Fréttir

Fundir um ástarransóknir. Samvinnuverkefni Hallgrímskirkju og Ástarrannsóknafélagsins. Fundir í Suðursal Hallgrímskirkju á miðvikudögum

Við getum orðið föst í kyrruviku lífsins, misst sjónar á hve dramatískt lífið er, farið á mis við að skoða möguleika í lífi okkar og lífshætti. Við getum tamið okkur lokaða heimssýn í stað opinnar. Við getum orðið föst í einhverri sprungu föstudagsins langa eða lokast á laugardegi og aldrei upplifað páska. Páskarnir eru opnun, að horfa upp, komast upp úr byrginu, að sjá að bjargið sem hefur verið okkur farartálmi eða fyrirstaða er farið og hefur verið velt frá. Okkur getur jafnvel lánast að sjá engil sitjandi á grjótinu. Boðskapur hans er: Jesús er ekki hér, hann er farinn, hann er farinn á undan ykkur, farin heim!

Sigurður Skúlason las Passíusálma Hallgríms Péturssonar í tólfta en síðasta sinn opinberlega föstudaginn langa 2022. Lestur Sigurðar var hrífandi, skýr, flæðandi, látlaus, efnislega merkingartúlkandi og persónulegur. Það fór ekki fram hjá neinum að Sigurður las og túlkaði með innlifun og skilningi. Hann virti átök Hallgríms við söguefni píslarsögunnar, innlifaðist tengslagetu skáldsins við ástvininn Jesú Krist og túlkaði djúpglímu manneskjunnar Hallgríms við Guð, menn, mál og líf. Það er klassíkin í Passíusálmunum.

Verk Jesú var guðsríkisgjörningur. Dagurinn var og er ekki laugardagur, þvottadagur líkamans. Skírdagur er dagur til að hreinsa lífið, skíra andann, sýna eðli trúarlífsins og til hvers Guðsríkið er.

Af hverju er allt tekið af altarinu í kirkjunni á skírdagskvöldi? Af hverju er altarið nakið föstudaginnlanga og allt fram á páskamorgun? Í Hallgrímskirkju sem og mörgum kirkjum heimsins er Getsemanestund á skírdagskvöldi. Eftir sálmasöng eru ljósin slökkt í kirkjunni, prestur afskrýðist hökli og síðan er lesinn texti í 14 kafla Markúsarguðspjalls um för Jesú til Getsemanegarðs. Slökkt er á altarisljósunum. Ljósastjakar, kross, bækur, vasar og dúkur eru borin fram. Þegar altarið hefur verið strípað er í Hallgrímskirkju borið fram Pelíkanaklæði Unnar Ólafsdóttur. Það er mynd fornrar sögu um pelíkana sem gaf ungum sínum af blóði sínu til að þeir mættu lifa. Þá sögu túlkuðu trúmenn aldanna sem táknsögu um að Jesús Kristur fórnaði líf sínu til að bjarga mönnum og heimi. Pelíkanaklæðinu er komið fyrir við altarið og blasir við söfnuðinum allt til páskamorguns. Þá er það borið í skrúðhús og dúkur og allir altarismunir eru bornir í kirkju til að fagna að dauðinn dó en lífið lifir. Þegar klæðinu hefur verið komið fyrir við altarið eru fimm rauðar rósir lagðar á altarið og blómin eru tákn um síðusár Jesú Krists.

Á pálmasunnudegi ættum við að leggja niður okkar eigin pálma og eigin blekkingar og opna augun fyrir djúpmálum lífsins. Nú hefst tími íhugunar á lífsdrama kristninnar sem eiginlega er um okkur, líf okkar og val. Ekkert okkar er án vanda og áfalla, en sagan er þó um að lífið er gott, Guð er nærri og sagan endar gæfulega. Af hverju er tré í kirkju?

Fimmtudaginn 7. apríl síðastliðinn skrifaði Reykjavíkurborg undir samning við Hallgrímskirkju um að taka þátt í fjármögnun á innsetningu eftir Ólaf Elíasson sem ráðgert er að verði bæði á 8. og 9. hæð í turni kirkjunnar sem stundum eru nefndar útsýnishæðirnar. Reykjavíkurborg greiðir Hallgrímskirkju samtals 20 milljónir króna í styrk sem deilist niður á þrjú ár. Dagur B. Eggertsson borgarstjóri og Sigríður Hjálmarsdóttir , framkvæmdastjóri Hallgrímskirkju, skrifuðu undir samninginn.

Ég spurði móður mína einu sinni hvort hún hefði einhvern tíma fengið svo lítið að borða í uppvextinum að hún hefði svelt. Hún svaraði neitandi og sagðist vera af fyrstu kynslóð Íslendinga sem hefði ekki einhvern tíma soltið. En foreldrar hennar hefðu oft verið svöng. Og afi og amma pabbamegin hefðu soltið líka. Hún minnti mig svo á að það væri...

Bænatréð í Hallgrímskirkju er fullnýtt. Komufólk í Hallgrímskirkju biður gjarnan bænir og bindur garnspotta á bænatréð í mismunandi litum og í samræmi við bænirnar. Bænatré eru gjarnan í Hallgrímskirkju á föstunni fyrir páska. Nú er búið að binda svo marga spotta á tréð að fleiri komast varla fyrir. Tréð hefur verið við inngang kikjunnar en í dag fluttum við tréð upp í kór. Þar verður það næstu vikur. Brumin á bænatrénu, sem er birkitré, eru byrjuð að springa út. Birkilaufin eru sýnileg eins og svar af hæðum við öllum mismunandi og litríku bænunum. En hvað með bænir þeirra sem koma í kirkjuna næstu vikur? Fá þau ekki tækifæri til að tákna bænir sínar með því að hengja litríka spotta á bænatré? Jú, ef einhver er svo gjafmildur að gefa Hallgrímskirkju nýtt tré! Er 2,5-3 metra hátt birkitré í garðinum þínum sem langar til að fara í kirkju? Vilt þú gefa það kirkjunni til að það þjóni sem bænatré. Ef svo er hafðu samband við okkur. Síminn er 510 1000.