Fréttir

Við buðum fermingarungmennum og fjölskyldum þeirra í kvöldmat miðvikudaginn 29. janúar. Fyrst var byrjað með fræðslu í Norðursalnum og svo var haldið í Suðursal til máltíðar. Samverunni lauk í kirkjunni. Og af því aðalrétturinn er góður og nokkur spurðu um uppskriftina er hún hér að neðan. Laxaflak bein- og roðflett og skorið í hæfileg...

Í gær, þriðjudaginn 28. janúar kom sr. Kristján Valur Ingólfsson, fyrrum vígslubiskup í Skálholti í heimsókn til okkar og hélt námskeið. Námskeiðið var fyrir starfsfólk Hallgrímskirkju, messuþjóna og sóknarnefnd og kallaðist: Um samkomur safnaðarins og þau sem þar þjóna. Námskeiðið gafst vel og var lærdómsríkt.  

Fimmtudaginn 30. janúar kl. 12 er kyrrðarstund. Sr. Irma Sjöfn Óskarsdóttir hugleiðir og Björn Steinar Sólbergsson organsti leikur á orgelið í kyrrðarstundinni. Eftir kyrrðarstund verður seld súpa og brauð á vægu verði í Suðursal. Allir velkomnir.

Foreldramorgnar eru í kórkjallaranum alla miðvikudagsmorgna kl. 10 – 12. Á dagskránni miðvikudaginn 30. janúar: Palli/Pálinuboð og skiptimarkaður. Kríli, krútt og foreldrar eru hjartanlega velkomin! Umsjón: Kristný Rós Gústafsdóttir, verkefnastjóri- og djákni og Ragnheiður Bjarnadóttir, tónmenntakennari.

Árdegismessa Miðvikudaginn 29. janúar kl. 8 Sr. Irma Sjöfn Óskarsdóttir messar ásamt messuþjónum. Morgunmatur eftir messu. Kjörin leið til þess að byrja daginn snemma! Allir hjartanlega velkomnir.

Þriðjudaginn 28. janúar kl. 10.30 – 12 er fyrirbænamessa í kórkjallaranum. Á morgun mun sr. Irma Sjöfn Óskarsdóttir leiða stundina. Hægt er að senda inn fyrirbænir með því að hringja í kirkjuna s: 510 1000 milli kl. 9-17. Kaffisopi eftir stundina. Verið velkomin.

Þorrablót Kvenfélags Hallgrímskirkju verður haldið fimmtudaginn 30. janúar kl. 19 í suðursal kirkjunnar.   Hefðbundinn Þorramatur, söngur, gleði og gaman. Góð samvera er gulli betri. Sagt verður frá ferðalagi til Ísrael og Jórdaníu ásamt öðrum skemmtilegum upplestri.  Verð: 4.000 kr.   Vinsamlegast skráið ykkur hjá...

Á mánudögum kl. 12:15 leiðir Sigrún Ásgeirsdóttir bænastund í hádeginu. Stundin er hægra megin við altarið hjá myndinni af Maríu. Allir velkomnir.

Vers vikunnar: Ef einhvern mann í ykkar hópi brestur visku, þá biðji hann Guð sem gefur öllum örlátlega og átölulaust og honum mun gefast. Jabobsbréfið 1.5 Kæru vinir og viðtakendur. Efni fréttabréfsins: - 3 nýjir æskulýðshópar - Kyrrðarstund - Kvöldkirkja - Messa og...