Kirkjuklukkur

Kirkjuklukkur og klukknaspil

Í turni Hallgrímskirkju eru 3 stórar kirkjuklukkur og klukknaspil með 29 bjöllum.

Klukknaspilið er hið fyrsta sinnar tegundar á Íslandi.

Kirkjan er ein þriggja í höfuðborginni sem slær tímaslög.

Klukkurnar

Stóru klukkurnar heita Hallgrímur, Guðríður og Steinunn eftir séra Hallgrími, eiginkonu hans og dóttur þeirra sem dó ung.

  • Hallgrímur

    Hallgrímur er stærsta klukkan. 


    Þyngd er  2851 kíló og hæð er 178 sentímetrar. 


    Klukkan gefur tóninn h.

  • Guðríður

    Guðríður er miðklukkan. 


    Þyngd er 1650 kíló og hæð er 145 sentímertar. 


    Guðríður gefur tóninn d.

  • Steinunn

    Steinunn er minnsta klukkan.


    Þyngd er 1155 kíló og hæð er 117 sentímetrar.


    Steinunn gefur tóninn e. 

Hvenær er klukkunum hringt

Klukkunum er hringt til að merkja almennt tímatal, messur og aðrar kirkjulegar athafnir.

  • Tímatal

    Hringt er reglulega til að merkja tímann á 15 mínútna fresti.


    Virka daga er hringt milli klukkan 9 og 21 


    Um helgar og hátíðir er hring milli klukkan 12 og 21 ef ekki er messað.


    Hringjarar, organisti og prestar velja saman lög og lagahluta sem eru notaðir sem tímamerki. 


    Klukkan Hallgrímur er notuð fyrir tímaslög á heila tímanum.

  • Messur

    Hringt er til allra almennra guðsþjónusta í þremur stigum:

    • 30 mínútum fyrir messu: 1 klukka í 2 mínútur.
    • 15 mínútum fyrir messu: 2 klukkur í 2 mínútur.
    • Fyrir upphaf messu: Samhringt í 3 mínútur. 

    Hringt er fyrir stórhátíðir: 

    • Jól, páska og hvítasunnu: Samhringt í 3 mínútur klukkan 18
    • Áramót: Samhringt í 5 mínútur

    Ekki er hringt til messu:

    • föstudaginn langa 
    • snemma aá morgni páskadags.

  • Brúðkaup

    Hringt þegar brúðhjón ganga úr kirkju að lokinni hjónavígslu. 


    Ekki er samhringt við athafnir á virkum dögum.

  • Útfarir

    Aðeins hringt einni klukku. 


    Líkhringing er eitt slag í senn og líður nokkur stund  á milli slaga. Við upphaf útfararathafnar eru hringd 3x3 slög. Líkhringing er þegar kista er borin úr kirkju. 


    Ekki er samhringt við athafnir á virkum dögum. 

  • Sérstakir viðburðir

    Hringja má utan fastrar dagskrár 

    • vegna atburða í samfélaginu
    • að beiðni kirkjulegra yfirvalda, eða
    • samkvæmt ákvörðun presta kirkjunnar. 

    Hringingar eru ekki gerðar að óformlegum beiðnum nema tilefnið sé kirkjulegs eða sérstakgs tilefnis. 


    Hringjarar sjá um sérstakar hringingar sem sóknarnefnd, prestar, organistar og félög á vegum kirkjunnar efna til.

Hlutverk hringjara

Hringjarar sjá um:

  • Viðhald: Að tryggja að klukkur og allur hringingarbúnaður sé nothæfur. Þeir leggja til viðgerðir eða nýjan búnað fyrir sóknarnefnd.
  • Miðlun: Að uppfæra efni og upplýsingar um klukkurnar og klukknaspil á heimasíðu Hallgrímskirkju og sjá um samskipti við fjölmiðla um hringingar og sérstaka viðburði sem kalla á hringingar.
  • Skipulagning: Að fylgjast með og koma með tillögur að sérstökum viðburðum til að klukkurnar syngi sem mest og þjóni sem best.

Almennt um reglur og hringingar

Hringingar Hallgrímskirkju skulu vera í samræmi við starfsreglur þjóðkirkjunnar og innri samþykktir hennar, sjá XVIII. Sé reglum breytt er varða kirkjuklukkur skulu hringjarar Hallgrímskirkju lúta þeim breytingum.

Samþykkt á sóknarnefndarfundi 12.2.2019.