Velkomin í Hallgrímskirkju

Staðsetning

Hallgrímstorg 1
101 Reykjavík
ÍslandHallgrímskirkja

Hallgrímskirkja stendur á Hallgrímstorgi á Skólavörðuholti, þar sem landið rís hæst í miðborginni. Hún er helsta kennileiti Reykjavíkur og sýnileg víða að.

Turn kirkjunnar var lengi hæsta bygging á íslandi og þaðan er víðfeðmt útsýni yfir Reykjavík, fjöllin í kring og út á hafið í átt að Grænlandi og norður-ameríku.

Skólavörðustígur, sem liggur upp að kirkjunni er ein líflegasta gata borgarinnar, þar sem finna má kaffihús, verslanir, gallerí og margt fleira.

Höggmyndasafn og garður Einars Jónssonar er við suðvestur horn torgsins.

Kirkjan er í stuttri göngufjarlægð frá miðborg Reykjavíkur og er einnig aðgengileg með almenningssamgöngum eða bíl.

Hallgrímskirkja er lifandi kirkja með mikið helgihald og öflugt tónlistastarf sem endurspelgast í miklu tónleikahaldi kirkjunnar.

Umhverfið sameinar byggingarlega tign og glæsileika og sterka staðartilfinningu, rótgróna í hjarta borgarinnar en um leið tengda víðáttum íslensks landslags.

Aðgengi

Kirkjuskipið er að fullu aðgengilegt hjólastólanotendum.

Lyfta veitir aðgang að 8. hæð turnsins þaðan sem hægt er að fara upp á 9. hæð sem er opið útsýnisrými.

Útsýnispallur á 9. hæð er aðeins aðgengilegur með því að fara upp tröppur en er því miður ekki aðgengiegur hjólastólum.

Kristni hefur verið við lýði á Íslandi allt frá fyrstu tíð, jafnvel áður en landnám hófst á 9. öld. Elstu landnemarnir voru keltneskir, kristnir munkar sem leituðu einveru, en þeir hurfu þegar norrænir landnemar komu til landsins um árið 830. Meðal norrænu landnemanna voru einnig kristnir menn.

Á Alþingi árið 1000 var kristni samþykkt sem þjóðartrú, ákvörðun sem kom í veg fyrir trúarlega borgarastyrjöld. Íslenska kirkjan var hluti af rómversk-kaþólsku kirkjunni fram á miðja 16. öld, þegar kenningar Martin Luther voru innleiddar með tilskipun Danakonungs, sem þá ríkti yfir Íslandi.

Þjóðkirkja Íslands er evangelísk-lúthersk og um tveir þriðju hlutar Íslendinga tilheyra henni.

Hallgrímskirkja er bæði þjóðarminnismerki, helguð einu þekktasta sálmaskáldi Íslands, Hallgrími Péturssyni, og sóknarkirkja í miðborg Reykajvíkur með öflugu safnaðar- og tónlistarlífi. Hún er stærsta kirkja landsins og gnæfir yfir miðbæ Reykjavíkur.

Í kirkjunni er einnig stærsta pípuorgel Íslands. Turninn er 73 metra hár og býður upp á víðáttumikið útsýni yfir Reykjavík, fjöllin í kring og hafið til vesturs í átt að Grænlandi og norður-ameríku.

Turninn er meðal fjölsóttustu ferðamannastaða Reykjavíkur. Kirkjan var byggð á árunum 1945–1986 og söfnuðurinn er hluti af evangelísk-lúthersku þjóðkirkjunni á Íslandi.

Hallgrímur Pétursson (1614–1674) er þekktasta trúarskáld Íslands. Hann fæddist á bænum Gröf á Höfðaströnd árið 1614. Þegar hann var enn á barnsaldri flutti faðir hans að biskupssetrinu á Hólum í Hjaltadal þar sem Hallgrímur hlaut menntun. Um tíma var hann lærlingur í járnsmíði í Kaupmannahöfnen en hætti þeirri iðn og stundaði nám við Vor Frue Skole á árunum 1632–1637. Þar kynntist hann Guðríði Símonardóttur, sem hafði verið í þrældómi í Alsír. Hallgrímur og Guðríður sneru aftur til Íslands þar sem Hallgrímur varð prestur á Hvalsnesi á Reykjanesi og síðar í Saurbæ í Hvalfirði. Hann lést árið 1674.

Hallgrímur er einkum þekktur fyrir Passíusálmana, röð 50 hugleiðinga um píslargöngu Krists, samdir á árunum 1656–1659. Sálmarnir eru almennt taldir meðal sígildra verka íslenskra bókmennta. Vers úr þeim hafa fylgt Íslendingum í meira en þrjár aldir. Þeir eru lesnir í Ríkisútvarpinu á föstunni og í mörgum kirkjum á föstudaginn langa. Í Hallgrímskirkju hafa þeir verið lesnir frá árinu 1988. Passíusálmarnir hafa verið þýddir á níu tungumál, meðal annars dönsku, norsku, þýsku, hollensku og ungversku. Ný ensk þýðing á ensku eftir Gracia Grindal kom út árið 2019.