Fréttir af safnaðarstarfi: Desember 2022

Æskulýðs- og friðarguðsþjónusta

Fjöldi fólks fékk kross á enni í Hallgrímskirkju í dag. Þrjátíu og tvö voru í morgunmessu í kór kirkjunnar. Ekki aðeins var gengið til altaris heldur voru öll signd með öskukrossi. Eftir messu stóðu svo prestar kirkjunnar og kirkjuverðir við kórtröppur og tóku á móti ferðafólki sem kom í kirkjuna. Mörg þeirra þekktu táknmál öskudags, að öskukrossinn er ekki aðeins tákn iðrunar heldur minnir á fagnaðarerindið um Jesú Krist. Djúp kyrrð myndaðist í kirkjunni. Þegar fólk hafði gengið fram og notið helgiþjónustunnar settist fólk gjarnan, bað og íhugaði. Tár sáust á hvörmum nokkurra. Mörg stoppuðu við ljósberann, kveiktu bænaljós og skrifuðu bænir og skildu eftir. Önnur tendruðu friðarkerti. Hvort sem fólk er íslenskt eða kemur að utan er það pílagrímar á lífsferð. Þau sækja í helgidóminn – og í dag fóru mörg þeirra með kross á enni.

Fjöldi fólks kemur í Hallgrímskirkju á hverjum degi og tendrar kertaljós og biður fyrir öllum þeim sem líða vegna stríðs í Úkraínu. 

Jesús og Pútín hafast ólíkt að. Jesús fór í friði og vildi hjálpa fólki. Ferð hans var til að leysa vanda. Engir herir, engin fórnarlömb. Hann var sjálfur farvegur friðarins. Föstuferð Pútíns er alger andstæða. Jesús fór ekki til að spilla valdi eða efna til átaka. Pútín fer með eldi og neyðir fólk til ofbeldis og hlýðni. Hann sendir fólk í dauðann og beitir ofríki gagnvart nágrönnum sínum, fullvalda frændsystkinum og drepur þau ef þau hlýða ekki túlkun hans. Jesús gerði sér grein fyrir að ferð hans til Jerúsalem gæti endað með skelfingu. Hann hafnaði að sölsa undir sig með valdi heldur fór leið friðarins. Prédikun Sigurðar Árna Þórðarson á sunnudegi í föstuinngangi, 27. febrúar, 2022.

Kvöldkirkja sunnudagskvöldið 27. febrúar kl. 20-22. Íhugun á heila og hálfa tímanum. Tónlist: Kira, Kira. Friðar- og bæna kerti tendruð.

Rússar hafa ráðist inn í Úkraínu. Friðarathöfn verður í Hallgrímskirkju kl. 18. Kveikt verður á friðarkertum. Allir geta fengið kerti og kveikt á friðarljósum. Lesinn verður friðartexti, leikið verður á orgel kirkjunnar og klukkuspilið í turni hennar. Við innrás og stríð er mikilvægt að veita sterkum tilfinningum í farveg orða og tjáningar. Að kveikja friðarljós í Hallgrímskirkju er gjörningur í þágu friðar. Við getum líka kveikt friðarbál þjóðarinnar með því að kveikja ljós í gluggum húsa okkar. Hallgrímskirkja verður opin til kl. 19, fimmtudaginn 24. apríl.

Guðsþjónusta 20. febrúar kl.11 Biblíudagurinn

Maður sem tekur Jesú Krist alvarlega getur ekki leyft sér að trú að lífið sé leiðinlegt. Kristindómur bannar mönnum ekki að gagnrýna og greina milli góðs og ills. Þvert á móti. En kristnin bannar mönnum, að loka augunum fyrir fegurð, möguleikum, nýsköpun og gleði og að Guð er frábær. Kristnin er átrúnaður gleðinnar en ekki depurðar.

Nágrannar okkar og ferðaþjónusta á Skólavörðustígnum, Guide to Iceland, birtir fjölda glæsilegra mynda á vef sínum og samfélagsmiðlum. Fyrir nokkrum dögum var þessi himinmynd af Hallgrímskirkju á facebook-vef fyrirtækisins. Við fengum leyfi til að birta hana á vef Hallgrímskirkju. Á henni sést að hún var tekin þegar vetrarhátíð var haldin í Reykjavík, snjór var yfir öllu og mikið af bílum var á holtinu. En myndin opinberar vel hina fallegu hönnun lóðar kirkjunnar sem Ragnhildur Skarphéðinsdóttir og Ögmundur bróðir hennar unnu. Sporaskja, egg, tákn um hið nýja. Mynstrið á Hallgrímstorgi, unnið úr keltneskum fyrirmyndum, hefur heillað marga. Þegar myndin af himnum birtist á vef Guide to Iceland vakti hún mikil viðbrögð og margir ferðamenn tjáðu hrifningu sína og sögðu álit sitt á kirkjunni og hvað áhrif hún hafði. M.a. voru þessi viðbrögð: Garry Delday: Incredible piece of architecture, as stunning inside. Took 41 years to build but they got it right. Peggy Johnson Kessel: One of my favorite places on earth. My husband & I visited for our 25th. anniversary. Hallgrímskirkja is as beautiful inside as it is on the out. And quite a breathtaking view of Reykjavik & beyond from the tower too!