Fréttir

Maður sem tekur Jesú Krist alvarlega getur ekki leyft sér að trú að lífið sé leiðinlegt. Kristindómur bannar mönnum ekki að gagnrýna og greina milli góðs og ills. Þvert á móti. En kristnin bannar mönnum, að loka augunum fyrir fegurð, möguleikum, nýsköpun og gleði og að Guð er frábær. Kristnin er átrúnaður gleðinnar en ekki depurðar.

Nágrannar okkar og ferðaþjónusta á Skólavörðustígnum, Guide to Iceland, birtir fjölda glæsilegra mynda á vef sínum og samfélagsmiðlum. Fyrir nokkrum dögum var þessi himinmynd af Hallgrímskirkju á facebook-vef fyrirtækisins. Við fengum leyfi til að birta hana á vef Hallgrímskirkju. Á henni sést að hún var tekin þegar vetrarhátíð var haldin í Reykjavík, snjór var yfir öllu og mikið af bílum var á holtinu. En myndin opinberar vel hina fallegu hönnun lóðar kirkjunnar sem Ragnhildur Skarphéðinsdóttir og Ögmundur bróðir hennar unnu. Sporaskja, egg, tákn um hið nýja. Mynstrið á Hallgrímstorgi, unnið úr keltneskum fyrirmyndum, hefur heillað marga. Þegar myndin af himnum birtist á vef Guide to Iceland vakti hún mikil viðbrögð og margir ferðamenn tjáðu hrifningu sína og sögðu álit sitt á kirkjunni og hvað áhrif hún hafði. M.a. voru þessi viðbrögð: Garry Delday: Incredible piece of architecture, as stunning inside. Took 41 years to build but they got it right. Peggy Johnson Kessel: One of my favorite places on earth. My husband & I visited for our 25th. anniversary. Hallgrímskirkja is as beautiful inside as it is on the out. And quite a breathtaking view of Reykjavik & beyond from the tower too!

Vetrarhátíð í Reykjavík hófst 3. febrúar. Verkið Ofbirta var sýnt á Hallgrímskirkju.

Allt barna- og æskulýðsstarf í Hallgrímskirkju hefst á ný.

Lífið í Hallgrímskirkju breytist frá og með 1. febrúar. Helgihald hefst að nýju, litríkt og fjölbreytilegt starf fyrir alla aldurshópa, tónleikar, kóræfingar, kyrrðarstundir, bænastundir og fræðsla. Kirkjulífið hefur verið í vetrarhléi frá því um áramót vegna sóttvarnareglna. En nú verður allt opnað og við getum komið saman í hliði himinsins. Verið velkomin í Hallgrímskirkju. Kirkjan er opin alla daga frá kl. 10-17.

KFUM&K félögin á Norðurlöndum rækta samband og samvinnu. Árlega hittast framkvæmdastjórar samtakanna. Í ár var fundurinn haldinn á Íslandi. Og þau komu við í Hallgrímskirkju.

Bátsferðin í óveðri. Jesús svaf en var vakinn til að bjarga.

Sóttvarnarreglur hafa verið rýmkaðar og helgihald gertur hafist að nýju í Hallgrímkirkju. Sunnudaginn 30. janúar verður helgistund í kirkjunni kl. 11. Guðspjall dagsins verður lesið og lagt út af því. Bænastund verður í lok stundarinnar. Enginn kór eða organisti verða í athöfninni en væntanlega margir englar! Frá og með 1. febrúar hefst hefbundið helgihald í kirkjunni, kyrrðarstundir og tónleikar. Verið velkomin.

Guðsþjónustur og tónleikar falla niður í Hallgrímskirkju þar til annað verður ákveðið og tilkynnt. Biskup Íslands hefur óskað eftir að fólki verði ekki stefnt til kirknanna til opinbers helgihalds vegna COVID-19. En Hallgrímskirkja er opin frá kl. 10-17 alla daga. Hægt er að koma í kirkjuna til bæna, íhugunar, kyrrðarstundar og einnig panta samtal við prest.

Stutt hugleiðing út frá fyrri ritningarlestri dagsins.