Fermingar í Hallgrímskirkju

Fermingarfræðsla 2022 – 2023

Veturinn fyrir fermingu er spennandi tími í lífi unglinganna og fjölskyldna þeirra. Á mikilvægum mótunartíma býður kirkjan til samtals um trú, lífsskoðanir og hamingju. Fermingarfræðslan er opin öllum ungmennum í áttunda bekk grunnskóla.


Skráning og val á fermingardögum 

Skráning er rafræn og hægt að nálgast skráningarsíðu að baki þessari smellu.

Í fræðslunni er lögð áhersla á fjölbreytilega og skemmtilega kristnifræðslu með samtölum, leik, og upplifun. Lögð er áhersla á vináttu, virðingu og víðsýni í fræðslunni. Ungmenninn taka þátt í nokkrum fjölskylduguðsþjónustum. Farin er ævintýraferð í Vatnaskóg. Kennt verður um grundvallaratriði kristinnar trúar og íslenskan menningararf.

Dóm- Nes- og Hallgrímskirkja verða með sameiginlegt fermingarnámskeið sem fer fram í Neskirkju sem stendur frá 15.-18. ágúst nk. 

Námskeiðið:

  • Kynningarfundur: Sunnudaginn 14. ágúst kl. 20:00
  • Námskeið: Mánudaginn 15. – fimmtudagsins 18. ágúst kl. 10 – 15
  • Grillveisla kl. 19.30 á fimmtudagskvöldinu, 18. ágúst

Þann 9.-11. september er helgarferð í Vatnaskóg.

Yfir veturinn eru svo reglulegir viðburðir með börnum og foreldrum.

Ferðin í Vatnaskóg er fyrir öll fermingarbörn.

Verð fyrir fræðsluna er kr. 35.000,- og er þar innifalið: Kennsla, fæði, námsgögn og ferð í Vatnaskóg 9. – 11. september.

Fermingardagur í Hallgrímskirkju 2023
Sunnudaginn 16. apríl kl. 11:00.

Nánari upplýsingar veita djákni og prestar Hallgrímskirkju.

Nokkur þekkingaratriði: Kanntu þetta? Nokkrar stiklur sem fermingarungmenni kunna og skilja. Smellið hér.

Fermingarungmenni velja sér minnisvers fyrir fermingarathöfn. Þau mega velja sér það biblíuvers sem er þeim hugstæðast. Til að auðvelda þeim valið er hægt að nota lista minnisversa og að baki þessari smellu er einn slíkur listi.