sannarlega mörg bæði í nútíð og fortíð og samúðin er ekki alltaf mikil með þeim.

En fórnarlambið sem slíkt á sér sína sögu og sitt baksvið. Fórnir eru fjarlægar hugsun okkar í nútímanum. En eins og við vitum voru þær miðlægar í öllum að heita má hinum fornu trúarbrögðum. Hugsunin að öllum líkindum sú að færa guðinum gjöf og þannig að blíðka hann og fá hann til að gefa regn og árgæsku, og með einhverjum hætti að leggja áformum mannanna lið.

Og þannig var það einnig í trúarsiðum hinna fornu Hebrea og síðar þeirra sem við köllum Ísraelsmenn. Á þeim tíma sem Jesús var uppi og raunar um langa hríð þar áður þá var musterið í Jerúsalem miðlægt í þeirra trúarsiðum, þótt samkunduhús væru í hverju þorpi. Þetta var og er lítið land og eins og við þekkjum úr guðspjöllunum þá fóru foreldrar Jesú með hann í musterið á páskahátíð þegar hann var tólf ára, þótt þau byggju í litlu þorpi töluvert frá .

Í musterið fór fólk og færði sínar fórnir, misstórar og misdýrar, það var fórnað dúfum og lömbum og jafnvel nautgripum. Blóðið flæddi í musterinu alla daga. Þetta skapaði ákveðinni prestastétt sem þar þjónaði vissa forréttindastöðu og um leið töluverð auðæfi.

Ein af þekktustu táknsögum þjóðarinnar var frásögnin af brottförinni úr Egyptalandi. Páskahátíðin var til þess að minnast þessa viðburðar. Þá var hefð fyrir því að slátra lambi og hafa það til matar meðan fjölskyldufaðirinn sagði söguna af því þegar Móses leiddi þjóð sína burt úr þrældómi. Og nóttina áður en lagt var af stað þá sagði hann þjóð sinni að slátra lambi og baka ósýrð brauð. Blóði lambsins skyldu þau svo rjóða á dyrastafi húsa sinna því þessa nótt færi engill dauðans um landið en hann myndi þyrma þeim húsum þar sem blóðið var. Lambið sem fórnað var gaf öðrum líf.

Í huga þeirra fyrstu kristnu verður Jesús Kristur að hinu eina algilda fórnarlambi. Honum er fórnað eða hann fórnar sér og sú fórn er í eitt skipti fyrir öll. Hann er lamb guðs sem gefur líf sitt svo allir aðrir megi hafa líf. Hann færir sig fram sem fórn og sættir guð við menn í eitt skipti fyrir öll. Vegna þessarrar fórnar var það mat hinna kristnu að ekki þyrfti lengur að færa neinar fórni. Kristur hefur myndað nýtt samband við Guð.

Margt í orðfæri og atferli til dæmis messunnar okkar og ýmsu fleiru sem tengist okkar kristnu arfleifð verður illskiljanlegt nema þetta baksvið sé haft í huga. Orðið fórnarlamb lifir hins vegar góðu lífi, við verðum oft fórnarlömb ýmissa aðstæðna sem við ráðum oft ekkert við. Svo gerist það oft að einstaklingum og orðspori þeirra er fórnað í þágu pólitískra hagsmuna eða annars konar hagsmuna sem láta sér í léttu rúmi liggja þótt eitt og eitt smálamb verði undir, liggi óbætt hjá garði.

Fyrri ritningarlesturinn birtir mynd hins vandláta og oft reiðigjarna guðs. Það fýkur í hann þegar þjóðin fer að kvarta og sér eftir öllu saman að hafa yfirgefið heimili sín þótt í ánauð væri og býður við léttmetinu sem boðið er til matar, en Móse gengur á milli og eirormurinn er smíðaður og með því að líta hann þá nær fólk að halda lífi þótt það fái banvænt bit. Þannig má líta á þennan eirorm sem eins konar spádóm um Krist. Þótt höggormar hafi alla tíð haft illt orð á sér þá höfðu menn frá fornu fari séð í þeim tákn um endurnýjun lífsins. Þeir ganga úr hamnum og eiginlega endurnýja sig þeir vöktu því bæði ótta og aðdáun og tilvist þeirra fylgdi ákveðin mystík. Til gamans má nefna að á hinu forna læknistákni er einmitt ormur.

Í hefð kristninnar verður krossinn að þessu lífgefandi tákni. Hér á landi er vel þekkt sagan af krossinum í Kaldaðarnesi í Flóa. Á honum var slíkur átrúnaður að fólk trúði því að það eitt að fá að líta hann augum, þótt í fjarlægð væri, gæti veitt lækningu meina. Við siðaskiptin var hann tekinn niður, í óþökk fólksins, margir vildu jafnvel meina að dauði fyrsta Lútherska biskupsins langt um aldur fram hafi verið refsing fyrir þennan gjörning.

Fórnarlömb hafa því sannarlega verið til bæði að fornu og nýju. Kannski er raunveruleg þekking og yfirveguð hugsun þau fyrirbæri sem helst er fórnað nú til dags. Í allri ofgnótt upplýsinga er eins og gagnrýnin hugsun og rannsókn á réttmæti og gildi verði algerlega útundan. Þegar tíminn hefur liðið og tóm hefur gefist til að ígrunda þá er athyglin komin annað og enginn gefur gaum að því lengur hvað var rétt og rangt. Lambinu blæðir út í vegkantinum, allir keyra fram hjá eitthvað nýtt er framundan.

Það sem mestu skiptir fyrir okkur í þessu samhengi öllu er sú niðurstaða að Jesús Kristur setur fyrir okkur samband við Guð sem ekki mótast af ótta við refsingar eða reiði. Það samband sem hann birtir okkur með lífi sínu og verkum er samband sem byggist á kærleika og umhyggju, fyrirgefningu og umburðarlyndi, endalausum vilja til að gefa ný tækifæri. Reisa upp þau sem falla. Það er því í þeim anda sem okkur er bent á að lifa og starfa og umgangast hvert annað. Það er ekki alltaf auðvelt og enginn verður nokkru sinni fullnuma en Jesús bendir hvert við eigum að stefna. Fylgjum þeirri stefnu þá mun að endingu vel fara.

Dýrð sé Guði föður og syni og heilögum anda, svo sem var í upphafi er enn og verða mun um aldir anda amen.

Sr. Eiríkur Jóhannsson.

PÁSKAR Í HALLGRÍMSKIRKJU!

Sun, 20 Apr 2025 05:54:00 GMT

Páskadagur / Easter Sunday

8:00 Morgunguðsþjónusta / Morning Service
Sr. Irma Sjöfn Óskarsdóttir prédikar og þjónar fyrir altari.
Messuþjónar aðstoða.
Kór Hallgrímskirkju syngur. Stjórnandi er Steinar Logi Helgason. Forsöngvarar eru Þorgerður María Þorbjarnardóttir (María) og Gunnar Björn Gunnarsson Maríusson (engill).
Organisti er Björn Steinar Sólbergsson.

11:00 Hátíðarmessa / Festive Service
Sr. Eiríkur Jóhannsson prédikar og þjónar fyrir altari ásamt sr. Irmu Sjöfn Óskarsdóttur. Messuþjónar aðstoða.
Flytjendur tónlistar: Kór Hallgrímskirkju, Steinar Logi Helgason, stjórnandi. Harpa Ósk Björnsdóttir, sópran.
Organistar: Björn Steinar Sólbergsson og Matthías Harðarson
Umsjón með barnastarfi hafa Rósa Hrönn Árnadóttir, Erlendur Snær Erlendsson og Ragnheiður Bjarnadóttir.

Annar í páskum / Easter Monday

11:00 Guðsþjónusta / Service
Prestur er sr. Irma Sjöfn Óskarsdóttir
Kvintett syngur
Organisti er Björn Steinar Sólbergsson

HALLGRÍMSKIRKJA – ÞINN STAÐUR UM PÁSKANA!

Kyrravika og páskar í Hallgrímskirkju 2025

Sun, 13 Apr 2025 14:46:00 GMT

13.4. Pálmasunnudagur / Palm Sunday

11:00 Messa og sunnudagaskóli / Service and Sunday School
17:00 PERGOLESI – STABAT MATER
Hallveig Rúnarsdóttir sópran / soprano
Hildigunnur Einarsdóttir messósópran / mezzo soprano
Kamersveit Reykjavíkur / The Chamber Orchestra of Reykjavík
Una Sveinbjarnardóttir leiðari / leader
Björn Steinar Sólbergsson orgel / organ
Aðgangseyrir / Admission. ISK 4.900

17.4. Skírdagur / Maundy Thursday
20:00 Kvöldmessa og Getsemanestund / Evening Service and stripping of the Altar

18.4. Föstudagurinn langi / Good Friday
11:00 Guðsþjónusta / Service
13:00 – 18:15 Lestur Passíusálma / Reading of the Hymns of Passion

20.04. Páskadagur / Easter Sunday
8:00 Morgunguðsþjónusta / Morning Service
11:00 Hátíðarmessa / Festive Service

21.04 Annar í páskum / Easter Monday
11:00 Guðsþjónusta / Service

Opnunartímar / Opening hours
Kirkjan er opin / The church is open - 10:00 – 17:00
Turn og kirkjubúð / Tower and Church shop are open from 10:00 to 16:45. Vinsamlegast athugið takmarkanir á aðgengi að kirkju og turni á meðan á helgihaldi, athöfnum og tónleikum stendur og breyttan opnunartíma á hátíðardögum. ATH: Turn lokaður á föstudaginn langa. Páskadagur: Turn opnar 12:30
Kindly observe limitations to the church and tower during services and concerts and observe different opening visiting hours during festive days. Tower is closed on Good Friday! Easter Sunday: Tower opens at 12:30.

Miðasala / Tickets @ Hallgrímskirkju & tix.is
Frekari upplýsingar: 510 1000 I www.hallgrimskirkja.is

HALLGRÍMSKIRKJA – ÞINN STAÐUR!

Kvöldkirkja í kvöld 10. apríl kl. 20:00-22:00

Thu, 10 Apr 2025 11:32:00 GMT

Kyrrð, ró og íhugun einkenna kvöldkirkjuna í Hallgrímskirkju.
Prestar kirkjunnar og kirkjuhaldari flytja hugvekjur á 30 mínútna fresti.

Á meðfylgjandi mynd er Kira Kira, eða Kristín Björk Kristjánsdóttir. Hún er tónskáld, myndlistar- og kvikmyndargerðarkona og hefur í gegn um árin lagt áherslu á samstarf ólíkra listamanna og samruna listmiðla. Hún hefur haldið tónleika víða um heim, gefið út tíu plötur, þar af sex sólóplötur og nálgast lifandi flutning raftónlistar í gegn um myndlist og er útkoman einstök.

Kira Kira hefur verið með okkur í kvöldkirkjunni í þrjú ár og flytur tónlist sína kvöldkirkjunni í kvöld 10. apríl nk og á sumardaginn fyrsta, þann 24. apríl milli 20:00-22:00.

Öll velkomin!
HALLGRÍMSKIRKJA – ÞINN ÍHUGUNARSTAÐUR!

Prédikunarstóllinn - 16. mars 2025 / Hvað verður til í tómarúmi?

Mon, 07 Apr 2025 12:52:00 GMT

Hvað verður til í tómarúmi?

Náð sé með yður og friður, frá Guði föður vorum og Drottni Jesú Kristi.

Nú eru þrír dagar liðnir frá vorjafndægrum og því eru nú dagarnir orðnir lengri en næturnar. Þetta minnir okkur á orð Jóhannesar skírara þegar hann sagði um Jesú: „hann á að vaxa en ég að minnka“, en það er einmitt um jól sem dag tekur að lengja og síðan um jónsmessu sem dag tekur aftur að styttast. En jónsmessan er eins og margir vita messa Jóhannesar skírara.

En nú hefur birtan semsagt náð yfirhöndinni og við finnum svo vel hve gott er að fá að vakna til nýs dags í morgunbirtu. Stíga út í svalann og finna vorilm í loftinu.

Eins og endranær bjóða textar ritningarinnar okkur kjarngóðan boðskap og efni til hugleiðingar og í ljósi þess sem hér var nefnt um birtuna þá er gaman að í pistli dagsins er þetta sett í samhengi lífsins og þess lífsstíls sem postullinn telur ávöxt trúarinnar á Jesú Krist. „ Eitt sinn voruð þið myrkur en nú eruð þið ljós í Drottni.“ Rauður þráður í orðum hans er einmitt þetta að ávöxtur trúarinnar á Jesú Krist sé betra og göfugara líf, siðferðilegt líf, þar sem einkennisorðin eru gleði og birta. Eitt sinn voruð þið myrkur en nú eruð þið ljós í Drottni.

Í texta guðspjallsins ber margt á góma sem vert er íhugunar. Jesús segir þar til dæmis þessi orð um að hvert það ríki sem sé sjálfu sér sundurþykkt það leggist í auðn. Hann er þarna að veita andlega veikum manni líkn og eiginlega nýja tilveru og hlýtur samt af sumra munni gagnrýni og útúrsnúning. Í þessu eins og víðar, má sjá glögglega hvernig boðskapur Jesú beinist í senn að einstaklingnum sem hann horfist í augu við og síðan samfélaginu og þeim lögmálum siðum og venjum sem þar er haldið á lofti. Reglum sem stundum þjóna hagsmunum sumra en annarra ekki.

Mörgum þykir það mest um vert í frásögnum ritningarinnar af orðum og athöfnum Jesú Krists, að hann er stöðugt í tengslum við fólk af öllum mögulegu tagi ef svo má segja. Hann virðist ekki gera sér nokkurn mannamun sem var þó að líkindum enn sterkara fyrirbæri á hans dögum en nú. Hann mætir þannig hverjum og einum einstaklingi einmitt þar sem hann er á vegi staddur.

Hitt er ekki síður mikilvægt að orð hans vísa sömuleiðis til samfélagsins og þannig þess ramma sem fólk lifir í. Þar þurfa líka að ríkja réttlátar reglur, reglur sem gerðar eru til að þjóna lífinu og kærleikanum og réttlætinu og þannig skapa frið manna í millum. Enginn maður er eyland öll erum við í samskiptum á einn og annan hátt.

Jesús Kristur var þannig alls ófeiminn að gagnrýna ríkjandi reglur og venjur og eiginlega þvinga fólk til að horfast í augu við hvers kyns ranglæti og sérhagsmuni sem sannarlega viðgengust á hans tíma, líkt og á öllum tímum. Þess vegna er það sorglegt þegar fólk lítur svo á að kirkjan standi fyrir íhaldssemi og tregðu til breytinga og jafnvel tregðu til að efla jafnrétti og frelsi fólks til að lifa lífi sínu. Það er ekki hægt að segja annað en að Jesús hafi verið byltingarmaður enda voru örlög hans í samræmi við örlög svo margra bæði í nútíð og fortíð sem stigið hafa fram í nafni réttlætis og kærleika og goldið fyrir með lífi sínu.

Þótt öll þessi ár séu liðin frá því að Jesús var á dögum þá er það svo merkilegt að það sem hann segir og gerir talar ekki síður inn í aðstæður okkar í dag og það gerði á hans tíma.

Í guðspjallinu sem við heyrðum áðan talar hann um hvað gerist þegar við skiljum eitthvað eftir opið og án innihalds rétt eins og þegar illur andi er rekinn út og hann fer og reikar um og snýr svo aftur þá er hans aðsetur sópað og prýtt en þar er enginn til staðar. Svo hann fer og býður sínum líkum til dvalar með sér og ástandið verður enn verra en áður var.

Þessi lýsing kallast átakanlega á við ákveðið, ef svo má segja menningarástand sem haldið hefur verið á lofti í nafni mannréttinda að ekki megi halda að börnum neinu sem kalla mætti gildishlaðið. Þar á allt að vera opið og autt.

En hvað er það sem gerist? Er það ekki einmitt það sem Jesús er að segja, þar sem engin fyrirstaða er, þangað leitar hvað sem er og oft einmitt það sem ekki er af besta taginu. Hvergi er hættan meiri en einmitt í opnum og næmum huga barnanna. Það er því mikils um vert að börnin fái andlega næringu rétt eins og hina líkamlegu.

Það er ekki einungis á sviði einstaklingsins sem hætta er á ferðum heldur ekki síður í samfélagi sem ákveður að þar eigi eiginlega engin grundvallarviðhorf að gilda. Engin hugsjón um betra mannlíf, allt er lagt að jöfnu, jafnvel svo að margs konar réttindabarátta fólks sem árangur hefur náðst í með mikilli baráttu er nú víða í uppnámi.

Jesús bendir líka á þá ef svo má segja augljósu staðreynd en um leið mikilvægu, að hvert það ríki sem sé sjálfu sér sundurþykkt það fái ekki staðist. Sáttmáli er stórt og mikið hugtak í biblíunni, sáttmálinn milli Guðs og manna og þannig um leið sáttmáli milli manna. Við köllum slíka undirstöðu gjarnan stjórnarskrá þar er einmitt kveðið á um réttindi og frelsi einstaklingsins og ábyrgð hans og sömuleiðis um leikreglur stjórnvalda skyldur þeirra og ábyrgð og hversu langt þau megi ganga gagnvart frelsi einstaklinganna.

Mikið væri það nú dýrmætt ef orð spámannsins mættu rætast þegar hann segir þessi orð: Davíðs ætt og Jerúsalembúa læt ég fyllast anda samúðar og tilbeiðslu.

Já og ekki bara þar heldur um heiminn allan.

Við lifum á margan hátt viðsjárverða tíma, þá er gott að eiga góða að og þar er trúin á kærleiksríkan guð og leiðsögn frelsarans Jesú Krists það dýrmætasta sem í boði er. Allar breytingar þurfa að byrja í brjósti okkar sjálfra. Hann stendur við dyrnar og knýr á. Bjóðum heilögum anda til búsetu hjá okkur og þá mun hann standa vörð og veita styrk. Að það verði ekkert óvarið tómarúm.

Okkar kalda heimskaut fær nú stöðugt meira sólarljós og birtu og svo er einnig með okkur sem hér lifum og hrærumst. Biðjum þess að birta Drottins flæði inn í okkar sál og glæði og efli þau kærleiksblóm sem þar hefur verið sáð fyrir.

Þá verður fagurt um að litast í heimi.

Dýrð sé Guði föður og syni og heilögum anda, svo sem var í upphafi er enn og verða mun um aldir alda. Amen.

Sr. Eiríkur Jóhannsson

3. sunnudagur í föstu.

Lexía: Sak 12.10
En Davíðs ætt og Jerúsalembúa læt ég fyllast anda samúðar og tilbeiðslu og þeir munu líta til mín vegna hans sem þeir lögðu í gegn og harma hann jafnsárlega og menn harma lát einkasonar og syrgja hann jafnbeisklega og menn syrgja frumgetinn son.

Pistill: Ef 5.1-9
Verðið því eftirbreytendur Guðs svo sem elskuð börn hans. Lifið í kærleika eins og Kristur elskaði okkur og lagði sjálfan sig í sölurnar fyrir okkur svo sem fórnargjöf, Guði til þægilegs ilms.
En frillulífi og óhreinleiki yfirleitt eða ágirnd á ekki einu sinni að nefnast á nafn meðal ykkar. Slíkt hæfir ekki heilögum. Ekki heldur svívirðilegt hjal eða ósæmandi spé. Þakkið miklu fremur Guði. Því að það skuluð þið vita og festa ykkur í minni að enginn frillulífismaður eða saurugur eða ágjarn – sem er sama og að dýrka hjáguði – á sér arfsvon í ríki Krists og Guðs.
Látið engan tæla ykkur með marklausum orðum því að vegna þessa kemur reiði Guðs yfir þá sem hlýða honum ekki. Verðið þess vegna ekki lagsmenn þeirra. Eitt sinn voruð þið myrkur en nú eruð þið ljós í Drottni. Hegðið ykkur því eins og börn ljóssins. – Því að ávöxtur ljóssins er einskær góðvild, réttlæti og sannleikur. -

Guðspjall: Lúk 11.14-28
Jesús var að reka út illan anda og var sá mállaus. Þegar illi andinn var farinn út tók málleysinginn að mæla og undraðist mannfjöldinn. En sumir þeirra sögðu: „Með fulltingi Beelsebúls, höfðingja illra anda, rekur hann út illu andana.“ En aðrir vildu freista hans og kröfðu hann um tákn af himni.
En Jesús vissi hugrenningar þeirra og sagði: „Hvert það ríki, sem er sjálfu sér sundurþykkt, leggst í auðn, og hús fellur á hús. Sé nú Satan sjálfum sér sundurþykkur, hvernig fær ríki hans þá staðist – fyrst þér segið að ég reki illu andana út með fulltingi Beelsebúls? En reki ég illu andana út með fulltingi Beelsebúls, með hverju reka þá yðar menn þá út? Því skulu þeir vera dómarar yðar. En ef ég rek illu andana út með fingri Guðs, þá er Guðs ríki þegar yfir yður komið.
Þegar sterkur maður, alvopnaður, varðveitir hús sitt, þá er allt í friði sem hann á en ráðist annar honum sterkari á hann og sigri hann tekur sá alvæpni hans er hann treysti á og skiptir herfanginu.
Hver sem er ekki með mér er á móti mér, og hver sem safnar ekki saman með mér, hann sundurdreifir.
Þegar óhreinn andi fer út af manni reikar hann um eyðihrjóstur og leitar hælis. Og er hann finnur það ekki segir hann: Ég vil hverfa aftur í hús mitt, þaðan sem ég fór. Og er hann kemur og finnur það sópað og prýtt fer hann og tekur með sér sjö aðra anda sér verri og þeir fara inn og setjast þar að og verður svo hlutur þess manns verri eftir en áður.“
Er Jesús mælti þetta hóf kona ein í mannfjöldanum upp rödd sína og sagði við hann: „Sæll er sá kviður er þig bar og þau brjóst er þú mylktir.“
Jesús svaraði: „Já, því sælir eru þeir sem heyra Guðs orð og varðveita það.“

„Bach er besti vinur organistans og förunautur frá fyrsta orgeltíma og loka lífsins!“

Fri, 04 Apr 2025 10:25:00 GMT

UPPFÆRT: ÞETTA ER APRÍLGABB HALLGRÍMSKIRKJU 2025

Tue, 01 Apr 2025 10:58:00 GMT

Krossfesti Kristurinn Frásögn hans JK – Líf mitt eftir krossinn!

Fyrsta bók splunkuýs útgáfufélags Hallgrímskirkju, Jesus Publishing, er komin út.

Höfum við velt fyrir okkur lífi manns eftir dóm?
Höfum við velt fyrir okkur ævi manns eitt sinn drepinn?
Höfum við velt fyrir okkur lífi manns sem kominn er aftur á kreik?
...Lífið sem slíkur maður lifir, eftir lífið!

„En nú hefur hann gefið, ei þó logið út um nefið. Ef frá yðar færð hann leyfið, þá lætur hann ei meira eftir beðið. Þá er hann tilbúinn að vera... JESÚS“

Hér birtist fyrsta útgáfa á þessari mikilvægu frásögn Jesú Krists sem geymir einlægar lýsingar á lífinu eftir dauðann!

Hægt er að nálgast bókina í Hallgrímskirkju á íslensku og ensku.

Hallgrímskirkja og umfjöllun

Thu, 13 Mar 2025 12:55:00 GMT

Hallgrímskirkja er mjög vinsæl hjá bloggurum og á samfélagsmiðlum. Emily Fata er ung samfélagsmiðlastjarna sem stendur fyrir heimasíðu og samfélagsmiðlasíðum undir nafninu Wanderous affaris. Emily ferðast um heiminn og skrifar um ævintýri sín. Eftir Íslandsferð þar sem hún heimsótti m.a. Hallgrímskirkju skrifaði greinina "What to Do in Reykjavík in the Winter: Top Attractions, Hidden Gems, and Local Favourites" og nefnir þar Hallgrímskirkju "Reykjavík’s Sky-High Landmark with a Heavenly View". Við erum henni að sjálfsögðu sammála og ef þið hafið áhuga má lesa greinina hér á heimasíðunni Wanderous affairs

Prédikunarstóllinn / Freistingar valdsins - Fyrsti sunnudagur í föstu, 9. mars 2025

Wed, 12 Mar 2025 09:46:00 GMT

Freistingar valdsins
Fyrsti sunnudagur í föstu, 9. mars 2025

Nú er fastan gengin í garð og hinir hefðbundnu upphafsdagar að baki, bolludagur, sprengidagur og öskudagur.Ekki er nú víst að fólk almennt taki mikið mark á þessu dagatali kirkjuársins yfirhöfuð eða breyti mikið sínum lífsstíl á þessum tíma, þessum fjörutíu dögum fram að páskum sem við köllum föstu og var hér fyrr á öldum tekið alvarlega, ekki aðeins hér á landi heldur ekki síður í kaþólskum löndum suður við Miðjarðarhaf.

Svona sem innskot má nefna að þessi siður hafði mikil áhrif á viðskiptahagsmuni Íslendinga því um langt skeið fyrir daga frystingar þá var saltfiskur ein verðmætasta útflutningsvara okkar, það kom ekki síst til vegna þess að á föstunni var bann við neyslu á kjöti þá varð hinn saltaði fiskur mikilvæg fæða. Áfengisbannið sem sett var á í byrjun tuttugustu aldar rann út í sandinn þegar Spánverjar neituðu að kaupa af okkur fiskinn nema við keyptum af þeim rauðvín.

En nú í aðra sálma. Við höfum heyrt hér mikla lestra úr hinni helgu bók, lestra sem eru mikilvægir og skipta miklu fyrir skilning okkar á trúnni og stöðu mannsins í sköpunarverkinu. Frásögnin úr fyrstu Mósebók af syndafallinu er mikil grundvallarsaga, enda hafa fáar sagnir verið túlkaðar jafn oft af listafólki, eiginlega alveg fram á okkar daga og verið undirliggjandi leiðarstef í ljóðum og skáldskap.

Þarna kemur fram að forfeður okkar, einhver þúsund ára aftur í tímann hafa áttað sig á því að í manninum sem sannarlega býr yfir miklum hæfileikum og getu, býr líka einhver brestur. Hann gerir ekki alltaf það góða sem hann etv innst inni vildi gera. Hann sættir sig ekki við ramma og girðingar og leitar alltaf lengra en honum er sagt að gera. Hann át af skilningstrénu og varð líkari Guði en áður og öðlaðist reyndar um leið samvisku og vitund um rétt og rangt. Hann vissi að þau höfðu gert það sem þau áttu ekki að gera og þau skömmuðust sín en samt um leið og upp um þau komst þá stóðu þau ekki saman og notuðu í staðinn skynsemi sína til að reyna að vísa frá sér sökinni. „Konan sem þú gafst mér, hún gaf mér af trénu…“

Þaðan í frá þurftu þau að lifa erfiðu lífi og máttu hafa sig öll við til að komast af. Þannig hefur það verið allar götur síðan.

Þessi formáli kemur vel inn í samhengi frásagnarinnar af freistingu frelsarans Jesú Krists. Eftir að hafa verið skírður í ánni Jórdan þá liggur leið hans út í óbyggðirnar þar sem hans er freistað. Hann þarf að takast á við hinar stóru spurningar sem varða valdið sem honum var gefið. Alla þá möguleika sem slíkt vald gæti fært honum. Hann gæti séð öllum fyrir sínu daglega brauði og útrýmt hungri, hann gæti fyllt alla slíkri aðdáun að þau vildu allt fyrir hann gera og þannig gæti hann stjórnað öllum lýðnum eins og strengjabrúðum, engin myndi hreyfa andmælum allt væri vandræðalaust og fullkomið. Má ekki segja að í þessu felist draumur allra þeirra sem vilja láta aðra kenna á valdi sínu. Einræðisherrar, bæði fortíðar og nútíðar beita öllum brögðum til að losna við þá sem andmæla og vilja gera hlutina öðruvísi, þeir eru settir til hliðar eða jafnvel slegnir af. Stjórnarherrarnir gera sig guði líka. Úr gjallarhornum glymur þeirra sannleikur þeirra reglur. Í skjóli óttans ríkir friður, allt er kyrrt á yfirborði. Ef einhvers staðar sést grunsamlega hreyfing þá er hleypt af skoti.

Svo ótrúlegt sem það ætti að virðast þá er samt staðreynd að þetta er í mörgum löndum, enn í dag raunveruleikinn sem fólk lifir við. Ógnarstjórn, ógnarfriður, viðhaldið með ofbeldi og dauða. Draumur allra þeirra sem svona vilja stjórna er að ráða yfir hugsun fólks, geta þannig stýrt vilja þess og hegðun. Gera lýðinn að viljugum vélum.

Ógnvekjandi er öll sú tækni sem nú er til kominn, til þess að hlusta, sjá, skynja, lesa allt sem hver einasti þegn gerir og lætur frá sér fara. Þá er fljótlegt fyrir „stóra bróður“ að kippa þeim úr umferð sem ekki falla að gefnum viðmiðum. Það vofir sannarlega mikil hætta yfir víða um heim og raunar er engin þjóð óhult fyrir slíkum ógnum.

Mörg hver þekkja hina frægu smásögu Dostojevskís um Krist í Sevilja en hún gengur í stuttu máli út á það að í borginni Sevilla á Spáni á dögum rannsóknarréttarins þá birtist Jesú skyndilega á strætunum. Og umsvifalaust skynjar fólkið að þetta er eitthvað stórkostlegt og fólkið laðast að honum og gengur með honum. Þá er það rannsóknardómarinn sem lætur umsvifalaust handtaka hann og færir hann til yfirheyrslu. Framhaldið er svo ræða hans yfir Jesú þar sem hann ásakar Jesú harðlega fyrir þau miklu mistök að gefa fólkinu frjálsan vilja, fyrir það að segja nei við freistarann á sínum tíma,. Og nú séu þeir að berjast við að bæta fyrir brot hans með því að setja fólkinu strangar reglur og refsa þeim og taka úr umferð þau sem ekki hegða sér rétt. Það þarf að þeirra dómi að hafa vit fyrir lýðnum og segja þeim hvernig eigi að lifa og starfa.

Þarna kemur fram hjá höfundinum sá skilningur að trúin á Jesú Krist feli óhjákvæmilega í sér viðurkenningu á því að maðurinn hafi frjálsan vilja og enginn sé þvingaður til fylgdar við hann og þannig hefur hver einstaklingur val um að lifa góðu lífi eða ekki, val um að gangast undir þá leið sem Jesús bendir á. Þessi leið er sannarlega ekki alltaf auðveld og sagan kennir okkur að mennirnir og mannkynið allt hefur farið endalaust út af sporinu, gertmistök stór og smá.

Stöðugt spretta upp hópar og einstaklingar sem telja sig þess umkomna að stjórna öðrum og hafa vit fyrir þeim. Sagan kennir að oft byrjar þetta í smáu, maður réttir fram litlafingur en fyrr en varir þá er það allur handleggurinn og jafnvel meira.

Jesús sjálfur kom fram á tímum ofbeldis og ógnarstjórnar. Hann stóðst freistingar valdsins og skilaboð hans voru þau að hans ríki væri ekki af þessum heimi og umfram allt að ofbeldi verði aldrei kveðið niður með nýju ofbeldi. Ofbeldi elur af sér ofbeldi og af því verður til vítahringur sem enginn endir er á. Þetta höfum við séð svo sorgleg dæmi um einmitt á söguslóðum biblíunnar. Ástand sem varað hefur áratugum saman og engin endir virðist vera á.

Við getum talað um stóru myndirnar en allt þetta á líka við í hinu smáa, í samskiptum í fjölskyldum þar sem einhver einn lætur aðra finna fyrir styrk sínum umfram aðra og kallar eftir því að aðrir lúti vilja hans.

Þannig má segja að freistingar valdsins séu alls staðar til staðar. Orsökin er oft á tíðum djúpstæður ótti, ótti við að verða undir, verða skilinn eftir og þess vegna þurfi að vera fyrri til og taka frumkvæðið og tryggja sig. Jesús segir við allt það fólk sem þannig hugsar. Óttist ekki, mér er allt vald falið á himni og á jörðu, ég er með ykkur alla daga allt til enda veraldar. Líkamsdauðinn er ekki hin algeru endalok, dæmið er stærra og flóknara en svo. Þessi nálgun skapar manninum frið í hjarta og af slíkum frið sprettur meiri og stærri friður, söfnuður, samfélag þar sem hver og einn þegn fær að vera hann sjálfur og fær að hugsa og skapa að vild, svo lengi sem það skaðar ekki aðra. Umhverfi sem hefur þolinmæði og umburðarlyndi gagnvart ólíkum leiðum, ólíkum lífsstíl en er samt samstíga um grundvöllinn, leið kærleika og friðar. Guð hefur gefið manninum skapandi hugsun og frjálsan vilja. Það er sannarlega áhætta og sagan kennir að oft er farið í ranga átt. Hins vegar er einmitt þetta það sem skapar möguleikann á öllu því stórkostlega sem við erum fær um að gera og hugsa og framkvæma. Okkur er treyst og við erum elskuð og þegar við skynjum og finnum þetta frá Guði og heilögum anda þá geta góðir hlutir gerst, gott líf þar sem hver og einn hefur frið til að vera hann sjálfur og sömuleiðis hluti af samfélagi þar sem enginn er skilinn útundan. Þar sem öllum hlotnast stuðningur og umhyggja bæði frá Guði og mönnum.

Sr. Eiríkur Jóhannsson

Lexía: 1Mós 3.1-24
Höggormurinn var slóttugri en öll dýr merkurinnar sem Drottinn Guð hafði gert. Hann sagði við konuna: „Er það satt að Guð hafi sagt: Þið megið ekki eta af neinu tré í aldingarðinum?“
Konan svaraði höggorminum: „Við megum eta af ávöxtum trjánna í aldingarðinum en um ávöxt trésins, sem stendur í miðjum aldingarðinum, sagði Guð: Af honum megið þið ekki eta og ekki snerta hann, ella munuð þið deyja.“ Þá sagði höggormurinn við konuna: „Sannið til, þið munuð ekki deyja. En Guð veit að um leið og þið etið af honum ljúkast augu ykkar upp og þið verðið eins og Guð og skynjið gott og illt.“
Þá sá konan að tréð var gott af að eta, fagurt á að líta og girnilegt til fróðleiks. Hún tók af ávexti þess og át og gaf einnig manni sínum, sem með henni var, og hann át. Þá lukust upp augu þeirra beggja og þeim varð ljóst að þau voru nakin. Þau saumuðu því saman fíkjuviðarblöð og gerðu sér mittisskýlur.

Þá heyrðu þau til Drottins Guðs sem gekk um í aldingarðinum í kvöldsvalanum og maðurinn og kona hans földu sig fyrir augliti Drottins milli trjánna í aldingarðinum. Drottinn Guð kallaði á manninn og sagði við hann: „Hvar ertu?“ Og hann svaraði: „Ég heyrði til þín í aldingarðinum og varð hræddur því að ég er nakinn, og ég faldi mig.“ Hann sagði: „Hver sagði þér að þú værir nakinn? Hefur þú etið af trénu sem ég bannaði þér að eta af?“ Maðurinn mælti: „Konan sem þú hefur sett mér við hlið, hún gaf mér af trénu og ég át.“ Þá sagði Drottinn Guð við konuna: „Hvað hefurðu gert?“ Konan svaraði: „Höggormurinn tældi mig og ég át.“
Þá sagði Drottinn Guð við höggorminn: Af því að þú gerðir þetta skaltu vera bölvaður meðal alls fénaðarins og meðal allra dýra merkurinnar. Á kviði þínum skaltu skríða
og mold eta alla þína ævidaga. Ég set fjandskap milli þín og konunnar og milli þinna niðja og hennar niðja. Þeir skulu merja höfuð þitt og þú skalt höggva þá í hælinn.
Við konuna sagði hann: Mikla mun ég gera þjáningu þína er þú verður barnshafandi. Með þraut skaltu börn fæða, samt skaltu hafa löngun til manns þíns en hann skal drottna yfir þér.

Við Adam sagði hann: Vegna þess að þú hlýddir röddu konu þinnar og ást af trénu sem ég bannaði þér að eta af, þá sé akurlendið bölvað þín vegna. Með erfiði skaltu hafa viðurværi af því alla þína ævidaga. Þyrna og þistla skal landið gefa af sér og þú skalt lifa á grösum merkurinnar. Í sveita þíns andlitis skaltu brauðs þíns neyta þar til þú hverfur aftur til jarðarinnar því af henni ertu tekinn. Því að mold ert þú og til moldar skaltu aftur hverfa.

Adam nefndi konu sína Evu því að hún varð móðir allra sem lifa. Og Drottinn Guð gerði skinnkyrtla handa Adam og konu hans og lét þau klæðast þeim.
Og Drottinn Guð sagði: „Nú er maðurinn orðinn sem einn af oss fyrst hann ber skyn á gott og illt. Bara að hann rétti nú ekki út hönd sína, taki einnig af lífsins tré og eti og lifi eilíflega.“
Og Drottinn Guð lét manninn fara úr aldingarðinum Eden til þess að yrkja jörðina sem hann var tekinn af. Og hann rak manninn burt og setti kerúbana fyrir austan Eden og loga hins sveipanda sverðs til þess að gæta vegarins að lífsins tré.

Guðspjall: Matt 4.1-11
Þá leiddi andinn Jesú út í óbyggðina til þess að djöfullinn gæti freistað hans. Þar fastaði Jesús fjörutíu daga og fjörutíu nætur og var þá orðinn hungraður. Þá kom djöfullinn og sagði við hann: „Ef þú ert sonur Guðs þá bjóð þú að steinar þessir verði að brauðum.“
Jesús svaraði: „Ritað er: Eigi lifir maðurinn á einu saman brauði heldur á hverju því orði sem fram gengur af Guðs munni.“
Þá tekur djöfullinn Jesú með sér í borgina helgu, setur hann á brún musterisins og segir við hann: „Ef þú ert sonur Guðs þá kasta þér ofan því að ritað er:
Hann mun fela þig englum sínum og þeir munu bera þig á höndum sér að þú steytir ekki fót þinn við steini.“
Jesús svaraði honum: „Aftur er ritað: Þú skalt ekki freista Drottins, Guðs þíns.“
Enn tekur djöfullinn hann með sér upp á ofurhátt fjall, sýnir honum öll ríki heims og dýrð þeirra og segir: „Allt þetta mun ég gefa þér ef þú fellur fram og tilbiður mig.“
En Jesús sagði við hann: „Vík brott, Satan! Ritað er: Drottin, Guð þinn, skalt þú tilbiðja og þjóna honum einum.“
Þá fór djöfullinn frá Jesú. Og englar komu og þjónuðu honum.

Hið góða líf! / Að lokum

Sat, 08 Mar 2025 18:34:00 GMT

Hið góða líf !
Frið læt ég yður eftir, minn frið gef ég yður. Ekki gef ég yður eins og heimurinn gefur. Hjarta yðar skelfist ekki né hræðist. (Jóh. 14 : 27 )

Fimmta og síðasta fræðsluerindið undir yfirskriftinni „ Hið góða líf “ verður flutt þriðjudaginn 11. mars 2025 kl. 12.00. þar munu sr. Irma Sjöfn Óskarsdóttir og sr. Eiríkur Jóhannsson prestar Hallgrímskirkju taka saman efni fyrri erinda og spegla hugmyndir um hið góða líf í inntaki kristinnar trúar.

Léttar veitingar og öll velkomin!

HALLGRÍMSKIRKJA – ÞINN STAÐUR

Kór Hallgrímskirkju tekur þátt í 75 ára afmælistónleikum Sinfóníuhljómsveitar Íslands

Fri, 07 Mar 2025 12:08:00 GMT

Kór Hallgrímskirkju tekur þátt í 75 ára afmælistónleikum Sinfóníuhljómsveitar Íslands

Kór Hallgrímskirkju ásamt Kór Langholtskirkju og Sinfóníuhljómsveit Íslands á 75 ára afmælistónleikum sveitarinnar í Eldborg í Hörpu frumfluttu í gær Darraðarljóð eftir Jón Leifs. Í kvöld verða aðrir tónleikar hljómsveitarinnar fyrir fullum sal Eldborgar, en einnig var leikið fyrir fullu húsi í gær. Önnur verk tónleikanna eru frumfluttningur á Glaðaspraða sem er nýr hátíðarforleikur eftir Ingibjörgu Ýri Skarphéðinsdóttur. Einleikari á tónleikunum er Víkingur Heiðar sem flytur fimmta píanókonsert Beethovens og lýkur tónleikunum með flutningi á Ein Heldenleben eftir Richard Strauss. Hljómsveitarstjóri er Eva Ollikainen.

Ef þið hafið áhuga á að horfa á tónleikana í beinni útsendingu í kvöld, föstudaginn 7. mars kl. 19:30 er hægt að fylgja þessari smellu á heimasíðu RÚV.

Hér að neðan er texti um Darraðarljóð Jóns Leifs eftir formann Kórs Hallgrímskirkju, Svanhildi Óskarsdóttur.

Starfsfólk og kór Hallgrímskirkju óska Sinfóníuhljómsveit Íslands til hamingju með afmælið!

Myndir: SB

HALLGRÍMSKIRKJA – ÞINN STAÐUR!

Ferðamenn forðuðu sér inn í Hallgrímskirkju úr storminum á þriðjudaginn

Thu, 06 Mar 2025 11:10:00 GMT

Það gekk á með öllum veðrum á þriðjudaginn í Reykjavík og á milli sólargeisla og lognsins földu ferða- og heimafólk sig í Hallgrímskirkju. Þá varð nokkuð notarleg stemning í anddyrinu á meðan fólk beið eftir að komast aftur út og fylgja hér nokkrar myndir.

HALLGRÍMSKIRKJA – ÞINN STAÐUR Í VONSKUVEÐRI!

Öskudagsmessa og öskukross

Tue, 04 Mar 2025 11:45:00 GMT

Miðvikudaginn 5. mars verður öskudagsmessa í Hallgrímskirkju kl. 10.00.
Auk altarisgöngu verða þau er sækja messu signd öskukrossi á enni sem er í samræmi við forna kristna hefð.

Frétt um öskukross og öskudagsmessu má finna að baki þessari smellu .

HALLGRÍMSKIRKJA – ÞINN STAÐUR!

--ENGLISH--

On Wednesday, March 5th, there will be a mornign mass on Ash Wednesday at Hallgrímskirkja at 10:00 AM.
In addition to the altar procession, those attending Mass will be marked with an ash cross on their forehead, which is in accordance with ancient Christian tradition.

HALLGRÍMSKIRKJA – YOUR PLACE IN REYKJAVÍK!

Tölvustýrt kirkjuorgel á tónleikum í Hallgrímskirkju

Thu, 27 Feb 2025 15:02:00 GMT

Biblíudagurinn og konudagurinn 2025

Wed, 26 Feb 2025 13:17:00 GMT

Hinar mörgu myndir af orði Guðs, sáðkorni, frelsi, vanafestu og endurnýjun og lífi.

Náð, miskunn og friður frá Guði og Kristi Jesú, Drottni okkar. Amen
Þarna gengur hann um og hendir dýrmætu sáðkorninu út um allt, engin regla, engin mörk, engar plægðar rásir sem sáðkorninu er ætlað að falla í.

"Ég ætla að rækta þennan blett, ekki leggja sáðkornið í reglulegar fallegar raðir heldur kasta því að gleði og kappi út um allt þar sem það nær rótfestu, um allan heim." gæti verið í huga sáðmannsins.
Það er mikið frelsi og fegurð í sögunni af sáðmanninum (guðspjalli dagsins í dag)
, það er frelsi og þessi fallega áminning um að orðið fer þar sem því er haldið á lofti, talað, lesið, spekúlerað, spáð í. Það finnast alltaf kærleiksorð, stundum áminningarorð, sjaldan myrk en oftast björt. Orð í munni venjulegs fólks, orð í munni Jesú, fulltíða Móse, Aron bróður Móse, orð úr munni Guðs, engla, Serafa sem voru hæstir í englavirðingastiganum, sungu guðdómlega, Kerafa sem voru aðeins neðar, konu við brunn, litla Móse sem vaggar í vöggu á nílarfljóti, Debóru dómarakonu sem sat undir döðlupálma og dæmdi, kvenna sem dönsuðu af gleði með tambúrínur, Mirjam. Orð frá Mörtu og Maríu Lasarusi sem fékk líf, Pétri, hvatvísa postulanum, Jóhannesi, Leví, hugrökku Naomí og Rut, tengdadótturinni,
Þetta er orð Guðs, þvílík auðlegð.

Svo segir fólk líka margt fallegt um orð Guðs.
Steinunn Jóhannesdóttir, ein af lesurunum sem hafa lesið inn rit Biblíunnar, segir í B+ blaði Biblíufélagsins um orð Guðs:
„Þessi fornu textar hjálpa mér að sjá mitt eigið líf í samhengi við líf kynslóðanna...oft mjög erfið lesning og kröfuhörð en býður líka upp á miskunnsemi og huggun. Aftur og aftur erum við áminnt um að bera kærleikann hvert til annars því mannkynið er í vanda statt eins og oft áður..
Þess vegna kallast hún (Biblían) við sögur okkar, líf okkar, samtímann sem þarf að muna frið og kærleika Guðs til að við rötum“

Þegar við syngjum þá heyrum við ort um orð Guðs, traust til þeirra.
Við sungum um þau í sálmum Vilborgar Davíðsdóttur skáldkonu fædd 1965, hér í upphafi:
“Ég lít þig Drottinn í gleði tærri þú ert mér nærri”
“Ég lít þig Drottinn er degi hallar og mig þú kallar”

Við sungum líka sálm annarrar skáldkonu, Filippíu Kristjánsdóttur eða Hugrúnar, fædd 1905 - 60 ára aldursbil.
„Með þér er gott hér að ganga, götuna fram á leið,“
„svo þegar leið minni lýkur,
legg upp í hinsta sinn, hvað þá verður mér hvíldin góð….“

Það leikur andi orða Biblíunnar um hvert orð sem þessar skáldkonur hafa sagt um Guð, ort um Guð.
Þetta er orð Guðs.

Stundum verða orð Biblíunnar okkur eins og gamalt nöldur.
Orðin of kunnugleg, eins og maki þinn eða vinur eða vinkona þegar þú þekkir alla venjurnar og vanan, hvernig tannkremstúpan er kreist, hvar setið er við matarborðið, stefnuljósið aldrei notað, ostaskerinn á borðinu, eða skónum ekki raðað eða bara eitthvað svona smágert og smávægilegt. Þú rekur þig í gegnum daginn þekkir hvert orð og spor viðkomandi – svona næstum…
En þú lætur þér líka annt um þetta vanafasta, óbreytanlega, þessu sem er alltaf eins
Er það ekki hluti þess að sakna og syrgja þegar þetta hverfur og er ekki lengur.
Eins og þessi vanafasti gamalkunnugi félagi kemur dæmisagan af sáðmanninum til móts við okkur á Biblíudegi.

Það er kannski búið að þurrausa frásöguna hjá Lúkasi af þessum sem fór út að sá..
Fjöldi fólks sem var reyndar komið saman. Ef þau voru komin til að fá tilsögn og fræðslu í hagnýtri guðfræði þá fengu þau einhverskonar draumsýn eða dæmisögu um hversdagslega hluti þar sem Guðsríkinu er lýst eins og kunnuglegum vanabundnum hlut í akuryrkjusamfélagi samtíma Jesú.

Meistarinn reynir að segja þeim að þetta hversdagslega sem þau umgangast hvern dag, hversdagslegt líf þeirra eru umbúnaður um æðri og meiri sannleika. Hin gróðurskotna líking dæmisögunnar af ræktandanum mikla sem leggur sæði í jörðu og svo gerist eitthvað. Allt snýst þetta um hið lifandi orð sem á að lifa af fárviðri heimsins og mannfólksins sem teygir og togar á sambandi sínu við Guð. Þetta snýst líka um ábyrgð þess sem tekur við, hversu lifandi verður orð Guðs í lífi hans eða hennar. Okkur hættir til að einblína á jarðveginn eða telja hvað eru margir fuglar í mínum garði, hversu mikil klöpp, hversu margir þyrnar. Hvernig tek ég svo vel til í mínu lífi, hversu pottþétt verður mín framganga sem jarðvegur fyrir Guðs orð. Hverju áorka ég – en þá hlyti hún að heita dæmisagan um hinn fullkomna jarðaveg.
Það heitir hún ekki !
Heldur fjallar um lífsmátann sem býr í sáðkorninu og þann sem sáir endalaust. Gefst ekki upp heldur í gleði og gjafmildi feykir sáðkornum allsttaðar líka þar sem ekkert vex eða ætti að vaxa.

Það er gaman að skoða á konudegi að inngangurinn að sögunni um “sáðmanninn” er um þær sem styrktu boðun Jesú með fjármunum sínum og styrk. Heyrðu kannski dæmisöguna fyrst. Lúkas guðspjallamaður segir frá í upphafi 8. kafla að 12 hafi verið með honum og hópur kvenna…
Það læðist sú hugsun að mér – hann var vitur frelsarinn.
Jesús tók með sér kvenfélagið, þær Jóhönnu, Súsönnu, Maríu frá Magðdölum (Lúk. 8:1)
Þær voru styrktaraðilar – konurnar sem komu að gröfinni, fyrstu upprisuvottarnir.
Kirkjur hafa gjarnan orðið til og verið vegna kvennanna. Þær eru nafngreindar, þær eru styrkar stoðir, vinkonur Jesú,samstarfskonur og en svo eru það líka aðrar konur, sem komu út umhverfi þeirra fyrirlitnu og jaðarsettu...
Biblían á nöfn þeirra, nafnleysi og sögur og af hverju að vera upptekin af því jú þetta eru fyrirmyndir, í gegnum aldirnar. Þetta er orð Guðs.

Eina mótvægið við guðleysi og trúarandstöðu eru orðin okkar um orð Guðs. Frásögurnar sem hafa ekki gildi nema þær séu sagðar. Hefur þú velt fyrir þér sögu þinni.
Þegar þú heyrir sögur Biblíunnar, langar þig þá að deila þinni sögu, þinni reynslu, þinni trú ?
Er það ekki þannig sem andi Guðs hreyfir við veröldinni í gegnum okkur og tökum þátt í Guðs heimi með sögunum okkar.
Ekkert gerist af sjálfu sér. Guð vinnur sín verk í gegnum fólk og tilv eru okkar hér í veröldinni.
Þess vegna megum við ekki týna frásögunum, ekki þinni eða minni, ekki annarra. Þú ert líka þessi jarðvegur þangað sem orðin rata, Guðs orð

Fleiri orð um orð Guðs:
Það er fallega orðað hjá Jóni Kalmann Stefánssyni í bókinni „Himintungl yfir heimsins ystu brún“ Sagan sem segir frá grimmilegum morðum á Vestfjörðum, Baskavígunum 1615, sögumaðurinn í bókinni er prestur á Meyjarhóli, Pétur. Hann segir um erindi sitt til sóknarbarna
„ég færi þeim orð sem þau geta máske hnýtt utan um sitt hjarta, utan um sinn kvíða og fundist um stund veröldin ögn tryggari staður.“

Orð Guðs, hnýtt utan um hjartað og kvíðann.
Huggunarorð, orð um traust.

Traust til kvenna og styrkur þeirra. Orð Guðs
Lögun líkama hennar var þannig að hún var eins og neydd til að horfa á jörðina. Breytingin verður í krepptum líkama hennar.
Hún gat aðeins séð óhreinindi götunnar sem hurfu undir fætur hennar. Hún gat ekki litið upp og séð möguleikana. Gat ekki séð brosið á andliti samferðafólks. Gat ekki horft upp í himininn....Jesús kallaði á hana og inn á mitt gólf samkunduhússins
Konur voru vanalega við hliðar samkunduhússins, sátu á inngreyptum steinbekkjum sem voru meðfram hliðum samkunduhússins. Jesús hlýtur að hafa gengið að henni og leitt hana inn á mitt gólfið, sagt henni að hún væri laus við það sem hefði lamað líkama hennar á þennan hátt. Þá gat hún horft upp og fram fyrir sig. Ljós í orð Guðs
Á steinhörðu samkunduhússgólfinu var eins og fræið bæri ávöxt, kannski í sprungum margþvældra hellnanna.
Braut sér leið og náði að vaxa og blómstra og konan sem gekk niðurlút var reist við vegna orða Guðs.
Þess vegna eru það sögurnar – um tengslin við Jesú Krist. Guðs orð sem færir birtu inn í líf þeirra sem eru lotin, fyrirlitin, horft fram hjá, fórnarlömb fordóma, reiði.
Kannski þurfum við að muna það áfram það sem okkur þykir sjálfsagt í dag því enn eru staðir í veröldinni þar sem konur eru ekki vígðar sem prestar að ég tali ekki um aðrar kirkjudeildir.
Hvernig förum við með orð Guðs ? Ljós þess og von.
--------
Þorgeir Sveinbjarnarson tjáir fallega hugsun um hvernig sáð er ljósi og myrkri í sama reit.
“Eins og þú sáir”

Jörð þín liggur
í landi tímans

Í sama reitnum lifir
ljós og myrkur
Í sömu moldu sprettur
Sumar og vetur

Sáir þú ljósi?

Syngur jörðin þín
birtuskær vorljóð
eða haustsöngva
skugghljótt?

Margbrotinn ljóðtextinn, sáðkorn sem leggst í moldu, jörðina þína, vex og dafnar í hjúpandi myrkrinu. Ljósið þarf til að það vaxi.
og spurning Þorgeirs í ljóðinu er
Sáir þú ljósi ?
Sérðu ljós í orðum Guðs ? Biblíunni..
Konurnar mörgu sáu það, karlarnir sáu það.
Skynjuðu kraftinn í frækorninu sem fauk út í loftið út hendi þess sem sáði
Guð sáir ljósi og lætur jörðina syngja birtuskær vorljóð

Þetta er sagan um sáðkornið, orð Guðs sem er lifandi
Dýrð sé Guði föður, syni og heilögum anda.

Sr. Irma Sjöfn Óskarsdóttir

Biblíudagurinn og konudagurinn 2025
Guðspjall: Lúkas 8.4-15
Eftir þetta fór Jesús um, borg úr borg og þorp úr þorpi, prédikaði og flutti fagnaðarerindið um Guðs ríki. Með honum voru þeir tólf og konur nokkrar er læknaðar höfðu verið af illum öndum og sjúkdómum. Það voru þær María, kölluð Magdalena, er sjö illir andar höfðu farið úr, Jóhanna, kona Kúsa, ráðsmanns Heródesar, Súsanna og margar aðrar. Þær hjálpuðu þeim með fjármunum sínum.
Nú var mikill fjöldi saman kominn og menn komu til Jesú úr hverri borg af annarri. Þá sagði hann þessa dæmisögu: „Sáðmaður gekk út að sá sæði sínu. Og þá er hann sáði féll sumt hjá götunni og varð fótum troðið og fuglar himins átu það upp. Sumt féll á klöpp. Það spratt en skrælnaði af því að það hafði ekki raka. Og sumt féll meðal þyrna og þyrnarnir spruttu einnig og kæfðu það. En sumt féll í góða jörð, óx upp og bar hundraðfaldan ávöxt.“ Að svo mæltu hrópaði Jesús: „Hver sem eyru hefur að heyra hann heyri.“
En lærisveinar hans spurðu Jesú hvað þessi dæmisaga þýddi. Hann sagði: „Ykkur er gefið að þekkja leynda dóma Guðs ríkis, hinir fá þá í dæmisögum að sjáandi sjái þeir ekki og heyrandi skilji þeir ekki.
En dæmisagan þýðir þetta: Sæðið er Guðs orð. Það er féll hjá götunni merkir þá sem heyra orðið en síðan kemur djöfullinn og tekur það burt úr hjarta þeirra til þess að þeir trúi ekki og verði hólpnir. Það er féll á klöppina merkir þá sem taka orðinu með fögnuði er þeir heyra það en hafa enga rótfestu. Þeir trúa um stund en falla frá á reynslutíma. Það er féll meðal þyrna merkir þá er heyra en kafna síðan undir áhyggjum, auðæfum og nautnum lífsins og bera ekki þroskaðan ávöxt. En það er féll í góða jörð merkir þá sem heyra orðið og geyma það í göfugu, góðu hjarta og bera ávöxt með stöðuglyndi.

Legg mér Drottinn ljóð á tungu - Messa, sunnudaginn 16. febrúar í Hallgrímskirkju

Wed, 19 Feb 2025 10:06:00 GMT

Legg mér Drottinn ljóð á tungu
Messa, sunnudaginn 16. febrúar í Hallgrímskirkju

Við upphaf messunnar: Í söfnuði sem á sér langa sögu, byggingarsögu, tónlistarsögu, sálmasögu og prédikunarsögu sem mótuð er af svo mörgum af eldmóði og krafti sem Guð blæs í brjóst. Það er í anda virðingar og þakklætis að muna þau sem á undan okkur eru gengin en gáfu svo margt inn í framtíðina.

Sr. Karl Sigurbjörnsson þjónaði hér í Hallgrímssöfnuði um 23 ár eða þar til en hann var vígður til embættis Biskups Íslands árið1997. Hann gengdi því embætti um 14 ára skeið en þjónaði síðar um tíma sem prestur í Dómkirkjunni í Reykjavík.

“Legg mér Drottinn, ljóð á tungu.
ljóð sem bjartir englar sungu”
Yfirskrift messunnar hér í dag í Hallgrímskirkju er einmitt þessi ljóðlína úr einum sálma sr. Karls úr sálmbók íslensku kirkjunnar (707)
Við heiðrum minningu sr. Karls með því að syngja sálma hans hér í dag og endum á að syngja sumarsálminn góða- “Nú skrúða grænum skrýðist fold “ (nr. 766a í sálmbókinni) og ræsum aðeins vorið í hjarta okkar um leið. Það á líka vel við þegar við finnum að magn dagsbirtunnar eykst með hverjum degi.

Blessuð sé minning Karls Sigurbjörnssonar og þakkir fyrir arfleifð hans hér í Hallgrímskirkju og meðal Hallgrímssafnaðar.

Tökum vel undir í sálmasönginn og látum kirkjusönginn óma.

Orðum mínum til áherslu vitna ég í hirðisbréf Karls, Í birtu náðarinnar:
“Þegar söngurinn fyllir helgidóminn þá óma tré og steinn eins og feginsandvarp allrar sköpunarinnar …..
Og mannshjartað lýkst upp, það hjarta sem var skapað til að svara ávarpi Guðs.
Englar og menn, himinn og jörð mætast og fagna saman í birtu náðar Guðs.“

Sr. Irma Sjöfn Óskarsdóttir

Reynsla sem breytir lífi.

Thu, 13 Feb 2025 10:09:15 GMT

Reynsla sem breytir lífi.

Síðasti sunnudagur eftir þrettánda – Ummyndun
Lexía: 5 Mós 18.15 - 19
Spámann slíkan sem ég er mun Drottinn, Guð þinn, láta fram koma úr hópi ættbræðra þinna. Á hann skuluð þið hlýða. Hann mun að öllu leyti uppfylla það sem þú baðst Drottin, Guð þinn, um á Hóreb daginn sem þið komuð þar saman og þú sagðir: „Lát mig ekki heyra aftur þrumuraust Drottins, Guðs míns, né líta aftur þennan mikla eld svo að ég deyi ekki.“ Þá sagði Drottinn við mig: „Það sem þeir segja er rétt.
Fyrir þá mun ég láta fram koma spámann slíkan sem þú ert úr hópi bræðra þeirra. Ég mun leggja honum orð mín í munn og hann mun boða þeim allt sem ég býð honum. Og hvern þann sem ekki hlýðir á þau orð, sem spámaðurinn flytur í mínu nafni, mun ég sjálfur draga til ábyrgðar.

Pistill: 2 Pét 1.16-21
Ekki notaði ég uppspunnar skröksögur er ég kunngjörði ykkur mátt og komu Drottins vors Jesú Krists heldur hafði ég verið sjónarvottur að hátign hans. Því hann meðtók af Guði föður heiður og dýrð þá er raust barst honum frá hinni dýrlegu hátign: „Þessi er minn elskaði sonur sem ég hef velþóknun á.“ Þessa raust heyrði ég sjálfur koma frá himni þá er ég var með honum á fjallinu helga.
Nú getum við enn betur treyst orði spámannanna. Það er rétt af ykkur að gefa gaum að því eins og ljósi sem skín á myrkum stað þangað til dagur ljómar og morgunstjarnan rennur upp í hjörtum ykkar. Vitið það umfram allt að enginn þýðir neinn spádóm Ritningarinnar af sjálfum sér. Því að aldrei var nokkur spádómur borinn fram að vilja manns heldur töluðu menn orð frá Guði, knúðir af heilögum anda.

Guðspjall: Matt 17.1-9
Eftir sex daga tekur Jesús með sér þá Pétur, Jakob og Jóhannes, bróður hans, og fer með þá upp á hátt fjall að þeir væru einir saman. Þar ummyndaðist hann fyrir augum þeirra, ásjóna hans skein sem sól og klæði hans urðu björt eins og ljós. Og Móse og Elía birtust þeim og voru þeir á tali við Jesú. Pétur tók til máls og sagði við Jesú: „Drottinn, gott er að við erum hér. Ef þú vilt skal ég gera hér þrjár tjaldbúðir, þér eina, Móse eina og Elía eina.“
Meðan Pétur var enn að tala skyggði yfir þá bjart ský og rödd úr skýinu sagði: „Þessi er minn elskaði sonur sem ég hef velþóknun á. Hlýðið á hann!“
Þegar lærisveinarnir heyrðu þetta féllu þeir fram á ásjónur sínar og hræddust mjög. Jesús gekk til þeirra, snart þá og mælti: „Rísið upp og óttist ekki.“ En er þeir hófu upp augu sín sáu þeir engan nema Jesú einan.
Á leiðinni ofan fjallið bauð Jesús þeim: „Segið engum frá sýninni fyrr en Mannssonurinn er risinn upp frá dauðum.“

Reynsla sem breytir lífi.

Náð sé með yður og friður, frá Guði föður vorum og Drottni Jesú Kristi.

Sérhver nýr dagur mætir okkur með nýja reynslu og viðfangsefni. Reyndar er það svo að oft finnst okkur hver dagurinn öðrum líkur og lítið markvert hafi gerst. En er það endilega svo, getur ekki verið að okkur yfirsjáist og stundum sé það meira hvernig við sjálf hugsum og fylgjumst með, hvort eitthvað hefur skeð sem skiptir máli.

Roskinn maður sem ég þekkti var ekki alltaf glaður með lífið eftir að hann fór á eftirlaun og hafði jafnan við orð að það gerðist ekki neitt og það kæmi heldur enginn í heimsókn til þeirra hjóna. Seinna gafst mér tækifæri til að líta í dagbókina hans sem hann hélt samviskusamlega fyrir hvern dag. Með hefðbundnum hætti þ.e.a.s fyrst um veðrið og síðan um það sem gerst hafði. Þá sá ég svart á hvítu það sem mig hafði reyndar sterklega grunað að lífið var langt frá því eins tilbreytingarlaust og honum fannst sjálfum. Það leið varla sá dagur að einhver liti ekki við eða að þau hjón færu einhverra erinda út af heimilinu. Hann fór í sína daglegu göngu um hverfið og oft bar þar eitt og annað á góma, skólabörn sem hann skiptist á orðum við, fólk að viðra hundinn og eitt og annað óvænt. Ástæðan var, að ég held sú að af því að hann var ekki lengur í mikilvægu starfi þá fannst honum hann ekki hafa neitt hlutverk og hann fann sig ekki í nýrri stöðu, fann ekki nýjan takt.

Í dag heyrðum við frásögn af atburði sem án efa hefur haft mikil áhrif á þá sem þar urðu vitni. Þessi raunar stórfurðulega og allt að því absúrd saga af ummynduninni á fjallinu. Maður fær á tilfinninguna að orðin sem notuð eru nái ekki alveg að fanga það sem fyrir augu og eyru bar. Lærisveinarnir stara í forundran og berjast við að reyna að skilja það sem þeir sjá. Hljóta þetta ekki að vera spámenn fortíðar hinir miklu sem þarna standa hjá Jesú? Hljóta þetta ekki að vera skilaboð um að hér sé helgur staður? Og Pétur tekur af skarið, hér þarf eitthvað að gera. Reisum þrjár tjaldbúðir.

Greinilegt er að þessi atburður hefur haft mikil áhrif, ekki bara á þá sem þarna voru vitni heldur einnig þau sem fengu fregnir af honum og áfram eftir að kristin trú er orðin til og kirkja þá verður þessi frásögn ein af þeim sem staðfesta hina einstöku stöðu Jesú. Að hann og hans hlutverk var annað og meira en nokkurs annars. Rödd af himnum gengst við honum og því sem hann hefur að segja.

Í Pistli dagsins heyrðum við úr bréfi Péturs þar sem hann áréttar sannleiksgildi þessa atburðar og orð hans vitna um að hann hefur oft fengið að heyra það að þetta ásamt fleiru sem sagt var um Jesú, sé ekkert annað en, eins og hann orðar það sjálfur, uppspunnar skröksögur. Þannig er það ekkert nýtt í sögunni að leitast sé við að kasta rýrð á boðskapinn um Jesú Krist efast um hann og gefa í skyn að allt sé þetta innantómur tilbúningur.

Lærisveinar Jesú urðu vissulega fyrir því að verða vitni að hverjum umbreytandi viðburðinum á fætur öðrum en samt kemur það víða fram að lengi vel gekk þeim ekki vel að skilja samhengið í því sem Kristur hafði í huga og stefndi að. Jafnvel þótt hann segði þeim aftur og aftur hvernig endalokin yrðu og þau færu að nálgast þá skelltu þeir skolleyrum. Það gat ekki verið að svo færi þetta, það fór einfaldlega í bága við vonir þeirra og hugarheim. Það er eiginlega ekki fyrr en eftir upprisuna og varla þá heldur, jú þau sem þekktu Jesú skynjuðu vissulega mikilvægi þessa. Jesús birtist þeim í holdi og talaði við þau en steig svo upp til himna. Við úthelling heilags anda fimmtíu dögum síðar þá fyrst vaknar með þeim vitund um, ekki einvörðungu hversu umbreytandi þessi atburðir voru og einstakir í veraldarsögunni heldur væru þau sjálf kölluð til þess hlutverks að gera eitthvað með þetta allt. Miðla því áfram segja frá og skýra fyrir fólki merkingu hans og mikilvægi þess sem Jesús sagði og gerði.

Frægasta umbreytandi lífsreynsla sem nýja testamentið geymir er þegar Sál verður Páll postuli, þegar Jesús vitrast honum sem ekki var lærisveinn hans og hafði aldrei heyrt hann né séð í lifanda lífi og var raunar í hópi þeirra sem vildu kveða niður þessa að þeirra dómi, röngu og óþægilegu túlkun á vilja Guðs. Í kjölfar atburðarins þar sem hann var á leið sinni til Damaskus þá verður hann mikilvirkasti og áhrifamesti boðandi trúar á Jesú Krist og bréf hans vitna um það hversu mikið honum er niðri fyrir. Með Jesú er eiginlega komið nýtt viðmið já nýtt upphaf nýr adam er fæddur og hans afkomendur eru lausir undan klafa erfðasyndar.

Í blöðum og tímaritum og ýmsum miðlum er mikið um frásagnir og viðtöl við fólk sem fengið hefur nýja sýn á lífið. Oft er það í kjölfar erfiðrar lífsreynslu, lífsógnandi veikinda eða slysa eða vegna dauðsfalls eða veikinda einhvers þeim nátengdum. Að hafa horfst í augu við dauðann verður þannig oft til þess að lífið og gildismatið er endurmetið. Það lýkst upp að margt af því sem keppst var eftir og mikið lagt á sig fyrir var eftirsókn eftir vindi. Það vekur vitund um að hver dagur er dýrmæt gjöf sem vert er að fara vel með.

Það væri óskandi að fleiri gætu fengið þessa sýn án þess að þurfa að ganga í gegnum slíka erfiðleika. Lærisveinum Jesú og Páli postula þeim tókst að miðla nýrri sýn á lífið með sínum eldmóði og sannfæringu og líf og kærleikurinn og samheldnin sem ríkti í hinum fyrstu söfnuðum smitaði útfrá sér þannig að stöðugt fjölgaði hinum kristnu þótt ógn steðjaði að frá yfirvöldum í fyrstu.

Rétt eins og gamli maðurinn sem minnst var á í upphafi og kom ekki auga á hversu margt var þegar allt kom til alls dýrmætt í lífi hans og raunar gleðiefni þá er ekki víst að við þurfum endilega að lenda í hörmungum, standa á brún hyldýpis til þess að sjá líf okkar í nýju ljósi, átta okkur á því hvað það er sem raunverulega skiptir máli og hvað gerir það ekki.

Kannski þarf ekki annað en gefa gaum að orði Drottins, opna augun og hjartað og leyfa heilögum anda að hreyfa við okkur og gefa okkur nýjan skilning og einlæga gleði og umfram allt löngun til að láta gott af okkur leiða, vera á einhvern hátt gefandi og miðlandi í stað þess að vilja draga allt til okkar. Að gefa í stað þess að þiggja.

Þá getur venjulegur dagur orðið að mikilvægum degi sem skiptir máli, ekki bara fyrir mig heldur líka fyrir náungan sem á leið okkar verður.

Dýrð sé Guði föður og syni og heilögum anda, svo sem var í upphafi er enn og verða mun um aldir alda amen.

Sr. Eiríkur Jóhannsson

Frelsaðir eftir Örn Ingólfsson, ljóslistamann, verður varpað á Hallgrímskirkju á Vetrarhátíð!

Fri, 07 Feb 2025 15:21:00 GMT

Frelsaðir eftir Örn Ingólfsson, ljóslistamann, verður varpað á Hallgrímskirkju á Vetrarhátíð 2025.

Verkið táknar ljós, von og tilfinningar allt í senn. Þetta er í þriðja sinn sem verk hans eru á Ljósaslóðinni, það fyrsta Fangaðir var á Hegningarhúsinu á Skólavörðustíg, annað verkið var varpað úr Gróðurhúsinu á Lækjartorgi og í ár er það Frelsaðir á Hallgrímskirkju.

Ljóslistaverk og viðburðir þeim tengdum verða í gangi öll kvöld yfir hátíðina frá klukkan 18:30-22:30.

Heimilisfang:Hallgrímstorg 1, 101 Reykjavík

Dagskrá Vetrarhátíðar má finna hér!

HALLGRÍMSKIRKJA – ÞINN STAÐUR!

Prédikunarstóllinn: 1. febrúar 2025 / Leggjum á djúpið!

Thu, 06 Feb 2025 16:15:00 GMT

Leggjum á djúpið!

Prédikunarstóllinn: 1. febrúar 2025 / 4. sunnudagur eftir þrettánda

Náð sé með yður og friður, frá Guði föður vorum og Drottni Jesú Kristi.

Sólin hækkar á lofti og birtutíminn lengist dag frá degi. Það er Kyndilmessa og hér fyrr á árum var því veitt athygli hvernig sæist til sólar á þessum degi og þá var talið að hægt væri að segja til um veðurlagið í farmhaldi. Hvort eitthvað raunhæft sé til í því skal ósagt látið. Hins vegar vitnar þetta um það hversu mikilvægt veðrið og veðurfarið var í lífi og lífsbaráttu forfeðra okkar. Þar gat brugðið til beggja vona, milli lífs og dauða hvernig seinni hluti vetrar og vorið yrði, bæði fyrir menn og búpening.

Þær hafa því ekki verið ófáar bænirnar fyrir veðrinu sem beðnar hafa verið frá innstu hjarta rótum hér á landi.

Guðspjallið segir einmitt frá einni slíkri bæn sem beðin var í mikilli angist og raunverulegum lífsháska. Þetta er eins og við heyrðum lesið hér áðan, hin alkunna frásögn af því einstaka kraftaverki Jesú að lægja bæði vind og vatn. Hana er að finna í öllum þremur samstofna guðspjöllunum.

Þarna sjáum við dæmi þess að á augnabliki hafa aðstæður breyst þannig að fólk er í alvarlegum lífsháska. Og hvað gerir fólk þá? Það biður fyrir sér. Staðreyndin er sú að það gera víst flestir, jafnvel þótt þeir að öðru leyti gefi trú ekki mikinn gaum.

Getur verið að undirliggjandi í þessari frásögn sé að finna spurninguna um hugleysi og kjark. Í orðinu hugleysi má segja að felist að það vantar eitthvað mikilvægt það skortir skarpa hugsun og úrræði frammi fyrir aðsteðjandi vanda. Þetta er einmitt alþekkt fyrirbæri að í hættulegum aðstæðum þá getur það gerst að óttinn nær yfirhöndinni, fólk missir einbeitingu, finnur ekki hvað hægt er að gera svo afleiðingin verður verra tjón en það hefði þurft að vera.

Kristur ávítar þá félaga sína áður en hann vinnur hið undursamlega kraftaverk, hví eruð þið hræddir? Spyr hann þá. Nú skyldi enginn halda að hér sé verið að halda því fram að ekki sé oft á tíðum full ástæða til þess að vera hræddur og raunar er það nauðsynlegt til að skynja hættur og gera sig ekki sekan um fífldirfsku og vanmat á aðstæðum.

Það sem um er að ræða er mikilvægi þess að halda ró sinni og einbeitingu þegar hættulegar aðstæður koma upp og þá er bænin mikilvæg og vitundin um æðri mátt. Ekki til að vinna verkin fyrir sig heldur til þess að finna sig í öruggu skjóli á andlegan hátt. Og í hættulegum aðstæðum er trúin óendanlega mikilvæg.

Kraftaverk Jesú er dýrmætt tákn um kærleika Guðs. Og það er einmitt kærleikurinn sem er lykilhugtak trúarinnar.

Við heyrðum þetta áréttað í pistli dagsins þar sem Páll postuli talar um trúna á Jesú Krist og hvernig hún birtist okkur: Skuldið ekki neinum neitt nema það eitt að elska hvert annað.

Þetta eru hvorki mörg orð né flókin en við vitum öll að það er ekki einfalt að fylgja þeim, það er satt að segja eitt það flóknasta sem hægt er að takast á við. Kærleikurinn gerir ekki náunganum mein þess vegna er hann uppfylling lögmálsins. Í raun er hann að segja að það sé engin þörf fyrir flókna og langa lagatexta um það sem má og má ekki, langar runur af boðum og bönnum. Ef við aðeins getum haldið okkur við þetta góða lögmál sem birtist í Gullnu reglunni. Að koma fram við aðra eins og við viljum að komið sé fram við okkur.

Þannig er þetta með boðskap frelsarans Jesú Krists að leiðsögn hans er í senn einföld og skír um leið og hún er líka flóknari og dýpri en svo að nokkur mannlegur hugur geti náð utan um hana til skilnings í heild sinni.

Við settum sem yfirskrift þessarrar messu þessi orð: „Leggjum á djúpið.“ Margir kannast við fallegan sálm sem víða var sunginn í fermingum því þar er meðal annars að finna erindi sem byrjar svona: „legg þú á djúpið, þú sem enn ert ungur og æðrast ei þótt róður lífs sé þungur.“

Nútímalíf leggur mikla áherslu á þægindi. Allt á að vera auðvelt og notalegt og einfalt. Auglýsingarnar dynja á okkur um hið einfalda, þægilega líf sem hægt er að kaupa, nýr stóll, nýtt rúm, nýr bíll alltaf eitthvað sem er einfaldara, auðveldara og betra en áður. En er það endilega það eftirsóknarverðasta að hafa allt svona einfalt og auðvelt? Erum við ekki einmitt þannig gerð flest að við viljum mæta einhvers konar áskorunum og mótstöðu, við viljum hafa fyrir hlutunum og vinna okkur fyrir hvíld og góðum bita. Til þess þarf að þjálfa með sér þrautseigju og þolgæði og getu til að láta á móti sér.

Við þurfum að rækta með okkur hugrekki og kjark til að þora að vera við sjálf. Þora að standast áreiti og úrtölur og freistingar. Það þarf kjark til að tala máli kærleikans frammi fyrir valdhöfum líkt og við sáum í sjónvarpi frá Ameríku nýlega. Og það var eins og almenningsálitið hrykki við. Það er eitthvað að finna í hinum kristna boðskap sem skiptir máli og talar inn í raunverulegar aðstæður. Sú tilhneiging sem lengi hefur verið við lýði að afgreiða kristindóminn sem gamaldags og úrelta orðræðu og forða sjálfum sér þannig frá því að horfast í augu við sjálfan sig og alla sína eigin breyskleika, hún var allt í einu ekki svo sjálfsögð.

Það er engum til góðs að hrekjast endalaust til og frá undan vindum tíðarandans og rétt aðeins snerta yfirborðið á sérhverri hugsun og orðræðu. Og það sem meira er það er líka innantómt og gelt.

Við þurfum meira innihald meiri kjarna meiri dýpt. Og til þess þarf einmitt kjark og þor og dug til að leggja á djúpið og búa sig undir að fá á sig kaldar öldur beint í andlitið, búa sig undir það að þurfa að ausa og andæfa upp í vindinn og taka svo saman á árum þegar færi gefst samtaka og samhuga. Þannig sóttu forfeður okkar björg í greipar ægis á þunnum bátsskeljum og sættu færis milli öldutoppa að komast heilu höldnu með feng sinn upp í fjöru.

Samfélag þar sem hver hönd er uppi á móti annarri, hver orðræðan ætluð til að fella þá næstu er eins og sérhver ræðari veifi sinni ár eftir eigin geðþótta, ekkert gerist, en lífið er að veði þegar næsta brot ríður yfir. Þá getur það gerst að brimaldan moli árablöðin og hvolfi bátnum. Það hefur gerst og getur sannarlega gerst aftur en það er hægt að afstýra slysum. Með góðum vilja, með velvild og kærleika um fram allt samstöðu þá er hægt að vinna kraftaverk.

Tími kraftaverkanna er nefnilega ekki liðinn. Þau eiga sér stað í stóru sem smáu allt um kring. Við komum ekki alltaf auga á þau eða jafnvel leiðum þau hjá okkur því það fellur ekki inn í hina stöðluðu lífssýn að viðurkenna slíkt.

Trúin á Krist kallar okkur til þess að leggja á djúpið í fleiri en einu samhengi, hún hvetur okkur til þess að leggja lið sannleikanum og réttlætinu í stóru sem smáu. Hún hvetur okkur líka og ekki síður til þess að kafa í okkar eigin hugarfylgsni og horfast í augu við tilfinningar okkar, sögu okkar og ákvarðanir í lífinu, ekki til að banda því frá okkur og kveikja á næstu afþreyingu heldur til að vinna með það, horfast í augu við það og finna raunverulegar lausnir og ráð.

Þá er gott að vita af Jesú Kristi um borð í bátnum með okkur til að lægja öldur og stilla vind. Í Jesú nafni amen.

Sr. Eiríkur Jóhannsson, prestur í Hallgrímskirkju

Lexía: Jes 40.25-31

Við hvern ætlið þér að líkja mér,
hver er jafningi minn? spyr Hinn heilagi.
Hefjið upp augun og horfið til himins.
Hver hefur skapað allt þetta?
Það er hann sem kannar her stjarnanna, allan með tölu,
nefnir þær allar með nafni.
Þar sem hann er mikill að mætti og voldugur að afli
verður engrar vant.
Hvers vegna segir þú, Jakob,
hvers vegna talar þú svona, Ísrael:
„Vegur minn er hulinn Drottni,
Guð minn skeytir ekki um rétt minn.“
Veistu ekki eða hefur þú ekki heyrt
að Drottinn er eilífur Guð
sem skapaði endimörk jarðar?
Hann þreytist ekki, hann lýist ekki,
viska hans er órannsakanleg.
Hann veitir kraft hinum þreytta
og þróttlausum eykur hann mátt.
Ungir menn þreytast og lýjast,
æskumenn hnjóta og falla
en þeir sem vona á Drottin fá nýjan kraft,
þeir fljúga upp á vængjum sem ernir,
þeir hlaupa og lýjast ekki,
þeir ganga og þreytast ekki.

Pistill: Róm 13.8-10

Skuldið ekki neinum neitt nema það eitt að elska hvert annað því að sá sem elskar náunga sinn hefur uppfyllt lögmálið. Boðorðin: „Þú skalt ekki drýgja hór, þú skalt ekki morð fremja, þú skalt ekki stela, þú skalt ekki girnast,“ og hvert annað boðorð er innifalið í þessari grein: „Þú skalt elska náunga þinn eins og sjálfan þig.“ Kærleikurinn gerir ekki náunganum mein. Þess vegna er kærleikurinn uppfylling lögmálsins.

Guðspjall: Matt 8.23-27

Nú fór Jesús í bátinn og lærisveinar hans fylgdu honum. Þá gerði svo mikið veður á vatninu að bylgjurnar gengu yfir bátinn. En Jesús svaf. Þeir fara til, vekja hann og segja: „Drottinn, bjarga okkur, við förumst.“
Hann sagði við þá: „Hví eruð þið hræddir, þið trúlitlir?“ Síðan reis hann upp, hastaði á vindinn og vatnið og varð stillilogn.
Mennirnir undruðust og sögðu: „Hvílíkur maður er þetta? Jafnvel vindar og vatn hlýða honum.“

Viðvörun vegna veðurs / Attention due to bad weather forecast

Thu, 06 Feb 2025 10:29:22 GMT

Viðvörun vegna veðurs! / Attention due to bad weather forecast!

Hallgrímskirkja er opin í dag en vegna slæmrar veðurspár og mikils vindstyrks bendum við fólki á að fara varlega þegar komið er að kirkjunni, sérstaklega á torginu fyrir framan kirkjuna. Vinsamlegast skoðið veðurspá á https://vedur.is/

ATH: KYRRÐARSTUND FLLUR NIÐUR Í HÁDEGINU!

--ENGLISH--

Hallgrímskirkja is open today. Due to bad weather forecast and high wind, we ask people to be careful when approaching the church especially the square in front the church.

Please see weatherforecast at https://en.vedur.is/

ATTENTION: ORGAN AND MEDITATION AT NOON IS CANCELLED DUE TO WEATHER!

Ert þú í Þjóðkirkjunni?

Fri, 31 Jan 2025 13:49:43 GMT

Ert þú í Þjóðkirkjunni?
Skannaðu og kannaðu!

Það er þó nokkuð um það að fólk sem telur sig vera í Þjóðkirkjunni sé það ekki. T.d. dettur fólk út þegar það flytur til útlanda og er ekki skráð aftur inn þegar það flytur heim. Börn eru ekki skráð í kirkjuna þó að þau séu skírð nema báðir séu skráðir.

Hvetjum alla til að skoða sína skráningu, hvort hún sé rétt!

Blessuð sé minning Árna Grétars Jóhannessonar / Futuregrapher

Thu, 30 Jan 2025 09:21:00 GMT

Samstarfsfólk í Hallgrímskirkju vottar fjölskyldu, aðstandandendum og ástvinum Árna Grétars Jóhannessonar hjartanlega samúð vegna fráfal l s hans.
Hallgríms söfnuður naut tónlistarhæfileika hans og listrænnar næmni í Kvöldkirkjunni undanfarin ár.

Við minnumst hlýju hans og næmni sem birtist í fallegri tónlistinni sem eins og læddist um kirkjuna, um háar hvelfingar í rökkvaðri kirkjunni þar sem fólk kom og naut þess að hlusta og hvílast.

Guð blessi minningu Árna Grétars, hann er Guði falinn í þökk!

Samstarfsfólk Hallgrímskirkju

Ljósmynd: Ómar Sverrisson

Þessi er minn elskaði sonur / Prédikunarstóllinn, 12. janúar 2025

Fri, 24 Jan 2025 10:08:00 GMT

Þessi er minn elskaði sonur.

Fyrsti sunnudagur eftir þrettánda Skírn Jesú

Nú er hátíðatíminn að baki og hversdagurinn tekinn við. Eins og maður hlakkar til jóla og áramóta þá er það líka alveg ágætt þegar lífið fer aftur í sínar föstu skorður. Mér finnst ég hafa heyrt að skólabörnin séu til dæmis bara fegin að koma aftur í skólann og hitta félagana og fá verkefnum að sinna. Frí eru ágæt en verkefni og annir dagsins eru samt alltaf grunnurinn.

Textar þessa tíma í helgihaldinu eiga það sammerkt að ganga út frá upphafi á einn eða annan hátt. Barnið fæðist, barn er borið í musterið, vitringar koma í heimsókn. Og nú er það skírn Jesú. Þar með hefst hans boðunartími. Við þekkjum þetta vel hann fer eftir skírn sína út í eyðimörkina að biðjast fyrir og fasta, búa sig undir það sem framundan er. Að standast freistingar þegar svo mikið vald er þér falið.

Síðar verður það svo að skírnin fær þann sess að verða heilög vígsluathöfn þeirra sem vilja gangast Jesú Kristi á hönd og verða að meðlimum safnaða hans. Í kveðjuorðum sínum í Mattheusarguðspjalli hvetur hann til þess að gera allar þjóðir að lærisveinum og skíra til nafns föður sonar og heilags anda.

Að vatn tengist helgiathöfnum og trúarlegu atferli er ekki bundið við kristna trú. Trúarhópur sá sem hafðist við í hellum við Dauðahafið safnaði leysingavatni í risastórar þrær sem grafnar hafa verið upp og heimildir og minjar sína að þar hafa hreinsunarathafnir verið mikilvægur hluti af þeirra trúarlega ritúali og helgihaldi.

Nú nýlega sáum við í fréttum sagt frá árlegri hátíð hindúa í Indlandi þar sem fólk fer og baðar sig í ánni Ganges og þannig á táknrænan hátt þvær af sér syndir.

Vatnið í sjálfu sér er dýrmætt tákn, þessi forsenda lífsins sem það er og líkamleg hreinsun kallast á við þá andlegu hreinsun sem maðurinn þráir og leitar eftir.

Guðspjöllin segja ekkert um Jesú frá því hann er tólf ára í musterinu og þar til hann stígur þarna aftur inn á sviðið fullþroskaður maður.

Hvað hann gerði og fékkst við er þannig á huldu, við vitum að Jósef var smiður og því ekki ólíklegt að Jesú hafi fengist við það með honum.

Þegar hann stígur upp úr vatninu þá gerist þetta undur að andi Guðs stígur niður eins og dúfa og rödd af himnum segir þessi mikilvægu orð: „þessi er minn elskaði sonur sem ég hef velþóknun á“.

Þetta er stórkostleg frásögn og listamenn hafa á öllum öldum túlkað og notað þau tákn sem þarna birtast. Dúfan er tákn heilags anda og friðar.

En svo má líka sjá í þessu mikilvægt tákn fyrir okkur í eigin lífi og samskiptum kynslóða og uppeldi barna. Öll viljum við veita börnum okkar sem best veganesti út í lífið. Við leitumst við að kenna þeim ákveðna hegðun og láta þeim í té vitneskju og þekkingu af ýmsu tagi. Þó má segja að það sem mestu skipti sé hvernig til tekst með að byggja upp heilbrigða sjálfsmynd. Allt er þetta flókið og aldrei hægt að vita með vissu hver niðurstaðan verður, barnið lifir ekki bara með foreldrum sínum, það er hluti af heiminum og á í margskonar samskiptum. Alls kyns reynsla og margháttaðar breytur koma þarna inn. Þó má segja að fátt sé meira virði en vitund um að vera elskaður eða elskuð. Og það sem mest er um vert er að vera elskaður án þess að vinna til þess á einhvern hátt. Að fá að vaxa upp í þessari vitund að fólkið manns láti sér annt um mann og vilji manni allt hið besta. Sem betur fer er það staða flestra barna þótt dæmin séu alltof mörg um hið gangstæða og að börnin verði bitbein foreldranna.

Þetta grundvallarviðhorf elskunnar ætti samt ekki að hafa þau áhrif að ekki séu gerðar kröfur til barnsins og unglingsins. Endalaus hrós fyrir allt og ekkert gerir ekki annað en gengisfella merkingu og þann hvata sem hrós fyrir raunverulegan árangur hefur. Þegar allt er frábært og stórkostlegt sem barnið gerir þá verða hrósyrðin einskis virði. Þetta á heldur ekki að hafa þau áhrif að börnum séu ekki settar ákveðnar skorður í hegðun og framkomu. Það eru stórlega misskilin gæði að láta allt eftir börnum sínum og setja þeim enga ramma eða skorður. Það mætti láta sér til hugar koma að að baki slíkri hegðun sé framar öðru leti. Það kostar vissulega orku að setja reglur og standa við þær en það er einmitt það sem skapar ungviði öryggiskennd að finna sig í traustu utanumhaldi.

Þessi orð sem vitnað var til eru því gríðarlega mikilvæg í okkar lífi sem tengjum okkur við kristna trú. Þetta er yfirlýsing um eðli þess Guðs sem við játum trú á. Þarna er verið að leggja í erfiða ferð og henni er fylgt úr hlaði með yfirlýsingu um kærleikann. Ekkert er sagt um hæfileika eða getu á einhverjum sviðum. Bara þetta eitt ég elska þennan einstakling.

Hver sá einstaklingur sem stígur út í veröldina með þessi orð kærleikans í eyrum sér er líklegri til að sína öðru fólki umhyggjusama hegðun, hann er ólíklegri til þess að fyllast ótta og kvíða gagnvart áskorunum lífsins og kröfum, hann veit af sínu trausta baklandi, þessa heims og annars.

Það sem meira er í þessu samhengi. Við sjáum í spádómsorðum Jesaja spámanns að Guð hefir ætlað okkur mikilvægt hlutverk hann kallar okkur til starfa og þjónustu. Hann hefur okkur í huga í sinni ráðsályktun. Spámaðurinn skynjar og túlkar þessa stöðu: Ég er dýrmætur í augum Drottins og Guð minn varð minn styrkur.
Vitneskjan og tilfinningin fyrir því að eiga sér öruggt bakland í trú sinni og vitund um kærleiksríkan Guð er ómetanleg. Hún tryggir engum neitt umfram aðra í áhættuleik lífsins en hún gefur dýrmæta hugarró og styrk.

„Þessi er minn elskaði sonur“. Með þessi orð gekk frelsarinn Jesús Kristur á stað í sína boðunarferð um sitt land og meðal síns fólks en síðan um heiminn allan þar sem orð hans og gjörðir hafa breytt og göfgað líf milljarða manna. Biðjum þess að svo megi áfram verða og vonin um heim réttlætis og frið lifi.

Sr. Eiríkur Jóhannsson, prestur í Hallgrímskirkju

Lexía: Jes 49. 1-7

Hlýðið á mig, eylönd,
hyggið að, fjarlægu þjóðir.
Drottinn hefur kallað mig allt frá móðurlífi,
nefnt mig með nafni frá því ég var í móðurkviði.
Hann gerði munn minn sem beitt sverð
og huldi mig í skugga handar sinnar.
Hann gerði mig að hvassri ör
og faldi mig í örvamæli sínum.
Hann sagði við mig: „Þú ert þjónn minn,
Ísrael, ég læt þig birta dýrð mína.“
En ég svaraði: „Ég hef erfiðað til ónýtis,
sóað kröftum mínum til einskis og út í vindinn
en réttur minn er hjá Drottni
og laun mín hjá Guði mínum.“
En nú segir Drottinn,
hann sem myndaði mig í móðurlífi
til að vera þjónn sinn,
til að ég sneri Jakobi aftur til sín
og til að Ísrael yrði safnað saman hjá honum.
Ég er dýrmætur í augum Drottins
og Guð minn varð minn styrkur.
Hann segir: Það er of lítið að þú sért þjónn minn
til að endurreisa ættbálka Jakobs
og leiða þá aftur heim
sem varðveist hafa af Ísrael.
Ég geri þig að ljósi fyrir þjóðirnar
svo að hjálpræði mitt nái allt til endimarka jarðar.
Svo segir Drottinn, lausnari Ísraels, hans heilagi,
við hinn fyrirlitna
sem fólk hefur andstyggð á,
við þjón harðstjóranna:
Konungar munu sjá þetta og rísa upp,
höfðingjar falla fram
vegna Drottins sem er trúr,
vegna Hins heilaga Ísraels sem valdi þig.

Pistill: 1Pét 3.18-22
Kristur dó fyrir syndir í eitt skipti fyrir öll, réttlátur fyrir rangláta, til þess að geta leitt ykkur til Guðs. Hann var deyddur að líkamanum til en lifandi ger í anda. Þannig steig hann niður til andanna í varðhaldi og prédikaði fyrir þeim. Þeir höfðu óhlýðnast fyrrum, á dögum Nóa, þegar Guð sýndi biðlund og beið meðan örkin var í smíðum. Í henni frelsuðust fáeinar – það er átta – sálir í vatni. Þetta er fyrirmyndan skírnarinnar sem nú frelsar ykkur. Hún er ekki hreinsun óhreininda á líkamanum heldur bæn til Guðs um góða samvisku fyrir upprisu Jesú Krists sem steig upp til himna, situr Guði á hægri hönd, og englar, völd og kraftar eru undir hann lagðir.

Guðspjall: Matt 3.13-17
Þá kom Jesús frá Galíleu að Jórdan til Jóhannesar að taka skírn hjá honum. Jóhannes vildi varna honum þess og sagði: „Mér er þörf að skírast af þér og þú kemur til mín!“
Jesús svaraði honum: „Lát það nú eftir. Þannig ber okkur að fullnægja öllu réttlæti.“ Og Jóhannes lét það eftir honum.
En þegar Jesús hafði verið skírður sté hann jafnskjótt upp úr vatninu. Og þá opnuðust himnarnir og hann sá anda Guðs stíga niður eins og dúfu og koma yfir sig. Og rödd kom af himnum: „Þessi er minn elskaði sonur sem ég hef velþóknun á.“

Hallgrímskirkja lýst appelsínugulu

Thu, 23 Jan 2025 15:58:00 GMT

Hallgrímskirkja verður lýst appelsínugulum lit dagana 22. janúar til 12. febrúar 2025 til að sýna samstöðu með Krafti.

Kraftur er stuðningsfélag fyrir ungt fólk sem greinst hefur með krabbamein og aðstandendur og fer á þessu tímabili í árlega vitundar- og fjáröflunarherferð.

Lífið er núna dagur inn er 30. janúar nk. en tilgangur hans er að minna fólk á að staldra við og njóta líðandi stundar. Ekki bíða eftir “mómentinu” heldur skapa það þegar þig langar til! Einnig hvetja samtökin einstaklinga og vinnustaði til að brjóta upp hversdagsleikann með því t.d. að hafa hrós-dag, vinaleik, vera í sínu fínasta pússi eða bjóða upp á appelsínugular veitingar, hvetja starfsfólk til að fara í göngutúr í hádeginu og gera sér dagamun og huga að heilsunni.

Meðfylgjandi mynd tók Örn Erlendsson.

HALLGRÍMSKIRKJA – ÞINN STAÐUR!

Vetur & vor í Hallgrímskirkju

Mon, 13 Jan 2025 10:29:00 GMT

Ný tónleikaröð, Vetur og vor í Hallgrímskirkju 2025 hefst sunnudaginn 26. janúar kl. 17.00

Tónleikaröðin býður upp tíu á tónleika með frábæru listafólki og ættu allir tónlistarunnendur að finna eitthvað við sitt hæfi. Á dagskrá eru ólíkar tónsmíðar sem sýna mismunandi möguleika tónlistarflutnings í Hallgrímskirkju. Þá fáum við kóra, einsögnvara, einleikara, strengjasveit, kammersveit, spunameistara og frumflutt verða glæný tónverk. Orgelin skipa hér að sjálfsögðu stóran sess og þá verður m.a. frumflutt tónverk fyrir tölvustýrt kirkjuorgel.

Tónleikaröðin hefst með tónleikunum CANTOQUE SYNGUR HJÁLMAR sem einnig er hluti af Myrkum músíkdögum 2025.
Tónleikar Cantoque Ensemble á Myrkum músíkdögum 2025 eru helgaðir kórtónlist Hjálmars H. Ragnarssonar þar sem hópurinn flytur glænýtt verk Hjálmars sem hann samdi sérstaklega fyrir kórinn í tilefni tónleikanna. Einnig verða fluttir þættir úr Messu (1989) ásamt fleiri verkum eftir Hjálmar. Á undan tónleikunum ræðir Hjálmar H. Ragnarson við sýningarstjóra hátíðarinnar um tónskáldaferilinn og tilurð þeirra verka sem flutt verða á tónleikunum. Tónskáldaspjallið hefst kl. 16.
Stjórnandi á tónleikunum er Steinar Logi Helgason. Tónleikarnir eru haldnir í samstarfi við Myrka músíkdaga.
Miðasala fer fram í Hallgrímskirkju og á tix.is og er aðgangseyrir 3.900 kr.

HÁDEGISTÓNLEIKAR / Eyþór Franzson Wechner organist í Blönduóskirkju
Laugardagur 1. febrúar kl. 12
Eyþór flytur verk eftir Johann Sebastian Bach, Louis Vierne og César Franck.
Miðasala fer fram í Hallgrímskirkju og á tix.is
Aðgangaseyrir 2.900 kr.

HÁDEGISTÓNLEIKAR / ORGEL & MIDI
Laugardagur 1. mars kl. 12
Á tónleikunum verður frumflutt nýtt tónverk eftir Hlyn Aðils Vilmarsson fyrir tölvustýrt kirkjuorgel. Tækniaðstoð: Áki Ásgeirsson.
Miðasala í Hallgrímskirkju og á tix.is
Aðgangseyri 2.900 kr.

LISTAHÁSKÓLINN Í HALLGRÍMSKIRKJU
Laugardagur 29. mars kl. 14
Nemendur í tónlistardeild Listaháskóla Íslands koma fram á tónleikum í Hallgrímskirkju.
Ókeypis aðgangur

AFTANSÖNGUR MEÐ KÓR HALLGRÍMSKIRKJU á Boðunardegi Maríu
Sunnudagur 30. mars kl. 17
Flytjendur:
Kór Hallgrímskirkju
Steinar Logi Helgason stjórnandi
Björn Steinar Sólbergsson orgel
Ókeypis aðgangur

HÁDEGISTÓNLEIKAR / Björn Steinar Sólbergsson organisti í Hallgrímskirkju
Laugardagur 5. apríl kl. 12
Björn Steinar flytur orgelverk tengd föstutímanum eftir Johann Sebastian Bach.
Miðasala í Hallgrímskirkju og á tix.is
Aðgangseyrir 2.900 kr.

PERGOLESI – STABAT MATER
Pálmasunnudagur 13. apríl kl. 17
Flytjendur: Hallveig Rúnarsdóttir sópran
Hildigunnur Einarsdóttir messósópran
Strengjakvintett
Una Sveinbjarnardóttir leiðari
Björn Steinar Sólbergsson orgel

Miðasala í Hallgrímskirkju og á tix.is
Aðgangseyrir 4.900 kr.

HÁDEGISTÓNLEIKAR / Gunnar Gunnarsson organisti og Sigurður Flosason saxófónleikari
Laugardagur 3. maí kl. 12
Miðasala í Hallgrímskirkju og á tix.is
Aðgangseyrir 2.900 kr.

ARVO PÄRT – POULENC – FINNUR KARLSSON
Sunnudagur 18. maí kl. 17.00
Flytjendur:
Kór Hallgrímskirkju
Kammersveit Reykjavíkur
Álfheiður Erla Guðmundsdóttir sópran
Una Sveinbjarnardóttir leiðari
Björn Steinar Sólbergsson orgel
Steinar Logi Helgason stjórnandi
Miðasala í Hallgrímskirkju og á tix.is
Aðgangseyrir 5.900 kr

HÁDEGISTÓNLEIKAR / Arngerður María Árnadóttir orgel og Una Sveinbjarnardóttir fiðla
Laugardagur 7. júní kl. 12
Arngerður og Una hafa báðar mikið unnið með spuna og hafa á síðustu árum fengist æ meira við tónsmíðar samhliða öðrum verkefnum. Á tónleikunum munu þær flytja verk af plötunni Hik ásamt því að gefa áheyrendum forsmekk að næstu plötu sem er í smíðum.
Miðasala í Hallgrímskirkju og á tix.is
Aðgangseyrir 2.900 kr.

Miðasala fer fram í Hallgrímskirkju og á www.tix.is

HALLGRÍMSKIRKJA – ÞINN TÓNLEIKASTAÐUR!

Framkvæmdir lagna í norðurálmu 6. - 20. janúar 2025

Thu, 02 Jan 2025 13:00:00 GMT

Vegna framkvæmda í Hallgrímskirkju falla morgunmessur á miðvikudögum og kyrrðarstundir á fimmtudögum niður 6. til 20. janúar. Messað er sunnudaginn 12. og sunnudaginn 19. janúar en messukaffi fellur niður.

--ENGLISH--

Due to construction in Hallgrímskirkja, morning service on Wednesdays and Organ and meditation on Thursdays are cancelled from the 6th to the 20th of January. Refreshments after Sunday Service on the 12th and the 19th are also cancelled.

Áramót í Hallgrímskirkju 2024-2025

Tue, 31 Dec 2024 11:37:00 GMT

Áramót í Hallgrímskirkju 2024-2025

Hátíðarhljómar við áramót á Gamlársdag 31. desember 2024 kl.16.00
Hátíðarhljómar hafa um árabil notið mikilla vinsælda í tónlistarlífi Hallgrímskirkju. Í ár gefst tónleikagestum kostur á að njóta hátíðlegra tóna með Birni Steinari Sólbergssyni og North Atlantic Brass Quintet í ljósaskiptunum á síðasta degi ársins. Miðasala í Hallgrímskirkju og á tix.is

Aftansöngur á gamlárskvöld kl. 18.00
Prestur: Sr. Irma Sjöfn Óskarsdóttir
Organisti: Björn Steinar Sólbergsson
Kór Hallgrímskirkju syngur
Kórstjóri: Steinar Logi Helgason
Einsöngur: María Ösp Ómarsdóttir Hátíðarmessa á Nýársdag

Hátíðarmessa á Nýársdag, 1. janúar 2025 kl. 14.00
Prestur: Sr. Eiríkur Jóhannsson
Organisti: Björn Steinar Sólbergsson
Félagar úr Kór Hallgrímskirkju syngja
Kórstjóri: Steinar Logi Helgason
Einsöngur: Hallveig Rúnarsdóttir

HALLGRÍMSKIRKJA – ÞINN STAÐUR UM ÁRAMÓTIN!

Beint streymi frá helgihaldi úr Hallgrímskirkju á aðfangadag

Tue, 24 Dec 2024 10:57:00 GMT

Beint streymi frá helgihaldi í Hallgrímskirkju á aðfangadag

Streymt verður á netinu beint frá athöfnum í Hallgrímskirkju á aðfangadag með link af MBL, Facebook og heimasíðu kirkjunnar.

Á aðfangadag verður hægt að fylgjast með streymi frá aftansöng klukkan 18.00 og guðsþjónustu á jólanótt klukkan 23.30.

Hér fyrir neðan má finna hlekki á streymið frá helgihaldinu í Hallgrímskirkju á aðfangadag en um tvö þúsund manns sækja Hallgrímskirkju að jafnaði fyrstu jóladagana ár hvert og með streyminu getum við boðið öllum, hvar sem dvalið er um jólin, að vera með okkur.

HALLGRÍMSKRKJA – ÞINN STAÐUR UM JÓLIN!

Hátt í 1000 börn sáu Jólin hans Hallgríms í Hallgrímskirkju á aðventunni í ár

Mon, 23 Dec 2024 16:14:00 GMT

Sýningum á Jólunum hans Hallgríms í Hallgrímskirkju í er lokið í ár. Leiksýningin er byggð á sögu Steinunnar Jóhannesdóttur og var þetta í tíunda sinn sem sagan var sett upp.

Hátt í 1000 leik- og grunnskólabörn heimsóttu Hallgrímskirkju í desember og sáu sýninguna og má svo sannarlega segja að það hafi verið líf og fjör í kirkjunni. Börnin sem komu í heimsókn fengu að sjá, ekki einn, heldur tvo Hallgríma Péturssyni, heyra Björn Steinar Sólbergsson organista spila jólalög á stærsta hljóðfæri Íslands og ef þau voru heppin fengu þau einnig að sjá Hallgrímskirkju byggða úr legókubbum og landsins stærstu tær!

Bókin segir frá undirbúningi jólanna hjá Hallgrími Péturssyni sem ungum dreng og fjölskyldu hans. Í frábærlega skemmtilegri sviðsetningu Pálma Freys Haukssonar og Níelsar Thibaud Girerd fengu börnin að heimsækja gamla baðstofu á sveitabænum Gröf á Höfðaströnd, sem sett var upp í Norðursal kirkjunnar, og kynntust þau því hvernig jólin voru haldin hátíðleg fyrir 400 árum. Leikararnir brugðu sér í líki persóna bókarinnar og sjá má þar á meðal Hallgrím Pétursson sem sjö ára prakkara og fundu sanna jólagleði.

Hallgrímskirkja úthlutar til hjálparstarfs

Mon, 23 Dec 2024 07:50:00 GMT

Sóknarnefnd Hallgrímskirkju ákvað á jólafundi sínum í ár að veita 6.5 milljónum króna úr Líknarsjóði kirkunnar til Hjálparstarfs kirkjunnar, Kristniboðssambands Íslands, til Rótarinnar vegna Konukots og til Kaffistofu Samhjálpar.

Ryðjum Drottni beina braut – Þriðji sunnudagur í aðventu 2024

Tue, 17 Dec 2024 17:59:00 GMT

Guðspjall: Matt 11.2-10
Jóhannes heyrði í fangelsinu um verk Krists. Þá sendi hann honum orð með lærisveinum sínum og spurði: „Ert þú sá sem koma skal eða eigum við að vænta
annars?“ Jesús svaraði þeim: „Farið og kunngjörið Jóhannesi það sem þið heyrið og sjáið: Blindir fá sýn og haltir ganga, líkþráir hreinsast og daufir heyra, dauðir rísa upp og fátækum er flutt fagnaðarerindi. Og sæll er sá sem ekki hneykslast á mér.“ Þegar þeir voru farnir tók Jesús að tala til mannfjöldans um Jóhannes: „Hvað fóruð þér að sjá í óbyggðum? Reyr af vindi skekinn? Hvað fóruð þér að sjá? Prúðbúinn mann? Nei, prúðbúna menn er að finna í sölum konunga. Til hvers fóruð þér? Að sjá spámann? Já, segi ég yður, og það meira en spámann. Hann er sá sem um er ritað: Ég sendi sendiboða minn á undan þér, hann á að greiða þér veg.

Guðspjallstextar aðventunnar koma úr ýmsu samhengi og ýmsum áttum ef svo má segja. Flest þekkjum við þá hefð að minnast innreiðarinnar í Jerúsalem á fyrsta sunnudegi í aðventu. Síðan er það um endalok tímanna á öðrum sunnudegi og nú er það svo Jóhannes skírari sem stígur inn á sviðið með sína spurningu til Jesú.
Allir eiga þessir textar þó það sameiginlegt að vekja hugrenningatengsl við það fyrirbæri að eitthvað mikilvægt sé í vændum. Eitthvað nýtt sem muni breyta lífi fólks og forgangsröðun. Er það dómur, er það sigur, er það ný veröld á nýjum forsendum?

Í textum biblíunnar má segja að gegnumgangandi stef sé von. Von um betri tíð, meira öryggi, meira frelsi.
Framganga Jóhannesar var í anda spámanna Ísraels sem við suma hverja þekkjum og rit þeirra hafa varðveist en vissulega hafa þeir verið fleiri sem hafið hafa upp raust síns og gagnrýnt valdhafa og lífsstíl síns fólks og goldið fyrir það með lífi sínu. Og orð þeirra síðan orðið gleymskunni að bráð. Nú hafði Jóhannes leyft sér að segja eitthvað um Heródes og konu hans sem ekki féll í kramið og því hafði hann verið hirtur upp og honum kastað inn í dimmt skot. Enn var hann samt sem
áður upptendraður af hinni brennandi þrá eftir því að Drottinn kæmi þjóð sinni til bjargar. Hann hefur sennilega rennt í grun, það sem síðar kom á
daginn að lífdagar hans yrðu ekki mikið fleiri. Kannski hefur hann einmitt þess vegna viljað fá fregnir af Jesú og því hvort nú sé loksins að rætast sú heita þrá að drottinn sendi heiminum lausnara sinn.
Jesús notar tækifærið til þess að ögra viðteknum hugmyndum og eiginlega þvinga fólkið til að hugsa hlutina og samhengi þeirra uppá nýtt rétt eins og hann gerði svo oft. Hvað fóruð þið að sjá spyr hann? Einhvern gaur á sparifötum. Nei sannarlega ekki, en orðin sem hann mælti þau voru mikilvæg og hafa lifað. Hann var jafnvel meira en spámaður.
Grunnþema þessa tíma aðventunnar er eftirvænting og von um betri daga. Og náttúran spilar með okkur í þessu hér á norðurslóðum með dvínandi birtu. Þar til viðsnúningur verður og hin margfrægu hænuskref taka að færa okkur agnarlítið lengri dag og meiri birtu. Þau taka undir þetta orðin hans Jóhannesar um Jesú. Hann á að vaxa en ég að minnka. Allt er í heiminum hverfult en grunnreglur Guðs þær vara og stefna upp, fram og í átt til ljóssins.
Búningur og klæðaburður Jóhannesar skírara hefur löngum fylgt frásögnum af honum hann var ekki spariklæddur eða eftir neinum viðteknum venjum. Þetta leiðir hugann að því hversu mikið hlutverk klæði okkar leika í lífi og samskiptum. Meðvitað og ómeðvitað sendum við skilaboð með því hvernig við klæðumst.
Þá kemur mér í hug þessi siður sem segja má að sé fremur nýr en það er að klæðast því sem kalla má ljótri jólapeysu. Siður sem svo sem vænta mátti er sagður upprunninn í henni ameríku og sennilega í sjónvarpsseríum.

Í fyrstu þá verð ég að viðurkenna að þetta fannst mér einstaklega furðulegt og eiginlega fáránlegt. Frá öllum sjónarhólum séð að heita má.
Hvaða tilgangi getur það þjónað að draga fram furðuflíkur og kenna þær við jólin. Ég játa að ég gat bara ekki skilið þetta.
Svo var það hér um daginn að ég mætti einhverjum í sannarlega ljótri jólapeysu og viðbrögðin voru þau að ég gat ekki stillt mig um að brosa og eiginlega hlæja, svona mest í laumi þó. Þá var eins og lykist upp fyrir mér ný sýn. Ekki var hún háspekileg en samt bísna mikilvæg. Er þetta ekki einmitt tilgangurinn, að laða fram bros og jafnvel hlátur, já skapa andrúmsloft glaðværðar og léttleika. Í stað formlegheita kemur léttleiki og frelsi.

Jóhannes skírari átti örugglega enga ljóta jólapeysu en hann var samt óvenjulega klæddur og hegðaði sér á vissan hátt undarlega og kom fólki framandi fyrir sjónir. Hann vakti athygli en markmið hans var ekki að vekja athygli á sjálfum sér heldur þeim boðskap sem hann brann fyrir. Hann hvatti fólk til að endurskoða líf sinn og lífsstíl og bauð því að stíga úr í fljótið til sín og takast á hendur táknræna hreinsun. Hann vildi ryðja braut fyrir því sem koma skyldi. Gera veginn breiðan og sléttan áður en englasveitin kæmi inn til lendingar.
Kannski er það einmitt kjarni málsins á aðventunni. Að ryðja brautir, við þekkjum það vel að ryðja vegi hér á landi þar sem stundum snjóar svo að allt situr fast. Það getur nefnilega líka gerst í eigin sálarlífi að allt sitji fast, hjólin spóla laus í skafli en við sitjum samt kyrr og komumst hvergi. Þá þarf að moka eða kalla til hjálp, einhver sem eru reiðubúin að leggja lið og styðja, sem koma setja band í og draga yfir hindrun og þá er hægt að halda áfram af eigin rammleik. Það versta sem hægt er að gera er að gera ekki neitt.

Í hinu trúarlega samhengi er markmið aðventunnar að ryðja braut að skoða huga sinn og leitast við að gera sér grein fyrir því hvað það er sem stendur í vegi fyrir því að ég geti gengið með opnum huga inn í undur jólahátíðarinnar. Tekið jólabarnið í faðminn og fundið kærleikann fylla hjartað. Og þeir eru þess eðlis margir af okkar góðu siðum. Að finna gjafir fyrir fólkið sitt, eitthvað sem við vonum að geti orðið þeim til gleði.
Að senda kveðjur til vina fjær og nær. Að gefa í hjálpar eða líknarstarf til handa þeim sem þurfa á aðstoð að halda. Að skreyta prýða og lýsa upp heimili sitt. Að fara og kveikja ljós og setja litla skreytingu á leiði ástvina.

Allt eru þetta dæmi um jákvæða og dýrmæta siði sem einmitt eru til þess gerðir að ryðja braut, opna leið að eigin hjarta fyrir hinn sanna jólaanda, gleði og kærleika sem kemur með Jesúbarninu. Við skulum nota þá fáu daga sem enn eru til jóla í einmitt þetta, að opna og greiða leiðir í átt til annars fólks og í átt til trúarinnar, í átt til Guðs sem opinberar sig í litlu barni.

Dýrð sé Guði, föður og syni og heilögum anda svo sem var í upphafi er enn og verða mun um aldir alda amen.

Sr. Eiríkur Jóhannsson, prestur í Hallgrímskirkju

Fjölskyldumessa, jólaball og Syngjum jólin inn! á fjórða sunnudegi í aðventu.

Mon, 16 Dec 2024 13:34:00 GMT

Sunnudaginn 22. desember er fjórði sunnudagur í aðventu

Kl. 11.00 verður fjölskylduguðsþjónusta
Prestur er Sr. Eiríkur Jóhannsson
Perlukórinn syngur, stjórnandi Guðný Einarsdóttir
Fiðluhópur Lilju Hjaltadóttur
Organisti: Björn Steinar Sólbergsson
Umsjón með barnastarfi: Rósa Hrönn Árnadóttir, Erlendur Snær Erlendsson og Kristbjörg Katla Hinriksdóttir.

Jólaball í safnaðarsalnum eftir guðsþjónustuna

SYNGJUM JÓLIN INN! / Kórsöngur, almennur söngur & lestrar á fjórða sunnudegi í aðventu 22. desember klukkan 17:00 í Hallgrímskirkju.

Útsending frá jólatónleikadegi evrópskra útvarpsstöðva í dag 15. desember kl. 21.00.

Sun, 15 Dec 2024 16:35:18 GMT

Útsending frá jólatónleikadegi evrópskra útvarpsstöðva verður í dag 15. desember kl. 21.00.

Tónleikarnir Bach á aðventunni sem voru í Hallgrímskirkju á fyrsta sunniudegi í aðventu. 1. desember 2025 verða fluttir í heild sinni.
Kór Hallgrímskirkju og Barokkbandið Brák flytja verk eftir Johann Sebastian Bach.
Einsöngvarar eru Harpa Ósk Björnsdóttir, Hildigunnur Einarsdóttir, Bragi Bergþórsson og Fjölnir Ólafsson.
Einleikari: Halldór Bjarki Arnarson.
Stjórnandi: Steinar Logi Helgason.
Kynnir: Bergljót Haraldsdóttir

Hlusta má á útsendinguna HÉR!

HALLGRÍMSKIRKJA – ÞINN STAÐUR Á AÐVENTUNNI!

Jólin Hans Hallgríms í sunnudagaskólanum

Fri, 13 Dec 2024 11:47:00 GMT

Boðið verður upp á sýninguna Jólin hans Hallgríms í Sunnudagaskólanum í Hallgrímskirkju á þriðja sunnudegi í aðventu þann 15. desember 2024.

Börnin fá stutta endursögn úr bókinni Jólin hans Hallgríms eftir Steinunni Jóhannesdóttur en sagan segir frá undirbúningi jólanna hjá Hallgrími Péturssyni þegar hann var ungur drengur og hvernig jólin voru fyrir 400 árum á Íslandi. Í baðstofu sem sett var upp fyrir sýninguna má finna muni sem fjallað er um í bókinni og leikararnir Níels Thibaud Girerd og Pálmi Freyr Hauksson töfra upp jólastemningu sem vísa til sögunnar.

HALLGRÍMSKIRKJA – STAÐUR BARNANNA

Hjálparráð heimsins

Wed, 11 Dec 2024 17:36:00 GMT

Hvað er mikilvægast alls?

Hjálparráð heimsins Hvað er mikilvægast alls ?, Að þessu voru fermingarungmennin sem sækja saman fermingarfræðslu í Dómkirkjunni og Hallgrímskirkju spurð að í liðinni viku í tengslum við jólin og aðdraganda þeirra. Og svörin þeirra sem tekin voru saman í kjölfar fræðslunnar voru falleg, skynsamleg, viturleg, báru vott um samkennd og samlíðan, kærleika: “Vera ánægð þakklát, muna fæðingu Jesú, finna samkennd með þeim sem eiga bágt. Muna vináttu, gleði, eiga samveru með fjölskyldunni. “ Eiga innihaldsrík tengsl og samveru með þeim sem við elskum. Finna hamingju, kærleika, umhyggju, lífið, örlæti, tengsl, Þetta var mikilvægast alls.
Aðventan er tími sem kallar fram skala af tónum og litum. Sorgin verður dýpri, einmannaleikinn nöturlegri, fátæktin sárari, gleðin dýpri, tengslin mikilvægari og gjafmildin sterkari. Tengsl eru svo mikilvæg um leið og einmannleiki er meinsemd í okkar samtíma. En svör unga fólksins voru fallegri en allt annað og það er ljúft að vita til að þetta er mynd barnanna okkar, komandi kynslóða, ömmu- eða afa barna, sem eru að taka út þroska á leið til fullorðinsára.

Um leið og við hugleiðum þetta þá renna fyrir sjónum okkar heimsmyndir kynslóða, ógnvænlegar oft. Guðspjall dagsins í dag leiðir okkar því í orðum þess eru dregnar upp táknmyndir sem lýsa einhverri ógn en um leið huggun. Himintungl og sól, angist þjóða, ráðaleysi. Margt er ekki að breytast í veröldinni. Okkur verður tíðrætt um ótta og ógnir, hræðslu, kvíða, öryggisleysi.

Öryggi sem trúin vill miðla og frelsari heimsins er í miðpunkti aðventunnar, þorsti eftir von. Ekkert af þessu er nýnæmi og tengir okkur við liðnar kynslóðir. Vonarboðskapur er lífinu eins og vatn þyrstri manneskju. Og boðskapur guðspjalls dagsins í dag birti mynd af Jesú sem talar við þau sem voru beygð, hrópuðu á réttlæti, voru jaðarsett eða leitandi undir ofríki Rómverja og heimsherra þess tíma. Með þessum orðum sínum og svo mörgum öðrum leysti hann væntingar manna úr viðjum fordóma og svartsýni. Og mundi þín heimsmynd, ófrið og ógnir, breytingar. Já manstu þína heimsmynd á fermingarári. Ég man mína og vendipunkta í lífi minnar kynslóðar það ár. Kvennfrídagurinn fyrsti, vonir og söngur Víetnamstríðið tók enda eftir áratuga stríð og ótrúlega illsku. Já,stríð tóku enda en önnur urðu til. Borgarastríð hófst þetta árið í Líbanon, Falangistar, PLO og fleiri börðust og nöfnin urðu eins og heimilisföst í reglubundnum fréttum útvarps og sjónvarps. Jörðin fór sína leið þetta árið við “dunur hafs og brimgný” Súezskurðurinn opnaður, fyrsta konan leiddi Íhaldsflokkinn í Bretlandi, byrjun á örtölvubyltingu, Kröflueldar hófust, upptaktur varð til að mannréttindasáttmála fatlaðra, Shakarov fékk friðarverðlaun Nóbels, svarthvítt sjónvarp varð að lit sem enginn vildi reyndar því stundum er betra að veröldin sé í svart hvítu, eða hvað ? Hver var þín heimsmynd á fermingarári ? Það er gott að rifja upp, reyna að muna og vafalaust hefur dýptin aukist í svörum. En eins og okkar eigin fermingarmynd, þegar við undrumst og hneykslumst að hafa litið svona út þá þurfum við að muna að veröldin var í raun á þessum stað þá og ekki fyrir svo ýkja löngu síðan. Og enn óttumst við að kraftar himnanna muni riðlast, heyrum stormandi brimgný og drunur hafs, erum kvíðin og óttaslegin. En orð Krists eru: Réttið úr ykkur og berið höfuðið hátt.

Kirkjan ber boðskap aðventunnar inn í líf kynslóða og samtíma. Við lögum okkur að ljósinu, ljósi heimsins sem skín og kallar á að við réttum úr bökum okkar, væntum vors eftir vetur þegar fíkutréin í suðrinu fara að bruma. Að það komi sumar að loknum vetri. Við eigum að ganga til móts við kærleika Guðs sem sigrar allt að lokum. Það eru einu endamörkin á leið vonda óttans sem hleypir að okkur hrollkulda um kynslóðir Annarri spurningu var beint til ungmennanna og hún hljóðaði svona: “Hvað finnst þér mikilvægast um jólin? “ Og svörin voru: “Samvera og góður matur, vera með fjölskyldunni, fæðing Jesú, samvera með fjölskyldunni, gleði og jólaskap, hvíld og sættir. “ Síðasta orðið er lykilorðið að svo mörgu. Að sættast og vera sátt. Eins og skaparinn sættir veröldina við sig, biður jörðinni friðar og sköpuninni allri. “Himinn og jörð munu líða undir lok en orð mín munu aldrei undir lok líða.”

Förum með þetta fyrirheit út í lífið, um lífið og til lífsins. Að hjarta okkar slái í takt við von sem tekur frá ótta við afdrif okkar, en skapar gleði yfir að við eigum hvert annað að, kynslóðirnar og okkur birtist heimsins hjálparráð.

Úr prédikun annan sunnudag í aðventu. Irma Sjöfn Óskarsdóttir

Guðspjall annars sunnudags í aðventu er úr Lúkasarguðspjalli 21.kafla:
Tákn munu verða á sólu, tungli og stjörnum og á jörðu angist þjóða, ráðalausra við dunur hafs og brimgný. Menn munu falla í öngvit af ótta og kvíða fyrir því er koma mun yfir heimsbyggðina því að kraftar himnanna munu riðlast. Þá munu menn sjá Mannssoninn koma í skýi með mætti og mikilli dýrð. En þegar þetta tekur að koma fram, þá réttið úr yður og berið höfuðið hátt því að lausn yðar er í nánd.“Jesús sagði þeim og líkingu: „Gætið að fíkjutrénu og öðrum trjám. Þegar þér sjáið þau farin að bruma, þá vitið þér af sjálfum yður að sumarið er í nánd. Eins skuluð þér vita, þegar þér sjáið þetta verða, að Guðs ríki er í nánd.
Sannlega segi ég yður: Þessi kynslóð mun ekki líða undir lok uns allt er komið fram. Himinn og jörð munu líða undir lok en orð mín munu aldrei undir lok líða.

Alþjóðlegi mannréttindadagurinn / Hallgrímskirkja í gulum ljóma!

Tue, 10 Dec 2024 10:29:00 GMT

Hvað verður fegra fundið? / What can be more perfect?

Thu, 05 Dec 2024 12:42:54 GMT

Hvað verður fegra fundið? / What can be more perfect?

Úrval þess fjölbreytta kveðskapar sem liggur eftir sr. Hallgrím Pétursson, helsta skáld 17. aldar á Íslandi. Tvímálaútgáfa á 50 textum úr verkum skáldsins á ensku og íslensku. Hallgrímur Pétursson er þekktastur fyrir Passíusálma sína en orti kvæði og sálma af öllu tagi. Hér má til dæmis finna heilræði, bænavers, ádeilu og náttúrulýsingar, auk þekktra erinda úr Passíusálmunum.
Grétar Einarsson kirkjuhaldari Hallgrímskirkju les.

Einstök og falleg gjöf í jólapakkann!

--ENGLISH--

Hvað verður fegra fundið? / What can be more perfect?

A bilingual edition with a selection of the diverse poetry left by rev. Hallgrímur Pétursson, a leading poet of the 17th century in Iceland. He is best known for his Hymns of Passion, but he wrote poetry of all kinds. Here you can find, for example, prayer verses, satire and descriptions of nature, in addition to well-known passages from the Passion Psalms.

Grétar Einarsson church holder at Hallgrímskirkja reads.

A unique and beautiful Christmas present that will be enjoyed for years to come!

Bach á aðventunni

Thu, 28 Nov 2024 09:25:58 GMT

HALLGRÍMSKIRKJA – ÞINN STAÐUR Á AÐVENTUNNI!

Aðventa og jól í Hallgrímskirkju 2024

Mon, 25 Nov 2024 13:25:00 GMT

AÐVENTA & JÓL Í HALLGRÍMSKIRKJU

1. desember - Fyrsti sunnudagur í aðventu

11.00 Kantötumessa

Uppaf söfnunar Hjálparstarfs kirkjunnar

Biskup Íslands Guðrún Karls Helgudóttir prédikar
Prestur: Sr. Eiríkur Jóhannsson
Organisti: Björn Steinar Sólbergsson
Barokkbandið Brák og einsöngvarar
Kór Hallgrímskirkju, stjórnandi Steinar Logi Helgason

17.00 Bach á aðventunni

Flytjendur; Kór Hallgrímskirkju, Barokkbandið Brák, Halldór Bjarki Arnarson, Harpa Ósk Björnsdóttir, Hildigunnur Einarsdóttir, Bragi Bergþórsson, Fjölnir Ólafsson, Alfia Bakieva konsertmeistari, Steinar Logi Helgason stjórnandi.

7. desember – Laugardagur

12.00 Hádegistónleikar / Orgel og píanó – Ertu búin/n að Bach-a fyrir jólin?

Tómas Guðni Eggertsson, orgel
Davíð Þór Jónsson píanó

Aðgangur 2.900 kr.

8. desember – Annar sunnudagur í aðventu

11.00 Messa

Prestur: Sr. Irma Sjöfn Óskarsdóttir
Organisti: Björn Steinar Sólbergsson
Karlakór Reykjavíkur, stjórnandi Friðrik S. Kristinsson

15. desember – þriðji sunnudagur í aðventu

11.00 Messa

Prestur: Sr. Eiríkur Jóhannsson
Organisti: Steinar Logi Helgason
Vox Feminae syngur, stjórnandi Stefan Sand

19. desember – Fimmtudagur

11.00 Guðsþjónusta

Prestur: Sr. Eiríkur Jóhannsson
Organisti: Pétur Nói Stefánsson
Kvintett syngur

14.00 Ensk messa / Service in English

HALLGRÍMSKIRKJA – ÞINN STAÐUR Í DESEMBER!

Ljósaganga UN Women á Íslandi

Sat, 23 Nov 2024 21:48:00 GMT

Ljósaganga UN Women á Íslandi

Þann 25. nóvember er alþjóðadagur gegn kynbundnu ofbeldi en þann dag fer fram árleg Ljósaganga UN Women á Íslandi. Í tilefni dagsins eru margar merkar byggingar á Íslandi lýstar upp í appelsínugulum lit, þar á meðal Hallgrímsskirkja sem styður málstaðinn heilshugar.

Hallgrímskirkja – Gegn ofbeldi!

Ljósagangs UN WOMEN á Íslandi

25. nóvember kl. 17.00:

Á 10 hverri mínútu er kona myrt af einhverjum sem hún þekkir.

Ljósaganga UN Women á Íslandi fer fram mánudaginn 25. nóvember kl. 17:00, á Alþjóðlegum baráttudegi Sameinuðu þjóðanna gegn kynbundnu ofbeldi. Dagurinn markar jafnframt upphaf 16 daga átaks gegn kynbundnu ofbeldi sem UN Women á Íslandi er í forsvari fyrir ásamt Mannréttindaskrifstofu Íslands og fjölda annarra félagasamtaka.

Yfirskrift Ljósagöngunnar í ár er Á 10 mínútna fresti er kona myrt af einhverjum sem hún þekkir og mun Sólveig Guðmundsdóttir, leikkona, leiða gönguna ásamt Stellu Samúelsdóttur, framkvæmdastýru UN Women á Íslandi. Gangan hefst klukkan 17:00 við styttu Ingólfs Arnarsonar á Arnarhóli, þaðan sem gengið verður suður Lækjargötu og upp Amtmannsstíg. Göngunni lýkur á Bríetartorgi með stuttri samverustund þar sem boðið verður upp á heitt kakó.

Sem fyrr verður Harpan lýst upp í appelsínugulum lit í tilefni dagsins, en appelsínuguli liturinn táknar framtíð án ofbeldis og er litur alþjóðlegs baráttudags gegn kynbundnu ofbeldi. Þá verða Aðalbygging Háskóla Íslands og Hallgrímskirkja einnig lýstar upp við þetta tækifæri.

Um 16 daga átakið gegn kynbundnu ofbeldi

16 daga átakið gegn kynbundnu ofbeldi er alþjóðlegt átak sem hefst 25. nóvember (á alþjóðlegum baráttudegi gegn kynbundnu ofbeldi) og lýkur 10. desember, á alþjóðlega mannréttindadeginum.

Yfirskrift 16 daga átaksins í ár er Every 10 Minutes, a woman is killed. #NoExcuse. UNiTE to End Violence against Women. Árhersla átaksins er á kvenmorð (e. femicide) sem eru hrottalegasta og grófasta birtingarmynd ofbeldis gegn konum og stúlkum. Árið 2023 voru að minnsta kosti 51.100 konur myrtar af maka eða nákomnum ættingja, ein kona á tíu mínútna fresti. Tíðni kvenmorða hefur farið vaxandi á heimsvísu og ekkert ríki heims er undanskilið slíkum glæpum. Ekki einu sinni Ísland.

Á 10 hverri mínútu er kona myrt vegna kyns.

Kvenmorð eru ein grófasta birtingarmynd kynbundins ofbeldis.

86% kvenna og stúlkna búa í ríkjum sem veita ekki lagalega vernd gegn kynbundnu ofbeldi.

1 af hverjum 4 unglingsstúlkum hafa verið beittar ofbeldi í nánu sambandi.

Ekkert ríki heims er laust við kvenmorð og er Ísland þar ekki undanskilið.

Stöðvum kynbundið ofbeldi!

HALLGRÍMSHORFUR – Umræður og leiðsögn um myndlistarsýningu Hallgerðar Hallgrímsdóttur

Tue, 19 Nov 2024 12:53:37 GMT

Hallgrímskirkja lýsir skammdegið

Tue, 05 Nov 2024 12:23:00 GMT

Þegar dagarnir styttast lítum við gjarnan upp á holtið þar sem kirkjan okkar rís.
Í skammdeginu lýsir hún upp myrkrið, veitir okkur von og innri frið.

Í nóvember hefur Hallgrímskirkja verið hvít, fjólublá og í fánalitunum.

Bleik Hallgrímskirkja – lok okóber og nóvember tekur við

Thu, 31 Oct 2024 13:30:08 GMT

Bleik Hallgrímskirkja, október 2024.

Í dag er síðasti dagur októbermánaðar og á morgun; Allra heilagra messu, tekur nóvember við.
Við í Hallgrímskirkju sýnum áfram stuðning þó kirkjan breyti um lit enda má styrkja Krabbameinsfélagið allt árið: https://www.krabb.is/bleika-slaufan

Fylgist með á Skólavörðuholtinu (og hér) annað kvöld og sjáið hvaða litadýrð nóvembermánuður hefur að færa.

Myndir: Eiríkur Jóhannsson

HALLGRÍMSKIRKJA – ÞINN STAÐUR!

Sorgin í lífi Hallgríms / fræðsluerindi, þriðjudag 29. okt. kl. 12. í Norðursal

Mon, 28 Oct 2024 22:00:00 GMT

Sorgin í lífi Hallgríms

Vígsluafmæli Hallgrímskirkju og Hallgrímspassía á dánardegi Hallgríms Péturssonar / Minningarár — 350

Sat, 26 Oct 2024 17:29:20 GMT

Hvað verður fegra fundið? / Útgáfuhóf

Fri, 25 Oct 2024 12:58:06 GMT

Hvað verður fegra fundið?

Útgáfuhóf í dag, föstudaginn 25. október kl. 17 í Suðursal Hallgrímskirkju í tilefni af tvímálaútgáfunni „Hvað verður fegra fundið?“ — Tvímálaútgáfa á 50 völdum textum úr verkum Hallgríms Péturssonar á ensku og íslensku.

Valið hafa Irma Sjörn Óskarsdóttir, Steinunn Jóhannesdóttir, Svanhildur Óskarsdóttir og Margrét Eggertsdóttir, sem einnig er ritstjóri útgáfunnar.

Útgáfan er hluti af Minningarári – 350, Hallgríms Péturssonar og Hallgrímshátíð 2024.

Lokadagur Hallgrímshátíðar er dánardagur stórskáldsins, sunnudagur 27. október

Kl. 11 verður Hátíðarmessa í tilefni af vígslu Hallgrímskirkju.
Ma. frumflutt Toccata yfir Gefðu að móðurmálið mitt eftir Daníel Þorsteinsson.

Kl. 17 Hallgrímspassía Sigurðar Sævarssonar verður flutt af Kór Hallgrímskirkju, Kammersveit Reykjavíkur ásamt einsöngvurum.

Hallgrímspassía eftir Sigurð Sævarsson í Hallgrímskirkju

Hallgrímskirkja — Staður ljóða og lista!

Bleiki dagurinn, 23. október 2024

Wed, 23 Oct 2024 11:40:00 GMT

Bleiki dagurinn í dag, miðvikudagur 23. október 2024.

Á Bleika deginum berum við í Hallgrímskirkju bleiku slaufuna og erum bleik.

Hallgrímskirkja og starfsfólk lýsa skammdegið upp í bleikum ljóma fyrir allar konur sem greinst hafa með krabbamein.

Við sendum okkar stuðning og samstöðu!

Hallgrímskirkja – Staðurinn okkar!

Mynd greinar: Sveinbjörg Rósa Sumarliðadóttir (Messuþjónar í miðvikudagsmessu og sóknarprestur Hallgrímskirkju, sr. Irma Sjöfn Óskarsdóttir)
Meðfylgjandi myndir af Hallgrímskirkju: Sólbjörg Björnsdóttir og Hrefna Harðardóttir

HALLGRÍMUR Í TÓNUM!

Mon, 21 Oct 2024 18:43:20 GMT

Hápunktur Minningarárs – 350, HALLGRÍMSHÁTÍÐ, hefst á sunnudaginn kl. 17.00

Thu, 17 Oct 2024 20:52:00 GMT

Hallgrímskirkja er helguð minningu prestsins og listaskáldsins Hallgríms Péturssonar. Á árinu 2024, 27. október, eru 350 ár liðin frá dánardægri hans.
Til að heiðra minningu Hallgríms og arfleið 350 ára hefur verið boðið upp á veglega dagskrá í Hallgrímskirkju en dagskráin hófst í byrjun árs og lýkur í desember með dagskrá fyrir börn, Jólin hans Hallgríms. Dagskráin hefur verið í tónum, tali og myndlist, bókaútgáfu og fræðslu tengdri viðburðum ársins og fáum við brot af öllu í komandi viku.

HALLGRÍMSKIRKJA – STAÐUR LJÓÐA OG LISTA!

Bæn og ákall um frið frá Lútherska heimssambandinu

Tue, 08 Oct 2024 08:53:36 GMT

Biðjum um frið

Fri, 04 Oct 2024 13:54:40 GMT

Biðjum um frið og Bleikur október.

Alla mánudaga og föstudaga milli kl. 12.00-12.15 er boðið til bænastundar við kapelluna í Hallgrímskirkju. Kapellan er við Maríugluggann norðanmegin í kirkjunni og eru öll hjartanlega velkomin.

Hægt er að koma á framfæri fyrirbænarefnum í síma kirkjunnar, 5101000 eða á netfangið hallgrimskirkja@hallgrimskirkja.is

Bleikur október.
Hallgrímskirkja er lýst bleikum ljóma í október til stuðnings og samstöðu við allar konur sem greinst hafa með krabbamein.
Bleiki liturinn er táknrænn fyrir árverkni-og fjáröflunarátak Krabbameinsfélagsins þar sem sjónum er beint að baráttuni gegn krabbameinum hjá konum.

Þau sem vilja styrkja málefnið er bent á Ljósið.

Hallgrímskirkja – Staðurinn okkar!

Bleikur október / Hallgrímskirkja í bleikum ljóma!

Thu, 03 Oct 2024 10:36:31 GMT

Hallgrímshátíð / Minningarár – 350 Hallgríms Péturssonar

Sat, 28 Sep 2024 21:33:00 GMT

Fyrsta kvöldkirkja að hausti

Tue, 24 Sep 2024 12:37:00 GMT

Fyrsta kyrrðarstund vetrarins fimmtudaginn 19. september 2024

Tue, 17 Sep 2024 11:54:35 GMT

Fyrsta kyrrðarstund vetrarins hefst nk. fimmtudag 19. september.
Hvern fimmtudag kl. 12 yfir vetrartímann er kyrrðarstund í hádeginu.

Organistar kirkjunnar leika tónlist á orgelið og prestar kirkjunnar leiða stutta hugleiðingu.
Eftir stundina er boðið upp á létta hádegishressingu í suðursal kirkjunnar.

Alþjóðlegur dagur friðar er laugardaginn 21. september.

Hallgrímskirkja – Staður friðar!

Segðu frá ef þér líður illa!

Thu, 12 Sep 2024 10:49:01 GMT

Gulur september 2024 / Segðu frá ef þér líður illa!

"Gulur september er samvinnuverkefni stofnana og félagasamtaka sem vinna saman að geðrækt og sjálfsvígsforvörnum. Það er von undirbúningshópsins að gulur september, auki meðvitund fólks um mikilvægi geðræktar og sjálfsvígsforvarna, sé til merkis um kærleika, aðgát og umhyggju."

Alla mánudaga og föstudaga milli kl. 12.00-12.15 er boðið til bænastundar við kapelluna í Hallgrímskirkju. Kapellan er við Maríugluggann norðanmegin í kirkjunni og eru öll hjartanlega velkomin.

Hægt er að koma á framfæri fyrirbænarefnum í síma kirkjunnar, 5101000 eða á netfangið hallgrimskirkja@hallgrimskirkja.is

Hallgrímskirkja – Staðurinn okkar!

Langar þig að fermast í Hallgrímskirkju?

Tue, 10 Sep 2024 22:46:00 GMT

Fermingarstarfið í Hallgrímskirkju er fyrir alla sem vilja taka þátt í skemmtilegri og gefandi dagskrá, læra um lífið, menningu, kærleika og kristna trú.Ef þú ert fæddur eða fædd árið 2011 og vilt fermast í Hallgrímskirkju getur þú skráð þig hér er rafrænt til að taka þátt í fermingarstarfinu okkar.

Fermingarstarfið hefst með kynningarfundi í kirkjunni nk. sunnudag, 15. september eftir messu sem hefst kl. 11, eða um kl. 12.15

Kennt verður í litlum hópum innan og utan kirkju og farið í stuttar vettvangsferðir og lögð áhersla á samvinnu við foreldra, forráðafólk og heimili unglinganna.
Námskeið verða á miðvikudögum kl. 15.

Frekari upplýsingar gefa prestar Hallgrímskirkju sr. Eiríkur Jóhannsson og sr. Irma Sjöfn Óskarsdóttir í gegn um tölvupóst eirikur@hallgrimskirkja.is og irma@hallgrimskirkja.is
og í síma: 771 8200 og 864 0802.

HALLGRÍMSKIRKJA – ÞINN STAÐUR!

Viðburðir og safnaðarstarf í Hallgrímskirkju fram að aðventu 2024

Wed, 04 Sep 2024 10:33:00 GMT

Það má með sanni segja að það verði nóg að gera í Hallgrímskirkju í haust og fram að aðventu.

Almennt safnaðarstarf:

Messa og sunnudagaskóli - Alla sunnudaga kl. 11.00
Messa á ensku síðasta sunnudag í mánuði kl.14.00
Bænastundir í kapellunni við Maríumyndina alla mánudaga og föstudaga milli kl. 12.00-12.15
Umsjón hafa prestar og starfsfólk Hallgrímskirkju. Hægt er að koma á framfæri fyrirbænarefnum í síma kirkjunnar, 5101000 eða á netfangið hallgrimskirkja@ hallgrimskirkja.is
Morgunmessa á miðvikudögum kl. 10.00. Alla miðvikudagsmorgna er messað í Hallgrímskirkju kl. 10.00. Hópur messuþjóna sér um messurnar ásamt prestum kirkjunnar.
Kaffiveitingar að messu lokinni í Suðursal. Hjartanlega velkomin!
Foreldaramorgnar - Alla miðvikudaga kl. 10.00 - 12.00 í kórkjallara
Kyrrðarstund með tónlist og stuttri íhugun - Alla fimmtudaga kl. 12.00 - 12.30. Kaffi og létt hádegishressing í boði eftir stundina.
Handavinna - Alla laugardaga frá klukkan 10.00 - 12.00 í Suðursal. Alltaf heitt á könnunni.
Kvöldkirkja - Í haust verður Kvöldkirkjan fimmtudagana 29.09, 31.10 og miðvikudag 27.11 milli kl. 20.00-22.00 í Hallgrímskirkju.

Tónleikaröðin Haust í Hallgrímskirkju hefst næstkomandi laugardag, 7. september kl. 12 með tónleikum Guðnýjar Einarsdóttur sem flytur verk eftir tónskáldin Arngerði Maríu Árnadóttur, Báru Grímsdóttur og Þorkel Sigurbjörnsson. Þau vísa öll á einn eða annan hátt til íslenskrar náttúru sem er full af andstæðum, er bæði stórbrotin og viðkvæm. Á sama tíma hafa öll verkin trúarleg tengsl. Á tónleikunum verður frumfluttur hluti úr verki eftir Báru Grímsdóttur sem heitir Flóra. Það er skírskotun í íslensku flóruna þar sem flestar plönturnar eru lágvaxnar en einstaklega litríkar, fíngerðar og fallegar þó að margar þeirra búi við hrjóstrugar aðstæður. Nöfnin á köflum verksins eru heiti á plöntum úr íslenskri flóru sem minna á eða vísa til ritningarstaða og helgisagna og saman flétta þau blómsveig um fagnaðarerindi Jesú Krists.

DAGSKRÁ HAUST 2024 / MINNINGARÁR – 350

Sunnudagur 8. september, eftir messu í Hallgrímskirkjua um kl. 12.00
Opnun á sýningunni HALLGRÍMSHORFUR . Myndlistarsýning á verkum Hallgerðar Hallgrímsdóttur, unnin út frá lífi og list Hallgríms Péturssonar og samþætt sex kirkjustöðum sem tengjast honum. Augnablik sem veita áhorfendum aðgang að hugleiðingum um líf og list tveggja einstaklinga mjög svo ólíkra tímaskeiða þar sem Hallgrímur er fæddur á 17. öld en Hallgerður 310 árum síðar. Sýningarstjóri er Inga Jónsdóttir.

Sunnudagur 6. október
Hvað verður fegra fundið? Tvímálaútgáfa á 50 textum úr verkum Hallgríms Péturssonar á ensku og íslensku.
Valið hafa Irma Sjörn Óskarsdóttir, Steinunn Jóhannesdóttir, Svanhildur Óskarsdóttir og Margrét Eggertsdóttir, sem einnig er ritstjóri útgáfunnar.

HALLGRÍMSHÁTÍÐ 20. – 27. október

Sunnudagur 20. október
Kl. 17 Tónleikar Umbra ensemble
TVÆR HLIÐAR HALLGRÍMS
Tónlistarhópurinn Umbra mun vinna með valið efni úr bókinni „Hvað verður fegra fundið?“ en bókin er í vinnslu fyrir Minningarár Hallgríms Péturssonar - 350. Bókin inniheldur andlega og veraldlega texta eftir skáldi sem valdir voru af Sr. Irmu Sjörn Óskarsdóttur, Steinunni Jóhannesdóttur, Svanhildi Óskarsdóttur og Margréti Eggertsdóttur."
Veraldleg ljóð Hallgríms Péturssonar hafa ekki fengið mikla athygli í tónsköpun en eftir hann liggja ljóð og kvæði sem er magnaður spegill á merkilega ævi skáldsins og heimsmynd 17.aldar. Á tónleikunum er jöfnum höndum unnið með trúarleg og veraldleg kvæði Hallgrím - tónefni kemur úr nokkrum áttum, Þjóðlagasafni Bjarna Þorsteinssonar, lagboðum frá miðöldum og eigin tónsmíðum hópsins.

Þriðjudagur 23. október
Kl.12 Málþing og leiðsögn um HALLGRÍMSHORFUR , myndlistarsýningu Hallgerðar Hallgrímsdóttur.

Miðvikudagur 24. október
Kl. 20 Hallgrímsmessa
Kór Breiðholtskirkju, stjórnandi Örn Magnússon.
Sungið er messutón úr Graduale frá Hólum (1594) og inn í það fléttað sálmum meðal annars eftir Hallgrím Pétursson og Jón Þorsteinsson píslarvott. Ekkert hljóðfæri er notað við messugjörðina.

Fimmtudagur 25. október
Kl. 17:00 Útgáfuhóf í tilefni af tvímálaútgáfunni „Hvað verður fegra fundið?“ – 50 textum úr verkum Hallgríms Péturssonar.

Sunnudagur 27. október
Kl. 11 Hátíðarmessa í tilefni af vígslu Hallgrímskirkju.
Ma. frumflutt Toccata yfir Gefðu að móðurmálið mitt eftir Daníel Þorsteinsson.
Kl. 17 Hallgrímspassía Sigurðar Sævarssonar.
Flytjendur eru Kór Hallgrímskirkju og Kammersveit Reykjavíkur ásamt einsögnvurum.

Desember
Sýning á myndum Önnu Cynthiu Leplar úr Jólunum hans Hallgríms eftir Steinunni Jóhannesdóttur. Sýningarstjóri er Inga Jónsdóttir.
Heimsóknir barna og sýningar leikara á Jólin hans Hallgríms.

Hallgrímskirkja - Þinn staður!

Aðalfundur Hallgrímssafnaðar

Thu, 21 May 2020 15:44:03 GMT

Aðalfundur Hallgrímssafnaðar
Mánudaginn 19. maí kl. 17:00 2025 er boðað til
aðalsafnaðarfundar Hallgrímssafnaðar í
Hallgrímskirkju.

Dagskrá:
Venjuleg aðalfundarstörf
Sóknarnefnd Hallgrímskirkju

hallgrimskirkja

In memoriam: Jón Nordal

Nemendatónleikar tónlistardeildar LHÍ í Hallgrímskirkju dag, laugardag kl. 14:00

Íslensk orgeltónlist í brennidepli – Nýr geisladiskur Björns Steinars Sólbergssonar organista Hallgrímskirkju er kominn í hús

Diskurinn ber nafnið Íslensk orgeltónlist og spannar hann bæði eldri og nýrri verk sem endurspeglar ríka orgeltónlistarhefð landsins.

Gul og appelsínugul viðvörun á morgun 6. apríl / Weather warning tomorrow Easter Monday April 6th 2026

Viðvörun / Weather warning

Viðvörun

--ENGLISH--

Weather Warning

Verið velkomin i Hallgrimskirkju á morgun miðvikudag 1. apríl

�� Velkomin í Hallgrímskirkju á morgun ��

Viðvörun vegna veðurs á morgun fimmtudag / Weather Warning tommorrow, Thursday 26th of March 2026

Gul og appelsinugul viðvörun vegna suðaustan storms og stórhríðar á stórum hluta landsins í fyrramálið (uppfært).

Viðvörun

--ENGLISH--

Weather Warning (Updated)

Aftansöngur – Vesper í Hallgrímskirkju föstudaginn 27. mars 2026 kl. 17:00

AFTANSÖNGUR - VESPER í Hallgrímskirkju (english below) Föstudagur 27. mars 2026 kl. 17:00 / Friday 27th of Mars 2026 at 17 hrs.

Kyrravika og páskar í Hallgrímskirju 2026

Kyrravika og páskar í Hallgrímskirkju

Kirkjubygging í mótun – Kirkjubyggingar Guðjóns Samúelssonar

Síðasti fyrirlesturinn í röð fræðsluerindanna „Kirkjubygging í mótun“ í Hallgrímskirkju verður á morgun, þriðjudaginn 24. mars á milli kl 12-13.

Boðunardagur Maríu í Hallgrímskirkju / Sunnudaginn 22. mars 2026

Messa, sunnudagaskóli og kvöldsöngur með Kór Hallgrímskirkju.

Kirkjubygging í mótun – Tónheimur Hallgrímskirkju / Fyrirlestur í dag kl. 12-13

Kirkjubygging í mótun

Föstudagur 13.03.2026 – Útför Davíðs Oddssonar / Friday March 13th 2026 – Funeral of Davíð Oddsson

Vegna útfarar Davíðs Oddssonar, fyrrverandi forsætisráðherra og borgarstjóra / Due to the funeral of Davíð Oddsson, former prime minister and mayor of Reykjavík (English below)

Sunnudagur 15. mars / Kynning á nýju messuformi – Opin sálmaæfing – Messa og sunnudagaskóli

Hallgrímskirkja – Sunnudagur 15. mars 2026

Kirkjubygging í mótun - Hádegisfyrirlestur í dag 10. mars

Hádegisfyrirlestrar í Hallgrímskirkju á þriðjudögum

Þriðjudagsfyrirlestur fellur niður í dag

Í dag er Alþjóðlegur geðheilbrigðisdagur unglinga (World Teen Mental Wellness Day)

Kvöldkirkja á morgun, fimmtudaginn 26. febrúar kl. 20-22

This is a subtitle for your new post

Kirkjubygging í mótun

Hádegisfyrirlestrar í Hallgrímskirkju á þriðjudögum

Öskudagur í Hallgrímskirkju

Á Öskudag í Hallgrímskirkju fær árlega fjöldi fólks öskukross á enni og þetta er orðið að hefð.

Öskudagsmessa og öskukross / Morning Servie on Ash Wednesday

Morgunmessa á Öskudag

Minnum á foreldramorgna á miðvikudögum / Hallgrímskirkja Playgroup on Wednesday mornings from 10:00-12:00

Foreldramorgnar á miðvikudögum / Hallgrímskirkja Playgroup on Wednesday mornings

Vetrarhátíð og HyperOrgel í Hallgrímskirkju 5. og 7. febrúar 2026

HyperOrgel og Vetrarhátíð í Hallgrímskirkju 5. og 7. febrúar 2026

LAUGARDAGUR 7. FEBRÚAR

Messa, sunnudagaskóli og Myrkir músíkdagar í Hallgrímskirkju sunnudaginn 1. febrúar

Sunnudaginn 1. febrúar býður Hallgrímskirkja upp á fjölbreytta og lifandi dagskrá fyrir alla aldurshópa:

Helgihald, sunnudagaskóli, tónskáldaspjall og tónleikar.

HyperOrgel / Intelligent Instruments Lab í Hallgrímskirkju 5. og 7. febrúar 2026

HyperOrgel – MIDI - Mini - orgelhátíð í Hallgrímskirkju

Messa og sunnudagaskóli 18. janúar 2026 kl. 11 Meistari gleðinnar / Við fögrudyr – Silfur og gull á ég ekki en..

Sunnudagur 18. janúar 2026 kl. 11

Prédikunarstóllinn / 11. janúar 2026 / Þrettándamessa / Jesúbarn á flótta

Prédikunarstóllinn / Aðfangadagur 2025

Prédikunarstóllinn / Jóladagur 2026

Prédikunarstóllinn / 7. desember 2025 / Hver er það sem knýr á dyr?

Viltu syngja með? / Barnakór Hallgrímskirkju óskar eftir söngfuglum

Komdu og syngdu með!

Gleðilegt nýtt ár 2026

Jóla- og nýárskveðja frá Hallgrímskirkju 2025

Vetur & vor í Hallgrímskirkju 2026

Tónleikar í Hallgrímskirkju – Vetur og vor 2026

Streymt úr Hallgrímskirkju frá Aftansöng á aðfangadag og Guðsþjónustu á jólanótt 24. desember 2025

Gleðileg jól

Hádegistónleikar til styrktar "Hróks alls fagnaðar"

Fjórði sunnudagur í aðventu í Hallgrímskirkju

Fjölskylduguðsþjónusta, jólaball og Syngjum jólin inn!

Úthlutun hjálparstarfs 2025

Jólin hans Hallgríms í Hallgrímskirkju

Opnunartímar á milli jóla og nýárs / Opening hours for Christmas and New Year's

HALLGRÍMSKIRKJA – ÞINN STAÐUR

Ljósaganga UN Women á Íslandi 2025

Ljósaganga UN Women á Íslandi í dag, 25. nóvember kl. 17:00

Sannleikurinn – Uppástandspistill með sr. Irmu Sjöfn Óskarsdóttur

Aðventa, jól og áramót í Hallgrímskirkju 2025

AÐVENTA & JÓL í Hallgrímskirkju 2025

Prédikunarstóllinn / 16, nóvember 2025 / Móðurmálið mitt

AFTANSÖNGUR - VESPER í Hallgrímskirkju (english below)
Föstudagur 27. mars 2026 kl. 17:00 / Friday 27th of Mars 2026 at 17 hrs.

Vegna útfarar Davíðs Oddssonar, fyrrverandi forsætisráðherra og borgarstjóra
/ Due to the funeral of Davíð Oddsson, former prime minister and mayor of Reykjavík (English below)

Móðurmálið mitt
Messa sunnudaginn 16. nóvember 2025 kl. 11 á Degi íslenskrar tungu
Prédikun Sr. Eiríks Jóhannssonar prests í Hallgrímskirkju