L'Ascension eftir Messiaen / Orgelandakt í Hallgrímskirkju á uppstigningardag
14.maí 2026 -14.maí 2026
Klukkan:
Orgelandakt í Hallgrímskirkju á uppstigningardag
Fimmtudaginn 14. maí 2026 kl. 11:00
Björn Steinar Sólbergsson, organisti Hallgrímskirkju, flytur L'Ascension eftir Olivier Messiaen – stórbrotið og andlegt meistaraverk í fjórum þáttum sem lýsir himnaför Krists.
Sr. Irma Sjöfn Óskarsdóttir les lestra á milli kaflanna.
Tónleikarnir fara fram á uppstigningardag, helgum degi sem verk Messiaen fangar á áhrifamikinn og dýrmætan hátt.
Aðgangur ókeypis – öll hjartanlega velkomin
HALLGRÍMSKIRKJA – ÞINN STAÐUR
--ENGLISH--
Ascension Day Organ Concert at Hallgrímskirkja
L'Ascension by Olivier Messiaen
Thursday May 14th at 11hrs.
Björn Steinar Sólbergsson, organist at Hallgrímskirkja, performs L'Ascension by Olivier Messiaen – a sublime, spiritual masterpiece in four movements depicting the Ascension of Christ.
The concert takes place on Ascension Day, a sacred occasion that Messiaen’s music reflects with profound intensity and reverence.
Priest: Rev. Irma Sjöfn Óskarsdóttir
Free entry – all are welcome
Björn Steinar Sólbergsson er organisti og tónlistarstjóri Hallgrímskirkju í Reykjavík. Hann kennir jafnframt orgelleik við Tónskóla Þjóðkirkjunnar og Listaháskóla Íslands.
Björn Steinar stundaði tónlistarnám við Tónlistarskólann á Akranesi og í Tónskóla þjóðkirkjunnar í Reykjavík. Framhaldsnám á Ítalíu hjá James E. Göettsche og í Frakklandi við Conservatoire National de Region de Rueil Malmaison hjá Susan Landale þar sem hann útskrifaðist með einleikarapróf í orgelleik (Prix de virtuosité) árið 1986.
Hann starfaði sem organisti við Akureyrarkirkju í 20 ár. Björn Steinar hefur haldið fjölda einleikstónleika hér heima, á öllum Norðurlöndunum, í Evrópu og Norður-Ameríku. Hann hefur leikið einleik með Sinfóníuhljómsveit Íslands, Sinfóníuhljómsveit Norðurlands, Sinfóníuhljómsveit Stavanger og The Cleveland Institute of Music Orchestra. Hann hefur hljóðritað fyrir útvarp og sjónvarp og á geislaplötur, meðal annars öll orgelverk Páls Ísólfssonar hjá Skálholtsútgáfunni og orgelkonsert Jóns Leifs hjá útgáfufyrirtækinu BIS.
Björn Steinar Sólbergsson
Björn Steinar við Frobenius
