Samtal við prest

Viltu tala við prestinn?

Hjá prestum kirkjunnar er hægt að sækja sálgæslu fólki að kostnaðarlausu. Prestar starfa samkvæmt faglegum sjónarmiðum og siðareglum presta en eru ekki meðferðaraðilar. Viðtöl við presta geta tengst sorgarferli eða áföllum, hjónaerfiðleikum, trúarglímu eða tilvistarspurningum. Þegar þörf þykir getur prestur gert tillögu um úrvinnslu mála eða meðferð. Hægt er að panta viðtöl í gegnum síma eða með því að senda póst á s@hallgrimskirkja.is eða irma@hallgrimskirkja.is. 

  Irma Sjöfn 

 Sr. Irma Sjöfn Óskarsdóttir er sóknarprestur Hallgrímskirkju frá 1. apríl 2023. Hún vígðist árið 1988 og starfaði í Seljakirkju frá 1988 til   ársins 2001.

Irma lauk mastersprófi í fjölmiðlasiðfræði við Edinborgarháskóla 1993. Hún starfaði sem verkefnastjóri á Biskupsstofu frá 2001 og sinnti afleysingum í Garðaprestakalli á Akranesi, sem héraðsprestur í Reykjavíkurprófastsdæmi vestra og sem prestur í Hallgrímssókn á árunum 2007-2014. 

 Hafa samband við Irmu Sjöfn: 7718200 eða irma@hallgrimskirkja.is

Sigurður Árni

Sigurður Árni Þórðarson var sóknarprestur Hallgrímskirkju til 31. mars 2023. Hann er guðfræðingur frá HÍ og Ph.D. í trúarheimspeki og guðfræði frá Vanderbiltháskóla í Bandaríkjunum. Hann hefur verið rektor Skálholtsskóla, fræðslustjóri þjóðgarðsins á Þingvöllum og verkefnastjóri á Biskupsstofu, prestur í Vestur-Skaftafellssýslu, Suður-Þingeyjarsýslu og Neskirkju í Reykjavík. Sjá nánar um feril og fræði að baki þessari smellu. Prédikanir eru aðgengilegar á síðu Sigurðar Árna að baki þessari smellu og á kirkjan.is – síðu þjóðkirkjunnar – að baki þessari smellu. Greinar og pistlar eru aðgengileg að baki þessari. 

Hafa samband við Sigurð Árna: 8622312 og s@hallgrimskirkja.is.