Fréttir af safnaðarstarfi

Kveikjum friðarljós

Rússar hafa ráðist inn í Úkraínu. Friðarathöfn verður í Hallgrímskirkju kl. 18. Kveikt verður á friðarkertum. Allir geta fengið kerti og kveikt á friðarljósum. Lesinn verður friðartexti, leikið verður á orgel kirkjunnar og klukkuspilið í turni hennar. Við innrás og stríð er mikilvægt að veita sterkum tilfinningum í farveg orða og tjáningar. Að kveikja friðarljós í Hallgrímskirkju er gjörningur í þágu friðar. Við getum líka kveikt friðarbál þjóðarinnar með því að kveikja ljós í gluggum húsa okkar. Hallgrímskirkja verður opin til kl. 19, fimmtudaginn 24. apríl.

Guðsþjónusta og barnastarf 20. febrúar kl.11 Biblíudagurinn

Guðsþjónusta 20. febrúar kl.11 Biblíudagurinn

Guð er Bonus

Maður sem tekur Jesú Krist alvarlega getur ekki leyft sér að trú að lífið sé leiðinlegt. Kristindómur bannar mönnum ekki að gagnrýna og greina milli góðs og ills. Þvert á móti. En kristnin bannar mönnum, að loka augunum fyrir fegurð, möguleikum, nýsköpun og gleði og að Guð er frábær. Kristnin er átrúnaður gleðinnar en ekki depurðar.

Himinmyndin

Nágrannar okkar og ferðaþjónusta á Skólavörðustígnum, Guide to Iceland, birtir fjölda glæsilegra mynda á vef sínum og samfélagsmiðlum. Fyrir nokkrum dögum var þessi himinmynd af Hallgrímskirkju á facebook-vef fyrirtækisins. Við fengum leyfi til að birta hana á vef Hallgrímskirkju. Á henni sést að hún var tekin þegar vetrarhátíð var haldin í Reykjavík, snjór var yfir öllu og mikið af bílum var á holtinu. En myndin opinberar vel hina fallegu hönnun lóðar kirkjunnar sem Ragnhildur Skarphéðinsdóttir og Ögmundur bróðir hennar unnu. Sporaskja, egg, tákn um hið nýja. Mynstrið á Hallgrímstorgi, unnið úr keltneskum fyrirmyndum, hefur heillað marga. Þegar myndin af himnum birtist á vef Guide to Iceland vakti hún mikil viðbrögð og margir ferðamenn tjáðu hrifningu sína og sögðu álit sitt á kirkjunni og hvað áhrif hún hafði. M.a. voru þessi viðbrögð: Garry Delday: Incredible piece of architecture, as stunning inside. Took 41 years to build but they got it right. Peggy Johnson Kessel: One of my favorite places on earth. My husband & I visited for our 25th. anniversary. Hallgrímskirkja is as beautiful inside as it is on the out. And quite a breathtaking view of Reykjavik & beyond from the tower too!

Ofbirta á Hallgrímskirkju

Vetrarhátíð í Reykjavík hófst 3. febrúar. Verkið Ofbirta var sýnt á Hallgrímskirkju.

Sunnudagaskólinn og fleira hefst á ný!

Allt barna- og æskulýðsstarf í Hallgrímskirkju hefst á ný.

Gleðilegt vormisseri - af krafti!

Lífið í Hallgrímskirkju breytist frá og með 1. febrúar. Helgihald hefst að nýju, litríkt og fjölbreytilegt starf fyrir alla aldurshópa, tónleikar, kóræfingar, kyrrðarstundir, bænastundir og fræðsla. Kirkjulífið hefur verið í vetrarhléi frá því um áramót vegna sóttvarnareglna. En nú verður allt opnað og við getum komið saman í hliði himinsins. Verið velkomin í Hallgrímskirkju. Kirkjan er opin alla daga frá kl. 10-17.

Norrænir KFUM&K í Hallgrímskirkju

KFUM&K félögin á Norðurlöndum rækta samband og samvinnu. Árlega hittast framkvæmdastjórar samtakanna. Í ár var fundurinn haldinn á Íslandi. Og þau komu við í Hallgrímskirkju.

Kvíði - ótti – uggur og trú

Bátsferðin í óveðri. Jesús svaf en var vakinn til að bjarga.

Guði sé lof - guðsþjónustur að nýju!

Sóttvarnarreglur hafa verið rýmkaðar og helgihald gertur hafist að nýju í Hallgrímkirkju. Sunnudaginn 30. janúar verður helgistund í kirkjunni kl. 11. Guðspjall dagsins verður lesið og lagt út af því. Bænastund verður í lok stundarinnar. Enginn kór eða organisti verða í athöfninni en væntanlega margir englar! Frá og með 1. febrúar hefst hefbundið helgihald í kirkjunni, kyrrðarstundir og tónleikar. Verið velkomin.