Listir

Kórar Hallgrímskirkju eru þekktir um allan heim.
Kórar Hallgrímskirkju eru þekktir um allan heim.

Tónlistarstjórar Hallgrímskirkju

Hörður Áskelsson, kantor Hallgrímskirkju, hask@hallgrimskirkja.is, s. 693 6690.
Björn Steinar Sólbergsson, organisti Hallgrímskirkju, bjornsteinar@hallgrimskirkja.is, s. 856 1579.

Mótettukór Hallgrímskirkju

Kórinn hefur lengi verið meðal fremstu kóra Íslands og hefur unnið til fjölda verðlauna erlendis. Í september 2014 vann kórinn til þriggja gullverðlauna á Alþjóðlegri Kórakeppninni Cançó Mediterrània á Spáni þar sem kórinn vann einnig Grand Prix verðlaun sem besti kór keppninnar. Sjórnandi kórsins er Hörður Áskelsson.

Schola Cantorum

Kammerkórinn Schola cantorum var stofnaður árið 1996. Kórinn hefur flutt endurreisnar- og barokktónlist auk þess að flytja samtímatónlist. Kórinn hefur gefið út fjóra hljómdiska. Stjórnandi kórsins er Hörður Áskelsson. Sjá nánar

Myndlist í Hallgrímskirkju

Myndlistarsýningar hafa verið í kirkjunni frá því kirkjan var tekin í notkun. Flestar sýningar hafa verið í forkirkjunni en nokkrar sýningar hafa einnig verið inn í kirkjuskipinu og úti á Hallgrímstorgi. Mikill fjöldi íslenskra myndlistarmanna hefur sýnt í Hallgrímskirkju frá upphafi. Myndlistarsýningar í Hallgrímskirkju eru mest sóttu myndlistarsýningar landsins. Rósa Gísladóttir, myndlistarmaður, hefur verið sýningastjóri frá árinu 2015.

Listvinafélag Hallgrímskirkju

Félagið var stofnað árið 1982. Markmið þess er að efla listalíf við Hallgrímskirkju í Reykjavík. Allir geta orðið félagar í Listvinafélaginu óháð búsetu og þjóðerni. Nýir félagar geta skráð sig í kirkjunni eða á vefnum. Félagið skipuleggur m.a. tónlistarviðburði og myndlistarsýningar í kirkjunni. Vefur þess er á www.listvinafelag.is.